البحث عن مكينة في تشاليح جدة للسيارت ( تشليح الحمدانيه )
Вставка
- Опубліковано 4 жов 2024
- وصلت عند اكرم حياكم الله اشترك معي بالقناة علشان نبقى على تواصل اكثر
الفيديو اليوم عملت جولة في تشليح الحمدانيه في جدة والبحث عن مكينة لاند كروزر فكسار 470 نفس مكينة لكزس 470
اذا حبيت الفيديو اعطينا اعجاب ولاتسنى تعليق منك يدعمني حتى لوكان نقد او نصيحة
وعندي سناب شات:
/ akram.kanbar
وانستقرام :
/ akram.kanbar
ههههه المشكلة سئلت على كل الخرد المصديه والمستورده الي الكل نصحك فيها تعدي من جنبها ولا فكرت تسئل عنها وتدور شكلك يابو خالد غاوي شحططه في التشاليح والورش براحتك بس انهلكنا وحنا ننصحك بالمستورد وعن تجربه واغلب التعليقات تقولك خذ مستورد وانت اذن من طين واذن من عجين تروح تلفلف تقلب في المصدي والي زيته مهرب وطالع والتكلفه هي نفس الشي يعني رايح تشتري مكينه مصديه بنفس قيمة الجديدة المستورده عموما تحياتي لك اخر مره اعلق على موضوع السياره لاني تعبت وانت ماتسمع النصايح تحياتي 🌹
😁 اتفق معك 👍
يمكن غشيم الرجال مايعرف وين تباع دلوه على الاماكن اللتي تبيع المستورد ياهل جده
قصتك عجيبة مع المكاين
والله صدقت
هههههه ... جزاك الله خير
السلام عليكم ورحمة الله وبركاته. انتيه ابو خالد روح لمحلات المكائن فقط استيراد ياباني مع التركيب والضمان ومكينتك القديمه أعلن عنها في موقع حراج تجيب لك قيمه احسن ماتبيعها رجيع
روح قويزة عند محل ابو فهد وأمثاله هم اصل المكاين المستوردة في المملكة كلها ولهم فروع في مناطق الجمله
انتبه يابوخالد.. اذا مكينتك مافيها مشكلة بس ضعف عزم بسبب حجمها خليك عليها افضل لا تفتح لك ابواب وأمور انت في غنى عنها.. بعد فترة اطلع للأمارات الشارقة تحصل مكاين نظيفة جدا ويركبونها لك في نفس الوقت على ٢٠٠٠ ريال..
الاسعار وحده ومافيها فرق ونفس الشىء مكينه 430 على 5000 درهم في الامارات اسعارها من 1500 درهم لين 5000 درهم ال430 استيشن 8 ولا استيشن لكزس 4.7 من 15 الف درهم لين 25 الف درهم
@@king_alhosani666 اوف.. الي اعرفه ان اسعار مكاين اللكزس رخيصة.. والسيارات بشكل عام..
وش يوصله للامارات 😅
النظيف موجود في كل مكان لكن هو الله يهديه معتمد على اللي يبيع
طبيعي اي شخص ببي يمدح بضاعته
أخي ٤٣٠ ممتازه يركبوها على النياسين الفتك والربع وعزمها افضل من ٤٧٠ القديم لان ٤٧٠ زادوا عزمها لموديلات ٢٠٠٦ و ٢٠٠٧
والله من الجهل ياحبيبي 4.7 غالية حتى بالامارات تراها الى 2010 نفسها
روح قويزه فيها مكاين مستورده بيعطوك على الضمان ومع التركيب لو صار فيها شي هم مسؤلين عنها 👍🏻
نصيحه اذا مكينتك ماشيه ولا فيها مشاكل خليها لاتغيرها لأن مكينته 470 تصرف بنزين بشكل مرعب
خليك على مكينتك ولا توجع رأسك ب بضاعة التشاليح
أصبر إلين تجمع لك قرشين وتبيع اللي معك وتشتري سيارة أجدد
و بالتوفيق
انتبي يابو خالد كلهم يعرفو بعض عصابه يتفقو عليك كلهم يتصلو على بعض سارت معايه
اكثر عمال التشاليح مايخافون الله اسعارهم نار
لاتستعجل على تغير الماكينه بدورلك واحد يشبكك الحساسات وكاله بدون ما توجع راسك وترتاح بس اصبر وبأذن الله الشباب بيساعدونك برضو
خذ مستورد مع التركيب والضمان ممشاه يكون أقل
المحلي غالباً بيكون ماشي 400 او 500 وفوق يعني مستهلك
خذ مكينة مستوردة يكون ممشاها قليل هذي المكاين اكلتها الشموس وممشاها عالي عمرها قليل
ابوخالد كتبت ردين وتختفي لكن روح لقويزه الحرازات هناك تحصل محلات بيع المستورد
في ورشه بشارع الحج بمكه عنده مكاين مستورده نظيفه اسعارها معقوله ويعطي ضمان خذتلي وحده قبل ٤ سنوات ولله الحمد للان المكينه ممتازه
ايش اسم الورشة لاهنت؟
@@ABD_84 ان ماخاب ظني اللمسه الاحترافيه او شي كذا احسن شي ان الرجال اللي فيها امين صراحه قلت لاخرب عندي شي مابروح الا عنده ولله الحمد ٤ سنوات ماطبيت الورش مع اني ساكن بجده لكن لو بروح مابتعداه
*10:11** ضمان او بدون ضمان حلوه ذي هههههههههههههههههههههههههههههههههههههههههههههههههههههههههههههه ابو خالد لازم تجيب احد يفهم بالمكائن عشان م تصير مثل سالفتك اول والله ان شريتها م عاد يعرفونك*
قاله 5 ونص بضمان و 4 ونص بدون لكن الظاهر انه لخبط
أبو خالد ذكرني بواحد متمسك بأفكاره وصعب يقتنع لين ما ياكلها ويقول صح
ما يعطي وقت بالتعليم يعطي وقت بالتجربه وهذي مصيبه وقد قلتله قبل
عادي يخرب ويقول تعلمت بس يتعلم لا يقدس التجربه وهذي مصيبه لأن اذا ما تعلم ما راح يوصل أسرع ويتفادى أخطاء أكثر ويرتاح أكثر
ما افهم في السيارات صراحه ولكن ماقول غير ربي يسخرلك الناس الطيبه الي ماتتحايل عليك بالسعر والشغل ويسر امورك كلها ياررررب ، بالتوفيق يارب
بارك الله فيك شاكر ومقدر كلامك الطيب
ياراعي القناه انت انسان طيب والناس اللي تابعك راغبه لك بالخير لا طنش الكومنت اقراء وشوف التعليقات اهل الخير كثار وناصحينك شوف كلامهم وحاول تواصل معاهم بالنهايه اذا ماعندك خبره كافيه في هذي الامور راح تتعب وتخسر مبالغ كبيره وخاصه الموديل القديم ينهب نهب شوف اهل الخبره واللي مجربين هالسوالف عندك في التعليقات تلقاهم شاورهم وخذ منهم العلم والمستورد انظف وافضل شي بالسوق 👌💯
رايح اعطيك نصيحه ذهب 🪙🥇🥇
You need to change the spark plug
2-and the whole wire for the spark plug
2-change the differential fluid
4-check the transmission fluid
انصحك تأخذ مكينة مستوردة ياباني، صار لي نفس مشكلتك وحست كثير غيرت من التشاليح وما كملت معايا ستة أشهر ورجعت أخذت مكينة مستورة بنفس السعر والحمد لله لها معايا أربع سنوات الله يكتب لي فيها البركة وموفق أخي أبو خالد
لا تستعجل وشوف مراكز البرمجة على الداينو تبع السيارات الرياضية واسأل عن برمجة المكينة تبعك ممكن برمجتها ورفع اداء المحرك الى مستوى افضل ممكن يكون يحل فبل ما تشتري محرك وانت عندك محرك نضيف ماشاء الله ، وبالتوفيق لك
مر دائما على ورش تصليح تليوتا تحصل عندهم مكائن نظيفه ويضمنوها مع التركيب والرجيع .
وكان الله في عونك .
يأبو خالد نصيحه شوف المناطق الجنوبية متوفر المكاين تشليح والقطع عشان اكثرهم يستخدمون تايوتا بكثره وتلقاها رخيصة
الله يكون في عونك... نصيحة خل مكينة سيارتك حتى ولو كانت ضعيفة... احذر كثير من التشاليح..
يا هلا والله منور يا اكرم
عسى ربي يوفقك ويبارك لك في الجيب 🌹🤍
من باب تجربة سيارة تشريها وتسبب تدخلك التشليح بيعها ... النصيحه يلي لو كنت مكانك بسويها بيع الجيب وزيد شوي وخوذ سيارة جاهزه وانت بيدك قرارك .
مراتب الجيب نظيفة ما شاء الله. احرص تضع عليها "مرطب" للجلد عشان ما يخرب مع حرارة الصيف وتحافظ عليه فترة طويلة. فيه شركات نفس مغواير عندهم منتجات تحصلها عند الزينة او ساكو
يا اكرم اسمع كلام السوري اشتري اي فيش و ركبه ووصله بالكهرباء وبتعمل الميكنة معاك احلى مايكون لان حساس الكمبيوتر داخل المكينه عندك برا فقط مدخل الفيش ركب فيش توليف ووصله للكهرباء وبيشتغل معك الكمبيوتر
هذه التجربة باقي ماعملتها كنت أبحث عن افياش لكن تفاجأت بالسعر 😅
اخوي اكرم الطيب لازم سياره كانت ٦ سلندر من الوكاله وبدلة المكينه الى ٨ سلندر ....ماتعرف أنه الجير يفرق يجي قير صغير وقير كبير سواء بتماتيك ولا العادي .....وبنسبه 430 كويسه ومقاربه لجير ٦ سلندر اذا ركبت 470 راح تدخل في تبديل الجير ودفرنس ....فخلك على مجنونك لا يجي أجن منه....ونتمنى لك توفيق وممكن من اهل الخبره يصححولي اذا انا غلطان
اخ اكرم أزوّدك بمحل بجدة يوفر جميع الأفياش نفس الوكالة مع العازل والأسلاك بجميع المقاسات وجوده ممتازة
@@saadsaad-gg3jwسيارته وكاله 8 سلندر ترا الامريكي مايجي الا 8 سلندر
@@akram_kanbar لا تبالغ وتقول عزم مع الطلوع لأن أغلب السيارات ما تطلع بالطلعات وتضعف ومع الطلوع وانت مو محتاجها وأشوف اللي سويته كفايه ولا تفكر فيها مره ثانيه
ومع الطلوع استخدم القير العادي والنمر اتوقع نسيتها بس للضرورة
خذ مستورد. جيب لكسز. نفس الموديل. وريح راسك.
اذ بتاخذ التشاليح. نادرا بتحصل. فيكسار
ابو خالد رجل يوضح الغلا م طبيعي
بارك الله فيك
ابو خالد تقراء تعليقات ولا ايش الناس من رمضان تنصحك ابعد عن تشاليح روح قويزة محلات المستورد خذ مستورد انظف وخذها مع تركيب لا تخسر فك وتركيب والأفضل تروح مركز ممتاز لا تخسر فلوسك على ورش وصيانات فاضية إذا مكينتك سليمة وتحتاج بس صيانه افهم ابعد عن قطع تشاليح نصب وكلها مضروب
اخي اكرم شوف لك مستوردة معى التركيب وضمان شهر مكينه كامله بحساساتها وبجميع اغراضها لاتروح للتشاليح فيه مراكز معتمده دور عليها لاتستعجل
انتبه ابو خالد ⭕️ اذا اشتريت اشتر المكينة راكبة جاهزة ، علشان لا تخسر مبالغ طايلة ، والاكيد بياع التشاليح راح يقول لك نظيفة وشد بلد وبالضمان ، لكن لا تسمع لهم اغليهم نصابين الا من رحم الله
الله يفرج عليك وبيسر امرك ويبشرك بمايسرك ويجعل الخير والفلاح في كل امورك
للتذكير ابو خالد البيع المشترى و
البحث عن سلع يحتاج الى ذكاء
1 لا تبين له احتياجك في السلعه او تقول ما لقيت الا عندك او تمدح السلعه يستغلك في السعر يدري
باحتياجك اسئله مباشره مثال كم سعر المكينه هذه ضمانه كم شهر لا تروح بثياب رسميه الاستعانه بصديق او صاحب المهنه والمفاوضه في الاسعار مثال القطع قال هذه 100 قل 70
يبو خالد بيع السيارة وريح راسك اسمع الكلام وظبط مكيف اليارس اذا كانت معك بدل الخساير
ما تنفع اليارس سيارة صغيرة على العائلة والرجال يحتاج سيارة كبيره عائلية
@@alatife3322 سيارة صغيره تكرمه ولا سيارة كبيره تذله
ابو خالد نصيحة مجرب لا تاخذ مكينه من التشاليح ابدا اذا تبغى مستورد كلمني وانا اعطيك رقم كذا واحد و مكائن على الشرط
السلام عليكم خذ مكينه من المستورد احسن مليون مره اشتيري بون رجيع خلي مكينتك عندك
ياخي اشتري مستورد ياباني افضل
ابو خالد نصيحه اطلبها من اليابان افضل وارخص واضمن من المستعمل اللي كله تهريب زيوت ومشاكل صدأ
فيه في ابها تشليح السلام من اكبر التشاليح في الجنوب وعندهم مكاين واجد ومضمونه
والله يعوضك بخسايرك اخي الفاضل مجرد نصيحه من محب
مكينتك لو تبيعها بموقع حراج بتجيب 5500 اذا انباعت تشتري بفلوسها مكينه لسيارتك مع التركيب ويبقى معك 500 ريال تمنيت اني بجدة راح اسنع امورك
افضل ماكينة
الموجودة فى السيارة المصدومة
الافضل تشترى السيارة بالكامل
التمنى لك التوفيق ابوخالد🌹😎
اعطيكم السيناريو من الآخر في تشاليح الحمدانيه
1- يبيعك المكينه و يقلك على الشرط
2- تركبها و تطلع خايسه
3- ترجع له يقول لك بعد ما تناحله طيب رجعها
4- ترجعها له و تحس انك سويت الي عليك و بالنهايه خسران وقت و تعب و بنزين و اجرة التركيب
5- لو تنطنط و تشتكي ما ينفعك لا الفاتورة الي صاحبها مجهول و لا شي
6- الفرق بينها و بين المستورد حول ال1500 و 2000 ( تحس انك كسبان صح ) المعذرة يا صديقي بتدفع الفرق في الصوف و طرمبة الموية و تهريبات الثلاجة خلال ال6 شهور الاولى من تركيبها
7- يدك على قلبك اذا بتسافر ( في هذي اللحظة بالتحديد ودك تدفع 2000 و تتطمن )
انصح بالمستورد النظيف من بائع نظيف
هذا الكلام ينطبق على اغلب أعمال الميكانيك للأسف من تجربتي
وانا بدوري رح اشوف المستورد
نصيحة لوجه الله،،، إسأل بتشاليح القصيم بريدة على طريق الربيعية،،، لو تبغى أصغر أو أكبر مسمار في المكينة
من امتع المقاطع استمر في السلسلة جميلة
سلام كلمتك من اول قلتلك روح عند ميز ورشة منيف النهدي بجده وريح بالك.تشليح البلادي .الدمام دور عنده
يا ابو خالد نصيحتي لك بيع الجيب والسياره الصغيره واشتر ايسوزو عمارتين ديزل نظيفه بترتاح من البنزين وسياره اعتماديه وتحمل عليها
نصيحه ي ابو خالد الجيب اكل فلوسك بيعه الله يعوض عليك اذا صار معاك تحسن في الماده اشري سياره انا مثلك حاليا عندي فان جمس وكل يوم وانا في ورشه
الله يعينك
تزين الأمور ان شاء الله
مافي نيه للبيع قبل ليكون جاهز
نصيحه يا ابو خالد لا تشتري اي مكينه مكذوبه السياره بها لان السياره اذا انقلبت تخلط المكينه ميه مع الزيت مع البنزين وتتعب في تصليح فحص النقط وكاله وريح راسي❤❤❤❤
المكينه الي راكبه على الجيب المصدوم احسها كويسه
السلام عليكم نصيحتي لك دور مستودر واذا تبغى تركب تشليح اهم شي مع التركيب عشان لا قدر الله فيها مشكله ترجعها عالضمان وبكذا ماخسرت تركيب
اول مكينة اعتقد انظف مكينة تبعت الجيب المقلوب الباقي سكراب
نصيحه مني لا تاخذ مكينه من تشليح
خليك ع مكينه 430
لحد ما تروح الشارقه هناك محركات نظيفه وارد يابان أسعارهن من 2500 ال 4000 بس محرك عسل
صعب اروح الشارقة حالياً
@@akram_kanbar نصيحه مني خلك ع محرك سيارتك لحد ما تحصل نظيف
كل محركات ف مقطع تعبانه بامانه.. وسعرهن فوووووق
روح تشليح قويزة وشوف الاختلاف بمعنى الكلمة
لا تعدل لان مو مضمون يضبط التعديل ولكن الحل الوحيد تروح قويزه وتحصل مع الضمان والتركيب
ي بو خالد ..
انصحك بالمستورد ..وابعد عن وجع الرأس ..تحياتي لك
يابو خالد عندك في جده في قروب حق تطعيس عندهم مرهمات تواصل معهم اكيد عندهم ورش يتعاملون معها
وبعدين انتبه تشتري من التشليح سكر في ماء
في قروب في اليوتيوب مختصين في الي تبغا وعندك في جده
الله يباركلك في رزقك وبتوفيق
نصيحه يا ابو خالد ابعد عن التشليح ولو تعدل على المكينه اللي عندك افضل صرت عارف امورها احسن من تاخذ وحده وما تدري تمشي معك او لا
تكاليف التعديل أغلى من المكينه 😁
نصيحه : جوفلك قاراج هو بنفسه يجيب ماكينه ويركب عشان تضمن بكره لو صار شي بالمكينه هو يتحمل
اما اذا انت جبت ماكينه بكره لو صار شي انت اللي بتتحمل مسؤليه
انت كسبان فلوس فك وتركيب و وقت
خذ اول مكينة عند السوداني باين نضيفة من الحرة الاولى المكينة ماعليها زيوت السيارة مقلوبة فقط خذها ونت مغمض
تشليح الحمدانيه مدري يحسبونا دلوخ ولا إيش يعطيك سعر أعلئ من القطعه جديده من قطع الغيار يحسبون الزبون شيك ماشي مادرو إن الناس اللي ظروفها ماتسمح يظطرون عالمستعمل بحجة السعر ينزل للنص ويتفاجؤن إن السعر أغلئ
جديد افضل طبعا
مستغلين حاجة الناس خلهم يتعلمو من تشاليح الشارقة الامارات قطع نضيفة ورخيصة
@@Asad-oq6tj شارقه مو من رخصة وسفره غاليه ومكلفه + هناك ناس تجار
فعلا رحت لهم ابغا قطع كورولا حسيت معايا لكزس 😂 وقطع الغيار والله اصلي وسعرها معقول جدا جدا
نعم كلامك صحيح لمى رحت التشاليح اتفاجئت بالأسعار أسعارهم مثل الوكاله وأكثر شويه ولا زالو على نفس الموال فقمت اشتري من الوكاله او من قطع الغيار المضمونه
عاوز اقلك انك لجأت للخيار الصعب. غير بواجي ونصف علبه البيئه ونصف حساسات وغير زيوت وفلاتر وعربيتك ترجع بعزم قوي. فتحي من مصر
حاول تشوف طريقه تقوي عزم المكينه بلاش تغير مكينه وترجع من ورشه اللي ورشه. إذا مره مره خذ مستورده مع ضمان تركيب❤
المستورد افضل بكثير
ابو خالد بالنسبة للمكينة تبعك لا تعطيها التشاليح تقدر تبعها برا تجيب لك سعر طالما هي شغاله يجيك زبون يجربها ويشتريها وهو مطمن وابحث في موقع حراج سوف تجد احد عنده جيب لكزس يبيعها فطع
يابو خالد إلى قال لك ألتشليح بدون تركيب المكينه أبعد عنه لأنه لو حصل فيها مشكلة يحط المشكلة على الى ركبها لك ويخلى مسئوليته
لازم ترجع تتفاوض مع الرجال اللي اخذ المكينة القديمة حاول معاه انك تاخذ المكينة لو تعطيه فارق سعر المهم مكينتك القديمه رجعها اذا قدرت هذا افضل حل وتوضبها ، ماعرف التفاصيل راحت رجيع ولا الموتر كان بدون محرك من الاساس
عزيزي من خبرتي اي مكينه اي سياوه تكون من عام ٢٠٠٠ اعرفها لو هي نظيفه راح توضبها خلال وقت قصير لانه استهلك عمرها غير وقفتها بالتشليح والترسبات داخل المحرك لذالك مشكله مكينتك الحاليه الاكيد حساس واتوقع بسبب تبديل نظام الكهرباء للمحرك القديم للجديد الاضعف الحل تغيرها باللي لها وتنتهي مشكلتك واخير بالتوفيق
يعني اللي بدل مكينه سيارتك بدل المكينه ولفق لها حساسات غير حساساتها الصحيحه علشان كذا تكتم معك سيارتك اذا عطيتها بور عالي 😚
سبحانك اللهم وبحمدك اشهد ان لا اله الا انت استغفرك واتوب اليك ...ٖ.ُ
انا معاي واحد مثله غير حساسات العزم بيفرق كثييير لان المكينه نظيفه حرام تتغير
فعلا انا اخذت مستورد ياباني وعاشت معي ٣سنوات وبعت السياره وهي حالتها جيده
مستورد وارفع يدك وارتاح ،، ولامكينه راح عمرها وقد انفكت ووضبوها واسلاكها كلها تالفه وشبعانه من الغبار والشمس والامطار
سلام .ياابو خالد وسع سدرك ومالك ومال الخساير انت رجال لا تروح مقناص ولا غيره وفر فلوسك يجي يوم تحتاج الله لا يحوجك....... اذ كنت مصر ع المكينه شف القصيم بريده اتوقع ارخص ربي يوفقك
ابوخالد ابحث في القوقل او اليوتيوب عن مكائن مستورده افضل من التشاليح ويجي عليها ضمان واترك التشاليح والنصب الي فيها ومكاينهم تخوف واسعارهم مرتفعه
التشاليح لازم الحذر
ورح ابحث عن المستورد ان شاء الله
يابو خالد يا عمي مالك ووجع الراس ليش تاخد مكينة لكزس وتختلف الحساسات وبالتالي اخطاء بالكمبيوتر ومشاكل مالها اول ولا اخر خذ نفس مكينتها وموديلها لاند كروزر وريح راسك
لاحول ولاقوة الابالله العلي العظيم ادعو لي بالشفاء وجزاكم الله خير الجزاء
نصيحه لاتفرط في مكينه 430 خلهاء عندك ايذاء ناوي تنزلهاء ماتعرف يمكن تحتاجهاء
الله يعينك المكاين تحتاج واحد خبير حنا ناخذها ولاندري عن نظافتها انت وحضك ـ
نصيحة لا تغير المكينة طالما السيارة ماشية معك لأنك اذا اخذت مكينة اكبر سوف تكون صرفية البنزين اكثر
نصيحه يابو خالد شوف لك محل استيراد مكاين من برا افضل واحسن لك نصحوك الشباب بالتعليقات بالمستورد بصراحه تاخذ شي نظيف و ترتاح بالمره
ريح ،راسك واشتري من اللي يبيع مستورد استخدام ياباني وركب عند اللي تشتري منه مع ضمان
هل يوجد معاهم سوزوكي سويفت 2006 جيربوكس تماتيك كامل مع الكمبيوتر والمجموعة كاملة الله يخليك
اذا حصلت مكينه شف عداد السياره كم ماشيه
اذا يقدر يشغل لك الطبلون العداد من 250 وتحت ممتاز الى 300 الف بالكثير
بعض المكاين تنقص او تبخر او فيها حراره
او ضاربتها حراره ماتصحا ابد
نصيحه ركب لكزز مكينه موديل 2004 لين 2007
انا مجرب عندي 2000 وارد امريكي ركبت لكزز 2005
الفارق كبير عزم
ابو خالد متابعينك لهم حق عليك نصحوك في المستورد بس وجهه نظري الماكينه الاكبر تصرف بنزين وانت عندك عائله بيع الموتر اشتري امريكي رخيص قطع غيار لاندكروزر غالي خذ فورد ابعد عن الجمس والتاهو يشرب بنزين خذ
استكبشن 2011 فوق 8 سلندر قوي مريح ولا يصرف بنزين شكل عصري افحص كمبيوتر قبل الشراء
ابو خالد او تاخذ مكاين من المستورد افضلك روح قويزه تحصل نظيف
ان شاء الله اروح قويزة
ابوخالد بيع الجيب راح تصلح مكينه وبعدها قير نصيحه بيع الجيب وخذ لك جيب اصغر
يجي وقت وابيعه بسعر مناسب
يابو خالد خذ مكينة البلد 6 سلندر حقت جي اكس ار او في اكس ار 8 سلندر وريح راسك ليش الترهيم ووجع الراس
حسين عبدالغني يدور قطع غيار 😂
تختلف الفكسار عن اللكزس الكزس تقنياتها اكثر
نصيحه خذ مستورد مستعمل غير مفكوكه ماهي مجدد السيارات اليابانيه يكون ممشاها قليل واجوائم بارده
المكينة من التشليح موديل قديم شوى ماننصحك تاخذها موديل حديث ممكن
النصيحة بجمل ، ابعد عن تشاليح الحمدانية سكر في مويه انتبه دور على راحتك لا تستعجل .واسعار مبالغ فيه
صارت لي نفس قصتك في اليمن كان معانا جيب امريكي ٩٣ شروكي وعلق الجير ما يغير ونصحوني ابدله او اعمره من جديد وتحت مشروع ما كان ضروري والقطع غير متوفره في اليمن ولا خيره في تعمير الجيرات الامريكيه ومن تشليح الى تشليح الى ان بعنها قطع
اخي ابو خالد دير بالك تركب مكينه من التشليح دير بالك كلو حديد مصدي في محلات يبيعو مكاين بقويزه مستورده وعليها ضمان شي نظيف ومضمون حتا لو اغلا ب ٥٠٠او ١٠٠٠بامكان تبدل تعطيهم الي عندك وتاخد من عندهم وهما بيفكو وبيركبو اضمن لك نصيحة لا تخليهم يلعبو لك بسيارة بتشليح كلو حديد مصدي
حياك الله أخي
ان شاء الله بمر قويزه واشوف المستورد واسعاره
@@akram_kanbar ورا قاعة السلطان في محلات كتير وانشالله بتلاقي انشالله
بعض حقين التشليح مايعرفو السعار واغلا من الوكاله
نصيحه خلهم هم يركبونها عشان لو صار فيها شي هو يتحمله ويعطيك ضمان اقل شي ٣٠يوم
يابو خالد كم مره اخذت لك قرصة وعرفت الوضع كيف مع النصابين والشغل اللي مشي حالك انصحك تصبر وتزود فلوس تنفعك وتريحك على المدى البعيد وتشوف مكينه مستوردة تضمنها او تشوف مكينتك الجيدة اللي انت عارفها وتضبطها عند ناس ثقة ماهو اي احد تاخذ منه والله كان ودي ادلك على احد بس ماعندي خبره بهذا الموضوع تحياتي لك
كلامك صحيح وانا حالياً ابحث عن شي نظيف ورح شوف المستورد ان شاء الله
@@akram_kanbar الله يوفقك ياحبيبنا وغالينا ابو خالد ❤️
ابو خالد تواصل مع شركة GTT
وشوف عندهم نفس مكينة او لا الميزه عندهم مكينة اصفار ويعطون ضمان عليه شوف ان حصلة عندهم وكم