أسرار جديدة عن مسلسل ريا وسكينة.. ماجدة زكي خافت من عبلة كامل وفاروق الفيشاوي رفض دور "عبدالعال"

كواليس مسلسل ريا وسكينة. نادية الجندي ونبيلة عبيد كانوا أبطاله لكن مسكوا في بعض قدام المؤلف فجاب مكانهم عبلة كامل وسمية الخشاب
تبدأ الحكاية لما كان مؤلف مسلسل ريا وسكينة مصطفى محرم قاعد مع الفنانة نادية الجندي وبيقرأ لها سيناريو المسلسل وكان عاجبها جدا، وفجأة قالت نادية الجندي: أنا عجبني دور سكينة جدا.
فسكت مصطفى محرم وحس أنه في ورطة وقالها: بس دور ريا أفضل عليكي لأنها شخصية قوية وانتي ملامحك كده، فحسيت نادية الجندي أن فيه سر وبصيت له وقالت له: صحيح نبيلة عبيد عمالة تقول في الجرايد انك متفق معاها تعمل قدامي دور سكينة الكلام ده حقيقي ولا هي بتقول كده وخلاص.
ارتبك مصطفى محرم لأنه عارف أن نادية الجندي مش بتحب نبيلة عبيد فرد وقالها: اه عرضت، فجأة اتوترت نادية الجندي وقالت له: ليه مقولتش لي من الأول، فقالها: ده هيبقى أفضل انتاجا انتي ونبيلة لأول مرة المسلسل هينجح.
فجأة وقفت نادية الجندي وزعقت وقالت له: هو انا ليه مضطر ارجع نبيلة عبيد تاني للساحة أنا دلوقتي النجمة هي واقعة بقالها سنين ليه أرجعها على كتافي مش همثل المسلسل ده.
وقتها كان مصطفى محرم في أزمة كبيرة ففكر مين تمثل دور سكينة، فقرر وقتها يكلم فيفي عبده اللي وافقت فورا ، لكن لما راح مصطفى محرم وقال لنبيلة عبيد أن نادية الجندي اعتذرت عن الدور ومكانها فيفي عبده قلبت وشها وقالت له: انا امثل مع هشك بشك يا مصطفى انا نبيلة عبيد والكلام ده وصل لفيفي عبده اللي اخدت قرار محدش يتوقعه.
#ريا_وسكينة
#عبلة_كامل
#سمية_الخشاب
#فيفي_عبده

[@dodolilly8383]

احلا فريق للعمل بالكامل ومتفصل عليهم جميعا .

[@moufidalakhlef2088]

احسن ثنائي هو عبلة كامل وسمية الخشاب

[@midoatef200]

شاءت الاقدار ان يتم العمل مثلما رأيناه . قدر ربنا 🎉

[@ayatmey6020]

بس في مصدر بيقول ان شركة الإنتاج صممت علي سمية الخشاب لان شركة الإنتاج كانت ام بي سي و سمية كانت مرتبطة بحد سعودي و ده كان سبب رفض محمد خان.

[@user-mu7lv2ux1b]

لا اولا عبله كامل لا ولا ممسله تقدر تبدع في الدور لريه زي عبله وكذلك سميه هما ابدعوا لدرجه انهم وصلو للناس انهم اخوات حقيقي وان هما ريه وسكينه الحقيقيين ولو اتعمل اي فلم او مسلسل اي كان ممسلاته لدور ريه وسكينه حيفشل والمقارنه فاشله

[@munomaribrahim96]

دور سمية لايق على شخصيات زي معالي زايد / اناصار / فيفي عبده .. لكن دور ريا ابدعت فيه عبله كل مشهد يدرّس .

[@مرادكريمو-ك2ل]

دلال عبد العزيز و معالي زايد انسب اتنين بعد عبلة كامل لكن سمية عملته حلو بردو

[@Saed-e5n]

اذا كان عبلة وسمية كبار عالشخصيات فمابالك نادية ونبيلة وفيفي.

[@الحمدللهربالعالمين-ك1ز]

غرور علي الفاضي

[@زيادايمن-ه2س]

كان هيبقى احلا لو كان عبله كامل مع فيفي عبده

[@ياسمينعبدالله-ف9ق]

انت نسيت اهم فقرة بان الهام شاهين وافقت على دور سكينة وانسحبت قبل اسبوع من التصوير لان جالها مسلسل تاني دور بطولة وبعد نجاح مسلسل ريا وسكينة هي بكت