علي فكره ممكن تدخل الكليه ال بتحلم بيها لإنها مش خير ليك وممكن تدخل كليه مش كانت في بالك اصلا وتكون ناجح ومن الأوائل فيها ومحدش عارف الخير فين بس ال نعرفه ان ربنا بيختارلنا الخير💗.
السلام عليكم ورحمة الله وبركاته، نداء إلي كل مدرس و مسؤول، عايزين نظام التحسين يرجع تاني (اللي هو بمعني إن لو الطالب نجح وجاب درجة وحشة بس نجح له الحق يعيد السنة بمزاجه كـ تحسين للمجموع) عشان في ناس كتير تعبت وذاكرت السنة كلها وجابت درجات وحشة وحاسين بظلم كبير وناس متعرفش عن المنهج جايبين مجاميع فوق الـ90 ٪، ده غير الامتحانات اللي اتسربت والغش اللي بيحصل وفساد ما بعده فساد، وحسبي الله ونعم الوكيل. بالله عليكم وصلوا صوتنا، بالله عليكم وصلوا صوتنا، بالله عليكم وصلوا صوتنا، أنتم أملنا بعد ربنا سبحانه وتعالي في إن صوتنا يوصل، ويارب يفرح كل طالب ثانوية عامة تعب واجتهد. بالله عليك يا دكتور تقف معانا.
@@user-nz3ec7zu7gوالله يسطا انا ما شفت غش غير الطبيعي مثلا تسأل اللي قدامك او اللي وراك واللجنة معظمها جايبة حاجة وتمانين، انا جبت ٩٣ ومغشتش ولا كلمة وحققت عادي
مديرة مدرسة .. أيقظت أبنها لصلاة الفجر ولم يستيقظ ٬ ثم أيقظته بعد ما أنتهت صلاة الجماعة ولم يستيقظ ٬ ثم ذهبت الى دوامها ولم توفظه لجامعته وكان لديه أختبار الساعة التاسعة صباحاً وعندما أستيقظ الساعة التاسعة والنصف أتصل بها وقال: يا أمي فاتني الأختبار لماذا لم توقظيني ؟؟ قالت: واللّه رأيتك فشلت في" أختبار الأخرة " فلم يعد يهمني نجاحك في " أختبار الدنيا " #التربية_الصالحة 🤍
أنا عن نفسي والله راضية وكذلك أهلي بس دموعنا بتنزل غصب عننا احنا مش معترضين والله بس كان نفسنا نفرح بجد....بس خير إن شاء الله لأن اللي معاه ربنا سبحانه وتعالى عمره ما بيضيع ولا هيضيع بعد ده كله لسه عندنا أمل في ربنا سبحانه وتعالى🫴🥺 ف اللهم هونها على كل طالب ثانوية وولي أمر يآرب😭❤️🩹
حاسس بنغزة في قلبي وضيق في نفسي والم في راسي ولكن لا نقول إلا ما يرضي ربنا إنا لله وانا إليه راجعون اللهم اجرني في مصيبتي واخلفني خيراً منها الحمد لله كما ينبغي لجلال وجهك وعظيم سلطانك اذكر نفسي واياكم لعل الله يحدث بعد ذلك أمرا
الواحد كان نفسه يفرح أهله وميشوفش الحزن في عيونهم ولا شماته الناس ولاكن قدر الله وماشاء فعل الحمدلله واثقه ان ربنا مش هيضيع تعبي وهيكرمني في المكان اللي حطني فيه
بل الموضوع سهل جدا والله لو عملنا شوية أولويات إن أعظم هدف لينا رضا ربنا علينا والجنة وأن لا ندخل النار ،أى حاجه بعد كده ممكن تحققها وممكن لاء ممكن تاخدها وممكن لاء فمتفرحشى أوى عليها لو حققتها فى الدنيا ،ومتزعلشى أوى عليها لو فقدتها فى الدنيا حتى لو كنت بتحلم بيها طول عمرك الحسرة الحقيقة للى هيدخل قبره وميعرفشى يجاوب للى هيدخل النار يعذب فيها والعياذ بالله ركز فى اللى جاى وربنا هيوفقك ،حافظ على صلاتك ومتفرطشى فيها أبدا ،احفظ القرآن ،اجتهد فى أى كلية وربنا هيوفقك فى القادم بإذن الله .
ي جماعه ركزوا على امتحان الآخرة 🙂 اللي هو يوم القيامه هتعمل ايه فيه لو مكنتش بتصلي وتصوم وتذكر اللي وتذكي وهكذا..... ؟ كلنا نسرع ونهرع الى لذات وشهوات الحياة وننسى انها بكل ما فيها سراب وسينتهي الا عملك الصالح 🦋 عملك الصالح وبس اسئل الله ان يهدينا جميعا ، الله يرحم والدتك وجدك حضرتك ربنا يرحمهم ويغفر لهم ويجعل مثواهم الجنه يارب ❤.
عايزه اقول اني كنت حاسبه ٨٧ لحد٩١ جبت ٦١ واهلى احتووني جدا وقالولي فومي نصلي شكر ونحمد ربنا وبجد بعد ما صليت كنت فرحانه اوي معرفش ليه بس انا فرحانه بالمجموع وراضيه وبحمد ربنا عليه وحاليا بدور على حاجه حلوه الحق ادخلها وبجد واثقه في ربنا ان هو مش هيخذلني ابدا ❤❤
احمدي ربك أن اهلك احتووكي دي في حد ذاتها نعمه من ربنا انا جبت 65 واهلي بيعملوني معامله وحشه اووووي زي ما يكون اني مش بنتهم وكانوا بيحبوني لكوني كنت مجتهده وهجبلهم المجموع اللي نفسهم في وبعد لما دا كله محصلش محدش فيهم حد قالي مبرووك مش مهم دا نصيبك لاء فضلوا يقولي انتي فاشله واخرك معهد وبدأ يقولوا كلام لو اني واحده جايه من الشارع ومش عارفيني والله ما كانوا قالوا الكلام ده وربنا يجبر بخاطري وخطرك ويعوضنا ونبقا احسن ناس في الدنيا يارب المره دي بقا عايزه انجح علشان نفسي مش علشانهم لأن اللي عملوه معايا ده ميرضيش ربنا والله @@Zahraa09-v8l
اشمعنا اهلي مش راضيين مع اني جبت مجموع كبير بس ملحقتش طب زعلانين اوي وبيقولوا انت كسرتنا مش قادرين نبص في وشوش الناس و انا عن نفسي راضي بما قسمه الله لي ولكن هم مش راضيين عشان معظم زميلي جايبين مجموع الطب البشري و انا من ساعتها مدمر وحاسس اني مش عاوز اعيش ومش عارف اعمل اي 😔😔
أقولك ليه كنتِ ليه فرحانة!؟ كفاية دعم أهلك و احتوائهم ليكِ بجد دي نعمة ، على عكس الأهالي التانية اللي بييجوا على أولادهم و يزعقوا فيهم ، إنتِ مبسوطة علشان عندك عائلة سببتلك السعادة بعد ربنا سبحانه وتعالى. فيارب راضينا و ارضي عنا...و اجعلنا مبسوطين بإذن الله تعالي. دعواتكم ليا دفعة 2025
اول مرة فى حياتى اشوف دموع بابا حسبى الله ونعم الوكيل مش هقول انا تعبت و انى اتظلمت و انها مش درجتى لأن للأسف الناس ليها الظاهر و بس و ميعرفوش اللى مريت بيه ولكن من رضى فله الرضى و أشهدك يارب انى رضيت بكل ما كتبته لى و الحمدلله كفايه انى عرفت يعنى ايه بابا بيبكى عشان خايف عليا وانه زعلان ع تعبى و كل همه انه يطلعني من الحاله النفسيه اللى انا فيها و هوا نفسه حزين بس مش عايز يبين ليا عشان مزعلش و اتحطم اكتر و حضن ماما بالدنيا كلها و دموعها اللى نزلت عشانى ولا و هيا بتقولى انك مقصرتيش و بتصبر فيا الحمدلله ع قضاء الله و لعله بداية طريق للخير و نظن فيه الآن الشر و لطف الله غالب و ان شاء الله ربنا هيكرمنا جميعا و نحقق النجاح فى المجال اللى هندخله و حتى بابا كان دايما يقولى الناجح بس هوا اللى يعرف يثبت نفسه فى اى مكان يدخله عشان كدا فوضو اموركم لله و استودعو احلامكم و أمنياتكم عند ربنا سبحانه وتعالى وسلام ع حلم مضى و اهلا بما اختارة الله لنا
والله ي بنتي انا زيك بالضبط انا كنت بحل في الماده الواحده ٥ كتب وكنت تعبانه تعب كنت برجع من المستشفي الساعه ٣ الفجر وانام ساعتين واقوم أكمل مزاكره كانت المذاكره كل حياتي والمدرسين كانو متعشمين فيا وكانوا بيندولي دكتوره وكان بيجلي رئيه كتيره اني هحقق حلمي وببص انصدمت صدمته عمري في المجموع وعيوني مورمه من كتر العياط بقيت اشوف طشاش بعيوني ي رب متحط حد مكاني ابدا وبرده بحمد ربنا علي كل حاجه حتي مهما كان المجموع وانا واثقه انو هيوفقني في كليه احسن مما اتخيلها وان شاء الله ربنا يكرمك وتبقي حاجه احسن (وعسي ان تكرهوه شيئا وهو خير لكم) ان شاء الله خير ي روحي واهم حاجة احمد ربنا هيزيدك ❤❤
بجد مش عارفة اقولك ايه ربنا يلهمك الرضا و الصبر وان شاء الله اللي اختاره ربنا فيه خير ليكي معلش هو فعلا فيه ظلم بس الحمد لله على كل شيء هوني علي نفسك وأهلك ربنا يصبركم ويفرحك ويباركلك في أهلك ❤
@@user-yc6km9vb8k كل اللي اقدر اقولهولك هو فعلا الموضوع مش سهل خالص ربنا يصبرك بس نرجع ونقول الحمد لله على كل شيء أكيد ربنا اختارلك الأفضل لعل جبرك يكون في ما هو قادم ربنا يوفقك في اللي جاي ويعوضك خير
بخصوص الثانوية العامة فمن دخل مِنكم تخصصًا برغبته فهنيئًا لهُ جزاء ما سعىٰ، ومن دخل منكم تخصصًا برغبة الله فهنيئًا لهُ ان الله ﷻ اختار له وتكفل - سبحانه وتعالى - بذلك، فلا تبديل لكلمات الله، ولا راد لحكمه، فما شاء الله كان، وما لم يشأ لم يكن، والخير دائمًا في ما يختاره الله . اسْتقبِلوا اقدَاركُم بنفسٍ راضِيه فإن الله يَعلمُ بكُل شَيْء وأنتُم لا تَعلمُون ⊁❤️🩹
مشاء الله علي صوتك حرفيا و أنا بسمع القصيده عيطت احنا فعلا زعلنا بما فيه كفايه هنقوم و هنبقي قد المسؤليه و لو حد ظلمنا نقول حسبي الله ونعم آلوكيل في كل ظالم في كل حد جاب درجه مش درجته و نسبها علي ربنا
@@DohaRamadan-v6p نفس المجموع. انا مفيش غير الإنجليزى والجيولوجيا هما إلى هيجينونى لانى كنت واثقه من حلى وجيت رجعت لقتنى غلطت ف سؤال بدرجتين وقولت الحمد لله جيت لقيت الدرجه منقصنى ١٥ درجه ف الإنجليزى و ١٥ درجه فى الجيولوجيا هموت واعرف ازاى وانا مرجعاهم يلا الحمد لله على كل شئ واثقه ف كرم ربنا
الواحد علي قد ما كان فخور وبيحب حضرتك علي قد ما احنا زعلانين من حضرتك لأنك سكت علي اخطاء امتحان الاحياء وكل الاساتذة اتكلمت الا حضرتك اللي اتكلمت وقولت ان الامتحان يتقفل - اي شعور حضرتك والاولي ناقصة 5 درجات؟
ايوه يعني يعمل اي لو اتكلم هل ده هيغير حاجة هل لما سكت هيغير حاجة بردو كلامه زي عدمه هو وغيره الامتحان انتهي وخلاص واي المشكله لما الاوله تغلط 5درجات حتي لو غلطت عشرين حتي ما هي بتمشي بالتنسيق مش بيقولو لا والله احنا هنسيب الكليات فاضيه علشان محدش جاب 99
محبتك على راسي وزعلكم كمان كبير عندي.. لكن بالفعل إحنا ردينا ووضحنا وجهة نظرنا في الامتحان والأسئلة الجدلية.. ممكن بمنتهى البساطة تراجع بيدج الفيسبوك كتبنا عليها بوست طويل وكذلك رسايل كتيرة على التليجرام. شعور حضرتي إيه دلوقتي؟ راضي جدًا الحمد لله.. بحمد ربنا على توفيق ربنا ليا ومبسوط برسايل الطلبة لينا ودرجاتهم من ساعة ظهور النتيجة.. مافيش حاجة تانية المفروض أعملها دلوقتي غير الحمد لله على اللي فات والدعاء بالتوفيق فيما هو جاي.. أتمنى أنت كمان مهما كان مجموعك تعمل كدة.. رفعت الأقلام وجفت الصحف.. أسأل الله لك التوفيق
@@Gohary الدوك بعد الامتحان علي طول قال في ريكورد علي التليجرام انه علي الرغم من الامتحان فيه اسئلة صعبة وبعض الاسئلة صيغتها مش مظبوطة الا انه واثق ان السنة دي فيه ناس هتقفل وانه اتكلم مع المساعدين وقال كل الاسئلة ليها اجابة صح 100% بالاستبعاد
@@Gohary التعليق ماكان الا عتاب المحبين يا دوك لأنك بجد أكتر من معلم بالنسبة لي ( ومع ان معلم تكفي ) الا ان بجد حضرتك اكثر من كده اللي سمعته من حضرتك كان ريكورد التليجرام وبعد الامتحان الواحد قرر انه يبعد عن اي بوستات ليها علاقة بالثانوية علشان القلق والضغط بتاع النتيجة ( فيمكن حصل سوء التفاهم من هنا ) إلا أن الواحد لسة بيحبك كأخ ومعلم وصديق لرحلة 3 سنين الحمد لله عن نفسي راضي 100% عن المجهود اللي بُذل وعن المجموع كمان لأنه كان بكرم ربنا أكثر من المتوقع بالتوفيق يادوك
يا شباب انا واحده ابوها مكلمهاش من ساعه النتيجه مقليش مبروك ولا وحش ولا حلو بس كنت متعوده علي كده من اول السنه فتخطيت الموقف كأنه عادي مع ان الغريب معملش ك. ه زعلانين ليه يا عبط كل واحد الخير بتاعه محطوط وكليته من قبل اما يتولد اصلا ده نصيبك اللي عليك تثبت لنفسك وللكل ف الكليه انت مين ❤️👏 محدش يزعل والله مش مستاهله
@@yona1003لو فيه ٢٠% جابو درجات بالغش ليه نبص عليهم ما نبص علي ٨٠% الي جابوا درجات بي مجهودهم ونسعي نبقا زيهم وانا دفعت ٢٠٢٥ ومدرستي سنادي دفعه ٢٠٢٤ مطلعه يجي ٢٠ شخص فوق ال٩٠% يارب نكون زيهم
《الله لطيف بعباده يرزق من يشاء وهو القوي العزيز 》 ثقوا في تقدير الله ليكم ثقه عمياء مدام انتو واثقين انكم عملتو الي عليكو ولا تنسوني من صالح دعائكم فأنا في امس الحاجه اليها دفعة 25 ❤
الانسان راضي جدا بـ اللي ربنا كتبهوله بالرغم من ان حلم الطفولة ضاع ولكن لا نقول الا مايرضي الله "الحمدلله دائما وابدا" بس كل ده كوم ونظرة الكسرة في عيون بابا وقتها ولحد دلوقتي كوم تاني 😭😭.
حسبى الله ونعم وكيل 😢😢 ي الله على كسره القلب اللى انا فيها😢😢 الوحد كان بيتمنا طب 😢 دلوقتى بيتمنا اى يلحق كليه ي الله 😭😭😭😭😭 إن لله وإن إليه راجعون اللهم أجرني ف مصيبه واخلفني خير منها 😢😢 كل لن يصيبنا الا ما كتب الله لنا
يا دوك طول السنة الدنيا مش طب وهندسة ووووووو كلام هري كده اتحفظ من كتر ما اتقال من حضرتك ومن كل المدرسين وبعد النتيجة بتباركوا للي جابو طب وهندسه وبتقوللهم يا دكاترة ويا مهندسين بصراحة المدرس الوحيد اللي عمره معمل كده مستر خالد صقر وبيطلع من عنده اوائل جمهورية ولا مرة نزل ولا مرة قال اه نفرح لاوائل الجمهورية وحضرتك اتصل عليهم وكل حاجه بس مش لازم ينزل ڤيديو
ما هو حلم مثلا ٣٠٠٠٠٠ طالب ومش بيحققه غير ١٢٠٠٠ فهى اكيد كلية قمة و الشغل فيها مطلوب جدا بره مصر وجواها،بس مش هى الطريق الوحيد انك تعمل فلوس كتير ويبقا ليك مكانة محترمة بين الناس،فهى اكيد كلية قمة بس مش نهاية العالم لو مدخلتهاش يعني
يا شباب احب اطمنكم اول حاجه انا من الجيزه تاني حاجه قبل ما النتيجه تطلع بيومين تقريبا احد جيراننا تخرج من جامعه تجاره امتياز مع مرتبت الشرف الان العجيب اهنا انه تم قبوله ك دكتور جامعي 😮❤ النتيجه مش هتفرق في انك تتفوق وترجع تاني 🎉 ما رأيك يا دكتور في هذا الكلام
كنت بحلم باليوم ده اللى هيكون البيت كلو مليان زغاريط علشانى ولكن كان كلو زعلان واكتر حاجه بتقطع قلبى انى زعلت اهلى من بعد تعب سنه كامله 😓 وكسرت خاطرى وخاطرهم وحلم ليا ١٢ سنه بتعب علشانو ولكن لابد ان ارضى بقضاء الله لانه اكيد كاتبلى الخير فى ده 🥺
(ومن يتقِ الله يجعل له مخرجا ويرزقه من حيث لا يحتسب ) هون علي نفسك يا صديقي ربنا هيجبر بخاطرك ان شاء الله وتوكل علي الله ولا تعجز فإن العجز صفة الضعفاء ❤❤❤
انا تعبانه اوي يدكتور انا جايبه 85٪ و والدي بيعاملتي وحش اوى مقلش حتى مبروك ولا هون عليا و هو عارف انا قد اي تعبت انا كنت بموت في اخر السنه و هو كان دايما يقولي كفايه النهارده و ارتاحي ومكنتش بسمع الكلام و هو دلوقتي بيعاملني كأني شايله مواد او راسبه و البيت كله حزن مكنتش عاوزه كدا كان نفسي افرح بعد التعب دا كله حتى لو ربنا مكرمنيش كان حتى هو يهون عليا شايفه الناس عندنا جايبين في الستين و اهلهم طايرين من الفرحه و زغاريط و ضرب نار و دبح وانا اللي بعيط انا تعبت اوي 💔💔💔💔💔
هوني علي نفسك ومتزعليش بكره ربنا يكرمك بكليه هتقولي الحمد لله اني مدخلتش طب والكليات القمه اللي بيقولوا عليها وهتحمدي ربنا علي كرمه ولو علي والدك متزعليش هما بيكونو خايفين بس مش عارفين يعبروا عن دا ومتزعليش بقا انبسطي واضحكي والله مجموعك عالي جدا وحلو ما شاء الله ❤❤❤❤❤
أنا ثانوية 2025😅 أخواتى دفعة2024🥰 لو كان خيراً لكان وخليك فاكر " إن الله لا يضيع أجر من أحسن عملاً " ربنا هيعوضك😊 إن مكنش فى المجموع ففى التفوق فى النجاح فى الرزق فى الزواج فى الذريه الصالحة فى الصحبة الصالحة فى حياتك عموماً أهم حاجة زى ما قال الدكتور لاتيأسوا مهما الدنيا جت عليك ومهما الكل خذلك فربنا معاك الله سبحانه وتعالى لم يخلقنا عبثاً وربنا يجبر بخاطركم ❤
@@user-yv9wi3yv8oفين اللي عبيطة مش معنى انك جبت مجموع يبقى تقول امتحانات عبيطه إذا كان المدرسين بيختلفوا في إجاباتها أنا كنت حاسبة حاجه على حل مدرسين معتمدين ومطلعش كده الواحد يعمل اللي عليه وربنا بيوفق بس ده لا ينفي العبث اللي بيحصل في الامتحانات والسماعات معظم اللي داخلين طب عندنا سماعات حرفيا لايفقهوا شيئا! وقليل هو من اتقى الله ووصل وبمجهوده
ظننا بالله لن يضيعنا ❤ لو كانت الكليه اللي عايزها خير ليك مكانش ربنا حرمك منها ، حاشا لله ان يظلمكم ❤ ازعل عادي بس متسخطش وثق في ربك فان امره كله خير❤ ربنا معاكم جميعا انا من دفعتكم بس قدر الله اني ااجل السنه كلها والحمد لله على كل حال
انا والله من وقت مخلصت الامتحان والجماعه في البيت بيقولوا لو جبتي ٦٠ او ٧٠ احنا راضيين لاننا عارفينك عملتي ايه والحمدلله جبت 74.88% كان نفسي اجيب اكتر علشانهم والله وعلشاني انا كمان وصحابي كلهم في السبعينات بردوا وكل ماشوف حد يقولي مبروك انتي تستاهلي اكتر وتستاهلي كل خير وانتي طيبه وربنا هيكرمك ان شاء الله والبلد كلها كانت شايفه الدكتورة اروي عامله ايه يا دكتور عايزه حاجه يا دكتور ادي الدكتور مكسوفه اقول درجتي والناس هتتريق بس الحمدلله ان اهلي راضين وانا راضيه الحمدلله 😊
انا دفعة 2025 بس متابعاك من أولى بجد ما حبيتش الأحياء غير لما اخدتها مع حضرتك❤ حضرتك لا تقارن بأحد نهائي ❤ كفايه كلامك المحفز ووقوفك جنب جميع الطلبه وخاصة الثانويه العامه . ربنا يخلى حضرتك لينا ❤
بس يا دكتور دي مش درجاتي حرفيا مجموعي ميدخلنيش اي حاجه ليها مستقبل أو كنت مخططالها الكل حوليا جايبين مجاميع وانا لا كنت رفضت اغش عشان حرام بس ميته من الزعل على نفسي والكل فرح وفرح أهله إلا انا الحمدلله على كل شيء
~سُبحان مَن يراكٓ تٓميل فيبتليِك لتستقيم ِ♡♡♡ كل اللى يجى من ربنا فهو خير خير والله خير، اصبرى وارضى بقضاء ربنا،وابشرى، هتقولى قد اى يارب كنت رحيم بيا، الحمدلله دائما وابدا،، وافتكرى ان احنا بنعمل لأخرتنا والدنيا زائله.
{ عَسَى رَبُّنَا أَن يُبْدِلَنَا خَيْرًا مِّنْهَا } أطفِئْ بهذه الآية نار حسرتَك على كل فرصةٍ ضاعتْ ، وعلى كل وظيفة خسرتها ، وعلى كل حبيبِ أفلتِ يدكَ في منتصفِ الطريقِ ، وعلى كل صديقٍ حسبتَ أنَّ وجهاً جميلاً فلم يكن هذا إلاّ قناعاً لذئب جارح ! ما أخذه الله منك فلحكمةٍ ، وما تركه لكَ فلرحمةٍ ، فإنْ علمتَ الحكمة ، فاشكرْ ! وإن جهلتها ، فاصْبِر ! أقدار اللهِ كلها خير وإن أوجعتكَ !
تحيه طيبه امتحان الاحياء ثانويه عامه مصر ٢٠٢٤ دور اول الدرجات غير موزعه بعداله علي المنهج وصفحات الكتاب.كالتالي 1_الجهاز الهيكلي=درجه واحده=3.5 صفحه. 2 _الدعامه والحركه= 10 درجات= 8 صفحات. 3 _ الجهاز الهرموني=7 درجات=11.5 صفحه. 4_,التكاثر،=14 درجه= 32 صفحه ،5 المناعه= 12 درجه=20 صفحه. 6_DNA=8 درجات = 16 صفحه RNA = 8 درجات =16 صفحه. يعني دعامه وهورمون=18 درجه=19 صفحه. تكاثر=14 درجه= 32 صفحه. من التحليل السابق وبالبرهان واضح جدا عدم العدالة في توزيع أسئلة الامتحان علي المنهج وصفحات الكتاب. نرجوا مراعاة ذلك في المستقبل ان شاء الله وربنا يوفق الجمييع وشكرا. ٠
صعبان عليا أنه اللى يجى بيقول معلش الحمد لله وبيواسى بدل ما بيبارك كنت متخيله الزغاريد والفرحه فى البيت بس الحقيقه كانت 💔 أنا راضيه بس حزينه الحمد لله على نعمة عيلتى اللى مهونه عليا وبتقولى مجموع حلو والحمد لله وزعلانين على زعلى مش زعلانين منى بقعد شويه أضحك معاهم وأقول أيوه الحمد لله مش مشكله وفجأه لما حد يكلمنى ويواسينى بتجيلى نغزه فى قلبى كده وببكي جامد وأسيبهم وأروح أبكى لوحدى علشان أزعلهمش أكتر بس قدر الله وما شاء فعل الحمد لله قد رضيت بما قسمه الله لى
حضرتك شخصية جميله كدا وبتأثر فينا تأثير اجابي ربنا يجعله في ميزان حسناتك ويغفر لجدك ووالدتك ف والله ما أنجبت الا خيرا❤ ربنا يبارك فيك وفي صحتك ويسعدك في الدارين ويجعله في ميزان حسناتك انا دفعه ٢٥ وفخوره ان حضرتك هتكون بتدرس لي ربنا يكتر من امثالك
اول حاجة حسبى الله ونعم الوكيل فى واضع امتحان الفيزياء ربنا يقهره على اغلى مايملك لانه ضيع احلام دفعة تانى حاجة انا مش زعلان قوى بس مقهور من دموع امى و صوت ابويا و هو بيقولى متزعلش نفسك واهدى و احساس انى خذلت امى و ابويا تالت حاجة بالنسبة للناس اللي دخلوا بسماعات و تلفونات و اخدوا اماكن ناس كتير يارب تكونوا مبسوطين
قلبي اتكسر ي دكتور قلبي بيتكسر علي كل مره تعبت وذكرت ومنعت نفسي من كل مناسبه وكل حاجه حلوه عشان مستقبلي وفي الاخر انصدمت صدمه عمري مستحيل انسي اليوم دا يوم تكسير كل فرحه وكل حلم ادعولي بالصبر واني اقدر اتأقلم 😢😢😢
بسم الله ماشاء الله صوتك جميل دي اولا انا لسه في أولي وبسمع الكلام دي كتير تحفيز ليه وانشاء الله ربنا يسعدكوا جميعا وانشاء الله هجيب 99.5٪ بتوفيق الله عز وجل ربنا يوفقنا جميعا ♥️♥️👍
ان شاء الله.ربنا هيكرمك باللي نفسك فيه بس نصيحه خلي حلمك واقعي شويه يعني انا كان حلمي ٩٨ الحمد لله جبت ٩٣ يعني طب بإذن الله بس قاعد حاسس بتأنيب الضمير لاني كنت بحلم حلم عالي قوي
علي فكره يا دكتور مش حاجه حلوه انك تنزل الأوائل عند حضرتك الي هو هما دول الي شرفوني طب والباقي كلنا كنا بنزاكر وتعبنا ولما نشوف صحابنا كدا وحالنا دلوقت شعور مش كويس خالص لمجرد ان بس علي الناس يقولوا ده واو بيطلع الأوائل من عنده كل سنه اظن الناس عارفه مين د أحمد الجوهري حضرتك مش مضطر تثبت لحد حاجه اتمني في السنين الجايه حضرتك متعملش كدة علي شان شعورنا بس اتقوا الله فينا
لا مش كدة خالص.. زي ما قلت في الفيديو الاحتفال بالناس اللي طلعت أوائل ده حقهم علينا نكرمهم ونقولهم ألف مبروك.. زي ما واجبنا إن الناس اللي لم توفق للمجموع اللي كان نفسها فيها إننا نقول لهم ألف مبروك برضه وقدر الله وما شاء فعل ولعله خير.. مش المفروض تزعل من تفوق غيرك وتسخط على حالك.. ارض باللي ربنا كاتبه لك وكاتبه للناس.. جرب تسمع الفيديو تاني هتفهم كل حاجة 😄
بس انا بشوف ي دكتور ان مثلا اللي جايب مجموع او اللي طالع الاول كفاية عليه فرحته هو وفرحة اهله بيه، لو مثلا المدرس بتاعه حابب يكافئه مثلا يبعتله هديته او مثلا يتكلم معاه بس بعدين م اول ماتطلع النتيجة على طول لان في ناس حزينة وكان بيكون نفسها تكون مكانه وكدا بنجرح مشاعرهم وخصوصا بعد وقت النتيجة على طول بتكون الواحد حالته مش احسن حاجة فبلاش نزود عليه ونقعد نحتفل بصور الاوائل ومش عارفة ايه، بشوف اللي بيعمل كدا في المدرسين بيحاول يفتخر بشغله ويحاول يعمل صيت وكدا وبرضو عشان مظلمش كل واحد ونيته بس بشوفها مش الطف حاجة بصراحة والله يباركله مستر خالد صقر نفس وجهة نظري وبس دي وجهة نظري ورايي ممكن حد يعارضني مفيش مشكلة مع احترامي لكل حد برضو
والله يا دكتور ربنا يعلم الواحد تعب في السنه دي قد ايه بس في الاخر ما لقاش اللي يرضي نفسيته ولا اللي يرضى اهله الواحد فعلا قدام المجهود اللي هو بذله طول السنه ملقاش حاجة فى النتيجة والعيال اللى يدوبك بتفك الخط هم اللي جايبين تسعينات عارف انك هتقول لي دول مش هينجحوا في كلياتهم وبتاع بس انا عمري ما كنت يعني اتمنى ان في حد يتاذي و لا كنت بفرح بحاجه زي دي انا كان بس نفسي ان انا اجيب مجموع حلو ادخل بيه اسنان بس ربنا مقدرليش ده وبقيت فى المرحلة التانية اهو ومش عارف هدخل اى ..وانا خصيم كل اللى غش يوم القيامة وساعتها مش هسامح حد فيهم لان محدش عارف الاحساس اللى انا حاسه دلوقتى وحسبي الله ونعم الوكيل فيهم😢💔
بعيداً عن المجموع اللي أنا شايفه قليل جدا على تعبي بس حابب أوجه رسالة لكل إخواني وأخواتي طلبة 2024 بص يا صديقي : اكيد ربنا سبحانه وتعالى يعلم اكثر من أي أحد آخر كم التعب والمجهود اللي اتبذل من كل واحد فينا أكيد ربنا يعلم الخير فين لكل شخص ويعلم اكترر مكان مناسب ليك ولغيرك يا صديقي فهوِّن عليك فما هي إلا دنيا ❤
انا دفعه 2025 ان شاء الله السنه الجايه زي اليومين دول هاجي هنا واقول قدجعلها ربي حقاً ادعولي كتيرر كتيرر ي صُحبه لن نموت قبل ان نحاول ان نحيا❤. مع كل لايك هعرف ان حد دعالي🥺🥺 لـِ آيـــــــة عنــد ربِّهــا حاجــةً فســلُوا اللَّــه أنّ يُلبِّيهـا لهــا ♥️.
عايزه اقولك ان معظم طلاب مش بيجيبوا المجموع اللى نفسهم فية بس لما تكونى اجتهدت طول سنه بتبقى مش ندمانه على اى حاجه وكمان فى حاجه اسمها لطف الاقدار يعنى هو مجموع مش احسن حاجه بس بتلاقى اهلك مثلا فرحانين زعلك مش بيطول فاجتهدى عشان لحظه ده انا اجتهدت مجموعى مكنش اللى انا نفسي فية بس اقسم لك باللة ان انهارده كان يوم سعيد جدا ❤❤ عقبالك ي رب
كان نفسي أفرح أمي بعد ماتعبت معايا تعبت والله وجبت أخري ولكن ربنا ما أرادش الحمد لله راضي بقضائه ، لكن صعبان عليا نفسي لما حد يكون مفتحش كتاب ويجيب فوق ٨٠ والله أنا أكتر ماده كنت متفوق فيها كانت الاحياء والله المستر لما حد ميفمش حاجه كان بيقولي فهمه يا مروان وكنت بقفل كل الامتحانات وحليت ٥ كتب وبعد دا ٣٨ في الاحياء وكنت مراجع مع تلات مدرسين غلطتين بس والله أنا إنظلمت مش في الاحياء بس في كلوا حسبي الله ونعم الوكيل 😢😢😢😭😭😭
ولن نقول غير الحمد لله والله عليمٌ بوجع قلوبنا ولا سواه يعلم قدر المشقه التي تعايشنا فيها لكي نصل💔 لا تتحدث عن تقصيرٍ يامُعلمي ف والله ماقصرت ولا بخلت علينا بشئ ودائما أسأل الله عز وجل أن يجازيك خيرا في الدنيا والاخره لكل ماقدمته لنا ونعم الأخ والمعلم حقًا وحتي ان لم نصل يكفينا الاخلاق الحميده التي كنت لنا دائما مُعلم لها ويكفينا ماورثناه منك يا مُعلمي ادعو لنا يامُعلمي أن نُوفق ف القادم ف حقًا نحن قُلوبُنا منكسره💔
الواحد صعبان عليه ابوه وامه
الحمدلله
ايوة والله 😢😢
علي فكره ممكن تدخل الكليه ال بتحلم بيها لإنها مش خير ليك وممكن تدخل كليه مش كانت في بالك اصلا وتكون ناجح ومن الأوائل فيها ومحدش عارف الخير فين بس ال نعرفه ان ربنا بيختارلنا الخير💗.
هيفرحوا بيك لما تكون ناجح في حياتك بعد كده وانت شغال و متميز في شغلك😊😊
انجح ف كليتك عشانهم وريهم إن دا كان مكانك م الاول ف ربنا وفقك ليه ، بس أهم حاجة تقتنع انت أولا
السلام عليكم ورحمة الله وبركاته، نداء إلي كل مدرس و مسؤول، عايزين نظام التحسين يرجع تاني (اللي هو بمعني إن لو الطالب نجح وجاب درجة وحشة بس نجح له الحق يعيد السنة بمزاجه كـ تحسين للمجموع) عشان في ناس كتير تعبت وذاكرت السنة كلها وجابت درجات وحشة وحاسين بظلم كبير وناس متعرفش عن المنهج جايبين مجاميع فوق الـ90 ٪، ده غير الامتحانات اللي اتسربت والغش اللي بيحصل وفساد ما بعده فساد،
وحسبي الله ونعم الوكيل.
بالله عليكم وصلوا صوتنا،
بالله عليكم وصلوا صوتنا،
بالله عليكم وصلوا صوتنا،
أنتم أملنا بعد ربنا سبحانه وتعالي في إن صوتنا يوصل،
ويارب يفرح كل طالب ثانوية عامة تعب واجتهد.
بالله عليك يا دكتور تقف معانا.
رجع السنة اللي فاتت
طب السنادي
@@OmarHammad-fe5su مرجعش ياريت حضرتك تتأكد
@@Fatmasaeed78 لسه برضو
و يشغلوا الجامعات الخاصه ازاى
كلوا بيخدم بعضه عندهم
يا مستر والله كميه ظلم لناس كتيره اوى 😢 وحسره الأهل بامانه هى إلى تعبت الواحد
اه فعلا والغش كان منتشر للأسف 😢😢
ظلم ظلم ظلم وقهرى صعبة اوي 😭😭
@@user-nz3ec7zu7gوالله يسطا انا ما شفت غش غير الطبيعي مثلا تسأل اللي قدامك او اللي وراك واللجنة معظمها جايبة حاجة وتمانين، انا جبت ٩٣ ومغشتش ولا كلمة وحققت عادي
دا عندكوا بس اغلب المدارس كان فيها غش وحصل ظلم مش طبيعي بتبرري ايه@@Lolololololollolol-fv5yr
اقسم بالله ما ركزت على الفديو كد ما ركزت على تعليقات الطلبة والله عيطت😢 اسال الله العظيم ان ينزل على قلوبكم السكينة والرضا والصبر ويوفقكم ف كلياتكم ❤
امين يا رب
يآرب يآرب
😢😢😢
مديرة مدرسة .. أيقظت أبنها لصلاة الفجر
ولم يستيقظ ٬ ثم أيقظته بعد ما أنتهت صلاة
الجماعة ولم يستيقظ ٬ ثم ذهبت الى دوامها ولم
توفظه لجامعته وكان لديه أختبار الساعة التاسعة صباحاً وعندما أستيقظ الساعة التاسعة والنصف أتصل بها وقال:
يا أمي فاتني الأختبار لماذا لم توقظيني ؟؟
قالت: واللّه رأيتك فشلت في" أختبار الأخرة "
فلم يعد يهمني نجاحك في " أختبار الدنيا "
#التربية_الصالحة 🤍
كنت مستني تقولي انو مات😂💔
😂😂😂😂 وانا
فعلا
الله أكبر
طبعت على كدر وانت تريدها صفوا من الاكدار 🌺
أنا عن نفسي والله راضية وكذلك أهلي بس دموعنا بتنزل غصب عننا احنا مش معترضين والله بس كان نفسنا نفرح بجد....بس خير إن شاء الله لأن اللي معاه ربنا سبحانه وتعالى عمره ما بيضيع ولا هيضيع بعد ده كله لسه عندنا أمل في ربنا سبحانه وتعالى🫴🥺
ف اللهم هونها على كل طالب ثانوية وولي أمر يآرب😭❤️🩹
حاسس بنغزة في قلبي وضيق في نفسي والم في راسي
ولكن لا نقول إلا ما يرضي ربنا إنا لله وانا إليه راجعون
اللهم اجرني في مصيبتي واخلفني خيراً منها
الحمد لله كما ينبغي لجلال وجهك وعظيم سلطانك
اذكر نفسي واياكم لعل الله يحدث بعد ذلك أمرا
ربنا يصبرك ويربط على قلبك ❤
لعله خير بإذن الله 💙
وانا كمان ربنا يخلف علينا خير 😢
الواحد كان نفسه يفرح أهله وميشوفش الحزن في عيونهم ولا شماته الناس
ولاكن قدر الله وماشاء فعل الحمدلله
واثقه ان ربنا مش هيضيع تعبي وهيكرمني في المكان اللي حطني فيه
ولسوف يعطيك ربك فترضي.
والله الواحد مكسور كسرة ربنا ما يوريها لحد ربنا يهون علينا
😢😢😢😢
هون على قلبك فكل ما دون الجنة دون
اه والله ربنا يجبرنا جميعا وكل من اتظلم 😢
ومقهور والله بس قدر الله ومشاء فعل لو كان خيرا لبقي 😢
يارب انا ليا درجات وهقتس يوم القيامه عند المللك العادل الذي لا يظلم عنده احد
نفسى ارجع بعد ساعه اكون جمعت الف صلى على النبى بنيه تحقيق حلمنا ❤❤
اللهم صل وسلم وبارك على نبينا وحبيبنا محمد
اللهم صل وسلم وبارك على سيدنا محمد صلى الله عليه وسلم
اللهم صل وسلم وبارك على سيدنا وحبيبنا ونبينا وشفيعنا ومولانا محمد صلى الله عليه وسلم
اللهم صل وسلم وبارك على نبينا محمد
اللهم صل وسلم وبارك على سيدنا محمد وعلى آله وصحبه أجمعين يارب العالمين استغفر الله العظيم واتوب اليه ❤
الكلام سهل علي فكره كل اللي بيقول متزعلش علي حاجه ضاعت منك حلم طول عمري بشتغل عليه ضاع الموضوع مش بالسهوله ده ومحدش بيقف جنبك
ديما الكلام أسهل من الفعل
لا والله لا تقول هذا أرض بمصيبة وهتفوا في مدرسين كثير احسن من دكاتره
بل الموضوع سهل جدا والله لو عملنا شوية أولويات إن أعظم هدف لينا رضا ربنا علينا والجنة وأن لا ندخل النار ،أى حاجه بعد كده ممكن تحققها وممكن لاء ممكن تاخدها وممكن لاء فمتفرحشى أوى عليها لو حققتها فى الدنيا ،ومتزعلشى أوى عليها لو فقدتها فى الدنيا حتى لو كنت بتحلم بيها طول عمرك الحسرة الحقيقة للى هيدخل قبره وميعرفشى يجاوب للى هيدخل النار يعذب فيها والعياذ بالله
ركز فى اللى جاى وربنا هيوفقك ،حافظ على صلاتك ومتفرطشى فيها أبدا ،احفظ القرآن ،اجتهد فى أى كلية وربنا هيوفقك فى القادم بإذن الله .
صح تماما@@Gfsghh-wt4lp
لو لك خير فيها ربنا هيستفيد اي لما يحرمك منها
أعتقد وصلت الفكره
لـِ آيـــــــة عنــد ربِّهــا حاجــةً فســلُوا اللَّــه أنّ يُلبِّيهـا لهــا ♥️.
اللهم آمين❤
اللهم آمين
اللهم امين يارب العالمين
يا حي يا قيوم، برحمتك أستغيث، أصلح لي شأني كله، ولا تكلني إلى نفسي طرفة عين.
- من دعاء النبي ﷺ.
ي جماعه ركزوا على امتحان الآخرة 🙂 اللي هو يوم القيامه هتعمل ايه فيه لو مكنتش بتصلي وتصوم وتذكر اللي وتذكي وهكذا..... ؟ كلنا نسرع ونهرع الى لذات وشهوات الحياة وننسى انها بكل ما فيها سراب وسينتهي الا عملك الصالح 🦋 عملك الصالح وبس
اسئل الله ان يهدينا جميعا ،
الله يرحم والدتك وجدك حضرتك ربنا يرحمهم ويغفر لهم ويجعل مثواهم الجنه يارب ❤.
*عارف إمتى تزعل علىٰ نفسـك بجـد ؟*
*لمٌـا تلاقى مصحفـك عليه تـراب !*
*وأنت مش بتستحمل تسيب موبايلك دقيقه.*
*حـاسب نفسـك قبل أن تُحـاسب🤍.*
*د/حازم شومان*
❤❤❤❤
اه والله 😢❤
عايزه اقول اني كنت حاسبه ٨٧ لحد٩١
جبت ٦١ واهلى احتووني جدا وقالولي فومي نصلي شكر ونحمد ربنا وبجد بعد ما صليت كنت فرحانه اوي معرفش ليه بس انا فرحانه بالمجموع وراضيه وبحمد ربنا عليه وحاليا بدور على حاجه حلوه الحق ادخلها وبجد واثقه في ربنا ان هو مش هيخذلني ابدا ❤❤
ربنا يوفقك ف اللي جاي ربنا بيختار لينا الأحسن حتى لو إحنا شايفين عكس كده+ أنا دفعة ٢٠٢٥ وهزاكر و هعمل إللي عليا وراضيه ب إللي ربنا هيختاره ليا أيا كان
احمدي ربك أن اهلك احتووكي دي في حد ذاتها نعمه من ربنا انا جبت 65 واهلي بيعملوني معامله وحشه اووووي زي ما يكون اني مش بنتهم وكانوا بيحبوني لكوني كنت مجتهده وهجبلهم المجموع اللي نفسهم في وبعد لما دا كله محصلش محدش فيهم حد قالي مبرووك مش مهم دا نصيبك لاء فضلوا يقولي انتي فاشله واخرك معهد وبدأ يقولوا كلام لو اني واحده جايه من الشارع ومش عارفيني والله ما كانوا قالوا الكلام ده وربنا يجبر بخاطري وخطرك ويعوضنا ونبقا احسن ناس في الدنيا يارب المره دي بقا عايزه انجح علشان نفسي مش علشانهم لأن اللي عملوه معايا ده ميرضيش ربنا والله @@Zahraa09-v8l
@@user-ri3uv3um8h مبروك ليكي و ربنا يعوضك خير يارب ويكرمك ف حياتك إللي جايه أنا مقتنعه جدا أن ثانوية عامة مش نهاية العالم
اشمعنا اهلي مش راضيين مع اني جبت مجموع كبير بس ملحقتش طب زعلانين اوي وبيقولوا انت كسرتنا مش قادرين نبص في وشوش الناس و انا عن نفسي راضي بما قسمه الله لي ولكن هم مش راضيين عشان معظم زميلي جايبين مجموع الطب البشري و انا من ساعتها مدمر وحاسس اني مش عاوز اعيش ومش عارف اعمل اي 😔😔
أقولك ليه كنتِ ليه فرحانة!؟
كفاية دعم أهلك و احتوائهم ليكِ بجد دي نعمة ، على عكس الأهالي التانية اللي بييجوا على أولادهم و يزعقوا فيهم ، إنتِ مبسوطة علشان عندك عائلة سببتلك السعادة بعد ربنا سبحانه وتعالى.
فيارب راضينا و ارضي عنا...و اجعلنا مبسوطين بإذن الله تعالي.
دعواتكم ليا دفعة 2025
اول مرة فى حياتى اشوف دموع بابا
حسبى الله ونعم الوكيل
مش هقول انا تعبت و انى اتظلمت و انها مش درجتى لأن للأسف الناس ليها الظاهر و بس و ميعرفوش اللى مريت بيه
ولكن من رضى فله الرضى و أشهدك يارب انى رضيت بكل ما كتبته لى
و الحمدلله كفايه انى عرفت يعنى ايه بابا بيبكى عشان خايف عليا وانه زعلان ع تعبى و كل همه انه يطلعني من الحاله النفسيه اللى انا فيها و هوا نفسه حزين بس مش عايز يبين ليا عشان مزعلش و اتحطم اكتر
و حضن ماما بالدنيا كلها و دموعها اللى نزلت عشانى ولا و هيا بتقولى انك مقصرتيش و بتصبر فيا
الحمدلله ع قضاء الله و لعله بداية طريق للخير و نظن فيه الآن الشر
و لطف الله غالب و ان شاء الله ربنا هيكرمنا جميعا و نحقق النجاح فى المجال اللى هندخله و حتى بابا كان دايما يقولى الناجح بس هوا اللى يعرف يثبت نفسه فى اى مكان يدخله عشان كدا فوضو اموركم لله و استودعو احلامكم و أمنياتكم عند ربنا سبحانه وتعالى
وسلام ع حلم مضى و اهلا بما اختارة الله لنا
والله ي بنتي انا زيك بالضبط انا كنت بحل في الماده الواحده ٥ كتب وكنت تعبانه تعب كنت برجع من المستشفي الساعه ٣ الفجر
وانام ساعتين واقوم أكمل مزاكره كانت المذاكره كل حياتي والمدرسين كانو متعشمين فيا وكانوا بيندولي دكتوره
وكان بيجلي رئيه كتيره اني هحقق حلمي وببص انصدمت صدمته عمري في المجموع وعيوني مورمه من كتر العياط بقيت اشوف طشاش بعيوني ي رب متحط حد مكاني ابدا وبرده بحمد ربنا علي كل حاجه حتي مهما كان المجموع وانا واثقه انو هيوفقني في كليه احسن مما اتخيلها وان شاء الله ربنا يكرمك وتبقي حاجه احسن (وعسي ان تكرهوه شيئا وهو خير لكم)
ان شاء الله خير ي روحي واهم حاجة احمد ربنا هيزيدك ❤❤
بجد مش عارفة اقولك ايه ربنا يلهمك الرضا و الصبر وان شاء الله اللي اختاره ربنا فيه خير ليكي معلش هو فعلا فيه ظلم بس الحمد لله على كل شيء هوني علي نفسك وأهلك ربنا يصبركم ويفرحك ويباركلك في أهلك ❤
@@user-yc6km9vb8k
كل اللي اقدر اقولهولك هو فعلا الموضوع مش سهل خالص ربنا يصبرك بس نرجع ونقول الحمد لله على كل شيء أكيد ربنا اختارلك الأفضل لعل جبرك يكون في ما هو قادم ربنا يوفقك في اللي جاي ويعوضك خير
@@hagarramadan7837 ي رب 💗💗
@@hagarramadan7837 الحمد لله قدر ما شاء فعل 💗💗
بخصوص الثانوية العامة
فمن دخل مِنكم تخصصًا برغبته فهنيئًا لهُ جزاء ما سعىٰ، ومن دخل منكم تخصصًا برغبة الله فهنيئًا لهُ ان الله ﷻ اختار له وتكفل - سبحانه وتعالى - بذلك، فلا تبديل لكلمات الله، ولا راد لحكمه، فما شاء الله كان، وما لم يشأ لم يكن، والخير دائمًا في ما يختاره الله .
اسْتقبِلوا اقدَاركُم بنفسٍ راضِيه
فإن الله يَعلمُ بكُل شَيْء وأنتُم لا تَعلمُون ⊁❤️🩹
مشاء الله علي صوتك حرفيا و أنا بسمع القصيده عيطت احنا فعلا زعلنا بما فيه كفايه هنقوم و هنبقي قد المسؤليه و لو حد ظلمنا نقول حسبي الله ونعم آلوكيل في كل ظالم في كل حد جاب درجه مش درجته و نسبها علي ربنا
وكالعادة يا سادة الصلاة على النبي مصدر السعادة ❤🎉.
صلو علي محمد ❤
ثبت يا دكتور لعل الأجر يزيد❤
وَلا حُزنٌ يَدومُ وَلا سُرورٌ 🥺 """:
وَأَرضُ الله واسِعَةٌ وَلكِن .. إِذا نَزَلَ القَضا ضاقَ الفَضاءُ 🥺❤️🩹.
كنت عامله بلان a وبلان b وبلان c جيت اخذت التلاته وحطيتهم ف كيس زباله ورميتهم دى بلد مقبره الاحلام الغشاشين بس الى يقدروا يحققوا احلامهم هنا
دي انااا والله حسبنا الله ونعم الوكيل 💔
دانا بأختصار ٧٠ وكنت فاكرة فوق ال٩٠ يلا الحمد لله علي كل حاااااال😭
@@DohaRamadan-v6p نفس المجموع. انا مفيش غير الإنجليزى والجيولوجيا هما إلى هيجينونى لانى كنت واثقه من حلى وجيت رجعت لقتنى غلطت ف سؤال بدرجتين وقولت الحمد لله جيت لقيت الدرجه منقصنى ١٥ درجه ف الإنجليزى و ١٥ درجه فى الجيولوجيا هموت واعرف ازاى وانا مرجعاهم يلا الحمد لله على كل شئ واثقه ف كرم ربنا
أنا 67%
يارب هون على قلوبنا جميعا 💔?
?@@DohaRamadan-v6p
الواحد علي قد ما كان فخور وبيحب حضرتك علي قد ما احنا زعلانين من حضرتك لأنك سكت علي اخطاء امتحان الاحياء وكل الاساتذة اتكلمت الا حضرتك اللي اتكلمت وقولت ان الامتحان يتقفل - اي شعور حضرتك والاولي ناقصة 5 درجات؟
ايوه يعني يعمل اي
لو اتكلم هل ده هيغير حاجة
هل لما سكت هيغير حاجة بردو كلامه زي عدمه هو وغيره
الامتحان انتهي وخلاص
واي المشكله لما الاوله تغلط 5درجات حتي لو غلطت عشرين حتي ما هي بتمشي بالتنسيق مش بيقولو لا والله احنا هنسيب الكليات فاضيه علشان محدش جاب 99
ناقصة درجة واحدة أنا شوفتها
محبتك على راسي وزعلكم كمان كبير عندي.. لكن بالفعل إحنا ردينا ووضحنا وجهة نظرنا في الامتحان والأسئلة الجدلية.. ممكن بمنتهى البساطة تراجع بيدج الفيسبوك كتبنا عليها بوست طويل وكذلك رسايل كتيرة على التليجرام.
شعور حضرتي إيه دلوقتي؟ راضي جدًا الحمد لله.. بحمد ربنا على توفيق ربنا ليا ومبسوط برسايل الطلبة لينا ودرجاتهم من ساعة ظهور النتيجة.. مافيش حاجة تانية المفروض أعملها دلوقتي غير الحمد لله على اللي فات والدعاء بالتوفيق فيما هو جاي.. أتمنى أنت كمان مهما كان مجموعك تعمل كدة.. رفعت الأقلام وجفت الصحف.. أسأل الله لك التوفيق
@@Gohary الدوك بعد الامتحان علي طول قال في ريكورد علي التليجرام انه علي الرغم من الامتحان فيه اسئلة صعبة وبعض الاسئلة صيغتها مش مظبوطة الا انه واثق ان السنة دي فيه ناس هتقفل وانه اتكلم مع المساعدين وقال كل الاسئلة ليها اجابة صح 100% بالاستبعاد
@@Gohary التعليق ماكان الا عتاب المحبين يا دوك لأنك بجد أكتر من معلم بالنسبة لي ( ومع ان معلم تكفي ) الا ان بجد حضرتك اكثر من كده اللي سمعته من حضرتك كان ريكورد التليجرام وبعد الامتحان الواحد قرر انه يبعد عن اي بوستات ليها علاقة بالثانوية علشان القلق والضغط بتاع النتيجة ( فيمكن حصل سوء التفاهم من هنا )
إلا أن الواحد لسة بيحبك كأخ ومعلم وصديق لرحلة 3 سنين
الحمد لله عن نفسي راضي 100% عن المجهود اللي بُذل وعن المجموع كمان لأنه كان بكرم ربنا أكثر من المتوقع
بالتوفيق يادوك
يا شباب انا واحده ابوها مكلمهاش من ساعه النتيجه
مقليش مبروك ولا وحش ولا حلو بس كنت متعوده علي كده من اول السنه
فتخطيت الموقف كأنه عادي
مع ان الغريب معملش ك. ه
زعلانين ليه يا عبط كل واحد الخير بتاعه محطوط وكليته من قبل اما يتولد اصلا ده نصيبك
اللي عليك تثبت لنفسك وللكل ف الكليه انت مين ❤️👏
محدش يزعل والله مش مستاهله
والله انا مدخلتش لسه بس دخلت في حاله حزن هو فعلا في ظلم!! 💔
@@yona1003اتعب وهتلاقي واهم حاجه علاقتك بربنا انا بقلش أن هما متبعوش معرفش ايه ظروفهم متخدش حد قاعده انا الحمدالله تعبت وجبت 95 ❤
@@yona1003لو فيه ٢٠% جابو درجات بالغش ليه نبص عليهم ما نبص علي ٨٠% الي جابوا درجات بي مجهودهم ونسعي نبقا زيهم وانا دفعت ٢٠٢٥ ومدرستي سنادي دفعه ٢٠٢٤ مطلعه يجي ٢٠ شخص فوق ال٩٠% يارب نكون زيهم
وانا واحدة كنت ف ثانوية عامة وابوها مسجون
@@hiicks__ كفاره
الواحد قلبو اتحطم وزعلان جدا تخيل بعد ما اتعلقت بحاجه تسيبك وتمشي بس والله دي مش دراجاتنا والحمدلله على كل حال رضينا يارب❤
لَا تَحْسَبَنَّ ٱلَّذِينَ يَفْرَحُونَ بِمآ أَتَواْ وَّيُحِبُّونَ أَن يُحْمَدُواْ بِمَا لَمْ يَفْعَلُواْ فَلَا تَحْسَبَنَّهُم بِمَفَازَةٍ مِّنَ ٱلْعَذَابِۖ وَلَهُمْ عَذَابٌ أَلِيمٌ😊
" إلا من أتى الله بقلب سليم "🌿🌿🌿
الف مُبـارك لڪل طالب مجموعـه حـلال ❤👑
《الله لطيف بعباده يرزق من يشاء وهو القوي العزيز 》
ثقوا في تقدير الله ليكم ثقه عمياء مدام انتو واثقين انكم عملتو الي عليكو
ولا تنسوني من صالح دعائكم فأنا في امس الحاجه اليها
دفعة 25 ❤
آآآآآآآآآآآآآآآآآآآآآآآآآآآآآآآآآآآآآآآآآآآآآآآهٍ من. خيبة الأمل 😢😢😢😢
@@user-uu1wo1zg8c عملت ايه
الانسان راضي جدا بـ اللي ربنا كتبهوله بالرغم من ان حلم الطفولة ضاع ولكن لا نقول الا مايرضي الله "الحمدلله دائما وابدا" بس كل ده كوم ونظرة الكسرة في عيون بابا وقتها ولحد دلوقتي كوم تاني 😭😭.
اول مره فى حياتى اتذوق طعم الفشل بعد ما كنت طول عمرى المركز الاول 😢😢😢😢😢😢😢😢😢😢😭😭💔💔💔💔💔💔💔
حسبى الله ونعم وكيل 😢😢 ي الله على كسره القلب اللى انا فيها😢😢
الوحد كان بيتمنا طب 😢 دلوقتى بيتمنا اى يلحق كليه ي الله 😭😭😭😭😭 إن لله وإن إليه راجعون
اللهم أجرني ف مصيبه واخلفني خير منها 😢😢 كل لن يصيبنا الا ما كتب الله لنا
يا دوك طول السنة الدنيا مش طب وهندسة ووووووو كلام هري كده اتحفظ من كتر ما اتقال من حضرتك ومن كل المدرسين وبعد النتيجة بتباركوا للي جابو طب وهندسه وبتقوللهم يا دكاترة ويا مهندسين بصراحة المدرس الوحيد اللي عمره معمل كده مستر خالد صقر وبيطلع من عنده اوائل جمهورية ولا مرة نزل ولا مرة قال
اه نفرح لاوائل الجمهورية وحضرتك اتصل عليهم وكل حاجه بس مش لازم ينزل ڤيديو
ما هو حلم مثلا ٣٠٠٠٠٠ طالب ومش بيحققه غير ١٢٠٠٠ فهى اكيد كلية قمة و الشغل فيها مطلوب جدا بره مصر وجواها،بس مش هى الطريق الوحيد انك تعمل فلوس كتير ويبقا ليك مكانة محترمة بين الناس،فهى اكيد كلية قمة بس مش نهاية العالم لو مدخلتهاش يعني
ده في دول العالم التالت بيتقال للفظ ده برا مصر مفيش الهبل ده@@Lolololololollolol-fv5yr
يا شباب احب اطمنكم
اول حاجه انا من الجيزه
تاني حاجه قبل ما النتيجه تطلع بيومين تقريبا احد جيراننا تخرج من جامعه تجاره امتياز مع مرتبت الشرف الان
العجيب اهنا انه تم قبوله ك دكتور جامعي 😮❤
النتيجه مش هتفرق في انك تتفوق وترجع تاني 🎉
ما رأيك يا دكتور في هذا الكلام
كنت بحلم باليوم ده اللى هيكون البيت كلو مليان زغاريط علشانى ولكن كان كلو زعلان واكتر حاجه بتقطع قلبى انى زعلت اهلى من بعد تعب سنه كامله 😓 وكسرت خاطرى وخاطرهم وحلم ليا ١٢ سنه بتعب علشانو ولكن لابد ان ارضى بقضاء الله لانه اكيد كاتبلى الخير فى ده 🥺
(ومن يتقِ الله يجعل له مخرجا ويرزقه من حيث لا يحتسب )
هون علي نفسك يا صديقي ربنا هيجبر بخاطرك ان شاء الله وتوكل علي الله ولا تعجز فإن العجز صفة الضعفاء ❤❤❤
الحمد الله ياارب عوضني انا و كل من قال امين ❤❤
آللهم آمين
اللهم امين يارب
آميَنِ 🤲🏻
امين
انا تعبانه اوي يدكتور انا جايبه 85٪ و والدي بيعاملتي وحش اوى مقلش حتى مبروك ولا هون عليا و هو عارف انا قد اي تعبت انا كنت بموت في اخر السنه و هو كان دايما يقولي كفايه النهارده و ارتاحي ومكنتش بسمع الكلام
و هو دلوقتي بيعاملني كأني شايله مواد او راسبه و البيت كله حزن
مكنتش عاوزه كدا كان نفسي افرح بعد التعب دا كله حتى لو ربنا مكرمنيش كان حتى هو يهون عليا
شايفه الناس عندنا جايبين في الستين و اهلهم طايرين من الفرحه و زغاريط و ضرب نار و دبح وانا اللي بعيط انا تعبت اوي 💔💔💔💔💔
انا جايب ٧٩ وكنت حاسب اني هجيب في التمنينات مش عارف ايه اللي حصل في التصحيح😢😢😢
هوني علي نفسك ومتزعليش بكره ربنا يكرمك بكليه هتقولي الحمد لله اني مدخلتش طب والكليات القمه اللي بيقولوا عليها وهتحمدي ربنا علي كرمه
ولو علي والدك متزعليش هما بيكونو خايفين بس مش عارفين يعبروا عن دا ومتزعليش بقا انبسطي واضحكي
والله مجموعك عالي جدا وحلو ما شاء الله
❤❤❤❤❤
الف مبروك يا غاليه مجموعك حلو اوي والله احمدي ربنا ❤❤
الف مبروك
والخير فيما اختاره الله
انتى جايبه ٨٥ لى اهلك زاعلنين انا جايبه ستين واهلى عادى ولا فرح ولا زعل بس انا حاسه بزعل جوايا
أنا ثانوية 2025😅
أخواتى دفعة2024🥰 لو كان خيراً لكان وخليك فاكر " إن الله لا يضيع أجر من أحسن عملاً "
ربنا هيعوضك😊 إن مكنش فى المجموع ففى التفوق فى النجاح فى الرزق فى الزواج فى الذريه الصالحة فى الصحبة الصالحة فى حياتك عموماً أهم حاجة زى ما قال الدكتور لاتيأسوا مهما الدنيا جت عليك ومهما الكل خذلك فربنا معاك
الله سبحانه وتعالى لم يخلقنا عبثاً
وربنا يجبر بخاطركم ❤
يبني الامتحانات عبيطة والله انا جبت 385 ان شاء الله هدخل القصر العيني
امال ليه المعظم جايب اقل من ٩٠؟ @@user-yv9wi3yv8o
وانا كمان ثانوية عامه دفعت 2025😊ادعولي
وانا كمان ثانوية عامه دفعت 2025😊ادعولي
@@user-yv9wi3yv8oفين اللي عبيطة مش معنى انك جبت مجموع يبقى تقول امتحانات عبيطه إذا كان المدرسين بيختلفوا في إجاباتها أنا كنت حاسبة حاجه على حل مدرسين معتمدين ومطلعش كده
الواحد يعمل اللي عليه وربنا بيوفق بس ده لا ينفي العبث اللي بيحصل في الامتحانات والسماعات معظم اللي داخلين طب عندنا سماعات حرفيا لايفقهوا شيئا!
وقليل هو من اتقى الله ووصل وبمجهوده
أتكسرت كسره وحشه اوى
كل ما اتخيل مجموعى وجهدى طول السنة والكليه اللى بحلم بيها وهى راحت لحد تانى وحزن اهلى
يارب العوض والصبر
هتوحشنا يا دكتور❤ الحمد لله جبت 51 في الأحياء بفضل ربنا ثم حضرتك
لاكن الباقي مش الطف شيء 😢بس الحمد لله على كل حال 81,6%
هو ممكن اعرف ادي تجيب اي انا يعتبر زيك
انا اللي وقعني الاخياء ناقصه فيها ١٤ درجه
خير ان شاء الله 🙂
وانا ناقصة ف الاحياء ١٤
انا ناقصة فيها 24 درجة
الحمدلله ربنا يعوضنا يارب الخير فيما يختاره الله لنا ❤️
الحمد والشكر لله على كل حال ❤❤❤كلو مكتوب يجب الرضا ❤❤❤
صلى على النبي صلى الله عليه وسلم ❤❤❤
ظننا بالله لن يضيعنا ❤ لو كانت الكليه اللي عايزها خير ليك مكانش ربنا حرمك منها ، حاشا لله ان يظلمكم ❤ ازعل عادي بس متسخطش وثق في ربك فان امره كله خير❤ ربنا معاكم جميعا انا من دفعتكم بس قدر الله اني ااجل السنه كلها والحمد لله على كل حال
صلو على حبيبنا وشفيعنا يوم القيامة ❤
رحم الله والدتك وغفر لها ولجدك ونفع اللة بك يا دكتور سنشتاق لك ولأيامك❤❤
انا والله من وقت مخلصت الامتحان والجماعه في البيت بيقولوا لو جبتي ٦٠ او ٧٠ احنا راضيين لاننا عارفينك عملتي ايه والحمدلله جبت 74.88% كان نفسي اجيب اكتر علشانهم والله وعلشاني انا كمان وصحابي كلهم في السبعينات بردوا وكل ماشوف حد يقولي مبروك انتي تستاهلي اكتر وتستاهلي كل خير وانتي طيبه وربنا هيكرمك ان شاء الله
والبلد كلها كانت شايفه الدكتورة اروي عامله ايه يا دكتور عايزه حاجه يا دكتور ادي الدكتور مكسوفه اقول درجتي والناس هتتريق بس الحمدلله ان اهلي راضين وانا راضيه الحمدلله 😊
ازاي هتعيدي السنه وانت ناجحه@arwaa0000
الحمدلله بس انا صعبان عليا بابا وماما الانهم كانو شايفينى فى مكان احسن من كده😢😢
يا جماعه انتم مش شايفين الخير فين لو كنت تعرف ايه اللي هيحصل لك ما كنتش هتختار غير اللي حصل لك ارض بما قسمه الله لك تكن اغنى الناس❤
لا يكلف الله نفسا الا وسعها
كنت بطلع من الاوائل والله جبت ٦٤% مصدومه من يوم النتيجه ادعولى يا ناس ربنا يعوضنى خير علشان انا منهاره 😢
انا دفعة 2025 بس متابعاك من أولى بجد ما حبيتش الأحياء غير لما اخدتها مع حضرتك❤ حضرتك لا تقارن بأحد نهائي ❤ كفايه كلامك المحفز ووقوفك جنب جميع الطلبه وخاصة الثانويه العامه .
ربنا يخلى حضرتك لينا ❤
بس يا دكتور دي مش درجاتي حرفيا مجموعي ميدخلنيش اي حاجه ليها مستقبل أو كنت مخططالها
الكل حوليا جايبين مجاميع وانا لا
كنت رفضت اغش عشان حرام بس ميته من الزعل على نفسي والكل فرح وفرح أهله إلا انا
الحمدلله على كل شيء
انا زيي كدا حوليا جايبين 90 وفوق الا انا 😢
~سُبحان مَن يراكٓ تٓميل فيبتليِك لتستقيم ِ♡♡♡
كل اللى يجى من ربنا فهو خير خير والله خير، اصبرى وارضى بقضاء ربنا،وابشرى، هتقولى قد اى يارب كنت رحيم بيا، الحمدلله دائما وابدا،، وافتكرى ان احنا بنعمل لأخرتنا والدنيا زائله.
{ عَسَى رَبُّنَا أَن يُبْدِلَنَا خَيْرًا مِّنْهَا }
أطفِئْ بهذه الآية نار حسرتَك على كل فرصةٍ ضاعتْ ، وعلى كل وظيفة خسرتها ، وعلى كل حبيبِ أفلتِ يدكَ في منتصفِ الطريقِ ، وعلى كل صديقٍ حسبتَ أنَّ وجهاً جميلاً فلم يكن هذا إلاّ قناعاً لذئب جارح !
ما أخذه الله منك فلحكمةٍ ،
وما تركه لكَ فلرحمةٍ ،
فإنْ علمتَ الحكمة ، فاشكرْ !
وإن جهلتها ، فاصْبِر !
أقدار اللهِ كلها خير وإن أوجعتكَ !
ي دكتور الواحد متقبل وراضي بس مش قادر يشوف اهله زعلانين ومش عارف يعملهم ايه ف بينهار😢
تحيه طيبه امتحان الاحياء ثانويه عامه مصر ٢٠٢٤ دور اول الدرجات غير موزعه بعداله علي المنهج وصفحات الكتاب.كالتالي
1_الجهاز الهيكلي=درجه واحده=3.5 صفحه.
2 _الدعامه والحركه= 10 درجات= 8 صفحات.
3 _ الجهاز الهرموني=7 درجات=11.5 صفحه.
4_,التكاثر،=14 درجه= 32 صفحه
،5 المناعه= 12 درجه=20 صفحه.
6_DNA=8 درجات
= 16 صفحه
RNA = 8 درجات
=16 صفحه.
يعني دعامه وهورمون=18 درجه=19 صفحه.
تكاثر=14 درجه= 32 صفحه.
من التحليل السابق وبالبرهان واضح جدا عدم العدالة في توزيع أسئلة الامتحان علي المنهج وصفحات الكتاب.
نرجوا مراعاة ذلك في المستقبل ان شاء الله وربنا يوفق الجمييع وشكرا.
٠
بعد ده كله اجيب ٣٧ من ٦٠ في الأحياء ده مش مستوايا ده مش مجهودي ده مش انا ده مش اللي بتطلع من اواءل ادعولي وادعو لأهلي يصبرهم
ربنا يصبرك و يجبر بخاطرك ❤
وربنا ي مستر مش ناسي الليالي الي سهرتها وانا بسمع محضرات حضرتك وبجد كانت اجمل ايام ❤❤❤
صعبان عليا أنه اللى يجى بيقول معلش الحمد لله وبيواسى بدل ما بيبارك
كنت متخيله الزغاريد والفرحه فى البيت بس الحقيقه كانت 💔
أنا راضيه بس حزينه
الحمد لله على نعمة عيلتى اللى مهونه عليا وبتقولى مجموع حلو والحمد لله وزعلانين على زعلى مش زعلانين منى
بقعد شويه أضحك معاهم وأقول أيوه الحمد لله مش مشكله وفجأه لما حد يكلمنى ويواسينى بتجيلى نغزه فى قلبى كده وببكي جامد
وأسيبهم وأروح أبكى لوحدى علشان أزعلهمش أكتر
بس قدر الله وما شاء فعل
الحمد لله قد رضيت بما قسمه الله لى
💔💔
صعبان عليا تعب طول السنه وقلبي وجعني اوي والله ،بس اكيد ربنا مختار لي الافضل الحمد لله على كل شيء
محدش هيحس باللي زيي انا جايب 90.9 مش هحصل طب على نص في الميه وحاجات عبيطه فعلا يارب التظلم بنصفني في اي حاجه ولكم بالمثل
ممكن تدخل كليه طب في محافظة تاني عادي انتظر التنسيق وادعي
نفس مجموعي بس رياضه 😂
وتظل تسعى جاهدا ف همه
والله يعطى من يشاء إذا شكر
والله يمنع إن أراد بحكمه
فلابد أن ترضى بما حكم القدر
انا خلصت فيك كل الكلام مش ❤
مش عارف اقول ايه اجازي بيه حضرتك بآرك الله فيك ورفعك الي اعلي المراتب ونفع بك الامه ❤
اول مره انام وانا ببكي
الحمدلله
الكل الخير و جاي الخير والباقي الخير
انشاء الله خير
إن شاء الله
إنشاء غلط لاختلاف المعنى
كان الله في عونكم يارفاق ،ووفقكم فيما هو آت.
نظرتى اتغيرت بعد الفديو ده
شكرا لحضرتك❤
حضرتك شخصية جميله كدا وبتأثر فينا تأثير اجابي ربنا يجعله في ميزان حسناتك ويغفر لجدك ووالدتك ف والله ما أنجبت الا خيرا❤ ربنا يبارك فيك وفي صحتك ويسعدك في الدارين ويجعله في ميزان حسناتك
انا دفعه ٢٥ وفخوره ان حضرتك هتكون بتدرس لي ربنا يكتر من امثالك
اول حاجة حسبى الله ونعم الوكيل فى واضع امتحان الفيزياء ربنا يقهره على اغلى مايملك لانه ضيع احلام دفعة
تانى حاجة انا مش زعلان قوى بس مقهور من دموع امى و صوت ابويا و هو بيقولى متزعلش نفسك واهدى و احساس انى خذلت امى و ابويا
تالت حاجة بالنسبة للناس اللي دخلوا بسماعات و تلفونات و اخدوا اماكن ناس كتير يارب تكونوا مبسوطين
الله يرزق من يشاء بغير حساب ❤❤فلنتوكل على الحي الذى لا يموت
أحسن كلام سمعتوا والله ي د. أحمد ربنا يجازيك خير يارب 🩶
انا كنت حاسبه مجموع وجبت اقل للاسف بس ربنا عوضني ف اهلي عاملوني ولا كأني جبت ٩٦في الميه
بس المشكله ف اغلب المدرسين برضه بيعملو حفلات جميله اوي للي جايبين درجات عاليه وبيجبولهم هدايا جميله لزمايلنا واحنا لا بس الحمد لله ✨️
لا يڪلف الله نفسًا الا وسعها
قلبي اتكسر ي دكتور قلبي بيتكسر علي كل مره تعبت وذكرت ومنعت نفسي من كل مناسبه وكل حاجه حلوه عشان مستقبلي وفي الاخر انصدمت صدمه عمري مستحيل انسي اليوم دا يوم تكسير كل فرحه وكل حلم ادعولي بالصبر واني اقدر اتأقلم 😢😢😢
آمين ربنا يثبتنا جميعا❤
جزاك الله خيراً معلمي الفاضل.. ❤
بسم الله ماشاء الله صوتك جميل
دي اولا انا لسه في أولي وبسمع الكلام دي كتير تحفيز ليه وانشاء الله ربنا يسعدكوا جميعا
وانشاء الله هجيب 99.5٪ بتوفيق الله عز وجل ربنا يوفقنا جميعا ♥️♥️👍
إن شاء الله*
ان شاء الله.ربنا هيكرمك باللي نفسك فيه بس نصيحه خلي حلمك واقعي شويه يعني انا كان حلمي ٩٨ الحمد لله جبت ٩٣ يعني طب بإذن الله بس قاعد حاسس بتأنيب الضمير لاني كنت بحلم حلم عالي قوي
@@user-if4if5wv7fمفيش شئ مستحيل علي ربنا
ان شاء الله *
@@user-if4if5wv7f انا كنت عايزه اطلع الأولي علي الجمهوريه واكسر توقعات كله
كلام حضرتك جميل جدا+ ربنا يصبر الطلاب اللي اتظلمت ، وعسي ان تكرهوا شيئا و هو خير لكم ❤
علي فكره يا دكتور مش حاجه حلوه انك تنزل الأوائل عند حضرتك الي هو هما دول الي شرفوني طب والباقي كلنا كنا بنزاكر وتعبنا ولما نشوف صحابنا كدا وحالنا دلوقت شعور مش كويس خالص لمجرد ان بس علي الناس يقولوا ده واو بيطلع الأوائل من عنده كل سنه
اظن الناس عارفه مين د أحمد الجوهري حضرتك مش مضطر تثبت لحد حاجه
اتمني في السنين الجايه حضرتك متعملش كدة علي شان شعورنا بس اتقوا الله فينا
لا مش كدة خالص.. زي ما قلت في الفيديو الاحتفال بالناس اللي طلعت أوائل ده حقهم علينا نكرمهم ونقولهم ألف مبروك.. زي ما واجبنا إن الناس اللي لم توفق للمجموع اللي كان نفسها فيها إننا نقول لهم ألف مبروك برضه وقدر الله وما شاء فعل ولعله خير.. مش المفروض تزعل من تفوق غيرك وتسخط على حالك.. ارض باللي ربنا كاتبه لك وكاتبه للناس.. جرب تسمع الفيديو تاني هتفهم كل حاجة 😄
بس انا بشوف ي دكتور ان مثلا اللي جايب مجموع او اللي طالع الاول كفاية عليه فرحته هو وفرحة اهله بيه، لو مثلا المدرس بتاعه حابب يكافئه مثلا يبعتله هديته او مثلا يتكلم معاه بس بعدين م اول ماتطلع النتيجة على طول لان في ناس حزينة وكان بيكون نفسها تكون مكانه وكدا بنجرح مشاعرهم وخصوصا بعد وقت النتيجة على طول بتكون الواحد حالته مش احسن حاجة فبلاش نزود عليه ونقعد نحتفل بصور الاوائل ومش عارفة ايه، بشوف اللي بيعمل كدا في المدرسين بيحاول يفتخر بشغله ويحاول يعمل صيت وكدا وبرضو عشان مظلمش كل واحد ونيته بس بشوفها مش الطف حاجة بصراحة والله يباركله مستر خالد صقر نفس وجهة نظري وبس دي وجهة نظري ورايي ممكن حد يعارضني مفيش مشكلة مع احترامي لكل حد برضو
"ولا تفرحوا بما آتاكم"
المدرسين طول السنه بيشجعوا الكل وف النتيجه يهنوا الدكاتره والمهندسين 😢😂😂😂😂😂😂😂
الكل مظلوم خصوصا فى الفيزياء و الكيمياء و الاحياء جايبين ٣٠ من ٦٠ يعنى نص الدرجة لى كدا حسبي الله ونعم الوكيل فيهم
همس في اذانيها وقال ":اني ميت اليلة":بكت فاطمة فصلوا علية
والله يا دكتور ربنا يعلم الواحد تعب في السنه دي قد ايه بس في الاخر ما لقاش اللي يرضي نفسيته ولا اللي يرضى اهله الواحد فعلا قدام المجهود اللي هو بذله طول السنه ملقاش حاجة فى النتيجة والعيال اللى يدوبك بتفك الخط هم اللي جايبين تسعينات عارف انك هتقول لي دول مش هينجحوا في كلياتهم وبتاع بس انا عمري ما كنت يعني اتمنى ان في حد يتاذي و لا كنت بفرح بحاجه زي دي انا كان بس نفسي ان انا اجيب مجموع حلو ادخل بيه اسنان بس ربنا مقدرليش ده وبقيت فى المرحلة التانية اهو ومش عارف هدخل اى ..وانا خصيم كل اللى غش يوم القيامة وساعتها مش هسامح حد فيهم لان محدش عارف الاحساس اللى انا حاسه دلوقتى وحسبي الله ونعم الوكيل فيهم😢💔
جُزَيتْ الجنةُ وَ قُصُورَها يااااااا دكتوررر أحمد 💜💜💜💜
بعيداً عن المجموع اللي أنا شايفه قليل جدا على تعبي بس حابب أوجه رسالة لكل إخواني وأخواتي طلبة 2024
بص يا صديقي :
اكيد ربنا سبحانه وتعالى يعلم اكثر من أي أحد آخر كم التعب والمجهود اللي اتبذل من كل واحد فينا
أكيد ربنا يعلم الخير فين لكل شخص ويعلم اكترر مكان مناسب ليك ولغيرك يا صديقي
فهوِّن عليك فما هي إلا دنيا ❤
جزاك الله خيرا ي دكتور على كل ما قدمته لنا ورحم والدتك وجدك ورفعهم أعلى درجات الجنة مش هننساك ي دكتور
انا دفعه 2025 ان شاء الله السنه الجايه زي اليومين دول هاجي هنا واقول قدجعلها ربي حقاً
ادعولي كتيرر كتيرر ي صُحبه لن نموت قبل ان نحاول ان نحيا❤.
مع كل لايك هعرف ان حد دعالي🥺🥺
لـِ آيـــــــة عنــد ربِّهــا حاجــةً فســلُوا اللَّــه أنّ يُلبِّيهـا لهــا ♥️.
شد حيلك وحل كتير وبلاش تكون مغتر
عايزه اقولك ان معظم طلاب مش بيجيبوا المجموع اللى نفسهم فية بس لما تكونى اجتهدت طول سنه بتبقى مش ندمانه على اى حاجه وكمان فى حاجه اسمها لطف الاقدار يعنى هو مجموع مش احسن حاجه بس بتلاقى اهلك مثلا فرحانين زعلك مش بيطول فاجتهدى عشان لحظه ده انا اجتهدت مجموعى مكنش اللى انا نفسي فية بس اقسم لك باللة ان انهارده كان يوم سعيد جدا ❤❤ عقبالك ي رب
ان شاءلله بجد ربنا هيوفقنا كلنا اللهم آمين يارب ♥♥♥🥹
@@user-jo3qd5je5n اللهم آمين +ربنا اكيد اختار الطريق الل فيه الخير ليكِ ي سكره🥰 رب الخير لا يأتي إلا بالخير🥰🥰
ربنا يوفقك و يوفقنا جميعا يارب ويحقق حلمك وتكونى بإذن الله الأولى على الثانويه العامه بإذن الله ♥️♥️
" ولا حزن يدوم ولا سرور "
🌿🌿🌿🌿🌿🌿🌿
احنا عندنا الأوائل جايبه فى ٧٠ واللى كانو جايبين ملاحق فى اولى وتانيه جايبين حاجه ٨٠
ربنا يصبرنا على الايام
القصيدة جميلة يا دكتور وصوت حضرتك ما شاء الله ربنا يباركلك ويرحم والدتك وجدك ويغفر لهما ويسكنهما فى أعلى درجات الجنة آمين يارب ❤
ربنا يصبر الناس اللي محققتش حلمها❤ والف مبروك للناس المتفوقة🎉 + صوتك رائع يا مستر دفعة 2024 ادعولي بطب بشري ان شاء الله ❤❤
أن شاء الله تحقق حلمك هو انت جايب كم ؟
انا دفعه جديده ٢٥فصراحه عاوزة اطمن أن فيه حد جاب مجموع عالي ادعيلي ربنا يكتبلي الطب البشري يارب
@@محمدالرملاوي يا رب يا حبيبي انا وانت وكل الناس أن شاء الله❤️
كان نفسي أفرح أمي بعد ماتعبت معايا تعبت والله وجبت أخري ولكن ربنا ما أرادش الحمد لله راضي بقضائه ، لكن صعبان عليا نفسي لما حد يكون مفتحش كتاب ويجيب فوق ٨٠ والله أنا أكتر ماده كنت متفوق فيها كانت الاحياء والله المستر لما حد ميفمش حاجه كان بيقولي فهمه يا مروان وكنت بقفل كل الامتحانات وحليت ٥ كتب وبعد دا ٣٨ في الاحياء وكنت مراجع مع تلات مدرسين غلطتين بس والله أنا إنظلمت مش في الاحياء بس في كلوا حسبي الله ونعم الوكيل 😢😢😢😭😭😭
الحمد لله
قدر الله وما شاء فعل الحمد لله ❤
الحمد لله شكرا يا دكتور على مجهودك اللي بذلته طول السنة. واشهد انك مبخلتش بأي مجهود ❤ الحمد لله ٩٤.٨ و٥٤ أحياء بفضل الله
ألف ألف مبروك يا عمرو ❤️.. تواصل مع صفحة الفيسبوك
ممكن تبعتلنا بياناتك في رسالة مجمعة 👇🏻
الاسم :
النسبة المئوية :
كنت بتابعنا منين :
المحافظة :
صلى على الحبيب قلبك يطيب ❤❤
ولن نقول غير الحمد لله
والله عليمٌ بوجع قلوبنا ولا سواه يعلم قدر المشقه التي تعايشنا فيها لكي نصل💔
لا تتحدث عن تقصيرٍ يامُعلمي ف والله ماقصرت ولا بخلت علينا بشئ ودائما
أسأل الله عز وجل أن يجازيك خيرا في الدنيا والاخره لكل ماقدمته لنا
ونعم الأخ والمعلم حقًا وحتي ان لم نصل يكفينا
الاخلاق الحميده التي كنت لنا دائما مُعلم لها
ويكفينا ماورثناه منك يا مُعلمي
ادعو لنا يامُعلمي أن نُوفق ف القادم ف حقًا نحن قُلوبُنا منكسره💔
ﻛﻞُّ ﺍﻟﺸَّﻮَﺍﻫِﺪِ ﺗُﺤَﺎﻛِﻴﻨﺎ ﺃﻧّﻨَﺎ ﺿِﻌﻨﺎ..ﻭﻇَﻨُّﻨَﺎ ﺑِﺎﻟﻠﻪِ ﺃﻧّﻪُ ﻟَﻦ ﻳُﻀَﻴِّﻌﻨﺎ♥
بارك الله فيك يا دكتور❤
والله صبرتنا ع اللي احنا فيه😢