دانت له اوروبا || كلمات : فايز الضياحي || اداء : محمد مسعد الضبعان

الحان : عارف
هب الهبوب بموجها والهوا دار
يامن يخلي ناقتي مع حلاله
ان ردها المقهور تنكس على حوار .
وان ردها عليان ماهي جماله
يرمي الحيا ربي لها عقب الامطار
ترعى زماليقن بها الطرش داله
......................................
حلمي بها من كل عشبه بنوار
من فيض خير الله جلا جلاله
عزي لمن مثلي سجينن ورى سوار
ياراح هم الصبح بالليل جاله
ساب الحلال وزوعت وِضح الأبكار
ولافيه عّدن للموارد بجاله .
......................................
مال العرب له عند الأجواد مقدار
ياليت يرجع ربع شي غداله
وا بدونا اللي صدرت فوق الأموار
كلن على موره امييل عقاله.
وجدي على اللي تكرم الضيف والجار
تذبح وُداعت ضيف مثل النزاله
......................................
اكرم مزولك حي يامطول النار
خل الذبايح بالصياني جزاله .
وأرزاقنا بيديك ياوالي الأقدار
منك العوض للي خسر راس ماله
بإسم الذي يقسم عشى الفرخ بالغار
وزودن على عيون الوحش ياجماله
......................................
صفاف ريشه في شواهيق الأوكار
فرخ الأحرار اللي يساوي عداله .
لاواهنيه بالخضيرا ليا طار
ياضاق به مرقاب دور بداله
مايعتلي به كود عِقبان وأحرار
أو فرخ شيهانن يهد بجهاله .
......................................
أيست لا أشاور بها روسن كبار
والعدل أساس الملك يمنع زواله
مامثل محمد بالجزيرة ولاصار
شيخن حكمها يوم ربي بغاله
وأصبح بها سيد على كل الأقطار
بأرض الجنوب وشرقها مع شماله
......................................
دانت له أوروبا وماخلف الأنهار
ياكبر حضن جادله وإشتراله
من قو باسه غاص في غِب الأبحار
وقطع بحريف السياسه حباله .
مثل الجبل ماهزه رياح وإعصار
وليا إصطفق هبوبها مادراله
......................................
يحق له من تِرثت إملوك وإمار
جده معزي وابن حِثلين خاله
شبيه من جاها على قب الأمهار
مايتقي والهيج ماهو بحاله .
هذا ولد ستر العذارى عن العار
ابن الملك سلمان وحنا عياله .
......................................
ساس الزعامه ياطويلين الأشبار
يابين معاديه يلقى دواء له
عهدن علينا مانخونه بهالدار
سلمان حزم وكل شعبه رجاله .
الشاعر/ فايز الضياحي الرويلي