شرح تجميع تانك هيدروليك
Вставка
- Опубліковано 13 січ 2023
- انظمة الهيدروليك بتحتاج صيانات واختبارات دروية عشان تحافظ عليها شغالة لأطول فترة ممكنة ومن غير اعطال مفاجأة .. بعض الأختبارات ده هتساعدنا اننا نتوقع حصول العطل قبل وقوعه وده لأي حد شغال في الصيانة معلومة هي الأهم على الإطلاق لأن ببساطة شديدة الالات الهيدروليكية في الغالب بتقوم بشغل صعب ووقفة المعدة او الألة الهيدروليكية مكلف مجرد وقفتها اثناء العمل ممكن يكلف من 5 الاف ولحد 500 الف وربما اكتر في اليوم الواحد. فتحكمنا في مواعيد الصيانة وعدم انتظار المصايب لما يحصل هيقلل وقفتنا المكلفة جدًا
اما الصيانات الدورية فتكون قادرة انها تحافظلي على السيستم شغال اطول فترة ممكنة قطع غيار الهيدروليك غالية مش رخيصة والزيت غالي مش رخيص .. فاني احافظ ع النظام بتاعي اطول وقت ممكن يوفر مبالغ ضخمة في مصاريف الصيانة
وزي ما بقول ديما للمسئولين في الشركات مهندس واحد فاهم لو خد قرار واحد صح ممكن يوفرلك مرتب فريق الصيانة كله لمدة سنة.
بالنسبة للزيت للصيانات الدورية الخاصة بالزيت فممكن نعتبرها
1- تنضيف تانك الهيدروليك مرة كل سنة ع الأقل حتى لو مش هتغير الزيت هطلع الزيت برة تنضف التانك وترجع الزيت تاني بعد ما تعمله فلترة محترمة
لو مستغرب ليه نغسل التانك خليني اوضحلك ان وظيفة التانك ان الزيت يهدى فيه ويخسر شوية من الشوائب المعدنية اللي فيه وكمان يخسر الحرارة ويبرد نوعًا ما مع الوقت التانك بيكون مليان شوائب معدنية مترسبة المعادن ده هتحتفظ بالحرارة وتعمل زي الـ soot شوائب صغيرة سخنة جدًا في الزيت هتبوظ جزئيات الزيت بمعدلات اسرع وممكن في حالات اسوء تسبب overheat في الخزان ..
الشوائب لو فضلت متراكمة تحت ده هيزود فرص انها ترجع تدخل معايا في النظام تاني ده معناه عمر اقل لكل مكونات الدايرة ..
لما نيجي ننضف الخزان الأجانب بيقولوا لو تقبل انه يكون التانك حلة طعام فهو خزان هيدروليك
معلش انا عارف انك مبتعملش ده .. وعارف ان جايز تكون مقابلتش حد قالك تعمل ده بس صدقني الحاجات البسيطة ده هتفرق في عمر الماكينة وفي مصاريف وتكلفة الصيانة
- تغير الفلاتر بشكل دوري او كل ما تتسد لو عاملك مؤشر او انذار
تتأكد من منسوب الزيت في الخزان وده غالبا بتعمله قبل ما تشغل النظام تبص بصة على مستوى الزيت .. مستوى الزيت لو قل ممكن يسبب ان المضخة تشتغل من غير زيت او يحصل عندنا cavitation .. كمان انخفاض مستوى الزيت ممكن يسبب ان الزيت يسخن او ميلحقش يهدى ويتخلص من الدوامات والشوائب .. برده منسوب الزيت لو ارتفع ممكن يطلع برة الخزان اصلًا وده خسارة للزيت وممكن يسبب حوادث
في بعض الانظمة بيكون في سويتش كهربا انذار لو مستوى الزيت انخفاض ومؤشر تاني يفصل النظام لو الزيت مستواه انخفض اوي .. اتأكد ان الأتنين شغالين كل مرة هتنضف فيها الخزان
كمان لو في عندك سويتش بيفصل السيستم عن حرارة معينة سواء كانت حرارة منخفضة او مرتفعة اتأكد انه شغال في كل مرة بتنضف الخزان
جزاك الله خيرا وبارك الله في علمك
الطرمبه ليها مرحلتين خروج بيتوصلوا المنظم
ومدخل واحد للزيت اللي متوصل بالفلتر
الطرفين الثانين اللي راكبين في المنظم دوال راجع الي التنك
ربنا يجعله في ميزان حسناتك ❤❤
والله الله يجزيك كل خير
ربنا يجزيكم خير
رقم الهاتف للاتصال بك
٠١٠٠٤٩٠٤٣٠٥