Исламға қатысты маңызды Сұрақ - Жауап 20. Ұстаз: Омар Теміртас

23-Сұрақ: Дәретті не бұзады?
Жауабы: Дәретті бәріне ортақ болған жеті нәрсе бұзады. Олар:
1 - Жыныс мүшелерінен шыққан нәрселер. Бұл мәселеде ғұламалар арасында тартыс жоқ. Алайда дәреті әрдайым бұзылатын кісі бұған кірмейді.
2 - Денеден көп мөлшерде шыққан нәжістер. Фатима бинт Әби Хубайш  пайғамбардан ﷺ: "Уа, Алланың елшісі! Мен истихада қаны келетін, әрі одан тазара алмайтын әйелмін, намазымды тоқтатайын ба?", - деп сұрады. Пайғамбар ﷺ: "Жоқ, ол хайыз емес. Расында, бұл тамыр жарылған себепті келетін қан", - деді. Хадисті Бухари мен Муслим жеткізген. Бухариде: "Кейін әр намазға дәрет ал", - деп келеді.
3 - Терең ұйқы немесе ақыл-ойын жоғалту. Алла елшісі ﷺ: "Көз - артқы жолдың аузын байлайтын жібі. Егер екі көз ұйқыға кетсе, жіп шешіліп кетеді", - деді. Хадисті Ахмад пен Табара́ни риуаят етті. Сондай-ақ, Табарани: "Кім ұйықтаса, дәрет алсын!", - деген сөйлем қосты.
4 - Пердесіз жалаң қолмен алғы не артқы мүшені ұстау; Алла елшісі ﷺ: "Кім мүшесін ұстаса, дәрет алсын", - деді. Хадисті Абу Дауд, Тирмизи, Нәсәи және Ибн Мәжә жеткізген.
5 - Қарама-қайшы жынысқа пердесіз, шаһуатпен тақалу; Алла Тағала сөзінде: {... егер ауыру немесе сапарда болсаңдар не сендерден біреу түзге отырып келсе, не әйелдерге жақын-дассаңдар да су таба алмасаңдар, сонда таза жерге тәяммүм соғып беттерің мен қолдарыңды сипаңдар. Расында Алла аса кешірімді, тым жарылқаушы} (Ниса, 43).
6 - Түйе етін жеу; Бір адам Алла елшісінен ﷺ: "Қой етінен дәрет аламын ба?", - деп сұрады. Ол ﷺ: "Егер қаласаң", - деді. Әлгі адам: "Түйе етінен дәрет аламын ба?", - деді. Алла елшісі ﷺ: "Иә", - деді. Хадисті Муслим жеткізген.
7 - Ислам дінінен қайту. Алла барлық мұсылмандарды одан сақтасын! Алла Тағала сөзінде: {Кім иманға күпірлік келтірсе, оның амалы жойылды және ол ақыретте де зиян етушілерден болады} (Мәидә, 5). Басқа аятта: {Расында, саған да сенен бұрынғыларға да: “Егер Аллаға серік қоссаң, әлбетте амалың жойылып кетеді де, анық зиянға ұшыраушылардан боласың” деп уахи етілді} (Зумар, 65).
Ал дәретті бұзатын жеке жағдайлар, олар:
1 - Мәсіні шешіп тастаса;
2 - Мәсінің уақыты бітсе;
3 - Таңғышты шешсе;
4 - Дәреті әрдайым бұзылатын адам үшін, намаздың уақыты кіру;
5 - Тәяммум қаққан адам үшін, намаздың уақыты кіру;
6 - Тәяммум қаққан адам су тапса.

[@user-re6of4cn8u]

СубханалЛах АльхамдулилЛях Аллаху Акбар

[@user-nu2ww2if2j]

Аллахумма барик Аллахумма амин бауырым

[@nurlankubashev4359]

السلام عليكم. و رحمة الله. و بركاةه

[@miniskirtm1236]

Ма шаа Аллах табаракАллах устаз

[@Dara-bala]

Түсінікті

[@Atyrau84]

Ма ша Аллах