نسمة وغيرها سوو قص معدة وتالي تعلن عن منتجات تنحيف واغلبها تأثر على مراكز الشهية والشبع بالدماغ يعني ضرر دائم العمر كله مو فترة ويروح اما البقية اني من شفت الاعلان قلقت بصراحة لان وحدة مثل ميس وعلي عذاب وغيرهم يسون دعاية لهيج منتجات راح تعرف الوضع بالعراق شكد خطر وشكد المصداقية صفر
دا اشوف كميه التعب للي دا تبذلهه علمود تطلع تحجي بمنتهى الثقه بمعلوماتك و دائما رايك يكون يتفق وي اكبر الخبراء ب اي مجال تحجي بي ما شاء لله عليك و الله يجزيك كل الخير ؏ التوعيه لان مع الاسف الجهل صار جبير بالعراق
من اول ما تابعتك واضح فيك الصدق ولا همك احد وهذا الشي نادر ولا تسوق لي شي ما يستأهل عكس المشاهير في كل مكان لو تكرمت فديو عن عطور المشهورة في السعودية زي عساف والان ماتش او غيرها لان يهمني رايك
يذكرني باعلانات اجهزة الليزر المنزلية 😅 ، يسون ليزر بالعيادات وبعدها يسون اعلان لليزر منزلي. نفس الشيء هنا يسون قص و تغيير مسار او غير اجراءات ، وتعالوا صدگوا نزلنه بحبوب ما . مع الاسف امي تصدگ بيهم وتشتري دائما منحفات وشگد نحچي بس ما يفيد 💔💔
كولتها قبل بالبيج واعيدها مادام الانسان يشتغل بما يرضي رب العالمين وبضمير حي الله حيوفقه وان شاء الله انت كدها وحتبقى علم من اعلام السوشيال ميديا و نتشرف انه اتعرفنا على حضرتك ومحضوضين كذلك
دخلت الكم على حسابهم بالانستا وفرحان ردت اطلب لكن كلت خل ابحث باليوتيوب اتاكد وطلعتلي هاي الحلقه اول فيديو كملتها للاخير رحتلهم بالخاص هسه لعنت والديهم الله لا يوفقهم بجاه الحبيب محمد تحياتي الك استاذ اول مره اشوفك ومراح اعوفك❤❤❤❤❤
عجيب ع الناس الي كامت تصدك بالمشاهير العراقيين او الفشنستات زين انت كمشهور لاانت طبيب لا انت بمجال طبي مختص حتى تسوي اعلان وكمتلقي شلون تصدك بي وهم بمجال الميكاب لاهية تعرف بالميكاب لاهية تعرف مكونات المادة الي تستخدمهة وتكعد تسوي اعلانات بس مع الاسف غياب القرقابة المفروض تمنع هيج شي .
ولا احلى من هيج قناة، متفقين انو شگد استفادينا من جانب العطور وريحتنا بالأختيار، لكن حلقات اصل وفصل بيها فائده وتوعية اكثر جَد مُبدع وطريقة طرحك رزنه ومحترمه رغم اختلافك وياهم، كالعادة شكراً أحمد .
ترى البيج سويته انت بعد ما ضغطنا عليك احنا المتابعين و كلنا فدوة وفرلنا لان العطور مو اصلية يعني ابد ممستفاد احنا الي مستفادين عبالها شنو تبيع ضميرك انت وردة و حتى كومه اسألك و تجاوب عالخاص .. بالتوفيق و يحفظك من كل شر
كلامك كله مضبوط وصحيح كوني صيدلانية كلش اتفق وياك ماكو شي بالدنيا اسمه مابي اثار جانبية كل الادوية الي موجودة بكل الصيدليات بيهه اثار جانبية ماكو شي اسمه علاج بدون اثار؟!! منطقياً ميصير مونوب منتج منعرف منين جاي اصلاً اكو علاجات كدما السايد افكت مالتها عالي وخطر على حسب رأيي الدكتور ينطيها لولا على حسب البنفت والرسك مال المريض!! لهلدرجة طبعاً منكول غير حسبنا الله ونعم الوكيل على كل شخص يختار الفلوس على صحة الناس كلنا راح نموت وذنب كل شخص تأذى يكون بركبتنا ليوم الدين شكراً احمد على المحتوى الي تقدمة والي مبين كلش تعبان بي وهذا اجر عند رب العالمين تحسب عليه ♥️♥️♥️
هههه يبوو بأول شخص ثقة 🤭 والله يا أخي الي يشتري اشياء تدخل للجسم او البشرة بناء على كلام المشاهير هذا حيل بيه و ابو الزايد لأن صار واضح و معروف كذبهم و ماعندهم مصداقية . عاشت اديناتك عالحلقة 👏
تعليقي الوحيد هو انه الله يوفقك ويطول عمرك وتظل تساعد الناس هاي كلها بميزان حسناتك لان هاي المواضيع انت دتنقذ بيها ارواح بشريه مو بس نصائح عطور لالا انت دتنقذ ناس ومن احياها كانما احيا الناس جميعا ❤❤❤❤❤
انعدم الضمير في زمن الكل تتهافت على المال صح لسانك كفيت ووفيت واستمر بتوعية الناس لان الغش والخداع زاد بالعراق وماباقي اي مصداقية اني مااصدك بأي مشهور او مشهورة اوفنانين او او او غيرهم من الناس امثالهم لان هدفهم الاول والاخير يتقاضون مبلغ مادي ما الهم علاقه اذا كان يضر الناس او ينفعهم.عاشت ايدك ابدعت 👏🏼👏🏼👏🏼❤️💐
شوف احمد موضوع عدم شرب الحليب البقري هم فيكة وترند . الاطباء العرب اتباع للاجانب بلا تفكير مثل لما فترة طويلة يحاربون الخبز على ابو يسبب النسيان تالي ورة ١٠ سنين كالوا لا اكتشفنا ماله علاقة لو الشوفان الي طبلوله وتالي سحبوا كلامهم . الاغذية ومعلوماتها كلها ايضا اعلانات من شركات الاغذية .
@@nona20001 اعلانات . لانه هالدراسات الراعي الها هي شركات الاغذية وليس معاهد بحوث رصينة والي يفندها دوم هي معاهد البحوث بعد ان تنتبه للمواضيع هذي . وهالشي اطباء هواي كالوه والدليل دوم انه اثبتت دراسة منين هالدراسة محد يدري وتنتشر كالنار في الهشيم . لو دراسة معتبرة جان ذيلوها بالمصدر .
استمر بفضح هذولة الوحوش الي مستعدين يقتلون انسان بسبب المادة والله ماكو فرق بينهم وبين الفاسد الي بسبب سرقاته تموت ناس بالمستشفيات.احسنت ابو شهاب بميزان حسناتك
قبل ما اشوف الفيديو راح أكتب تجربتي اخذت اني و والدتي منهم بناءاً على كلام المشاهير الي أسمائهم كبيره وللأسف كلشي ما صار لا اني ولا امي وراسلتهم ميردون صاروا وبعد ما رجعت للصفحه شفت ولا تعليق ع الصفحه بوقتها كله فقط فيديوهات ومحد منطي رأيه وشيء اكيد اكو ناس جربت وكتبت تعليقات لكن اكيد الصفحه تحذفها
@@zayna9997 كورس كامل أخذته وكلشي ما صار ولا شويه ابو65 والدتي هم اخذته و زنها60كيلو ورادت تضعف كم كيلو و هم ما سالها شي مانزلت الأثار الجانبيه ماكو كلشي
والله يا احمد بس عبارة ماكو اثار جانبيه جريمه، ٦ سنين درسنا الطب وما شفت ولا قريت بأي مصدر انو اكو دوه بدون اعراض جانبيه، حتى الادويه العلاجيه الآمنه الها اعراض ف تجي تكول على منحف مابي اعراض وين اكو هيج حجي ؟ و وين المصدر اليثبت كلامهم شنو بس كالو مابي اعراض المفروض اصدك؟ عاشت ايدك استمر بهذا المحتوى لان هواي ناس ما واعيه كفايه وتاخذها وتدمر صحتها
والله هذا الاعلان خبلنا كل ساعه طالع بالفيس وبكل مكان واتعجب اشوف ممثلين وغيرهم يعلنون عنه وبدون ما اعرف شنو هو بس المنحفات كلها بصورة عامه خطرة وبيها مضار ماكو احسن من الصحه والعافيه. عاشت ايدك على الحلقه الروعه كالعاده.
والله انت انسان راقي وصادق واخلاق وياريت كل الناس مثلك وكلامك بالاخير فعلا هذا حالنا كلنا العراقيين نسمن ونلتزم وتجينا خبطة صفح نهجم على الاكل واني منهم هههه الله يوفقك واستمر اخي
أخذت منه اول ثلاث حبات كطعت الأكل ونفسي كامت تلعب حتى كمت اتخربط وتجيني دوخه ونزلت خلال ٣ ايام بال ٤ كيلوات وراها صار عندي ارتجاع مريئي وتركتها ورجعتها بيد المندوب لان بيها ضمان استرجاع لان سوالي هواي مشاكل وانصح محد يستخدمه لان مضر
الله يبارك بحضرتك استاد حشاك استاد بعيد عن هكذا مصطلح الصلافه حضرتك مجامل وتتكلم بصدق وبصراحه والله عاشت ايدك طلع كذبهم على الناس السذج تصدكهم للأسف مايسمو بالمشاهير والله يساعدك على النماذج التعبانه على الرزق الحمدلله رزقك بيدالله يكثر خير ويبارك برزقك ويوفقك بحياتك وبعملك ويحفظ شبابك
عاشت ايدك على فيديو شكد جنت منتظرك تحجي عن هذا المنتج الي ماخلو مشهور ماجبو سوه اله اعلان والله بحياتي مامشتري شغله من اعلانات مشاهير العراق لان كله كذب وتافهه
ياأخي فِشَلْ ! احنا بالعراق تشوف اللي متصدر للمشهد جاهل ومايعرف يحچي ويفشل ! والله خزونا لاعدهم ثقافة لايعرفون يناقشون لاعدهم معلومات عامه ! لا والمشكلة اكو منتجات تتصنع فقط للعراق ! والله احنا نعيش كارثة حقيقية ! لو كل الناس عدها الشجاعة تنتقد كان صار براسنا خير ! والله ماعمت علينا غير الاعلانات والمعلنين اللي يدورون فلوس بس! الله يوفقك ويجعل كشفك للحقيقة في ميزان حسناتك
صار فترة ديطلع الي اعلان الرويال ودائمااكول احمد شوكت يحجي عن هل موضوع شكد مشفت كلامك وفديو مالتك عن فيفان وغيرها احسن صار عندي وعي ف شكرا الك واستمر والله يبارك برزقك❤
احمد انت مو عينك صلفة بس واثق الخطوة يمشي ملكا ومثل ميكولون حرامي لاتصير من سلطان لتخاف اني كلش سعيدة وفرحانه وافتخر بيك وافتخر بمتابعتي الك ودائما من اريد اجرب اي شي اجي على قناتك اول او اسألك حقيقي انت انسان رائع ومواضيعك هادفه اتمنالك كل التوفيق والسعادة والحلقة محسينا بطولها من هلكد ما كانت ممتعة
حباب سوي عن هذا شاي سنفور ماعرف شسمه😂 الكل ثبرنا بيه. المفروض بهذا الحال وزارة الصحة والداخليه تتدخل مثل مال مراكز التجميل الي مابيها تصريح هيج اعلانات بيها مضار على المجتمع. اقاربي اشترت من هذه الحبوب والله العظيم فجأة ماتت نامت بليل ومكعدت
جبت منه و گالو بي ضمان استرجاع و اقل من يومين هيج راسلتهم ردت ارجعه لان مااستفاديت شي منه و ضلو يتهربون يكولون لا من غير حساب انتي ماخذته مو من هذا حسابنه و ادزلهم المحادثه يكولون لا هذا حسابنه الثاني و لحد هسه عندي ماقبلو يرجعونه و حظروني 🤓
@@Fm-cq7yxاستمري عليه وحيل راح تستفادين بس ابتزمي بي بالضبط زوجي اخذه نزل عشر كيلوات بعشرين يوم والحمدلله اي اضرار جانبيه مبي بالعكس يكول صحتي صارت افضل احس من نزلت
والله كرهت المشاهير من كد الاعلانات الي يطلعون بيهه وما احب اشوفهم والمنتجات الي يطلعون بيهه ما اعرف شلون الناس تصدك بيهم وبكذبهم ضمير ماعندهم وهمه اصلاً ميستعملوهه المنحفات دمار للجسم والصحه يضرب الكبد والكلى وتساقط الشعر وبس تتركهه يرجع وزنك نفس قبل واكثر تحياتي الك ولمصداقيتك محبه ومتابعه لحضرتك من أستراليا 🇦🇺
يا احمد شكد احترمك حلقة ورة الثانية صراحتك كلش نقدرها ونحبها وممتنين لوجودك دائما ، هل تعلم اكو اشخاص انبترت رجلهم بسبب المنحفات؟ بشر خسرت ارواحها بسبب المنحفات ،ارجوكم لاتسمعون لمشاهيرنا لان مايهمهم غير مصلحتهم والمادة اىاعلان هو تصوير ٥ دقايق ويستلمون عليها من ٥ الف الى ١٥ الف دولار ويعلنون بدون تفكير وبدون ضمير
هو لما يقطع الشهية... لعبان النفس أو دوار البحر يصير بي الإنسان... سالت صيدلانية و قالت من أبسط الأعراض هذه... يعني يبقى الواحد منزعج و مقروف و ضايج خلگه... مثل الوحام عند الحامل... طيحان حظ.. و الآثار الجانبية تعتمد على كفاءة و سلامة أعضاء الجسم تختلف من شخص لاخر....
احمد صديق ومتابعي من سنوات قبل لا يسوي صفحة لبيع العطور واصلا من زمان نطلب من عنده يوفر العطور وسوة الصفحة لخاطر متابعي اصلا قبل كان يذكر البيجات الي يوفرون الاصلي والوحيد الي يرد ع المسجات والاستفسارات حتى لو تاخر بسبب فارق التوقيت وي امريكا بس خطية يضل يرد علينا واني من عشاق العطور وقبل كنت اشتريها من المطار دائما بس حاليا كلها اطلبها من صفحته عندي ثقة بمنتجاته مليون بالمية ربي يديمك ويوفقك
بالله العظيم لعبت نفسنا من الاعلانات على كلشي يسوون اعلان بعد كم يوم حته على المي يسوون اعلان وياريت اعلانات حلوة لا عبارة عن تلوث بصري و فكري وكلشي بالاضافة هسه منو اليجي يصير مشهور يعني عبارة عن جهل بجهل بالهند ماكو هيج
استاذ أحمد بلا زحمه تكدر تسوي حلقه عن عطور التعبئه لو مو كد المقام ههههههههههه بس اكو بيها عطور كلش حلوه وثباتيه عاليه خاصة الزيتيه نريد نعرف معلومات أكثر عنها من كل النواحي
طبعاً من كثر ما نشرو المشاهير عنة اشتريتة ب75الف ومنزلني ولا كيلو واحد وحتى مايقطع الشهية مجرد يسوي لعبان نفس واعراض مثل اعراض الحمل وبيه ضمان 10 أيام اذا منزلتي ولا كيلو ترجعي وطبعاً راسلتهم وكلة جذب ابد ميرجعون المنتج
اني اتابع حلقات اصل وفص واكثر شي حبيته بيك هو طريقة تفكيرك وتحليلك وانتباهك على اشياء محد ينتبه عليها مثلاً هالمادة الحافظة الي بالعلبة المكتوب عليها بالصيني هذي تثبت انو التصنيع بالصين او بدولة غير امريكا وهالمعلومة خلت عندي فكرة تفقد الاشياء من كل الجوانب واذا لاحظت بيها شيئين مختلفين فهذا حيكون دال على خلل في مقابل كلامهم العالي عن كمية فوائد المنتج المعين ، واتريد الصراحة اني اصلا منتجات امريكا اخاف منها اكثر واكثر ، لان انذال كلشي يگدرون يسوون يگدرون يصنعون شي خاص ومشابه ويصدر الى دول مقصودة بالتالي اميركا تحارب بكل الوسائل والطرق وتحاشباً للمسائلة حيخون ثغرات انقاذ ضمن خطتهم
بخصوص نقطة علاقتك بمتابعينك ايي والله انت صادق بالي حجيته والله يوفقك ونشوفك باعلى مكان من بين مشاهير ومؤثرين العراق
💙💙
نسمة وغيرها سوو قص معدة وتالي تعلن عن منتجات تنحيف واغلبها تأثر على مراكز الشهية والشبع بالدماغ يعني ضرر دائم العمر كله مو فترة ويروح اما البقية اني من شفت الاعلان قلقت بصراحة لان وحدة مثل ميس وعلي عذاب وغيرهم يسون دعاية لهيج منتجات راح تعرف الوضع بالعراق شكد خطر وشكد المصداقية صفر
المشكلة حتى قص المعدة دمار للجهاز الهظمي وللجسم وكارثة ليس لها علاج
دا اشوف كميه التعب للي دا تبذلهه علمود تطلع تحجي بمنتهى الثقه بمعلوماتك و دائما رايك يكون يتفق وي اكبر الخبراء ب اي مجال تحجي بي
ما شاء لله عليك و الله يجزيك كل الخير ؏ التوعيه لان مع الاسف الجهل صار جبير بالعراق
من اول ما تابعتك واضح فيك الصدق ولا همك احد وهذا الشي نادر ولا تسوق لي شي ما يستأهل عكس المشاهير في كل مكان لو تكرمت فديو عن عطور المشهورة في السعودية زي عساف والان ماتش او غيرها لان يهمني رايك
💙👍
عاشت ايدك على الفديو اني عن نفسي ما اشتري اي شي مسوين عليه اعلانات خصوصا اعلانات المشاهير . استمر وبالتوفيق
يذكرني باعلانات اجهزة الليزر المنزلية 😅 ، يسون ليزر بالعيادات وبعدها يسون اعلان لليزر منزلي.
نفس الشيء هنا يسون قص و تغيير مسار او غير اجراءات ، وتعالوا صدگوا نزلنه بحبوب ما .
مع الاسف امي تصدگ بيهم وتشتري دائما منحفات وشگد نحچي بس ما يفيد 💔💔
اش صار بيها
لتخليها تشربهم حبابه ديري بالج عليها
ما اعرف شلون اكو ناس يصدكون بمشاهير العراق !!!
والله عصابات هاي يعني فوك جذبهم يريدون الوادم تصدك ، المشكله الجهل الي عند الاشخاص الي يصدكون ، فنسأل الله ان يوفق امثالك لنشر المعرفه
من يكلك مرخص من وزاره الصحه العراقيه هذا سبب كافي تبتعد عن المنتج هههههه
😂😂😂
😂😂😂
كولتها قبل بالبيج واعيدها مادام الانسان يشتغل بما يرضي رب العالمين وبضمير حي الله حيوفقه وان شاء الله انت كدها وحتبقى علم من اعلام السوشيال ميديا و نتشرف انه اتعرفنا على حضرتك ومحضوضين كذلك
💙💙
دخلت الكم على حسابهم بالانستا وفرحان ردت اطلب لكن كلت خل ابحث باليوتيوب اتاكد وطلعتلي هاي الحلقه اول فيديو كملتها للاخير رحتلهم بالخاص هسه لعنت والديهم الله لا يوفقهم بجاه الحبيب محمد تحياتي الك استاذ اول مره اشوفك ومراح اعوفك❤❤❤❤❤
عجيب ع الناس الي كامت تصدك بالمشاهير العراقيين او الفشنستات زين انت كمشهور لاانت طبيب لا انت بمجال طبي مختص حتى تسوي اعلان وكمتلقي شلون تصدك بي وهم بمجال الميكاب لاهية تعرف بالميكاب لاهية تعرف مكونات المادة الي تستخدمهة وتكعد تسوي اعلانات بس مع الاسف غياب القرقابة المفروض تمنع هيج شي .
عدهم دكتور ينصب عليهم وصيدلاني تاجر هذا كلامهم طبعا مو كلامي وللاسف هواي اعرفهم هاي وجهة نظرهم
نسبة الجهل بالعراق كلش زادت بعد 2003
@@user-en7bj6df9q صح اكو هيج ناس بس السوشل ميديا بيهة كلشي بيهة اطباء عراقيين يحذرون وبيهة صيادلة عدهم ذمة وضمير واكو حسابات لاطباء اجانب صراحة مبقى احد غشيم وهواي شايفة صيادلة ينشرون عن هذا الموضوع ومع ذلك اكو ناس بعدهة تصدك بالمشهور!!
@@saradash4735 مشكلة انوب انترست السوك هاي السوالف
ليش برأيك؟ @@saradash4735
اصدق و انزه انسان بالسوشل ميديا ❤
استمر و احنه وياك
كثرلنه اصل و فصل😂❤❤
💙💙💙💙
يعني الي يحاول يقطع رزق شخص ميخلي الله بين عينه شهل الناس تعبانه هاي كل الحب والاحترام والتقدير الك على مصداقيتك وعلى مفهوميتك
ولا احلى من هيج قناة، متفقين انو شگد استفادينا من جانب العطور وريحتنا بالأختيار، لكن حلقات اصل وفصل بيها فائده وتوعية اكثر جَد مُبدع وطريقة طرحك رزنه ومحترمه رغم اختلافك وياهم، كالعادة شكراً أحمد .
سويتلهم ابلاغ وبلوك وهم بعد الاعلانات مالتهم تطلعلي
والله اتعجب الناس شلون تصدك بيهم
المنتج الزين ما يحتاج هلكد اعلانات 👍🏻
والله بحياتي مامشتري شغله من اعلان مشاهير العراق لان كله كذب وتافهه
ترى البيج سويته انت بعد ما ضغطنا عليك احنا المتابعين و كلنا فدوة وفرلنا لان العطور مو اصلية يعني ابد ممستفاد احنا الي مستفادين عبالها شنو تبيع ضميرك
انت وردة و حتى كومه اسألك و تجاوب عالخاص .. بالتوفيق و يحفظك من كل شر
💙💙💙💙
كلامك كله مضبوط وصحيح
كوني صيدلانية
كلش اتفق وياك
ماكو شي بالدنيا اسمه مابي اثار جانبية
كل الادوية الي موجودة بكل الصيدليات بيهه اثار جانبية
ماكو شي اسمه علاج بدون اثار؟!! منطقياً ميصير
مونوب منتج منعرف منين جاي اصلاً
اكو علاجات كدما السايد افكت مالتها عالي وخطر
على حسب رأيي الدكتور ينطيها لولا
على حسب البنفت والرسك مال المريض!!
لهلدرجة
طبعاً منكول غير حسبنا الله ونعم الوكيل على كل شخص يختار الفلوس على صحة الناس
كلنا راح نموت
وذنب كل شخص تأذى يكون بركبتنا ليوم الدين
شكراً احمد على المحتوى الي تقدمة والي مبين كلش تعبان بي
وهذا اجر عند رب العالمين تحسب عليه
♥️♥️♥️
💙💙💙💙
فاطمة الراوي مسوية قص معدة الف مرة ومسوية نحت وتالي طلعت تكول منحف هو الي ضعفني ونزلني ١٤ كيلو 🤣
اهمشي ياخذون فلوس اعلان مايهمه عالم وشرح يصير بيهم
جيراني شابه صغيره فجأه تخربطت وهذا يوم وذاك يوم ماتصحى خطيه حتى اجلت الجامعه ماتتحرك من فراشها المنحف ضارب الكلى ووضعها كلش تعبان احذروا بنات حطوا اهلكم بين عيونكم والله امها وابوها يموتون قهر وضعهم تعبان
💔💔
أختي زوجهه جبرهه تستخدم منحف كيتو وضربتهه جرثومه بمعدتهه كطعت الاكل 6اشهر وصار عدهه انسداد بالامعاء انتهت وصلت للموت
@@AaAa-lz5geهسه شلون صارت؟
شهالقهر يربي ،ربي يعافيها
هههه يبوو بأول شخص ثقة 🤭
والله يا أخي الي يشتري اشياء تدخل للجسم او البشرة بناء على كلام المشاهير هذا حيل بيه و ابو الزايد لأن صار واضح و معروف كذبهم و ماعندهم مصداقية . عاشت اديناتك عالحلقة 👏
تعليقي الوحيد هو انه الله يوفقك ويطول عمرك وتظل تساعد الناس هاي كلها بميزان حسناتك لان هاي المواضيع انت دتنقذ بيها ارواح بشريه مو بس نصائح عطور لالا انت دتنقذ ناس ومن احياها كانما احيا الناس جميعا ❤❤❤❤❤
انعدم الضمير في زمن الكل تتهافت على المال
صح لسانك كفيت ووفيت واستمر بتوعية الناس لان الغش والخداع زاد بالعراق وماباقي اي مصداقية اني مااصدك بأي مشهور او مشهورة اوفنانين او او او غيرهم من الناس امثالهم لان هدفهم الاول والاخير يتقاضون مبلغ مادي ما الهم علاقه اذا كان يضر الناس او ينفعهم.عاشت ايدك ابدعت 👏🏼👏🏼👏🏼❤️💐
💙💙💙💙💙
جزاك الله الف خير اخوي احمد على مصداقيتك النادرة في هذا الزمن
💙💙
شوف احمد موضوع عدم شرب الحليب البقري هم فيكة وترند . الاطباء العرب اتباع للاجانب بلا تفكير مثل لما فترة طويلة يحاربون الخبز على ابو يسبب النسيان تالي ورة ١٠ سنين كالوا لا اكتشفنا ماله علاقة لو الشوفان الي طبلوله وتالي سحبوا كلامهم . الاغذية ومعلوماتها كلها ايضا اعلانات من شركات الاغذية .
مو اعلانات وانما العِلم يتطور
@@nona20001 تابعي البرامج التحليلية الي تكشف دور شركات الاغذية بنشر. دراسات بالنهاية كلها تطلع كذب ومعلومات خاطئة .
@@nona20001 اعلانات . لانه هالدراسات الراعي الها هي شركات الاغذية وليس معاهد بحوث رصينة
والي يفندها دوم هي معاهد البحوث بعد ان تنتبه للمواضيع هذي .
وهالشي اطباء هواي كالوه والدليل دوم انه اثبتت دراسة منين هالدراسة محد يدري وتنتشر كالنار في الهشيم . لو دراسة معتبرة جان ذيلوها بالمصدر .
من أروع الشخصيات واصدقها
تستحق المتابعة
ان شاء الله في ميزان حسناتك
💙💙
ممكن اتسوي حلقه عن مبيض سنو وايت الي لونه ازرق
اريد اشتري وحيل خايفه وبنفس الوقت عاجبني
ممكن تنطوني إعجاب حته يقره تعليقي
استمر بفضح هذولة الوحوش الي مستعدين يقتلون انسان بسبب المادة والله ماكو فرق بينهم وبين الفاسد الي بسبب سرقاته تموت ناس بالمستشفيات.احسنت ابو شهاب بميزان حسناتك
قبل ما اشوف الفيديو راح أكتب تجربتي
اخذت اني و والدتي منهم بناءاً على كلام المشاهير الي أسمائهم كبيره
وللأسف كلشي ما صار لا اني ولا امي
وراسلتهم ميردون صاروا
وبعد ما رجعت للصفحه شفت ولا تعليق ع الصفحه بوقتها كله فقط فيديوهات ومحد منطي رأيه وشيء اكيد اكو ناس جربت وكتبت تعليقات لكن اكيد الصفحه تحذفها
هم نزلتي وزن وصار وياج اثار حانبيه وشكد استخدمتي
@@zayna9997
كورس كامل أخذته وكلشي ما صار ولا شويه ابو65
والدتي هم اخذته و زنها60كيلو ورادت تضعف كم كيلو و هم ما سالها شي مانزلت
الأثار الجانبيه ماكو كلشي
صح انه راسلتهم جكد ومارجعوه وبذمتهم
والله يا احمد بس عبارة ماكو اثار جانبيه جريمه، ٦ سنين درسنا الطب وما شفت ولا قريت بأي مصدر انو اكو دوه بدون اعراض جانبيه،
حتى الادويه العلاجيه الآمنه الها اعراض ف تجي تكول على منحف مابي اعراض وين اكو هيج حجي ؟ و وين المصدر اليثبت كلامهم شنو بس كالو مابي اعراض المفروض اصدك؟
عاشت ايدك استمر بهذا المحتوى لان هواي ناس ما واعيه كفايه وتاخذها وتدمر صحتها
حرمات انت احمد ماعندك با ملاين لان صراحتك طاغيه عليك❤
مع الاسف الاكثرية يركضون ورة الحسابات التافهة
@@mayssamsalih2758ايي والله اكثر شعب يحب التافهة وعلانات كذب
بارك الله بيك و عاشت ايدك لأن جاي تنصح الناس و تبين لهم الحق و الباطل و الغش بالعراق
والله هذا الاعلان خبلنا كل ساعه طالع بالفيس وبكل مكان واتعجب اشوف ممثلين وغيرهم يعلنون عنه وبدون ما اعرف شنو هو بس المنحفات كلها بصورة عامه خطرة وبيها مضار ماكو احسن من الصحه والعافيه.
عاشت ايدك على الحلقه الروعه كالعاده.
والله انت انسان راقي وصادق واخلاق وياريت كل الناس مثلك وكلامك بالاخير فعلا هذا حالنا كلنا العراقيين نسمن ونلتزم وتجينا خبطة صفح نهجم على الاكل واني منهم هههه
الله يوفقك واستمر اخي
ياريت تحجينه عن العطور الي تتعبه يعني هذني الي بمحلات العطور يعبوهم ب5الاف و3الاف يعني احسب حساب الي حالتهم مو هلكد 😅 ياعطر هادئ وطيب
أخذت منه اول ثلاث حبات كطعت الأكل ونفسي كامت تلعب حتى كمت اتخربط وتجيني دوخه ونزلت خلال ٣ ايام بال ٤ كيلوات وراها صار عندي ارتجاع مريئي وتركتها ورجعتها بيد المندوب لان بيها ضمان استرجاع لان سوالي هواي مشاكل وانصح محد يستخدمه لان مضر
صدك والله؟ لأن ناوي اخذ منه
من رجعتي رجعوا الج فلوسج ؟
@@zayna9997 رجعو اليه ٤٠ الف لان استخدمت فقط ٣ حبات
@@I_S_O_A ابد ما انصحك تستخدمه اله أضرار هواي
هو البراسيتمول اله اثار جانبية ، كلشي اله اثار جانبية لحد الان ما اخترعوا دوا ما اله اثار جانبية
عاشت ايدك لان دتنشر الوعي للاسف شكد الاطباء والمختصين ومنهم اني شكد مانحجي وننصح ميستجيب الناس بينما يتأثرون اكثر بالمشاهير وكلام وسائل التواصل
الله يبارك بحضرتك استاد حشاك استاد بعيد عن هكذا مصطلح الصلافه حضرتك مجامل وتتكلم بصدق وبصراحه والله عاشت ايدك طلع كذبهم على الناس السذج تصدكهم للأسف مايسمو بالمشاهير والله يساعدك على النماذج التعبانه على الرزق الحمدلله رزقك بيدالله يكثر خير ويبارك برزقك ويوفقك بحياتك وبعملك ويحفظ شبابك
💙💙
عاشت ايدك على فيديو شكد جنت منتظرك تحجي عن هذا المنتج الي ماخلو مشهور ماجبو سوه اله اعلان والله بحياتي مامشتري شغله من اعلانات مشاهير العراق لان كله كذب وتافهه
علي عذاب ؟؟؟ ميس كمر ؟؟؟ هاي شبيهم صدك جذب طبعا ميس لو تحلف عالقرآن مجربته ماصدكها لان معروفه كللللش نحسه وتخاف على روحها وصحتها ومستحيل تاخذ منحفات
استمر بهذا الضمير والوضوح والامانه والمحتوى 🤍
يااخي انت جدا محترم وعاشت ايدك على الفديوات التوعوية هذه خاصه بما يخص ادوية التنحيف والصحة .الله يوفقك على الصراحة والصدق الي عندك
سبحان الله سيماهم في وجوههم انته مبين عليك ابن خير وشبعان عكس ذول الجوعيه يبيعون رواحهم اذا مالكو منتجات تعبانه يروجون الهه
💙💙
استاذ احمد انت علم و وردة وابد ماتدور ماديات مثل المشاهير يغشون الناس الله يوفقك استمر
واخيرررراااااا اصل وفصل🎉🎉🎉🎉🎉🎉🎉
ياأخي فِشَلْ ! احنا بالعراق تشوف اللي متصدر للمشهد جاهل ومايعرف يحچي ويفشل ! والله خزونا لاعدهم ثقافة لايعرفون يناقشون لاعدهم معلومات عامه ! لا والمشكلة اكو منتجات تتصنع فقط للعراق ! والله احنا نعيش كارثة حقيقية ! لو كل الناس عدها الشجاعة تنتقد كان صار براسنا خير ! والله ماعمت علينا غير الاعلانات والمعلنين اللي يدورون فلوس بس! الله يوفقك ويجعل كشفك للحقيقة في ميزان حسناتك
صرت كلما ادخل مكان عطور او اريد اشتري منتج اتذكرك واتبع تعليماتك التنصحنا بيهن حتى اتاكد من المنتج 🤍.. شكري الك ماله حدود
طبعا ذول المشاهير نفسهم طلعو باعلان مسمن مشهي اسمه عسل ويني 😂
ربي يحفظك ويرزقك اصدق مشهور واثق بكلامه بكلشي 🌸
احسنتم استاذ احمد بطل وميهمك الا الصراحة وصحة المستهلك ولكن للاسف كثيرين وقعوا بشباك التقليد لحياة المشاهير والتاثر بهم
صار فترة ديطلع الي اعلان الرويال ودائمااكول احمد شوكت يحجي عن هل موضوع شكد مشفت كلامك وفديو مالتك عن فيفان وغيرها احسن صار عندي وعي ف شكرا الك واستمر والله يبارك برزقك❤
💙💙
كل الاحترام الك استاذ احمد
متتخيل شكد فخورين بيك..
بارك الله بيك
اي منتج من اشوف هواية اعلانات عليه اعتبره فاشل ومابي مصداقية 😊
حيو احمد الطائي ابن الاصول والشجاعة كلها بي الله يحفظة واحنة كلنا نحبك ووياك❤️❤️❤️
💙💙
احمد شكراً لنشر الوعي مقدرين مجهودك بس طلب اخوي اريد منك تسوي حلقه عن اجهزة الليزر المنزلي لطفاً اعمل حلقه عن الموضوع 🙏🏻 ممنونه منك
👍💙
احمد انت مو عينك صلفة بس واثق الخطوة يمشي ملكا ومثل ميكولون حرامي لاتصير من سلطان لتخاف اني كلش سعيدة وفرحانه وافتخر بيك وافتخر بمتابعتي الك ودائما من اريد اجرب اي شي اجي على قناتك اول او اسألك حقيقي انت انسان رائع ومواضيعك هادفه اتمنالك كل التوفيق والسعادة والحلقة محسينا بطولها من هلكد ما كانت ممتعة
شكرا صديقتي الغاليه 💙💙💙
منين نساله اذا نحتاجه
حلقات اصل وفصل تجنن شكرا لجهودك🎉❤
💙💙
اني همات استخدمت منحف عود كندي يگول الاشتريته منه وهمات اذاني موتني وخربطلي بطني وتعب ومتت منه واسهال واهواي اعراض خلصت نص العلبه وعفته موتني
حباب سوي عن هذا شاي سنفور ماعرف شسمه😂 الكل ثبرنا بيه. المفروض بهذا الحال وزارة الصحة والداخليه تتدخل مثل مال مراكز التجميل الي مابيها تصريح هيج اعلانات بيها مضار على المجتمع. اقاربي اشترت من هذه الحبوب والله العظيم فجأة ماتت نامت بليل ومكعدت
جبت منه و گالو بي ضمان استرجاع و اقل من يومين هيج راسلتهم ردت ارجعه لان مااستفاديت شي منه و ضلو يتهربون يكولون لا من غير حساب انتي ماخذته مو من هذا حسابنه و ادزلهم المحادثه يكولون لا هذا حسابنه الثاني و لحد هسه عندي ماقبلو يرجعونه و حظروني 🤓
لتستخدمينة يعمري عوفي حتى لو فلوسة راحت خسارة المهم صحتج تبقى بخير وربج يعوضج ويطيح حظهم لاعبالج حيوفقهم
@@zezenew2293 يي والله عفته مااستخدمته الله لا يوفقهم همه و المشاهير الي يروجون الهم
@@Fm-cq7yxاستمري عليه وحيل راح تستفادين بس ابتزمي بي بالضبط زوجي اخذه نزل عشر كيلوات بعشرين يوم والحمدلله اي اضرار جانبيه مبي بالعكس يكول صحتي صارت افضل احس من نزلت
بارك الله بيك اخويه ذوله كلهم مطبلين اذا على كلامهم اطباء ماراح يسوون عمليات والمدربين ماراح يشتغلون تحياتي لجنابك❤
تعرف احمد جوارينة كعدت بالعربانة بسبب المنحفات وصارت متكدر تمشي بسبب المنحفات تدمرت حياتها وهي شابة زغيرة خطية وعدها اطفال
طلعلي الفيديو دخلت علمود اكتب للناس لا تنخدع ولا تشتري شي من المنحفات لانها مضرة جدا والحمد لله شفت الفيديو نفس كلامي
بارك الله بيك
والله كرهت المشاهير من كد الاعلانات الي يطلعون بيهه وما احب اشوفهم والمنتجات الي يطلعون بيهه ما اعرف شلون الناس تصدك بيهم وبكذبهم ضمير ماعندهم وهمه اصلاً ميستعملوهه المنحفات دمار للجسم والصحه يضرب الكبد والكلى وتساقط الشعر وبس تتركهه يرجع وزنك نفس قبل واكثر تحياتي الك ولمصداقيتك محبه ومتابعه لحضرتك من أستراليا 🇦🇺
كل الدنيا مسويه عليه اعلان. معقولة ولا واحد بذوله عنده ضمير؟؟؟ شكد انطوهم مبلغ وهيج بايعين ومخلصين. يعني الموضوع كلش مخيف هاي الصحه تاج فوق رؤؤس الاصحاء وذولة ديلعبون بكيفهم شلون بهاي الناس البسيطة الي عقلها ع كدها وع نياتهم وماعدهم وعي بهيج امور شنو مصيرهم... وشكرا عاشت ايدك
يا احمد شكد احترمك حلقة ورة الثانية صراحتك كلش نقدرها ونحبها وممتنين لوجودك دائما ، هل تعلم اكو اشخاص انبترت رجلهم بسبب المنحفات؟ بشر خسرت ارواحها بسبب المنحفات ،ارجوكم لاتسمعون لمشاهيرنا لان مايهمهم غير مصلحتهم والمادة اىاعلان هو تصوير ٥ دقايق ويستلمون عليها من ٥ الف الى ١٥ الف دولار ويعلنون بدون تفكير وبدون ضمير
هو لما يقطع الشهية... لعبان النفس أو دوار البحر يصير بي الإنسان... سالت صيدلانية و قالت من أبسط الأعراض هذه... يعني يبقى الواحد منزعج و مقروف و ضايج خلگه... مثل الوحام عند الحامل... طيحان حظ.. و الآثار الجانبية تعتمد على كفاءة و سلامة أعضاء الجسم تختلف من شخص لاخر....
بقت بنفسي اعرف منو هاي الي كالت عالعطور مو اصلية..عليك الله استاذ احمد گول منو منو بيني وبينك والله مااحچي
ترا هي امنيتها يذكر اسمها😑
احمد صديق ومتابعي من سنوات قبل لا يسوي صفحة لبيع العطور واصلا من زمان نطلب من عنده يوفر العطور وسوة الصفحة لخاطر متابعي اصلا قبل كان يذكر البيجات الي يوفرون الاصلي
والوحيد الي يرد ع المسجات والاستفسارات حتى لو تاخر بسبب فارق التوقيت وي امريكا بس خطية يضل يرد علينا
واني من عشاق العطور وقبل كنت اشتريها من المطار دائما بس حاليا كلها اطلبها من صفحته عندي ثقة بمنتجاته مليون بالمية
ربي يديمك ويوفقك
💙💙💙💙
يا سبحان الله هسة داكول هذا الولد لو عندة صفحة يبيع عطور محل جان اخذت وهسة شفت هالتعليق شنو اسم البيج
استعملته واول ٤ تيام نقطعه الشهيه وونحفت كيلوين ونوب راسلتهم وماقبلو يرجعونه شركه نصابه وكالو استعملي وشوفي واستعملته صار ٢٠ يوم ورجعت سمنت ومافادني وسببلي ارق كلش قوي ولا نزلت كيلوه ٩٠ وزني نحفت كيلون ورجتت زدتهن الكيلوين وبحضهم وبختهم ٧٥ الف
بالله العظيم لعبت نفسنا من الاعلانات على كلشي يسوون اعلان بعد كم يوم حته على المي يسوون اعلان وياريت اعلانات حلوة لا عبارة عن تلوث بصري و فكري وكلشي بالاضافة هسه منو اليجي يصير مشهور يعني عبارة عن جهل بجهل بالهند ماكو هيج
المفروض الصحة العراقية تحاسب هيج نماذج خاصة اللي يكذبون ويكولون هذا المنتج مرخص من الصحة
كلنه وياك احمد الغالي ❤ والله موضوع مهم وانت كفيت وفيت
عاشت ايدك اتمنالك كل النجاح والتوفيق والله يبارك بيك ويكثر من امثالك 🙏
الدقيقة ١٣
فعلا احمد الطائي دوم يجاوبنه وينصحنه ❤❤
💙💙
عاشت ايدك يا مبدع استمرّ كلامك كله صح كل ما اشوف فيديو إلك افتخر بيك ❤
احجي عن سافرونا شاي الاعشاب وشكرا على مصداقيتك
شكرا الك على هاي المعلومات بس عندي سوال اريد اسال على شراب الفيل كريت الامريكي اذا زين او لا وشكرا الك اذا جاوبتني
والله ردت اطلب من شفت الفنانين اكثرهم نصحو وبعدين الحمدلله كلت اكو خلل يمكن مو صادقين مشكور والله الله يجزيك الخير ❤
ما شاء الله ربي يبارك بيك ويحفظك ويارب يزيد من امثالك اني عندي ثقه بيك ❤️
مادري ليش حسيت رفيف هي ام الدكه 😂😂😂
منية رفيف
@@Olivia-on6sh الاعلاميه الي كال عنها
عاشت ايدك على هل فديو وعاشت ايدك على صراحتك 🌻
عاشت ايدك استاذ احمد شكرا على هاي المصداقية بارك الله بيك.
عمي هسه العالم توعت ولعبت نفسها من الاعلانات . انه ماخليت غسول اصلي يعتب علي كلهن دمرنيييييي وعفتهن رجعت اخلي خيار ع وجهي ابركلي وجوه امهاتنه وبيبياتنه توج وج والشعر ثخيييييين وطويل وناعم وانه كمت اسمع نصائح هاي وذيج وهسه ليكول راس بيضه كرعه شحال شعري لعبان نفس . الله لا يوفق كل مشهور ومشهورة واهل الاعلانات الباطله
الله يحفظك ويوفقك بميزان حسناتك توعيه الناس
استاذ أحمد بلا زحمه تكدر تسوي حلقه عن عطور التعبئه لو مو كد المقام ههههههههههه
بس اكو بيها عطور كلش حلوه وثباتيه عاليه خاصة الزيتيه
نريد نعرف معلومات أكثر عنها من كل النواحي
مره شتريت منحف من النت وتسممت 😂😂واني جنت محد يدري بيه من العائله.. انصح لاتصدكون لان هنه الفشننستات يكولون ماكو منحف وأولهن نسمه كذبه المنحفات تراااااا لاتصدكوووون سو صيام متقطع او دايت يناسبكم ورياضه حلوه
انتَ ماكو مثلك منصدك المصداقيه العندك رائعه 🤍
💙💙
والله عجيب ليش هو اكو احد يصدك بمشاهير العراق شسالفة يمعودين اصحو هو ياخذ فلوس الاعلان وما يهمه شنو يصير بيكم
طبعاً من كثر ما نشرو المشاهير عنة اشتريتة ب75الف ومنزلني ولا كيلو واحد وحتى مايقطع الشهية مجرد يسوي لعبان نفس واعراض مثل اعراض الحمل وبيه ضمان 10 أيام اذا منزلتي ولا كيلو ترجعي وطبعاً راسلتهم وكلة جذب ابد ميرجعون المنتج
اذا كاتبين هيج نظام غذائي حته الدجاجة ميشبعها يخليك تخسر مو بس الدهون حته العظام تسيح شنسوي بالمنحف بعد؟
عاشت ايدك ربي يوفقك استمر 👏🏻
كلش احبك واحترم مصداقيتك ❤
الله ايحفظك ويكثر من امثالك ردت اشتري منه الحمد لله بميزان حسناتك
22:00 احنا ناس اغنياء وعدنا خدامه اسمها سحر ونتريگ جبن مثلثات 😂😂🦦
اخ بطني 😂😂😂😂
😂😂
علي عذاب صدمة العمر 💔💔💔
لا ابد عادي جدا لتنصدمين
اني اتابع حلقات اصل وفص
واكثر شي حبيته بيك هو طريقة تفكيرك وتحليلك وانتباهك على اشياء محد ينتبه عليها
مثلاً هالمادة الحافظة الي بالعلبة المكتوب عليها بالصيني
هذي تثبت انو التصنيع بالصين او بدولة غير امريكا وهالمعلومة خلت عندي فكرة تفقد الاشياء من كل الجوانب واذا لاحظت بيها شيئين مختلفين فهذا حيكون دال على خلل في مقابل كلامهم العالي عن كمية فوائد المنتج المعين ،
واتريد الصراحة اني اصلا منتجات امريكا اخاف منها اكثر واكثر ، لان انذال كلشي يگدرون يسوون يگدرون يصنعون شي خاص ومشابه ويصدر الى دول مقصودة
بالتالي اميركا تحارب بكل الوسائل والطرق وتحاشباً للمسائلة حيخون ثغرات انقاذ ضمن خطتهم
عاشت ايديك استاذ احمد الراقي
والله اني جربت شاي سافرونا والله العظيم مسد شهيتي بلعكس فتح شهيتي ومع العلم وقت بوقته يعني منتظمه ؛ شفته مفاد ع النص وعفته ولا استعملته بعد 😊
عاشت ايدك على فضايح استمر معليك بالزعاطيط ومقهورين منك