أنا متغرب من سنة ١٩٩٧ و كل يوم من وقتها لحد دلوقتي بحلم ارجع مصر، و كل مره انزل زيارة اقول الحمد لله اني معملتش كده و قبل ما اطلع المطار عشان تسافر تاني مببقاش عايز امشي و اي مصيبه تحصل عشان اقعد فمصر غصب عني… و أجابه على سؤالك "تاخد ايه من مصر عشان تهون عليك الغربة؟" مفيش، هي لازم تاخدها باكج كده كلها على بعضها، غير كده ولا ليها اي لازمة. بلد معقده و تخليك مش عارف تعيش في اي حته تانية عشان هي خلتك معقد انت كمان.
كان ليا صاحبي سافر امريكا وقعد فترة كبيرة هناك وكنا بنتكلم فديو كول وانا كنت في الشارع وسط اجواء رمضان الجميلة في شوارع القاهرة ف شوفت لهفته علي الشوارع و قال وريني الفوانيس طب التكاتك وريني القهاوي و وريني زحمة الناس علي عربية الفول في وقت السحور ولقيته بيعيط من كل ده حسيت فعلا ان الواحد حواليه نعم كتيرة هو مكنش مقدرها ❤❤❤
أنا شخصيا مغترب بقالي تقريبا ٩ سنين، الكلام اللي انتم بتقولوه ده عن الحنين والفرحة لما الواحد بيرجع وإحساس الأمان ده كان زمان في الأول بس. بما كان اليورو ب٩ جنيه، دلوقتي أنا بكون مش طايق نفسي ولا طايق البلد وبعد الأيام عشان أرجع للغربة. أكتر حاجة صعبة هي البعد عن الأهل وتفويت المناسبات المهمة. ودي الحاجة الوحيدة اللي بتضايقني وأنا راجع تاني للغربة
أغنية تسلم الأيادي من الأغاني اللي بتخلي الواحد عايز يقطع علاقته بمصر حرفيا وأغاني حسين الجسمي برضه أغاني بتحتفل بفض رابعة ورئاسة مجرم دي الأغاني اللي كانت سبب في هجرة الأحرار
هي تبان ملهاش لزمه بس لما تفكر فيها بصورة اوسع هتلاقي ان كتير متغربين علشان ميتحبسوش لمجرد اختلافهم السياسي مع النظام الحالي هو معملش ذنب معملش حاجه غلط هو بس اعترض وكان جزاءه انه يا يتغرب يا يختفي قسريا اظن لما تشوفها كده هتلاقيها راكبه يا صديقي@@mohemida
*حسيت بكل كلمه في المقدمه لما رجعت مصر السنادى لأول مره بعد 11 سنه غربه في خمس بلاد ❤.. أحاسيس مختلطه مربكه و لا توصف .. حلقه روعه! شكرا إعمل منها تاني كل فتره 😊*
بسمعك وانا متغرب وحقيقي الواحد مهما حصل في مصر هيفضل يحبها طول عمره وبتمنى يجي اليوم اللي ارجع استقر واكمل اللي باقي من عمري فيها جمب مراتي واهلي وحبايبي
بعد فترة من الغربة، الناس بتتعود انك مش موجود و الشخص نفسة بتبتدي حياته تختلف. حياة الهجرة لها طابع خاص. اللي بينجح هو اللي بيكون عرف يتأقلم و يندمج في الحياة والثقافة، ده غير العمل والأمور المادية زي شراء بيت مثلا، ربطة يعني. مش حتجيب سيرة الأجيال المتعاقبة. ولكن تبقي ذكرات الإنسان و جنون الحياة المصرية. على فكره، أنا مشيت سنة ١٩٨٩ وآخر زيارة كانت ٢٠٠٦ ، بس لسة متابع كل مباريات الأهلي هههههه ، تحياتي لبرنامجك الرائع. حلقات السينما والمخرجين كانت اكتر من رائعة. أهلاوي في كندا.
دي اكتر حاجة بتوجع بعد ما كنت جزء من نسيج اهلك أصحابك وبيتك وجيرانك وحتتك بتتلاشي بالنسبة لهم شوية شوية وبتحاول تعمل دا في غربتك بس ما بتعرفش خاصة لو غربتك بعشرات السنين
@@hebashlaby في الغالب لا لانه شئ مصطنع لكنه تعبير عن الحنين و متشر في ثقافات مختلفة زي البلدات الامريكية التى تحمل اسماء بلدات اخرى انجليزية انا كنت بسمى high street طلعت حرب بس اوقات بيحصل رفض لهذا التزييف لانه بيصيب الانسان بشيزوفرينيا اما مثلا تتمشى في شارع العرب في لندن Edgware Road
المغترب بيصيبه حنين مرضي مرهق لتفاصيل كبيرة وصغيرة في بلده ،تفاصيل حتي هو ماكانش بيفكر فيها في بلده هذا الحنين بيرقق قلبه وشخصيته ويجعله متسامح ومتقبل للناس ومحب لابعد الحدود حتي لو في خصام مع حد ،بيبدأ الناس ينسوه تدريجيا ويبدأ هو يحبهم اكتر ويتفاجأ أنه لما ينزل إجازة أنه بقي غريب تدريجيا مش عارف يتواصل مع أصحابه أو معارفه الا القليل القليل ولا يبقي له إلا أهله والأماكن التي شكلت وجدانه وذكرياته ،
كمغترب أكتر من ١٠سنين كنت أمام عدة خيارات إما أسافر و أعرف أعيش عيالي و أحاول اوفر لهم فلوس يتعلموا ويعيشوا بيها و أقصر في تربيتهم يا إما أقعد أربي عيالي و احرمهم من حاجات كتير من أساسيات الحياة مش هقدر أوفرها لهم لو أنا في مصر يا إما آخدهم أغربهم معايا وأخلي أطفال يتربوا على مرار الغربة و برضو مش هيعيشوا زي ما هما عايشين في مصر فأنا اخترت إني أفضل مغترب باقي عمري ما اشوفهمش غير في الأجازات كضيف خفيف أو ثقيل قررت أعيش ربع حياة كأني ميت المهم هما يعرفوا يعيشوا كويس
الحلقة جت على الجرح… المشكلة ان مهما حاولت اشرح للناس قد إيه الغربة بتوجع.. برده ما حدش عاجبه حاله و انه حواليه أصحابه و أهله و ناسه .. ربنا يكرم الجميع و ما يحوجش حد انه يسيب بلده و ناسه و اللمة..
انا خرجت من مصر وفي اخر الدنيا حرفيا الحمد لله بقالي خمس سنين ورجعت مصر شهر أكتوبر اللي فات ... الحمد لله كانت اجازه خمس ايام والحمد لله خرجت تاني هوا لسه في حد بيردد الكلام الفارغ بتاع الهوم سيكنس والعبط ده ... ياخي الهي ماندفن فيها حتي ... اللي الواحد شافه في البلد الوسخه دي خلاني بحلم بكوابيس اني رجعت ... والحمد لله اتقألمت وتعايشت وعقبال اللي عاوز يخرج منها قال غربه قال .. دا انا معرفتش معني الغربه الا في بلدي
عظيمه الحلقه يا هادي انا متغرب بقالي خمس سنين و حاسس بكل كلمه انت بتقولها انت فعلا مش هتحس بالبلد غير لما تسبها هي عظمه كده فيها روح مش موجوده في اي مكان هي ظروفها صعبه رغم ان احنا نقدر و الله و تتاكد من ان احنا نقدر اما تشوف المصريين الجبابره اللي بره شاطر و جدع و محبوب الله كريم نرجع نتلم حوليها ❤❤🇪🇬
لان بكل بساطة انت تولد وتربيت في مكان محدد فحرفيا كل حاجة بتحبها او بتعرفها مرتبطة بنفس المكان حتى الأحلام اللي بتحلمها مرتبطة بلغة و ثقافة المكان فلو سافرت برا المكان وروحت مكان تاني خالص هتحس باشتياق امكانك القديم
انا مهاجر كندا من 2018 و مش حقول انى طول عمرى كنت بحلم بيها لأن لغايه 2014 كنت ضد فكره الهجره من حيث المبداء اصلا بصراحه انا ضد معظم النقاط اللى تناولتها - انتا مشكلتك انك حطيت كل المغتربين فى نفس التصنيف و اتكلمت عنهم كلامك ممكن ينطبق على مغتربين دول الخليج اللى طالعين بشكل مؤقت لكن لا ينطبق نهائى على المهاجرين انا مهاجر بره و مابقتشى حاسس بغربه لأن من وجهة نظرى اللى بيربطك بالبلد هما الوالدين و بالنسبالى هما متوفيين فارتباطى الاول دلوقتى بقى بزوجتى و اولادى اللى هما معايا فى المهجر - حتى ارتباطى باخواتى يأتى فى المقام الثانى موضوع الدفئ و جو رمضان و الكلام ده كان موجود فى التسعينات او اوائل الالفينات حاليا مابقاش موجود خلاص موضوع عشوائيه بره و ان حد سكران ينط عليك صعب حدوثه اصلا و اديني بقالى 5 سنين و ماشفتش كده رغم انى شفت سكرانين كتير صحيح الواحد منغمس حتى النخاع فى الاخبار المصريه و بيتفاعل معاها - لكن مش بفكر ارجع تانى و لما بنزل زياره ببقى مبسوط اول 3 ايام فقط و بعدها بفتكر انا ليه سبتها اصلا مش بفتخر بمحمد صلاح لأنه طلع و لا نزل لاعب كوره و هو نفسه بيشتغل لنفسه فمش حلزق نفسى فيه - و لكن صحيح ممكن افتخر باحمد زويل و مجدى يعقوب
انا سوري وشايف كل المرجعات . هذا المقطع الوحيد يلي بعلق عليه . انا بقالي ١١ سنة متغرب عن اهلي وعن سوريا . ومافيش اجازات. ولا في زيارات . الحمد لله على كل حال
انا متغرب من وانا عندي ٢٢ سنه وحرفيا وصفت كل لحظه بحسها فالغربة مصر بكل مشاكلنا فيها والاحساس بقلة الحيلة او الخنقة من التعريص والمحسوبية برضو عمر الواحد ما هيحس انه مش محتاج يرجعلها هيا تقريبا في دمنا
كل حاجة قلتها في الحلقة حقيقية جدا يا هادي و عديت بيها هنا في امريكا ما عدا حوار المصريين في الغربة ده حقيقي جدا بالذات في نيويورك قليل لما بتحس انه فعلا مهتم بيك علشان انت مصري زييه
موضوع الاحساس الصعب بتاع المشاوير البعيدة ده حقيقي بس معرفش ليه اول ما اقضي ليلة او 2 في المكان الجديد خلاص بحس انه مكاني ولو رجعت بيتي تاني بحس ان بيتي غريب يومين لحد ما اتعود عليه
الله عليكم حلقة في الصميم 👌 ووصفت مشاعر الغربة وشرحت كلام معرفش ازاي يتقال وفيت وكفيت شكرا من كل قلبي لفريق البرنامج 🙏 وتحية خاصة لبرنس الشباب صديقي هادي بسيوني 🤍
انا متغرب من ٥ شهور و الحلقة دي جامدة بجد في الوصف أكتر شخص مفتقده أمي و يمكن بدمع كتير لمجرد انها زعلانة و مش عارف احضنها و اكتر حاجة مفتقدها الشمش زي ما هي قالت الغربة بقت غربتين بقي لما أنا و حب حياتي انفصلنا و الحقيقة الانسان حاليا قلبه بقي فاضي. الغربة عمرها ما كانت سهلة
اكتر حاجة بتوجع بعد ما كنت جزء من نسيج اهلك أصحابك وبيتك وجيرانك وحتتك بتتلاشي بالنسبة لهم شوية شوية وبتحاول تعمل دا في غربتك بس ما بتعرفش خاصة لو غربتك بعشرات السنين
الكلام يمكن على نسبة من المصريين مش كلهم خاصة اللي في اوروبا وامريكا لكن اللي في دول عربية حلوة الاحساس عندهم اقل بكتير وعندهم كوميونتي مصغر بياكل اكل مصري وبيشجعو وبيلعبو طاولة ويشربو سحلب وبيركنو صف تاني كمان وينزلو العفش عادي 😅 بس طبعا مفيش سلبيات التعليم والصحة والروتين في كل الاجراءات والمصالح والعشوائية المبالغ فيها في الشوارع
تقريباً ده احلى و اوقع و اقرب فيديو ليا اتفرجت عليه ف حياتى و مفيش ولا كلمه من اللى قولتها غلط انا قعدت ف المانيا سنتين و انا عندى ٢٣ سنه دلوقتى و حقيقى مقدرتش ع الغربه او على انى ابعد عن اهلى و صحابى بجد محدش هيعرف ولا هيحس بالكلام ده غير اللى جربه و بجد مصر هى ام الدنيا♥️
ياسطا كفاية ده انت مصري جدا ضحكتني فشخ لما قلت 3 ثورات 😂 لو هنتكلم بجد فيه حاجات كتير قلتها صح عن كوننا مصريين في غربه و كمية المشاعر المتناقضه اللي بنحس بيها و بالذات جيل الشباب و اكيد ماحدش فينا يحب يبعد عن أهله و ناسه و صحابه و لمة القهوه و الجدعنه و العشوائيه اللي اي مغترب بيفتقدها جدا, بس كل ده مش بايدينا و الشباب جابت اخرها و دايما فيه حيطه سد, المشكله الحقيقيه بجد ان يبقى فيه شاب زيك من سننا و المفروض انه عايش ازماتنا و كان شاهد على كل اللي حصلنا من الدكتاتوريات اللي حكمتنا و في الاخر يطلع يلوي افيه احمد موسى و مصطفى كامل و يقلبه لحالة تطبيع مع شوية حراميه و كل اللي زيهم اللي سرقوا حلمنا كشباب كنا بنحاول نبني مستقبل لينا و لعيالنا على أرضنا و تحيا مصر 3 مرات يا هادي ❤
هي اسمها ام الدنيا تخيل تبقي متغرب عن اهلك اللي هما امك وابوك واخواتك وصحابك وفوق كل ده سايب ام كبيره جدا يعني الزعل دوبل عشان امك اللي خلفتك وامك اللي طلعت لقيت عايش علي ارضها وفيها كل الحنان والعطف والدفاء اللي عمرك ما هتلاقيه بره حضنها يارب بلدنا تبقي حلوه ونرجعلها ولا نفكر نتغرب تاني
انا بتغرب عن مصر من سنة ١٩٨٣ كان زمان اهلي يرسوا لي شرايط كاسيت و يقولواو لي ربنا يصبرك علي الغربة و احنا قلقالين عليك، الحقيقة اننا في الغربة قلقانين علي اهلنا في مصر ربنا يهونها عليهم، لو افترضنا نظريا ان الغربة اتفتحت بدون اي قيود مش حتلاقي اتنين مليون مصري في كل مصر، الغربة حلوة مافيش كلام الحلقة دي كانت ممكن تكون منطقية من اربعين سنة
انا اتولدت وعشت في غربه وكنت بستنا امتى اجازه اخر السنه عشان ننزل مصر ونتبسط ما كناش بنفكر في الفلوس والمصاريف كفايه اننا هنبقا وسط اهلنا.. لغايت ما نزلنا بشكل نهائي في الاول كان احساس حلو قوووي وتجمعات وخروج.. بس مع الوقت اكتشفت اني لسه حاسه بغربه.. قرايبنا اللي كانوا مزهقينا هترجعوا امتى وحشتونا.. بعد ما رجعنا كل واحد اتشغل في حياته وما بقيناش نشوف بعض غير في المناسبات الكبيره بس من السنه للسنه.. الواحد كان راجع عشانهم وعشان يبقا وسطهم.. بس اكتشفنا ان احنا مالناش لا اهل ولا اصحاب.. وعشنا الغربه تاني من اول و جديد ولكن من غير المميزات الماديه والعيشه والمستوى بتاعت الغربه..
يسطى الحلقة دي عظيمة فشخ و من أعظم و اجمد و افشخ الحلقات اللي انت عملتها في تاريخك أنا قاعد في مصر و دمعت كذا مرة فيها مابالك الناس اللي برة و بيتفرجوا عليها ❤❤❤
نصيحة لوجه الله لكل اليوتيوبر زي ما فديوهات ممكن تكون حسنات جاريه ليك ممكن تكون ذنوب جارية ليك واعوذ بالله وأنت اللي بتختار ده بنفسك فاتقي الله ولا تظهر او تفعل اي شئ حرام او يكون في الفديو خاصتك شخص يفعل او يظهر اي شيء حرام واعلم أن الدنيا فانية وما عند الله باقي والموت حقيقة تتناساها الناس مع انها تحدث امام أعينهم وعلى مسامعهم كل يوم فاتقوا الله وتوبو إلي الله وبارك الله فيكم جميعا وهدانا جميعاً آمين يارب 🤲🤲
هقولك ع حاجه أنا متغرب وكان اسعد يوم ف حياتي عزومه انا وأصحابي ف يوم ف رمضان هو قرب كل سنه وانتوا طيبين اليوم كان بيبقى بايظ والكل بيتاخر ونزعق وانت بوظت اليوم وكله حوارات وكل حاجه بايظة لكن والله بيبقى احلى يوم ل الحياه كلها وعمره ما بيتنسي بكل تفاصيله حتى لو خرع يعني أصحابي وحشوووووني ❤❤❤❤❤
و الله يا عم هادي الحلقة دي متأخرة خمس سنين مثلا . اخر خمس سنين و علي اللي بيحصل في مصر للاسف ماتت كل الاحاسيس دي و بقت مصر بالنسبة ليا الاهل فقط بعد ما كانت شوارع و قصص و ذكريات و اماكن و عيشه و صحبه و روح و شعب
For my perspective adapting in society is a skill that u have to learn for me my family is not the most part that i like abt my life so leaving ur family ur country sometimes its freedom and also financial problems 😂 and the غربة thing i don't like that word att alll it makes ur life harder even if ur life is amazing u think that u miss out something but actually u don't miss anything just take the opportunity of exploring anther cultural get out from ur prespictives in ur life see another perspective conc donot alow ur past or the warmth or the love to ur country blind u from growing and exploring and accepting and changing donot treat the new world like ur old self
مع احترامي لرأيكم بس انا كمغترب من زمان مش بحس بنص الحاجات دي و معظم الناس اللي رأيهم من رأيكم عندهم بس مشكلة في التأقلم على البيئة اللي حواليهم عشان كدة مش هيقدروا أي بلد زي بلدهم الأم... زي كدة لما تجيب سائح ألماني تعيشه في مصر و يقولك انه واحشه الجبال أو انه يشرب مياه من الحنفية أو التزلج على الجليد فا بالتالي شايف ان بلده مفيش زيها... مشكلة تأقلم
انا مسافر من ٢٠١٠ و اول اجازه ليا نزلت ٢٠١١ و كنت رايح انجلترا في اخر اسبوع في الاجازه على مصر للطيران و كان فيلم عسل اسود شوفته على الطياره انا كنت بعيط و انا بتفرج عليه 😂☺️
عنيا دمعت .. وصفت كل مشاعري حرفيا ❤ وانت بتاخد قرار السفر بتبقي بتجري عشان عاوز تمشي النهاردة قبل بكرة اول م بتمسك تذكرة الطيارة ف ايدك بتبدأ اللخبطة .. هل انا صح ولا غلط .. امشي ولا اقعد .. خلاص كدا انا مسافر بجد ؟!! بمجرد م بتسافر بتحس انك منبهر ومرتاح وعايش عادي ولا فارق معاك بس حقيقي دا لكام يوم بس .. بعد كدا بتحس ان كل حاجة كنت شايفها وحشة ف مصر بتوحشك وبتحس انك مستعد تعمل اي حاجة عشان بس تحس انك ف مصر ولو للحظات .. تسمع اغاني قديمة .. تشوف ماتش للمنتخب .. تشرب كوباية شاي بالنعناع ف اي قهوة .. مصر جميلة وفيها روح مختلفة .. مهما كان احساسك انك مش مرتاح فيها هتتمني ترجعلها ولو ليوم لو مشيت منها ❤
اشتغلت برة مصر ٦ سنين وكانو احلى ٦ سنين في حياتي وماحستش بموضوع الغربة ده خالص وعمري ما وحشتني البلد ولا همجيتها وزحمتها ومواصلاتها وجودة الحياة التي تكاد تكون معدومة.. هل لو الموضوع كان هجرة كان هيختلف!؟ مش عارف بس ماظنش
أنا متغرب من سنة ١٩٩٧ و كل يوم من وقتها لحد دلوقتي بحلم ارجع مصر، و كل مره انزل زيارة اقول الحمد لله اني معملتش كده و قبل ما اطلع المطار عشان تسافر تاني مببقاش عايز امشي و اي مصيبه تحصل عشان اقعد فمصر غصب عني… و أجابه على سؤالك "تاخد ايه من مصر عشان تهون عليك الغربة؟" مفيش، هي لازم تاخدها باكج كده كلها على بعضها، غير كده ولا ليها اي لازمة. بلد معقده و تخليك مش عارف تعيش في اي حته تانية عشان هي خلتك معقد انت كمان.
أنا من فلسطين. وصراحة مصر بالذات ليها شعور مختلف. الحب لمصر لا يوصف. اليوم والله بكيت وأنا باسمع بلادي
فيه جزء مهم جداً من الغربة ما اتكلمتش عنه
غربتك من عيالك و انت شايفهم بيكبروا أجانب
و انت بتحاول تربطهم ببلدك بأي طريقة و مش عارف
شيء حزين
كان ليا صاحبي سافر امريكا وقعد فترة كبيرة هناك وكنا بنتكلم فديو كول وانا كنت في الشارع وسط اجواء رمضان الجميلة في شوارع القاهرة ف شوفت لهفته علي الشوارع و قال وريني الفوانيس طب التكاتك وريني القهاوي و وريني زحمة الناس علي عربية الفول في وقت السحور ولقيته بيعيط من كل ده حسيت فعلا ان الواحد حواليه نعم كتيرة هو مكنش مقدرها ❤❤❤
كلمة غربة دي اختراع مصري الي برا عايش احلي مليون مرا من الي جوا
وادي واحد لسه مسافرش بره محافظته
@@VXKOU ٩ سنين برا مصر
@@Don_A7 يبقي الصح تقول (أنا) مش اللي برا،
انت الشاذ عن القاعده مش الطبيعي، وللعلم انا نفس الكلام بس الحق يتقال
@@Don_A7انتا في اي دوله
أنا شخصيا مغترب بقالي تقريبا ٩ سنين، الكلام اللي انتم بتقولوه ده عن الحنين والفرحة لما الواحد بيرجع وإحساس الأمان ده كان زمان في الأول بس. بما كان اليورو ب٩ جنيه، دلوقتي أنا بكون مش طايق نفسي ولا طايق البلد وبعد الأيام عشان أرجع للغربة. أكتر حاجة صعبة هي البعد عن الأهل وتفويت المناسبات المهمة. ودي الحاجة الوحيدة اللي بتضايقني وأنا راجع تاني للغربة
انت كده قولت اللي انا عايز أقوله ❤
انت بجد قولت كل حاجه الواحد بيحس بيها ربنا يصلح حال بلدنا و يرجعنا علي خير❤
أغنية تسلم الأيادي من الأغاني اللي بتخلي الواحد عايز يقطع علاقته بمصر حرفيا وأغاني حسين الجسمي برضه أغاني بتحتفل بفض رابعة ورئاسة مجرم دي الأغاني اللي كانت سبب في هجرة الأحرار
وايه علاقة وطالت المسافات بفض رابعة يسطا دلوقتي
اغنية تسلم الايادي دي والي حصل بعديها هو الدافع ان الواحد بيجهز نفسه للهجره لي استراليا اصلا 🖤
هي تبان ملهاش لزمه بس لما تفكر فيها بصورة اوسع هتلاقي ان كتير متغربين علشان ميتحبسوش لمجرد اختلافهم السياسي مع النظام الحالي هو معملش ذنب معملش حاجه غلط هو بس اعترض وكان جزاءه انه يا يتغرب يا يختفي قسريا اظن لما تشوفها كده هتلاقيها راكبه يا صديقي@@mohemida
@@-moristan109ده جزء قليل
الفيديو عمتا عن الناس اللي بتسافر تشتغل او تتعلم
أنت محتاج تتعالج ايه اللي جاب رابعه وخامسه دلوقتي!!؟ لا ونسيت هجره الأحرار 😂😂😂
انا سوداني مغترب و دمعت .. انت مبدع عبرت عن كل احاسيسنا فعليا .. محبتي و احترامي لشخصك المحترم و تحية محبة و احترام لكل اخواننا المصريين
*حسيت بكل كلمه في المقدمه لما رجعت مصر السنادى لأول مره بعد 11 سنه غربه في خمس بلاد ❤.. أحاسيس مختلطه مربكه و لا توصف .. حلقه روعه! شكرا إعمل منها تاني كل فتره 😊*
انا في الغربة صدقني دمعت لما سمعت الحلقة ❤
امال لو شفت الحلقة بقا كان هيجرالك ايه
@@_Moro82😂😂😂😂😂
😂😂😂😂😂😂😂😂@@_Moro82
جزء منها عشان احنا فلاحين ولاد فلاحين يا عم هادي، صعب نبعد عن الأرض. وجزء عشان كومبليكس الوطنية اللي فيه حقايق وفيه أساطير.
بسمعك وانا متغرب وحقيقي الواحد مهما حصل في مصر هيفضل يحبها طول عمره وبتمنى يجي اليوم اللي ارجع استقر واكمل اللي باقي من عمري فيها جمب مراتي واهلي وحبايبي
بعد فترة من الغربة، الناس بتتعود انك مش موجود و الشخص نفسة بتبتدي حياته تختلف. حياة الهجرة لها طابع خاص. اللي بينجح هو اللي بيكون عرف يتأقلم و يندمج في الحياة والثقافة، ده غير العمل والأمور المادية زي شراء بيت مثلا، ربطة يعني. مش حتجيب سيرة الأجيال المتعاقبة. ولكن تبقي ذكرات الإنسان و جنون الحياة المصرية. على فكره، أنا مشيت سنة ١٩٨٩ وآخر زيارة كانت ٢٠٠٦ ، بس لسة متابع كل مباريات الأهلي هههههه ، تحياتي لبرنامجك الرائع. حلقات السينما والمخرجين كانت اكتر من رائعة. أهلاوي في كندا.
دي اكتر حاجة بتوجع بعد ما كنت جزء من نسيج اهلك أصحابك وبيتك وجيرانك وحتتك بتتلاشي بالنسبة لهم شوية شوية وبتحاول تعمل دا في غربتك بس ما بتعرفش خاصة لو غربتك بعشرات السنين
@@hebashlaby
و لذلك نجد الجاليات المغتربة تحاول استنساخ الوطن الام في بلاد المهجر
المطاعم الاسماء المحلات
@@Mougino7 تفتكر دا هيعوض إحساس الفقد اللي بنحسه😔؟ ودا سؤال مش استنكار خالص
@@hebashlaby
في الغالب لا
لانه شئ مصطنع
لكنه تعبير عن الحنين
و متشر في ثقافات مختلفة
زي البلدات الامريكية التى تحمل اسماء بلدات اخرى انجليزية
انا كنت بسمى
high street
طلعت حرب
بس اوقات بيحصل رفض لهذا التزييف لانه بيصيب الانسان بشيزوفرينيا
اما مثلا تتمشى في شارع العرب في لندن
Edgware Road
كانت هتبقي حلقة جميلة لو ذيعتها سنة ٩٣ مثلا لما كان في حاجة اسمها جدعنة و مصريين و بتاع....
اظن انه هل حكي صحيح لكل مغترب من منطقتنا العربية، على قد الحنين مننسى ليه تركنا
المغترب بيصيبه حنين مرضي مرهق لتفاصيل كبيرة وصغيرة في بلده ،تفاصيل حتي هو ماكانش بيفكر فيها في بلده هذا الحنين بيرقق قلبه وشخصيته ويجعله متسامح ومتقبل للناس ومحب لابعد الحدود حتي لو في خصام مع حد ،بيبدأ الناس ينسوه تدريجيا ويبدأ هو يحبهم اكتر ويتفاجأ أنه لما ينزل إجازة أنه بقي غريب تدريجيا مش عارف يتواصل مع أصحابه أو معارفه الا القليل القليل ولا يبقي له إلا أهله والأماكن التي شكلت وجدانه وذكرياته ،
انت قولت اللي فيها . احب أضيف ان اكتر حاجه بتوحشني في مصر هي فتره التسعينات .
متغرب من ١٨ سنه ❤
شكرا للمكسيكي اللي خلانا نحس بمشاعر الغربة من غير ما نسافر
انا عمرى ما اتغربت بس بحب مصر فوق مما حد يتخيل شوفت الحلقة قشعرت ودمت حلقة حلوة جدا
كىىىم مصر
كمغترب أكتر من ١٠سنين
كنت أمام عدة خيارات
إما أسافر و أعرف أعيش عيالي و أحاول اوفر لهم فلوس يتعلموا ويعيشوا بيها و أقصر في تربيتهم
يا إما أقعد أربي عيالي و احرمهم من حاجات كتير من أساسيات الحياة مش هقدر أوفرها لهم لو أنا في مصر
يا إما آخدهم أغربهم معايا
وأخلي أطفال يتربوا على مرار الغربة و برضو مش هيعيشوا زي ما هما عايشين في مصر
فأنا اخترت إني أفضل مغترب باقي عمري ما اشوفهمش غير في الأجازات كضيف خفيف أو ثقيل
قررت أعيش ربع حياة كأني ميت
المهم هما يعرفوا يعيشوا كويس
عجبتني جدا الأستاذة جيدا بتعليقاتها الطبيعية وإحساسهابمصريتها وحرصها علي انتمائها لبلدها بعكس ناس كتير مغتربة وتتأفف من بلدها.
الحلقة جت على الجرح… المشكلة ان مهما حاولت اشرح للناس قد إيه الغربة بتوجع.. برده ما حدش عاجبه حاله و انه حواليه أصحابه و أهله و ناسه .. ربنا يكرم الجميع و ما يحوجش حد انه يسيب بلده و ناسه و اللمة..
لأنهم مش في مكانا وما مروا بنفس الاحساس بالعكس شايفين انك عايش احسن منهم
انا خرجت من مصر وفي اخر الدنيا حرفيا الحمد لله بقالي خمس سنين ورجعت مصر شهر أكتوبر اللي فات ... الحمد لله كانت اجازه خمس ايام والحمد لله خرجت تاني
هوا لسه في حد بيردد الكلام الفارغ بتاع الهوم سيكنس والعبط ده ... ياخي الهي ماندفن فيها حتي ... اللي الواحد شافه في البلد الوسخه دي خلاني بحلم بكوابيس اني رجعت ... والحمد لله اتقألمت وتعايشت وعقبال اللي عاوز يخرج منها
قال غربه قال .. دا انا معرفتش معني الغربه الا في بلدي
انتا في اي دوله ياسطي
سبحان الله الواحد فالغربه بتوحشه حتى الحاجات اللي بيكرها وبيحس بقيمة حاجات اللي ف مصر شايفها هبله المشكلة اسوء شيئ لما تحس انك بقيت بعيد اوي عن ناس انت عشت معاهم كل الذكريات اللي بتصبر نفسك بيها لحد دلوقتي ع الغربه
في أحتمال أنت نسيته وهو أحنا بنحب مصر بتاعت التمانينات والتسعينات اللي أختفت.
فعلا ....
عظيمه الحلقه يا هادي انا متغرب بقالي خمس سنين و حاسس بكل كلمه انت بتقولها انت فعلا مش هتحس بالبلد غير لما تسبها هي عظمه كده فيها روح مش موجوده في اي مكان هي ظروفها صعبه رغم ان احنا نقدر و الله و تتاكد من ان احنا نقدر اما تشوف المصريين الجبابره اللي بره شاطر و جدع و محبوب الله كريم نرجع نتلم حوليها ❤❤🇪🇬
لان بكل بساطة انت تولد وتربيت في مكان محدد فحرفيا كل حاجة بتحبها او بتعرفها مرتبطة بنفس المكان حتى الأحلام اللي بتحلمها مرتبطة بلغة و ثقافة المكان فلو سافرت برا المكان وروحت مكان تاني خالص هتحس باشتياق امكانك القديم
أنا عايش ف أمريكا بقالى ٨ سنين، و برة مصر عامةً ١٠ سنين.
زمان كنت مش بحب مشربتش من نيلها كنت بحسها cringe، إنهاردة بتبهدلنى فعلاً
انا مهاجر كندا من 2018 و مش حقول انى طول عمرى كنت بحلم بيها لأن لغايه 2014 كنت ضد فكره الهجره من حيث المبداء اصلا
بصراحه انا ضد معظم النقاط اللى تناولتها - انتا مشكلتك انك حطيت كل المغتربين فى نفس التصنيف و اتكلمت عنهم
كلامك ممكن ينطبق على مغتربين دول الخليج اللى طالعين بشكل مؤقت لكن لا ينطبق نهائى على المهاجرين
انا مهاجر بره و مابقتشى حاسس بغربه لأن من وجهة نظرى اللى بيربطك بالبلد هما الوالدين و بالنسبالى هما متوفيين فارتباطى الاول دلوقتى بقى بزوجتى و اولادى اللى هما معايا فى المهجر - حتى ارتباطى باخواتى يأتى فى المقام الثانى
موضوع الدفئ و جو رمضان و الكلام ده كان موجود فى التسعينات او اوائل الالفينات حاليا مابقاش موجود خلاص
موضوع عشوائيه بره و ان حد سكران ينط عليك صعب حدوثه اصلا و اديني بقالى 5 سنين و ماشفتش كده رغم انى شفت سكرانين كتير
صحيح الواحد منغمس حتى النخاع فى الاخبار المصريه و بيتفاعل معاها - لكن مش بفكر ارجع تانى
و لما بنزل زياره ببقى مبسوط اول 3 ايام فقط و بعدها بفتكر انا ليه سبتها اصلا
مش بفتخر بمحمد صلاح لأنه طلع و لا نزل لاعب كوره و هو نفسه بيشتغل لنفسه فمش حلزق نفسى فيه - و لكن صحيح ممكن افتخر باحمد زويل و مجدى يعقوب
انا سوري وشايف كل المرجعات . هذا المقطع الوحيد يلي بعلق عليه . انا بقالي ١١ سنة متغرب عن اهلي وعن سوريا . ومافيش اجازات. ولا في زيارات . الحمد لله على كل حال
الحلقه دي عظيمه جدا بكل تفاصيلها ،حلقة تخلي الواحد يفكر مرتين مره لو سافر و مره لو مسافرش
مرة لو سافر ومرة لو مسافرش..❤
رجوعي لمصر من خمس سنين ممكن يكون من احسن القرارات اللي اخدتها فحياتي
انت شرحت كل اللي جوا كل المتغربين والله شابوه وكله كوم وأغنية الجاسمي بتاعت الكورونا كوم تاني 😅❤
انا اخويا هو اللي هاجر و بعيط كل ما اسمعها و ساعة كورونا كانت نكد نكد يعني
@@MaryamEl-Gamal
سلامتك من العياط يا قلبي 😢
كل كلمه في الفيديو ده حقيقيه وواقعيه جدا و ريليتابول بلنسبالي كواحد مغترب بلذات حوار انك اول ما بتسافر بتنسى الوحش و انك بتسيب مصر بس مصر مش بتسيبك
ريليتابول؟
فكرة ان الحلقة تبقى عاملة عدد مشاهدات اكتر من عدد اشتراكات القناة دا انصاف ليك من ربنا يا هادي يا جميل
احنابنحب مصر كوطن و بنكرها كدوله فبتحس انك عايز تعيش في مصر و اوروبا مثلا مع بعض
انا متغرب من وانا عندي ٢٢ سنه وحرفيا وصفت كل لحظه بحسها فالغربة مصر بكل مشاكلنا فيها والاحساس بقلة الحيلة او الخنقة من التعريص والمحسوبية برضو عمر الواحد ما هيحس انه مش محتاج يرجعلها هيا تقريبا في دمنا
اي حد في الغربة كان بحبك مصر معتقدش انو هيحبها دلوقتي زي ما باسم يوسف قال مصر الي وحشتني مش ٧ي الي موجودة دلوقتي
البعد عنك خوف وأنا عالرجوع ملهوف لكن...
-حمزة نمرة
@user-yy3ir1yf3c حضن بيساعني واحتاجتله وباعني
مش اول فيديو اتفرج عليه
و دايما عندك طريقه في توصيف المشاهد عالميه الصراحه ..
بالتوفيق دايما ان شاء الله
كل حاجة قلتها في الحلقة حقيقية جدا يا هادي و عديت بيها هنا في امريكا ما عدا حوار المصريين في الغربة ده حقيقي جدا بالذات في نيويورك قليل لما بتحس انه فعلا مهتم بيك علشان انت مصري زييه
شرحت كل حاجه عن الغربه .
موضوع الاحساس الصعب بتاع المشاوير البعيدة ده حقيقي بس معرفش ليه اول ما اقضي ليلة او 2 في المكان الجديد خلاص بحس انه مكاني ولو رجعت بيتي تاني بحس ان بيتي غريب يومين لحد ما اتعود عليه
حلقة عظيمة وحزينه فنفس الوقت كلها أحاسيس ومشاعر حلوة بس خلت الواحد غصب عنه يزعل ويعيط
لا تتسو اخوتنا في عزة بالدعاء🤲🇵🇸 ♥
الفقر في الوطن ... غربة
الغِنَى في الغربة ... وطن
الله عليكم حلقة في الصميم 👌
ووصفت مشاعر الغربة وشرحت كلام معرفش ازاي يتقال
وفيت وكفيت شكرا من كل قلبي لفريق البرنامج 🙏
وتحية خاصة لبرنس الشباب صديقي هادي بسيوني 🤍
صح اوي والله. انا اتعلمت اطبخ كل الاكل المصري في الغربة عشان فجأة بقي له مكان تاني في قلبي لما سافرت. مصر جميلة ❤
مش عارف لي الفيديو خلاني حزين وعاوز اسافر اكتر
بما اني مغترب عن مصر من ٣٠ سنه اقول ان هذه الحلقة هي المفضله الي قلبي
شكرا على المجهود الرائع ❤
حلقة روعة
المجهود باين وشكرا إنك عملتها بشكل دمه خفيف
أنا بكيت بمجرد إن صاحبي سافر بقاله ٥ شهور ❤
انا متغرب من ٥ شهور و الحلقة دي جامدة بجد في الوصف
أكتر شخص مفتقده أمي و يمكن بدمع كتير لمجرد انها زعلانة و مش عارف احضنها
و اكتر حاجة مفتقدها الشمش زي ما هي قالت
الغربة بقت غربتين بقي لما أنا و حب حياتي انفصلنا و الحقيقة الانسان حاليا قلبه بقي فاضي.
الغربة عمرها ما كانت سهلة
انا واحد متغرب حاب اقول لك لما اعرف دخلنا الأجواء المصرية بحس روحى رجعت حتى لو كان اول شيء اشوفه سلبي
أنا عمري ما هضحك الضحك اللي بضحكه في مصر عشان كده مش عايزه أسافر، بابا كان بيقولي المصري فقري اول ما يسافر يبقي عايز يرجع ❤
اكتر حاجة بتوجع بعد ما كنت جزء من نسيج اهلك أصحابك وبيتك وجيرانك وحتتك بتتلاشي بالنسبة لهم شوية شوية وبتحاول تعمل دا في غربتك بس ما بتعرفش خاصة لو غربتك بعشرات السنين
الكلام يمكن على نسبة من المصريين مش كلهم خاصة اللي في اوروبا وامريكا لكن اللي في دول عربية حلوة الاحساس عندهم اقل بكتير وعندهم كوميونتي مصغر بياكل اكل مصري وبيشجعو وبيلعبو طاولة ويشربو سحلب وبيركنو صف تاني كمان وينزلو العفش عادي 😅 بس طبعا مفيش سلبيات التعليم والصحة والروتين في كل الاجراءات والمصالح والعشوائية المبالغ فيها في الشوارع
اللهم سفريه حلوه
بوظيفة كويسه لهولندا🇳🇱❤
تقريباً ده احلى و اوقع و اقرب فيديو ليا اتفرجت عليه ف حياتى و مفيش ولا كلمه من اللى قولتها غلط
انا قعدت ف المانيا سنتين و انا عندى ٢٣ سنه دلوقتى و حقيقى مقدرتش ع الغربه او على انى ابعد عن اهلى و صحابى
بجد محدش هيعرف ولا هيحس بالكلام ده غير اللى جربه
و بجد مصر هى ام الدنيا♥️
كمية عياط لا تتخيلها😂🫠
ميرسي على الجمال دا❤️
ياسطا كفاية ده انت مصري جدا
ضحكتني فشخ لما قلت 3 ثورات 😂
لو هنتكلم بجد فيه حاجات كتير قلتها صح عن كوننا مصريين في غربه و كمية المشاعر المتناقضه اللي بنحس بيها و بالذات جيل الشباب و اكيد ماحدش فينا يحب يبعد عن أهله و ناسه و صحابه و لمة القهوه و الجدعنه و العشوائيه اللي اي مغترب بيفتقدها جدا, بس كل ده مش بايدينا و الشباب جابت اخرها و دايما فيه حيطه سد, المشكله الحقيقيه بجد ان يبقى فيه شاب زيك من سننا و المفروض انه عايش ازماتنا و كان شاهد على كل اللي حصلنا من الدكتاتوريات اللي حكمتنا و في الاخر يطلع يلوي افيه احمد موسى و مصطفى كامل و يقلبه لحالة تطبيع مع شوية حراميه و كل اللي زيهم اللي سرقوا حلمنا كشباب كنا بنحاول نبني مستقبل لينا و لعيالنا على أرضنا
و تحيا مصر 3 مرات يا هادي ❤
لما كنت مغتربة حلقتك في الصميم! دلوقتي نفسي اغترب تاني عشان المشاعر دي وحشتني 😂
قشعرتنا ياعم والله في الغربه 😢
من احلى الحلقات صياغه وترتيب ومونتاج وكله كله يا وليد 😅
😅😅😅😅 استغفر الله العظيم. الأخ مصري !؟
ايه ذنبي اشوف الحلقة دي وانا مسافر واقعد اعيط في وسط الشغل
لو حد دخل علي دلوقتي اقوله ايه
انشف ياد 😂😂
بتفرج عليك من أبوظبي و أديني أهو خلصت الفيديو و مدمع ولله 😂 حسيت بكل كلمة كنتوا بتقولها، ربنا يرجعنا على خير و بلدنا تفضل بخير يارب
هي اسمها ام الدنيا تخيل تبقي متغرب عن اهلك اللي هما امك وابوك واخواتك وصحابك وفوق كل ده سايب ام كبيره جدا يعني الزعل دوبل عشان امك اللي خلفتك وامك اللي طلعت لقيت عايش علي ارضها وفيها كل الحنان والعطف والدفاء اللي عمرك ما هتلاقيه بره حضنها يارب بلدنا تبقي حلوه ونرجعلها ولا نفكر نتغرب تاني
انا بتغرب عن مصر من سنة ١٩٨٣ كان زمان اهلي يرسوا لي شرايط كاسيت و يقولواو لي ربنا يصبرك علي الغربة و احنا قلقالين عليك، الحقيقة اننا في الغربة قلقانين علي اهلنا في مصر ربنا يهونها عليهم، لو افترضنا نظريا ان الغربة اتفتحت بدون اي قيود مش حتلاقي اتنين مليون مصري في كل مصر، الغربة حلوة مافيش كلام الحلقة دي كانت ممكن تكون منطقية من اربعين سنة
ممكن حلقه عن المصريين اللي اتولدوا بره في الخليج مثلا بعد فتره طويله هناك ولما نزلوا مصر معرفوش يتاقلم بمعني الغربه ف بلدك
االحتة بتاعة احساس عدم حضور الافراح او المشاكل لا قدر الله hit hard
انا بقالي اكتر من 16 سنة في اوروبا وعمرى ماحسيت الكلام دا 😅 بالعكس مببقاش طايق اي حاجة من ريحة مصر
الحمدلله أنك طلعت من مصر
عشان ملكش حد او مش باقي علي الدنيا او بتكابر 🤷♂️
@@bassemabdo7889 يعم لامؤخذة بلا شرمطة فاضية تبقا طالع من خرابة وتحنلها اه من حقك تزور اهلك كل كام شهر بس بلا شرمطة فاضية ومصر وحشتني ومعرفش اية
@@bassemabdo7889 كيلو الفراخ و اللحمة بكام يا نجم؟ و الله ما حد بيقول الكلام الفارغ بتاع الوطنية ده الا اللي جيبه مرتاح
جامد فشخ انت عشان كدا
كنت خايفة أتفرج على الحلقة دي قوي 🙈 بس مبسوطة اني شوفتها :')❤️
انا اتولدت وعشت في غربه وكنت بستنا امتى اجازه اخر السنه عشان ننزل مصر ونتبسط ما كناش بنفكر في الفلوس والمصاريف كفايه اننا هنبقا وسط اهلنا.. لغايت ما نزلنا بشكل نهائي في الاول كان احساس حلو قوووي وتجمعات وخروج.. بس مع الوقت اكتشفت اني لسه حاسه بغربه.. قرايبنا اللي كانوا مزهقينا هترجعوا امتى وحشتونا.. بعد ما رجعنا كل واحد اتشغل في حياته وما بقيناش نشوف بعض غير في المناسبات الكبيره بس من السنه للسنه.. الواحد كان راجع عشانهم وعشان يبقا وسطهم.. بس اكتشفنا ان احنا مالناش لا اهل ولا اصحاب.. وعشنا الغربه تاني من اول و جديد ولكن من غير المميزات الماديه والعيشه والمستوى بتاعت الغربه..
يسطى الحلقة دي عظيمة فشخ و من أعظم و اجمد و افشخ الحلقات اللي انت عملتها في تاريخك أنا قاعد في مصر و دمعت كذا مرة فيها مابالك الناس اللي برة و بيتفرجوا عليها
❤❤❤
نصيحة لوجه الله لكل اليوتيوبر زي ما فديوهات ممكن تكون حسنات جاريه ليك ممكن تكون ذنوب جارية ليك واعوذ بالله وأنت اللي بتختار ده بنفسك فاتقي الله ولا تظهر او تفعل اي شئ حرام او يكون في الفديو خاصتك شخص يفعل او يظهر اي شيء حرام واعلم أن الدنيا فانية وما عند الله باقي والموت حقيقة تتناساها الناس مع انها تحدث امام أعينهم وعلى مسامعهم كل يوم فاتقوا الله وتوبو إلي الله وبارك الله فيكم جميعا وهدانا جميعاً آمين يارب 🤲🤲
انا مصري مغترب ف الجيزه ودمعت
هقولك ع حاجه أنا متغرب وكان اسعد يوم ف حياتي عزومه انا وأصحابي ف يوم ف رمضان هو قرب كل سنه وانتوا طيبين اليوم كان بيبقى بايظ والكل بيتاخر ونزعق وانت بوظت اليوم وكله حوارات وكل حاجه بايظة لكن والله بيبقى احلى يوم ل الحياه كلها وعمره ما بيتنسي بكل تفاصيله حتى لو خرع يعني أصحابي وحشوووووني ❤❤❤❤❤
انا متغرب لكن استغل كل فرصة للعودة لمصر بكون فرحان جدا وبحس إن روحي رجعت لي
كنت مستنى اسمع اكتر من جيدا بصراحة
"شعر صلاح عبدالله.... مش مهم" كلام مظبوط
و الله يا عم هادي الحلقة دي متأخرة خمس سنين مثلا . اخر خمس سنين و علي اللي بيحصل في مصر للاسف ماتت كل الاحاسيس دي و بقت مصر بالنسبة ليا الاهل فقط بعد ما كانت شوارع و قصص و ذكريات و اماكن و عيشه و صحبه و روح و شعب
يخربيتك خلتي اعيط في اخر جزء رغم انا انا عايش وسط اهلي و المصرين في كل حته لاكن مصر كدا ليها روح و مكانه تنيه خالص
For my perspective adapting in society is a skill that u have to learn for me my family is not the most part that i like abt my life so leaving ur family ur country sometimes its freedom and also financial problems 😂 and the غربة thing i don't like that word att alll it makes ur life harder even if ur life is amazing u think that u miss out something but actually u don't miss anything just take the opportunity of exploring anther cultural get out from ur prespictives in ur life see another perspective conc donot alow ur past or the warmth or the love to ur country blind u from growing and exploring and accepting and changing donot treat the new world like ur old self
انا عايشة ف مصر ومش ناوية اسافر عشان كل اللي حكيته ده واكتر .. ومع ذلك عيطت من الحلقة
مع احترامي لرأيكم بس انا كمغترب من زمان مش بحس بنص الحاجات دي و معظم الناس اللي رأيهم من رأيكم عندهم بس مشكلة في التأقلم على البيئة اللي حواليهم عشان كدة مش هيقدروا أي بلد زي بلدهم الأم... زي كدة لما تجيب سائح ألماني تعيشه في مصر و يقولك انه واحشه الجبال أو انه يشرب مياه من الحنفية أو التزلج على الجليد فا بالتالي شايف ان بلده مفيش زيها... مشكلة تأقلم
اول ما الظروف تقفل ف وشي وابتدي افكر ف احتمال الغربة بعد ما كنت رافضاها تقوم تظهرلي الحلقة دي ،مع اني اصلا اتولدت ف الغربة بس القرار كل مدى يزيد صعوبة
الالوان بقت حلوة اوي،، كلها عامله موود كده للفيديوهات ،، shoutout لل art directors m او اي حد مسؤول عن شكل الباك جراوند والوانها
أنا مغتربه و فعلاً لسه واحده معايا كتاكيتو 😂😂😂😂 ده عشق لا يفهم ، عموما كل إلى قولتله صح
The duo we didn't know we needed 💗
كل علاقتي بما تبقى من ذكريات مصر هو الرقص على الدم والظلم، وتقولي جدعان؟ صراحة كل الكلام ده أفلاطوني بحت لا يمت للواقع بصلة. تحياتي
يارب صبرنا وحسبي الله في اللي خلى غربتنا مش إختيار
فكرة كل بلد بتتقبل العشوائية بتاعتها و تبقي مستغربة عشوائية البلاد التانية صح جدا
عظمه علي عظمه ياهادي والله بس المره دي الحلقه وجعتني ياجدع ، ربنا يهونها علينا وعلي كل مغترب 🤍
انا مسافر من ٢٠١٠ و اول اجازه ليا نزلت ٢٠١١ و كنت رايح انجلترا في اخر اسبوع في الاجازه على مصر للطيران و كان فيلم عسل اسود شوفته على الطياره انا كنت بعيط و انا بتفرج عليه 😂☺️
الله ينور عظمة على عظمة و قشعرت على فكرة مع انى مش مهاجر و لا متغرب❤ و خش بالتتر
موضوع الاغاني القديمه ده صح، أنا بقيت بسمع ام كلثوم برضه وبتفرح علي افلام قديمه على طول . وبقيت مهتم اكتر بالتاريخ والأهرامات
لايك وسبسكرايب عشان الحلقة الحلوة دي وربنا يهون الغربة على كل المغتربين ❤
عنيا دمعت .. وصفت كل مشاعري حرفيا ❤
وانت بتاخد قرار السفر بتبقي بتجري عشان عاوز تمشي النهاردة قبل بكرة
اول م بتمسك تذكرة الطيارة ف ايدك بتبدأ اللخبطة .. هل انا صح ولا غلط .. امشي ولا اقعد .. خلاص كدا انا مسافر بجد ؟!!
بمجرد م بتسافر بتحس انك منبهر ومرتاح وعايش عادي ولا فارق معاك بس حقيقي دا لكام يوم بس .. بعد كدا بتحس ان كل حاجة كنت شايفها وحشة ف مصر بتوحشك
وبتحس انك مستعد تعمل اي حاجة عشان بس تحس انك ف مصر ولو للحظات ..
تسمع اغاني قديمة .. تشوف ماتش للمنتخب .. تشرب كوباية شاي بالنعناع ف اي قهوة ..
مصر جميلة وفيها روح مختلفة .. مهما كان احساسك انك مش مرتاح فيها هتتمني ترجعلها ولو ليوم لو مشيت منها ❤
حلقه جميله والله كالعادة انا مغترب ونفسي ارجع بس. خايف😂
عبقري وقلبت المواجع وختمتها بالفيلم المفضل ارض الاحلام
اشتغلت برة مصر ٦ سنين وكانو احلى ٦ سنين في حياتي وماحستش بموضوع الغربة ده خالص وعمري ما وحشتني البلد ولا همجيتها وزحمتها ومواصلاتها وجودة الحياة التي تكاد تكون معدومة.. هل لو الموضوع كان هجرة كان هيختلف!؟ مش عارف بس ماظنش
حمدالله عل السلامة اخر من تاني حلقة بحدوتة لطيفة من غير رص احصائيات و بنك معلومات
ممكن تعملنا حلقة عن النجاح و تجيب حد ناجح و يتكلم عن اسرار النجاح و تسرد الحلقة بطريقتك