تاريخ قرية مسجد وصيف

قرية مسجد وصيف بمركز زفتى بمحافظة الغرببه بجمهورية مصر العربيه
هى قرية مصرية أديمة إسمها الأديم شنيس و إتغير إسمها بيقال فى العهد الفاطمى لمنية برق وإتقال بعد الفتح الإسلامي مباشرتا فى الكور لشنيس منية برق مسجد وصيف وده بعد ما اتبنى مسجد أديم بها اسمه مسجد وصيف فى بدايات الفتح الإسلامي وعلشان كده جت فى الروك الصلاحى الكان فى عهد صلاح الدين الايوبي سنة 572 ه‍ الموافئ لعام 1176 م فى قوانين ابن مماتي باسم شنيس وهي منية برق وهي مسجد وصيف من أعمال جزيرة قوسينا كأول ذكر ثابت لمسجد وصيف بالوثائق الرسميه المصريه واحتفظت القريه باسمها الأديم شنيس فى الروك الحسامي فى عهد السلطان المملوكي حسام الدين لاجين باعتبارها وحدة مالية أديمة ومستقله و جت في التحفة السنية فى العهد المملوكي وكمان فى الانتصار لابن دقماق باسم مسجد وصيف من أعمال الغربية وفى محصلات وتربيع العهد العثماني إتذكرت بإسم مسيد وصيف لأن ماسحى الأراضي اعتمدوا على طريقة نطء السكان المحليين وقتها للاسم وبعد كده فى الشكل النهائى للتربيع العثمانى إتعدل إسمها لمسجد وصيف بولاية الغربيه وإتذكرت فى مباهج الفكر وفى تاج العروس فى العهد العثمانى وقال عنها هى قرية بمصر منها أبو الجود محمد بن عمر بن محمد بن موسى ولد سنة 819 ه‍ 1416م وفى سنة 1945 م فى القاموس الجغرافي لمحمد بك رمزى جت بمركزها الحالي وقال : عنها هى قرية قديمة اسمها المصرى القديم شنيس ولسه فيه حوض فى القريه اسمه حوض شنيس بيحمل إسمها القديم وفى عهد العرب سموها منية برق ، وفى الروك الصلاحي والروك الناصرى ومباهج الفكر وغيرها انصاف ليها اسم مسجد وصيف والأصبح اسمها الثابت مختصرا بعد كده من أعلامها فى العصر الحديث سعد باشا زغلول الزعيم الوطنى والقومى المصري وقائد ثورة 1919م في مصر وأحد الزعماء المصريين التاريخيين. وأحد الذين طالبوا باستقلال مصر عن الإحتلال الانجليزى والشغل منصب رئيس وزراء مصر ومنصب رئيس مجلس الأمة. والعاش فى قرية مسجد وصيف حوالى 12 سنه من عمره وكان بيتردد عليها هو وزوجته السيده صفيه زغلول إلى وافته وفى القريه كانت الجلسات الاولى للتحضير لثورة 1919 وكمان بيقال إن الشراره الأولى للثوره خرجت منها وبالقريه بالسرايا التاريخيه بها إتولد حزب الوفد المصري وانعقدت اولى والقاد الحياه السياسيه المصريه بعد كده وكمان انتفاضة زفتى والعرفت بعد كده بجمهورية زفتى والاستمرات عشرة أيام والكانت حراك قومى حقيقى كفكره اتبنت على أفكار تحضيرات ثورة 1919 والمكنش استقلال المدينة استقلال مادي حقيقى بل كان استقلال معنويً ساهم في تحفيز جميع ربوع مصر بأهميّة مقاومة الاحتلال الإنجليزي، حيث أعلنت أيضاً بعض المناطق استقلالها مثل فارسكور والمنيا وغيرها فى ربوع مصر وده أدى فعلياً لنجاحات لاحقه فى مقاومة الإنجليز بصراحه إستحقت أن تكون قرية الملاحم التاريخية ومحط اعجاب

[@AquaMak-qh2ju]

ممكن فيديو لكفر موسي عمران مركز الزقازيق