على بحر الرمل الرباعي فاعلاتن- فاعلاتن- فاعلاتن- فاعلاتن استوت لي ( قصت البوردنق) والـ أجواء لطيفة ورحت في دربي... وخليت المداوم في دوامه!! من ضغوطات الحياة.. ومن ضغوطات الوظيفة ودي أخذ ( رحلة إستجمام) و ( أرجع بالسلامة) فوق متن... اللي تحب تعانق السحب الكثيفة!! ( وتطوي) الأجواء الفسيحة بين ميلة واستقامة من ( فخامتها ) ما باقي شيء للمصنع يضيفه! تدهش الراكب وينسى لا جلس ( يربط حزامه) ما بقى الا ( الكابتن) يشغل قصيدة لـ بن ريفه! شالها العذب.. بعذوبه صوت وإحساس وفخامة الهواء.. في ( جنوبها) يصفق ولا نسمع وحيفه! وداخليها.... أعلى درجات ( الهدوء والأنسجامة) يوم وازنا ( السحاب ) أشغلني ( البرق) برفيفه أحسب أن ساهر على أجواء المملكة طبق نظامه وأستوت في الجو ( والفنجال ساقته المضيفة) والمشاعر تختصرها الـ Thank You والابتسامة اتفكر في البحر.. من فوق من سيفه.. لـ سيفه! أثر حاله.. مثل حالي.. في ( هدوة والتطـامه) أن ( هدا بالي) ما عاد أغبط بن زايد خليفة!! وكان ( بالي ماهدا) قمت أغبط حتى الحمامة أجتنب حتى ( النديم) اللي ( سواليفه طريفة) خايف أسرح.. ليـا ( سولف) ويلحقني ملامة!! أتركوني لين أرد ( الشوف) لـ ( العين الكفيفة) وأخلق لي ( نور) يمحى الليل ويكفكف ظلامه ( الشعر) في صدري من البارحة يلعب بسيفه لعب ( سلمان الحزم) بالسيف في قصر اليمامة ما لقى له صدر ثاني.. غير صدري يستضيفه!! أتمنى له ( دوام الصحة ) و ( طيب الإقامة ) كل ما طالعت في ( الساحة) وحالتها الكسيفة قمت أردد ( لا شعورياً ) وأنا ( مرفوع هامة) ( آن لي ما آن ) في ماضي الزمن لـ أبي حنيفة!! من ( يسلّم ) خله ( يسلّم ) و عز الله ( مـقـامـه) ( ما تكلفت ) البساطة.. بس بسطت الكليفة!! و أصبحت بين التواضع ، و التغطرس ، و الفخامة لا مشت.. قامت تخطرى اللي روابعهم ضعيفة ما تبي غير ( المقام ) اللي يليق بكل ( قامة ) ( المقام الشامخ ) اللي مثل ميقات الحليفة! في ( مكانته العظيمة ) في النفوس وفي زحامه يمكن الفرق الوحيد.. يكون في هندام ضيفه! ذا يجي كاشخ بـ ثوب.. وذاك كاشخ في حرامه دعوة الطيب.. ما ننطحها بالأعذار السخيفة كنّها ( دعوة مصلي) بين أذان.. وبين إقامة!! و ( السناني) جعلها تخطيه الأقدار المخيفة ( حادثه يفجع) لو أنا نعرف أسباب أصتدامه يحسب أن الحافلة... حفلة وصدمتها خفيفة!! ضاري في مصادم ( الحفلات) يطلع بالسلامة ( نحمد الله) كلها إصابة ( تحت عينه) طفيفة ( عينه) اللي تربك أخصامه ( بغمزة وابتسامة) اشتهر بـ ( أسلوبه الفذ ) و ( نواياه النظيفة )! ( شاعر) بصمة خياله.. كنها ( بصمة إبهامه ) ( ينثني دون القبيلة ) في ( الطواريق العنيفة ) ما عليهم.. دام ( راسه حي.. ويشيل العمامة ) ( يستحق الأحتفاء ) اللي قام به ستر العفيفة! ( الفصيح ) اللي فعوله دايم.. أبلغ من كلامه! بيرق جهينة ؛ طلال أبيض وجه وأبيض صحيفة حي والله طاري ( بن غنيم ) زيزوم ( الزعامة ) ( الأمور الكايدة ) تنقاد له.. قود ( العسيفة )! كل شيء ( مستحيل ) يهون من ميمه لـ لامه فيه خير.. و فيه شر.. و منه أمان ، و منه خيفة كفه اليسرى.. جحيم و كفـه اليمنى.. غمامة ( أربع وعشرين ساعة) والنشاما في مضيفه! ذا ( مخلص له) لزوم وذا ( مسوي له كرامة) من زحول جهينة أصحاب المواقيف الشريفة كل ( يوم) وكل ( ليل ) العز يقريهم ( سلامه) ( نُصرة الدين الحنيف ) اللي تعاليمه حنيفة!! و ( نصرة المبعوث فينا ) بالهدى والإستقامة مجدهم ماله وصيف ومن يقول أعرف وصيفه واضح انه كان ( نايم ) ويتحلم في ( منامه)!! كلمة ( الرجال ) منهم.. كنها ( ضربة قذيفة ) ( ونظرة الرجال ) منهم كنّها ( ميسم سلامة ) صفهم.. ترجف منه حتى الضلاعين المنيفة!! ( لا تلوم ) اللي.. لا قابل صفهم ترجف عظامه مستحيل ( جهينة ) تفرق ( وليف من وليفه) في قبر واحد ( تجمعهم ) إلى يوم ( القيامة)!
مستحيل جهينه تفرق وليفن من وليفه /في قبر واحد تجمعهم الى يوم القيامه😂😂😂مركز من بداية الرحلة ومستمتع وضحكني البيت الاخير بداية الشطر اقول يعني يقصد انهم مسالمين ويوم. سمعت الشطر الثاني قلت ايهه صح لسانهه ويستاهلون جيهنه وجنيه الذهب
والسناني جعلها تخطيه الاقدار المخيفه !! .. في هذي لم يتوفق الشاعر ابدا ، الاقدار يقدرها الله سبحانه ولا يمكن ان تخطي هدفها ولو كان الشاعر يقصد ان الاقدار لا تصيبه ، لاكن لم يوفق في هذا الوصف
saud saud من بعد اذنك اخوي سعود .. اذا تسمح لي .. صحيح الاقدار مكتوبه ومقدره بس يصرفها الدعاء هذا ما ورد عن النبي صل الله عليه وسلم وعلمها عند الله.. والشاعر قال ( جعلها تخطيه يعني تنصرف عنه ) وهذي صفه دعاء قال صل الله عليه وسلم (لا يرد القضاء إلا الدعاء)، وقال أيضاً صلوات ربي وسلامه عليه (لا يزال القضاء والدعاء يعتلجان ما بين الأرض والسماء). ومعنى: (يعتلجان) أي: يتصارعان، فأيهما غلب أصاب أخي الكريم أن الدعاء من قضاء الله؛ لأن الله لو لم يشأ لك أن تدعو لن تستطيع أن تدعو، ولذلك القضاء من الله والدعاء أيضاً من الله.
الحمد لله ياشاعر محمد السناني
شاعر له وزنه في ميدان الشعر لا بالنظم والمحاورة
ومحمد معروف مع الاجانب قبل القرايب
الحمد لله
على سلامة الشاعر الكبير محمد السناني
على بحر الرمل الرباعي
فاعلاتن- فاعلاتن- فاعلاتن- فاعلاتن
استوت لي ( قصت البوردنق) والـ أجواء لطيفة
ورحت في دربي... وخليت المداوم في دوامه!!
من ضغوطات الحياة.. ومن ضغوطات الوظيفة
ودي أخذ ( رحلة إستجمام) و ( أرجع بالسلامة)
فوق متن... اللي تحب تعانق السحب الكثيفة!!
( وتطوي) الأجواء الفسيحة بين ميلة واستقامة
من ( فخامتها ) ما باقي شيء للمصنع يضيفه!
تدهش الراكب وينسى لا جلس ( يربط حزامه)
ما بقى الا ( الكابتن) يشغل قصيدة لـ بن ريفه!
شالها العذب.. بعذوبه صوت وإحساس وفخامة
الهواء.. في ( جنوبها) يصفق ولا نسمع وحيفه!
وداخليها.... أعلى درجات ( الهدوء والأنسجامة)
يوم وازنا ( السحاب ) أشغلني ( البرق) برفيفه
أحسب أن ساهر على أجواء المملكة طبق نظامه
وأستوت في الجو ( والفنجال ساقته المضيفة)
والمشاعر تختصرها الـ Thank You والابتسامة
اتفكر في البحر.. من فوق من سيفه.. لـ سيفه!
أثر حاله.. مثل حالي.. في ( هدوة والتطـامه)
أن ( هدا بالي) ما عاد أغبط بن زايد خليفة!!
وكان ( بالي ماهدا) قمت أغبط حتى الحمامة
أجتنب حتى ( النديم) اللي ( سواليفه طريفة)
خايف أسرح.. ليـا ( سولف) ويلحقني ملامة!!
أتركوني لين أرد ( الشوف) لـ ( العين الكفيفة)
وأخلق لي ( نور) يمحى الليل ويكفكف ظلامه
( الشعر) في صدري من البارحة يلعب بسيفه
لعب ( سلمان الحزم) بالسيف في قصر اليمامة
ما لقى له صدر ثاني.. غير صدري يستضيفه!!
أتمنى له ( دوام الصحة ) و ( طيب الإقامة )
كل ما طالعت في ( الساحة) وحالتها الكسيفة
قمت أردد ( لا شعورياً ) وأنا ( مرفوع هامة)
( آن لي ما آن ) في ماضي الزمن لـ أبي حنيفة!!
من ( يسلّم ) خله ( يسلّم ) و عز الله ( مـقـامـه)
( ما تكلفت ) البساطة.. بس بسطت الكليفة!!
و أصبحت بين التواضع ، و التغطرس ، و الفخامة
لا مشت.. قامت تخطرى اللي روابعهم ضعيفة
ما تبي غير ( المقام ) اللي يليق بكل ( قامة )
( المقام الشامخ ) اللي مثل ميقات الحليفة!
في ( مكانته العظيمة ) في النفوس وفي زحامه
يمكن الفرق الوحيد.. يكون في هندام ضيفه!
ذا يجي كاشخ بـ ثوب.. وذاك كاشخ في حرامه
دعوة الطيب.. ما ننطحها بالأعذار السخيفة
كنّها ( دعوة مصلي) بين أذان.. وبين إقامة!!
و ( السناني) جعلها تخطيه الأقدار المخيفة
( حادثه يفجع) لو أنا نعرف أسباب أصتدامه
يحسب أن الحافلة... حفلة وصدمتها خفيفة!!
ضاري في مصادم ( الحفلات) يطلع بالسلامة
( نحمد الله) كلها إصابة ( تحت عينه) طفيفة
( عينه) اللي تربك أخصامه ( بغمزة وابتسامة)
اشتهر بـ ( أسلوبه الفذ ) و ( نواياه النظيفة )!
( شاعر) بصمة خياله.. كنها ( بصمة إبهامه )
( ينثني دون القبيلة ) في ( الطواريق العنيفة )
ما عليهم.. دام ( راسه حي.. ويشيل العمامة )
( يستحق الأحتفاء ) اللي قام به ستر العفيفة!
( الفصيح ) اللي فعوله دايم.. أبلغ من كلامه!
بيرق جهينة ؛ طلال أبيض وجه وأبيض صحيفة
حي والله طاري ( بن غنيم ) زيزوم ( الزعامة )
( الأمور الكايدة ) تنقاد له.. قود ( العسيفة )!
كل شيء ( مستحيل ) يهون من ميمه لـ لامه
فيه خير.. و فيه شر.. و منه أمان ، و منه خيفة
كفه اليسرى.. جحيم و كفـه اليمنى.. غمامة
( أربع وعشرين ساعة) والنشاما في مضيفه!
ذا ( مخلص له) لزوم وذا ( مسوي له كرامة)
من زحول جهينة أصحاب المواقيف الشريفة
كل ( يوم) وكل ( ليل ) العز يقريهم ( سلامه)
( نُصرة الدين الحنيف ) اللي تعاليمه حنيفة!!
و ( نصرة المبعوث فينا ) بالهدى والإستقامة
مجدهم ماله وصيف ومن يقول أعرف وصيفه
واضح انه كان ( نايم ) ويتحلم في ( منامه)!!
كلمة ( الرجال ) منهم.. كنها ( ضربة قذيفة )
( ونظرة الرجال ) منهم كنّها ( ميسم سلامة )
صفهم.. ترجف منه حتى الضلاعين المنيفة!!
( لا تلوم ) اللي.. لا قابل صفهم ترجف عظامه
مستحيل ( جهينة ) تفرق ( وليف من وليفه)
في قبر واحد ( تجمعهم ) إلى يوم ( القيامة)!
اجتمع في الشاعر قوة السبك والحبك والدقه في الوصف والتجديد في الفكره يعصف بالذهن حتى يوصل للفكره مبدع بكل قوه
يحسب إن الحافله حفله وصدمتها خفيفه . ياسلام يابن سعد
نظرت الرجال منهم كانها ميسم سلامة توظيف شاعر متمكن مبدع ياحزمي دائماً👍🏻👍🏻👍🏻
يٌنحت من صخر حزمي🔥🔥🔥
صح الله لسانه وصح صوت المنشد
شيلةة تليق باأبن متروك ويستاهـل جنيه الذهـب
حزمي شاعر بمعنى الكلمه👍🏻
والله ان تبطي جهينة تجيب مثل السناني الله يحفظه لجهينة والشعر
سرنا ماندري انت تسب ولاتمدح 😂
اذا جابت هذيل مثل عبدالله المسعودي
الشاعر هذا قوي وابياته قويه وحبكته وتنسيق الأبيات لا يعلى عليه 👍
اشهد انه شاعر و تركيبات مجنونه
حزمي والله ماشفت شاعر مثله ماشاءلله لله درك
يستاهل المدح السناني والشيخ ابن غنيم ونعم ي جهينه
اذكروا الله يالربع العين حق وحزمي بشر ماهو نبي اذكروا الله ماشاء الله تبارك الله
حسستني انه خلف بن هذال 😂😂
فارس هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه 😂💙
ماشاءالله تبارك الله انشهد انه شاعر
مبدع الشاعر والمنشد والسناني كفو ويستحق ( الحزام الوثيق) 👍
تحية من سلطنة الحبيبة من قبيلة السناني من الشرقية الى مسقط والباطنة والداخلية الى قبيلة السناني الي في السعودية وحيث ما كانوا ونعم قبيلة
Open mind alsinani هل ترجعون إلى قبيلة جهينه
ترى تشابه أسامي م يربطكم ف سنان 'جهينه 'نسب
شاعر مجنون الله الله على هالكلاماااات
ونعم بالشاعر الجزل ونعم يا شاعر الغلباء والسناني يستاهل المدح
تركيب مجنوووون ومررتب ماشاء الله
عز الله انك مجنون ياحزمي انت والله اللي تستحق لقب امير الشعار
سبحان من عطاه هالشعر والذكاء وتوظيف الأبيات
لله درك ياحزمي
يستاهل السلاااامه الشاعر محمد السناني
وبيض وجهههه الشاعر حزمي سعددددد
صح لسانك يا حزمي ، وعز الله إنك شاعر جزل
أتابع عرض خيالي ماهو أبيات قصيده
لله درك
مبدع دائماً انشهد انه كفو والله مجمل دايما
اشهد بالله انه شاعر👌
بعد راسي أبو تركي جعل عمرك طويل وصح الله لسان حزمي وبيض الله وجه المنشد. ماقصر ✋✋✋
اهب ياحزمي بحر بحر بحر 😴👌🏻
ااذكر زيك
مستحيل جهينه تفرق وليفن من وليفه /في قبر واحد تجمعهم الى يوم القيامه😂😂😂مركز من بداية الرحلة ومستمتع وضحكني البيت الاخير بداية الشطر اقول يعني يقصد انهم مسالمين ويوم. سمعت الشطر الثاني قلت ايهه صح لسانهه ويستاهلون جيهنه وجنيه الذهب
هههههه
هذا الشعر اللي يصحي من النوم ماشاء الله تبارك الله
صح الله لسان حزمي كارثه قصيد
الله الله يابو سعد 👌🏻☹️
اشهد بالله ان به شاعر
والمنشد مبدع
وجهينه كفووووو
عزالله ابدع
نالله درك ياحزمي
شاعر لاغبار عليه
يحسب ان الحافله حفله وصدمتها خفيفه // ي قو الفكره 😊
الشاعر الكبير وسيف الشعر ماجد بن مفرج الناقول محد مثلة نار في علم معروف
كذبت وهفيت 😂😂
صح لسانه هذا والله الشاعر
محمد متروك السناني الجهني🔊🔊🔊🔊
مبدع ياحزمي
💫
ياريجيل هذا جدلان تو
💯👌
والسناني جعلها تخطيه الاقدار المخيفه !! .. في هذي لم يتوفق الشاعر ابدا ، الاقدار يقدرها الله سبحانه ولا يمكن ان تخطي هدفها ولو كان الشاعر يقصد ان الاقدار لا تصيبه ، لاكن لم يوفق في هذا الوصف
saud saud مافيه شي
القدر يرده الله بالدعا والله بكيفه
ينصر عباده ويحفظهم من اهوال القيامه
لا تحاول تنقد وحجتك في المعنى ضعيفه
الجهل عدو للجاهل ويسقيه الندامه
جعلك سالم يارجال saud saud
saud saud
من بعد اذنك اخوي سعود .. اذا تسمح لي ..
صحيح الاقدار مكتوبه ومقدره بس يصرفها الدعاء هذا ما ورد عن النبي صل الله عليه وسلم وعلمها عند الله.. والشاعر قال ( جعلها تخطيه يعني تنصرف عنه ) وهذي صفه دعاء قال صل الله عليه وسلم (لا يرد القضاء إلا الدعاء)، وقال أيضاً صلوات ربي وسلامه عليه (لا يزال القضاء والدعاء يعتلجان ما بين الأرض والسماء).
ومعنى: (يعتلجان) أي: يتصارعان، فأيهما غلب أصاب أخي الكريم أن الدعاء من قضاء الله؛ لأن الله لو لم يشأ لك أن تدعو لن تستطيع أن تدعو، ولذلك القضاء من الله والدعاء أيضاً من الله.
انت والله لم توفق هههههههههههه
مدح جهينه وهم يستحقون بس وش المناسبه
يستهل السناني
كفو
أن
???
هههه
وش اللي يضحك يا حريبي
كفو