Shalomi - Kei Hing Han Ka Mangpa

Tami Laa thute ahileh kum 2017 kum tawp lam a kana gel ahi tahi. Kum 2017, March 28, nii in Pasian nasem ding in , Fortworth Texas apat in imi isaa tamna mama khopi Atlanta, Georgia, USA ah leitung silte nuasia in, ka innkuan un kana kipeem uhi. Pasian hatna kichiang mama ahichiang in, chinglou pumpum hinanle ung jong, pei louthei kahisih uhi. Ministry ah kahing umtahtah chiang unleh, Mangpa panpina lou a ahamsat ding dan kathei uhi. zaankhat imutheilou in, Pasian kung a nasatah a kathuum leh kataau tah chiang in ka tha neem mama nanleh Mangpa hagau siangthou in zaitha hat ahing guan a, ka tha-ngaa na athuu in kana gelkhia hi. Pasian nasep khu kou innkuan ading a damna leh kipahna ahijo, leitung nopna in eihaan nanleh!!
Leitung mun gamchin a Pasian nasem te zousia, Pastor, Missionary, Evangelist te ahi injong, Hattuam sung a Panmun neina khat poupou ahi in zong , Pasian nasep na pen anopden ahisih a, hinanleh Ama deina bang a thumanna leh theitawp a Pasian adia panna ahizaw hi. Tami laa azah angaite zousia Mangpan thupha hing pechiat tahen.
Tami thu kigelte laa a ngaithei ding a hing suhtuah pia, laa kammal kilawmtah leh athu in agennuam achiang a hing bawlphat pia, akai hing bawlpia leh naa zousia hing vaihawm sah U JK MANLUN, tung ah kipah thu kagen a, Siamtah a hing sasah unaunu Shalomi tung ah jong kipah thu kagen hi. Mangpan mailam hun ajong hing zang semsem tahen. Tami laa piangkhiat nading a pan nala te zousia Mangpan nagim na tawlna teh uh, ale-sawm, ale-zaa in thupha tampitoh hing thuhkia tahen. Mangpan minthanna tangta hen!