{الحراق}(83) فلا عشنا.. ولا عاش الوطن! (المواطن مصري)

نموت نموت وتحيا مصر..احنا 100مليون يموتوا والبلد دي متنحنيش..جمل كتير بنسمعها.. وكتير مننا بيشوفها في الافلام والمسلسلات..في مشاهد الثورات والمظاهرات والحرب..لكن اللي يركز فيها، هيلاقيها جمل سيئة السمعة ..واتحولت لنكتة سخيفة ملهاش معنى..ما بيرددهاش ويقول شعاراتها ونصبها غير تجار الوطنية من سياسيين وإعلاميين ومستفيدين..أو ممثلين بتاخدهم الجلالة بعد مشهدين اكشن..وهما فيهم اللي زوغ من الجيش اصلا ..ومنهم اللي سافر يخلف عياله بره..عشان ياخدوا جنسية وطن تاني غير الوطن اللي بيغنوله ده ..لكن الوطن هو الناس ..لولا المواطن مكانش هيبقى فيه حاجة اسمها وطن..المواطن هو اللي بيدي قيمة للمكان ويخليه اسمه وطن..لا قبل الإنسان كان فيه وطن..ولا من بعد موته هيبقى فيه وطن..لو مفيش انسان بيزرع كانت الأرض هتبقى بور..ولو مفيش انسان بيبني كانت الأرض هتفضل جبال وصحرا..الوطن مش محتاج لدم ميت، سايل على الأرض..لجثث واقف عليها تجار يوزعوا الغنايم بعد ما الحرب تخلص..الوطن محتاج دم حي في عروق مهندس ودكتور وفلاح وعامل.. دي الحقيقة اللي يعرفها العالَم المحترم اللي بيتبنى ثقافة الحياة ..ويعرفها برضه المستبدين تجار الوطنية والدم.. اللي بيزرعوا جوه العقول إن الحجر اهم من البشر .. وان المباني والمؤسسات والبيوت اهم من سكانها ..عشان يقفوا بعظمة فوق الأنقاض.. وهما عايشين بلقب البطل والقائد والزعيم ..ويفضل اللي مات أو اللي عايش بعد ما ضحى ميت بالفقر والحاجة والظلم .. مجرد رقم.. والاسم مبني للمجهول..حياله مواطن …مصري...
للدعم على Patreon :
/ ahmedbehiry
شاهد الفيلم في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ