حولت من الجامعة الحديثة لجامعة مصر للعلوم و التكنولوجيا

thanks for watching guys, subscribe to see more :)
check my Instagram @ahmadyehiiia

[@nourhanshaban-ek2ry]

ممكن توضحلنا شروط التحويل من جامعه خاصة لتانيه
ولو عندك معلومه في كيفية التحويل من جامعه اهليه لاخري
شكراً جداا واسفه علي الإطالة

[@myareesam]

انا في mti وتقريبا مفهاش انشطة طلابية وكل الكلام اللي قاله الشخص ده صح

[@rwganrwgan6614]

اي الدنيا هناك يسطاا انا عايز أقدم فيها ، هل هيا ليها تكليف انا عايز ادرس تمريض والتمريض من كام فيها

[@mohamedalgobashy8910]

​@@rwganrwgan6614نفس الحوار عايز اعرف اي اخبار السكن العيشه هناك

[@Ookpl0plj]

بفكر اقدم علاج طبيعي اقدم فيها ولا في الدلتا

[@MohammedSaleh580]

​@@rwganrwgan6614التمريض التكليف اتشال عن كل الكليات الطبيه

[@myareesam]

@@Ookpl0plj انا في حاسبات وشايفة انو الكلية سيئة ولا تقدم شئ فنصيحة ابعد عنها

[@Drskills122]

ايه الحاجات الي هحتاجها عشان احول من mti أو الورق الي محتاجه ؟

[@mohamedalgobashy8910]

طيب علاج طبيعي ف MTI ولا ٦ أكتوبر

[@Josephhell43]

ايوه فعلا موضوع المواد ان هي مش صعبة غير ان الأسئلة بتيجي منan وده بيضايقني جامعة بدر فهل لو حد يعرف الأسئلة بتيجي في must جديدة ولا من qb

[@yousefabdelwhab3131]

هوا اللي اعرفه ان MUST مفهاش computer science. اساسا
فيها
Information technology

[@arwaroro1111]

وهل اختبارات جامعه ماست سهله ولا صعبه وفيه راحه مابين الاختبارات ولا كلو وره بعضو

[@abdulh8958]

صعبة وممكن تلاقي واحد من اواءل الطلبة ساقط بمادة او اكثر الرسوب شي طبيعي كانك بحكومي 😂

[@فيروز-ض3ض]

هى ليه اسمها فى ماست كليه تكنولوجيا المعلومات كدا بتظهر كانهىا مش واخده كل مجالات الحاسبات

[@abdoabosont]

طيب انا دلوقتي داخل هندسة في mti لو حبيت احول ل must السنة الجاية هعيد سنة اولى ولا هكمل من مكان ما وقفت

[@minarayef2703]

انا في كلية اسنان mti و كنت حابب اعرف اذا جامعة الجلالة انسب لاني ناوي انقل؟
مع انا جامعة الجلالة جامعة اهليه و تعتبر في العين السخنة ابعد مسافة🥲

[@alaamustafa1169]

عايز تنقل ليه؟
اي العيوب اللي لاقيتها هناك؟ لاني بفكر ادخلها

[@al-27.7]

والله رحت جامعه جلاله جامعه بعيده جدا جدا جدا وبين جبال

[@user-ot8yy9rf2g]

لو سمحت هل اقدم علاج طبيعي في جامعه mti ولا جامعه must

[@asma.257]

ماست

[@abdallah3281]

must بس هي اغلي

[@ahmedelsenbawy8283]

انا حاسبات برده وكت عاوز انقل شايف ان must حلوه انا حاليا فرقه اولي جامعه eelu

[@beshoyabdallah6891]

تعرف الجامعه العربيه المفتوحه

[@raghadsaad3382]

مينفعش أحول لماست بعد ترم؟لازم سنة؟هيا الفكرة برضوا اني بعد ما دفعت المصاريف في future جاتلي رسالة قبول من MTI فمش عارفة أحول اقعد فيها ترم وكده كده هنقل لماست ولا أكمل في future أحسن؟

[@ahmedyehiia]

ولله مش فارقه كتير انتي بس شوفي الارخص في المصاريف و المسافه و كملي فيه كلهم تقريبا واحد

[@karimzaki832]

يا رغد انا ف نفس الحيره انا رايح الصبح اقدم ف الفيوتشر حاسبات بس انا كان جايلي القبول ف الجامعه العربيه فا اعمل ايه؟؟؟

[@asmaagad1821]

​@@karimzaki832عملت ايه وانهى احسن فيوتشر ولا ماست

[@karimzaki832]

@@asmaagad1821 دخلت الفيوتشر الحمدلله و طبعا فيوتشر احسن من ماست بكتير، لو هتقارني فيوتشر ممكن تقارنيها ب msa مثلا

[@MahmoudAli-wi9hs]

لوسمحت ترد عليه ازي حولت لما حولت ازي تحسب ايعني روحت سنة تانيه ع طول ولا كلام تاني

[@arwaroro1111]

اشرح لينا اكتر عن مميزات وسلبيات جامعه ماست 💙💙

[@ahmedyehiia]

هتكلم ان شاء الله عن كل حاجه تخص الجامعة في فيديو لوحدها قريب

[@shahodamohamed-yl6cd]

ينفع احول بعد تالته؟

[@AbdullahMostafa-br9ie]

ايه رأيك أحول لجامعة بدر ، أنا أولي صيدلة ، وشكرا ❤️

[@ahmedpro2323]

طب يا غالى اى افضل كليه خاصه لحاسبات ومعلومات لو الاهليه مش فتحت عندنا الافضل من حيث كل حاجة لكليه لحاسبات ومعلومات

[@ahmedyehiia]

بص هو ال AUC , BUC توب يعني فوق و msa برضو عاليه بس كل دا مصاريفه فوق الطبيعي لاكن الطبيعي ممكن ماست و سته اكتوبر و الجامعه العربية و mti لاكن افضلهم بالنسبالي اكيد هتكون ماست من حيث مستوي التعليم و السعر

[@ahmedpro2323]

@@ahmedyehiia طب دول معتمدين لو سافرت برا

[@beshoyabdallah6891]

الجامعه العربيه ب٣٥ ممكن عيوبها ومميزاتها

[@ahmedpro2323]

@@beshoyabdallah6891 ما حاسبات فى الجامعه الاهليه عندنا ببنى سويف ب35 واحسن من مليون خاصه

[@beshoyabdallah6891]

@@ahmedpro2323 انا فاهم كده انا من المنيا ولو حاجه قريبه هتبقي افضل لكن الجامعات الاهليه لسه ما قالتش وله التنسيق وله المصاريف وقالو مع بدايه المرحله التانيه
انا مش عارف مين الى قال إنها ٣٥ دي ده جامعه اسكندريه الاهليه حاسبات ب٧٠
وتاني حاجه الاهليه ده اول سنه وانا مش مستعد ابقي فار تجارب تاني لحد

[@MahmoudKhashaba-i8z]

طب بالنسبه للصيدله MTI

[@HebatullahAhmed2246]

ياريت حد يرد لانى قدمت فيها

[@HebatullahAhmed2246]

@@yaraosama3337 72% ب 1500

[@MahmoudKhashaba-i8z]

كل اللي كانو فيها بيقولو كويسه وإن دا اي كلام

[@mifav5]

علاج طبيعي must و لا ٦ اكتوبر؟؟ و لا المصرية الصينية؟؟

[@aaosvc]

must

[@mifav5]

@@aaosvc معلش آخر سؤال MUST و لا MSA

[@aaosvc]

@@mifav5 lw bntklm 3la 3lag tb3y ha2ol MSA a7sn mn Must

[@abdallah3281]

جامعة 6 اكتوبر حلوة طيب؟

[@alaa7464]

عاش جدا الخطوة دي بجد ، انا فأخر سنة هندسة ونفس الافكار دي فبالي، والmentality كمان ما شاء الله ربنا يوفقك فحياتك

[@MohammedAboKhaled]

هل بتبقا في زيادة في المصاريف أثناء الدراسة عن المصاريف المعلنه... يا ريت حضرتك ترد عشان أعمل subscribe 😂😂😂⚘️

[@ahmedyehiia]

لا مش بيكون فيه زياده في المصاريف في ماست اللي بتدخل بيه بتكمل بيه لاكن في mti علي ايامي كان فيه زياده سنوية ٢٪؜ علي كل الناس

[@ahmedyehiia]

و مستني ال subscribe يا محمد😂😂

[@gamermadeegypt796]

طب بقولك اي حلوان الأهلية الجديدة ولا mti

[@mohamedelghishy8546]

حد في الmti يعرفني كليه العلاج فيها حلوه ولا و متوسط اسعار السكن هناك كام

[@7ry0_]

حورس ولا مسط بشري؟

[@user-io5rb9sh1k]

جامعه Mti ولا الدلتا طب أسنان؟

[@yasmin4403]

انا في علاج الصينيه وبفكر أحول ل mti فاااييي رايك أحول mti ولا ماست؟؟؟؟؟؟

[@ahmedyehiia]

لا لو هتحولي فا اكيد ارشحلك ماست احسن بس برضو قارني الاسعار و المسافه بين مكانك و الجامعه بس اهم عامل ممكن يكون السعر

[@rinad986]

طب اسال سؤال طب اسنان وعلاج طبيعي mast ولا msa ولا اكتوبر
عشان محتاره بين الكليتين ومحتاره اعمل ابليكيشن في انهي جامعه

[@Mo------------]

الدلتا انا جالي ماست وماست بعتتلي أنا وقليل جدا لكن لما روحتها مش حسيت براحة لكن الدلتا العكس

[@rinad986]

@@Mo------------ يعني الدلتا بكام مثلا وبتقبل من كام في الميه

[@Mo------------]

@@rinad986 أنا طالب محول من السودان والقبول فوري وبفضل الله كنت الأول على الجالية. المصرية والوافدين قدمت على منحة القطرية وقبلتني لكن مكملتش لظروف وطبعا التعامل فيها راقي جدا ودي شهادة متفاهمين جدا خصوصا مع طلبة الشهادة المعادلة على عكس ماست الي دخولها بيحتاج واسطة عالية ومجموع صاروخي غير بعد كدة التقدير مش هيكون قد كده وهيفرق في اختيار التخصص تنسيق الدلتا مش أشد تنسيق والجو هادي والسكن هناك رخيص نسبيا والمكان مش بعيد والمكان بصراحة حلو وفيه باصات وسعر الوجبات رخيص نسبيا في الكافيتريا المصاريف ١٣٥ ألف ومش عارف فيه خصم للمتفوقين وأبناء العاملين والنقابات ولا لا

[@AM-oy6gz]

انا في جامعه السلام وعايز احول برضه عشان السلام اسوء واغلي فكنت عايز اعرف المطلوب والمصاريف الزياده الي هدفعها فوق مصاريف الترم

[@ahmedyehiia]

هتحتاج تستني اول ما التقديمات بتاعه الدفعات الجديده تبدا و تروح تسال علي المصاريف و كل المطلوب بالنسبه للمحولين

[@yassen_ahmed]

بالله عليك تقولي هل ادخل كلية إدارة أعمال في جامعة ٦ اكتوبر هل دراستها قوية زي جامعة مصر ولا ادخل mti عادي

[@abdulh8958]

كوني خريج جامعة مصر هندسة الي مش بينجح عندنا كان بروح ٦ اكتوبر وبتخرج بامتياز

[@beshoyabdallah6891]

طب لو سمحت بالنسبه الجامعه العربيه Aou حاسبات

[@shahoda252]

اسنان mti ولا علاج طبيعي الاهرام الكنديه وانا عادى حابه الاتنين اي الافضل ؟؟

[@ahmedyehiia]

هي الكليات الطبية في mti عاليه اوي فا انا شايف اسنان هتكون اعلي و مجالها افضل بالنسبالي

[@shahoda252]

@@ahmedyehiia شكرا ♥️

[@mohamedsafty2046]

طب حولت ازاي عشان انا في mti هندسه وعايز احول must اي المطلوب ؟ وهل ينفع احول الترم التاني؟

[@ahmedyehiia]

للاسف تحويل الترم التاني مش موجود بس عادي بتسال علي فتره التحويلات في ماست و بتشوف الورق المطلوب و المصاريف و بتطلعه من mti و بتروح تسلمه و تستني الرد

[@ahmedyehiia]

فيه فيديو عملته عن خطوات التحويل ممكن تشوفه هيساعدك

[@manarmohammed8088]

طب انا ناوية اخش علاج في ال MTI لان سعرها اقل مقارنة بالباقي ف الغي القرار ولا استمر فيه🙂

[@ahmedyehiia]

لا حلو جدا عمتا الجامعة حلوه في الكليات الطبية و دا في اجماع عليه

[@وتوكلعالله]

​@@ahmedyehiiaنا هدخل تمريض فيها فهل ادخلها ولا بلاش

[@MohammedSaleh580]

​@@وتوكلعاللهدخلتي؟

[@Aadhaan]

Are the lectures (MBBS) taught in English??

[@Aadhaan]

And which one do you think is better for English speaker 6th October or MUST?

[@mostafaeissa8504]

اي الفرق بين حاسبات و علوم حاسب ارجو الرد بسرعه

[@ahmedyehiia]

الاتنين واحد بمسمي مختلف ولاكن لو قصدك علوم حاسب كا قسم فا هي تختلف طبعا يعني علوم حاسب ممكن تكون اسم كليه حاسبات في جامعه معينه و ممكن تكون قسم جوه كليه حاسبات في جامعه

[@hshhdhs839]

مفيش ملاعب كرة قدم وبطولات خاصة بيها؟،

[@ahmedyehiia]

فيها ملعب كورة رئيسي ممكن يتحجز و فيه اختبارات بتاهلك للعب في منتخب الجامعة دا غير دوري الكليات اللي بيتعمل كل سنه

[@yasmeenashraf8648]

كلية أسنان حلوة في mti ؟؟

[@basmalamahmoud9438]

هو بيبقا في كل دفعة حاسبات ومعلومات جروب الدفعة في جامعة مصر ؟ انا هدخل السنة دي في بقا؟

[@ahmedyehiia]

اه بس الدفعه اللي بتعمل الجروب دا فا انت هتكتشفه لما تدخل هتلاقي حد بيجمع ارقامكم و بيعمل جروب ليكم و عليه بيبقا فيه لينكات جروبات المواد بتاعتكوا

[@ahmedyehiia]

و سعات بيبقا اللينك موجود علي جروبات الفيس مثلا زي cs must 2022 و هكذا فا دور علي جروبات الفيسبوك

[@mohamedwahba829]

بعد اذنك النهضة ولا MTI

[@ahmedyehiia]

مش بتمشي انهي افضل ولله الجامعتين كويسين و في نفس المستوي تقريبا شوف انهي افضل في المصاريف بالنسبالك و الاقرب في المسافه

[@nohahany6512]

يعني لو عاوزه اقدم طب بشري هناك بلاش

[@Basmalamohammed-sx7jz]

Thanks alot

[@March16545]

تمريض Mti ولا ست اكتوبر ولا must

[@Khayabusa]

متابع

[@basmalamahmaed7113]

انهي افضل

[@mohammedabdalmilk3740]

لو سمحت اي هي اقسام حاسبات ومعلومات جامعة مصر للعلوم والتكنولوجيا

[@ahmedyehiia]

IS , CS , Ai

[@Salmamohamed-cc4ni]

جامعه ٦اكتوبر ولا جامعه مصر للعلوم وتكنولوجيا

[@ahmedyehiia]

بالنسبالي ماست طبعا انا اعرف ناس في كليه حاسبات ٦ اكتوبر حولوا بعد اول سنه ماست

[@ahmedwannan179]

في بوت لشرح مواد سنه اولي

[@mazenmohamed9655]

حاولت اسيرش عن اسمك انستا اسالك عن حاجه م ظاهر
كنت عايز لو تسالي ف الجامعه هل تمريض و بايو تكنولوجي هيفتحو بين التيرمين لان ناس قالو ممكن بايو وممكن لا وتمريض ممكن اه ولو فتحت بس مش للمصرين للمغتربين بس والمعادله
تعديل لقيت الاكونت *

[@ahmedyehiia]

تمام ممكن تبعتلي علي انستا و انا موجود ان شاء الله اول ما انزل هسألك و اعرفك بس ابعتلي message هناك

[@ahmedelsenbawy8283]

هو لما حولت حولت لفرقه تانيه ولا رجعت فرقه اولي تاني

[@ahmedyehiia]

لا حولت فرقة تانية بس عملولي معادله للمواد هتكلم فيها اكتر ان شاء الله في فيديو لوحدها قريب جدا

[@mariam1498]

جامعة ماست ولا جامعة 6 أكتوبر أحسن

[@ahmedyehiia]

علي حسب حاجات كتير السعر و الكليه و هكذا بس انا افضلي كا حاسبات ماست لانها اعلي و فيها Ai لسه فاتح فا قسم جديد مش موجود في اكتوبر

[@mohamedalgobashy8910]

​@@ahmedyehiiaطيب علاج طبيعي ف ماست ولا ٦ اكتوبر افضل

[@ahmedfootball9268]

لو ممكن اعرف الإنجليزي مهم جدا علشان انا مش شاطر في الانجليزي و حاسس اني مش هفهم شرح الانجليزي

[@ahmedyehiia]

بص هو مهم اه فا انت لازم تشوف اي مكان تتعلم فيه لانه مهم جدا في الكليه عندنا كل المحتوي بالانجليزي

[@mohameddawa6380]

انا داخل mti وعايز احول must بس كش هينفع دلوقتي لان رساله القبول جاتلي فماست وراحت عليا
اعمل اي؟!

[@mariamm70597]

انهي احسن + جامعه mti بتقبل من ٥٠ فالميه يعني كليات خاصه وكدا ولا اي

[@ahmedyehiia]

كمل سنه في mti و حول بعدها ماست بس حاول تجيب gpa عالي

[@ahmedyehiia]

هي بتقبل مجموع قليل اوي اه بس علي حسب الكليه و بالنسبه للاحسن فا ماست هي الافضل بالنسبالي كا نظام تعليم

[@ahmedmera2147]

سؤال هل الmti معترف بها دوليا

[@user-mr4kz5bu1e]

مش معترف بها دوليا

[@جرجسمعين]

هى الكاديمية الحديثة بمعادى حلو فى التعليم فى كلية الحاسبات

[@ahmedyehiia]

اه مش وحشه بس اي حاسبات محتاجه كورسات اونلاين او اوفلاين فا لازم لو هتدخل تقوي نفسك في المجال لوحدك الجامعه مش كفايه

[@abdoahmed3272]

تنصحني بزنس في must ولا افضل في mti

[@midogamer304]

حد رد عليك؟؟

[@abdoahmed3272]

@@midogamer304 لا

[@nawalmahmoud3050]

بشرى الدلتا ولا mti افضل؟

[@ahmedyehiia]

هو mti بشري عاليه بس تقريبا هم الاتنين برضو نفس المستوي فا انت علي حسب المصاريف و مكان سكنك انهي اقربلك اختار منهم بس الاتنين تقريبا نفس المستوي الفروقات بسيطة

[@nadergeorge4229]

النقل بيبقي صعب ولا ايه نظامة؟

[@ahmedyehiia]

لا خالص بيبقا سهل و لذيذ و عمتا الخطوات بتاخد وقت فا كل واحده علي لوحدها كده هتلاقي المرضوع سهل بس بياخد وقت

[@AbdoAhmed-fe6mj]

طب اي الافضل mti ولا 6 اكتوبر ولا الاهرام الكنديه ؟

[@ahmedyehiia]

بالنسبالي ٦ اكتوبر هتكون الافضل و بعدها الاهرام و بعدها mti

[@hamdizlmasri5352]

اهرام

[@hodaahmad1097]

​@@ahmedyehiiaكنت دخلت اكتوبر مادام ده تقيمك

[@habibaali3699]

فيها مدينة جامعية ولا لا ؟

[@ahmedyehiia]

هو فيه فندق سكني خاص بالجامعه جنبها بس اسعاره بتكون مكلفه عشان كده معظم الطلاب بيلجئوا للسكن في اماكن متاجره عادي حوالين الجامعه

[@futuredoctor2195]

ي جماعة لغات وترجمه هي كليه الألسن؟

[@ahmedyehiia]

اه

[@user-ht9yj9mf4o]

إيه اقسام الهندسه فى mti وفيها قسم مكانيكا

[@ahmedyehiia]

قسم الهندسة المعمارية - قسم الهندسة الميكانيكية - قسم الهندسة المدنية - قسم الهندسة الكهربائية - قسم هندسة الأجهزة الطبية - قسم هندسة الإنتاج - قسم هندسة التحكم.

[@ahmedyehiia]

و قسم حاسبات

[@hendmohamed6435]

هي جامعة mti معتمده محلياً ودوليًا

[@ahmedyehiia]

هي معتمده محليًا و المفروض دوليا بس فيه معادله بتتعمل لو هتشتغلي بره في اي دوله بس الكويت تقريبا هي اللي مينتبقش عليها الكلام ده

[@hendmohamed6435]

طيب إيه الجامعات إل الكويت بتقبل الشغل منها عشان أحول لإبني فيها عشان يسافر يشتغل بالكويت

[@hendmohamed6435]

رد ضروري لو سمحت هو في سنه أولي عايز أحول له في جامعه تكون معتمده للعمل بالكويت

[@محمدسليمان-ض2ب]

@@ahmedyehiia e

[@OmarKishk-v3o]

وانا جايلك حاسبات😂❤

[@noranmohamed8448]

تب لو سمحت ممكن حضرتك تفيدني نا. دلوقتي كنت حابه احول الترم التاني فجامعة Mti فهل قراري صح ولا غلط وهل هيا معتمده ولا لا
وحضرتك ممكن تقولي اي احسن كليات معتمده يعني

[@ahmedyehiia]

هي من ناحيه معتمده فا اه معتمده و قرار التحويل دا مفيش فيه صح وغلط المكانين هتتعلمي فيهم و الحقيقه ان الفايده او الفارق بيكون في البيئة الاحسن من اشخاص و دكاتره و السعر الارخص و المكان الاقرب وهكذا

[@itsme-pd9hn]

طب ماست فيها منح لصيدله ؟ وده مجموعي87.8

[@ahmedyehiia]

فيها منح لكل الكليات بس التفاصيل بتختلف من كليه للتانيه فا ممكن تروحي تشوفي الجامعه في يوم و تسالي في الشؤون عن تفاصيل و اوراق المنح المتاحه لصيدلة

[@user-zy7zz8bz2o]

صيدله حلوة في mti?

[@sandratharwat4252]

في اختبارات قبول في must؟

[@ahmedyehiia]

لا بيكون فيه اختبار تحديد مستوي اللغه الانجليزية بس و دا لو معدتيش فيه بتاخدي كورسات انجليزي زياده تقويكي بس بفلوس طبعا و بتكون اجباري

[@ammarhosney1583]

انا اتقبلت في mti اروح ادفع ولا لا

[@khalidgaming3428]

مقدم اسوومجموعك كام

[@user-sh6sm3fi5i]

ممكن لينك التقديم

[@الكبير-ق8غ]

طب ايه رايك في جامعه o6u computer science

[@ahmedyehiia]

بص هو انا عندي صحابي محولين منها لماست بيقولوا انها مش سهله و الدكاتره بيضغطوا عليكم و هكذا بس الجو العام لطيف ،، لو عايز رايي و انت قدامك الاتنين فا انا اكيد هختار ماست

[@beshoyabdallah6891]

انا كنت لسه هسالك عل الجامعه العربيه دي طبmust افضل من حيث ايه بالظبط

[@Doctoreto11]

انا عاوز احول لاي جامعه في القاهره اسنان بس gpa 2.4ففي كليه ممكن تقبلني

[@ahmedyehiia]

بص ممكن mti تاخد ال gpa دا بس مش اكيد فا انت ممكن تروح تسالهم هناك و تشوف الجامعه و هكذا بس هو صعب اوي اي جامعه تانيه لان اقل حاجه بتبقا ٣ ممكن ٢.٧

[@eiadabonaser4406]

بشري mti ولا اكتوبر احسن والاصعب

[@ahmedyehiia]

الكليات الطبية في mti سمعتها كويسه بس لو انا مكانك هختار اكتوبر لانها عاليه كا جامعه من حيث التعليم و الشهرة اكتر من mti

[@youssefcreativemovies7013]

امال لو شوفت مبني أسنان mti
والله عباره عن عمارة مش كلية
لا وكمان سارقين المبني من هندسة

[@ahmedyehiia]

براحة عليهم يا يوسف زمايلنا برضو😂

[@user-nq8do8rg7z]

طيب ممكن اعرف هندسة من كام مجموع وكام مصاريف السنه

[@ahmedyehiia]

هو مصاريفها ٥٥،٠٠٠ في السنه و بالنسبه للمجموع فا الحد الادني ٧٠٪؜ بس ماست بتاخد فوق الحد الادني بشويه حلوين لسه متخددش هتاخد من كام عشان كده اي حد فوق الحد الادني بيقدم وبيشوف هيتقبل ولي لا

[@kasemomran59]

@@ahmedyehiia طب ايه اقسام كليه الهندسه فيها وفعلا فيها قسم صيانه للاجهزة الطبيه .. ارجوك ارجوك بالله عليك ترد عليه وتفيدنى انا بسأل عن mti

[@mmaan22]

سبسكرايب لعيون خويى الليدر

[@ahmedyehiia]

حبيب قلبي ❤️❤️❤️

[@user-rd8by6jd2h]

هل mti بتقبل الدبلومات

[@ahmedyehiia]

مش متاكد بصراحه ممكن تكلمهم تسال او تروح تسال في الجامعة نفسها

[@adhamomar7405]

طب لو سمحت عادي انقل من جامعة الجلالة ل ماست ؟

[@ahmedyehiia]

اه ينفع تنقل من اي جامعه ل جامعه تانيه بشرط ان الاتنين يكونوا ماشيين بنفس النظام فا لو الجلالة ماشية بنظام الساعات المعتمده يبقا عادي ينفع

[@_rozy_h_]

@@ahmedyehiia لو سمحت عادي احول من زراعة حكومي الي جامعة ماست بايو تكنولوجي العام القادم لاني ملحقتش تقديم فيها سنة دي و دخلت حكومي ؟؟؟؟ ارجو الرد

[@mo7meddoc873]

هو لازم اجيب gpa,عالي عشان احول وهل كلامك ده ع طب بشري mtiولا اي

[@ahmedyehiia]

اه محتاج gpa عالي عشان تقدر تتقبل في المكان اللي هتحوله بس علي حسب هتحول لانهي جامعه اكيد

[@ahmedyehiia]

لا انا محول من حاسبات mti بس اظن من كلام الناس اللي سمعته ان النظام في الكليات الطبية mti غير الباقي لانهم احسن شوية من حيث الاهتمام و المستوي

[@sharafmohamed2599]

رايك في aou حاسبات

[@ahmedyehiia]

جميله جدا و عاليه لو هتدخلها ربنا يوفقك و عمتا حاسبات في اي كليه عاليه

[@mohamedashraf4316]

في أي طريقة تواصل يغالي؟

[@ahmedyehiia]

ممكن تبعتلي علي انستاجرام @ahmadyehiiia

[@dr_aliaa_eldin]

@@ahmedyehiia ممكن اللينك

[@ahmedyehiia]

instagram.com/reel/Cg-e9P9j1Ts/?igshid=YmMyMTA2M2Y=

[@fiveflowers4066]

افضل جامعه كلية حاسبات ومعلومات للى لسه هيقدم الان

[@ahmedyehiia]

لو خاصه بالترتيب دا auc , buc , msa , must

[@ahmedyehiia]

و لو حكومة فا اعلي حاسبات في عين شمس لان اقسامها كتير و الدكاترة عالين

[@user-en1be2cr3k]

جامعه مصر قويه فى دراسه الهندسه

[@ahmedyehiia]

قوية في كل الكليات مش هندسة بس

[@user-th6og1rb9b]

هل إجراءات التحويل سهله بين الجامعات الخاصة

[@ahmedyehiia]

اه مش اصعب حاجه بس انت محتاج تقسمهم خطوات و فيه حاجه و هي ان كل دا مش هيحصل في يوم و ليله دا بياخد مده عشان الورق يطلع و عشان تتقبل و عشان يعملوا المعادله و هكذا

[@nourmohammed5276]

انا عايزه ادخل حاسبات في ماست مش عارفه كويسه ولا لا

[@ahmedyehiia]

لا هي من حيث تعليم و نظام كويسه جدا بس مشكلتها ان فيه محتوي كتير متكرر و دا هتلاقيه في كل كليات حاسبات مش ماست بس

[@fiveflowers4066]

mti ب 46 -- must اغلى

[@ahmedyehiia]

ماست السنه دي حاسبات ٤٥ دا غير ان mti كل سنه بتزيد ٢٪؜ لاكن ماست بتفضل ثابته

[@karimzaki832]

طب MTI ولا AOU ف كليه حاسبات؟

[@ahmedyehiia]

مش بتمشي ايه الافضل هو علي حسب المصاريف و المسافه اكيد من حيث الجامعتين دول لان هما تقريبا في نفس المستوي

[@AsmaaMohamed-kt6fd]

هي ماست طالبه gpa كام بالنسبه لعلاج

[@ahmedyehiia]

لو قصدك تحويل فا هما مش بيطلبوا gpa معين هما بيشوفو كل طلبات التحويل و اعلي عدد معين بيتقبل علي حسب مطلوب و مساحه كل كليه مثلا عندي في حاسبات اتقبلنا حوالي ٣٠ واحد محول اعلي ٣٠ بس في ال gpa

[@AsmaaMohamed-kt6fd]

احسن Mti والا سفنكس؟؟

[@ahmedyehiia]

انا معرفش كتير عن سفنكس بصراحه بس mti كانت بالنسبالي جميله و سهله لأي حد يجيب gpa لو زاكر و منظمة من حيث الامتحانات و المواعيد بس عيبها انها مفيهاش انشطه طلابية كتير هي بتهتم اكتر بجودة التعليم وبس مش بالترفية و الانشطة الطلابية و اتحاد الطلاب و هكذا

[@ahmedRamadan-ft9un]

مصاريف كلية حاسبات ومعلومات كام

[@ahmedyehiia]

45,000 في السنة

[@asmaaabdelbadea3420]

​@@ahmedyehiia بتقبل من مجموع كام

[@mohamedabdelshafy7821]

ممكن رقم حضرتك واتس

[@ahmedyehiia]

تقدر تبعتلي علي انستاجرام @ahmadyehiiia

[@malakm7444]

جامعه mti فيها طب بشري ولا لا ؟

[@asmaagad1821]

اه