رحلة بحرية رائعة في شيكاغو|جربنا الاكل الايراني| قطرالندى
Вставка
- Опубліковано 7 жов 2024
- قناتي منوعة لا احب التكلم في السياسة والدين. في هذه القناة احترم تحترم.
اسمي قطرالندى عراقية اعيش بامريكا ادرس هندسة صناعية في جامعة اوكلاند في ولاية ميشكان الامريكية
هواياتي كثيرة منها السفر،المغامرات، التعرف على ثقافات الشعوب،بناء مدن الكرسمس،الطبخ،الخياطة، و اهم هواية هي صناعة فديوهات على اليوتيوب.
__________________
Contact and advertisement\للتواصل والاعلان
kataralnadaman@gmail.com
Instagram\انستغرام
kataralnada_man
السفر مع الأصدقاء حلو ، بس الاهم هو اختيار الصديق الصح لان اذا سافرت ويه انسان مزعج ومتطلب مو بس تكره السفره لا حتكره حتى نفسك
النظر الى البحر وشم راءحته يعطي طاقه ايجابيه وهذا كلام رسولنا محمد عليه الصلاة والسلام وعل نبيكم عيسى الصلاة والسلام
قطر بغداد تنزف دعائج ودعاء كل عراقي غيور
واني اعرف اشگد العراق عزيز عليج وعلى عائلتج
نحتاج كل العراقيين وبكل طوائفة يدعون ربي يكون بردا وسلاما على بلدنا يارب
Drانشاء الله بردا وسلاما للعراق
نريد الامن والامان ولا للتفرقة والطائفية
حب التسامح حب العطف
زرع المحبة بينتنا
احترامي للجميع
رغم اوضاع العراق لكن انتي متنفس النا و خليتينا بالبيت كلنا غصبًا علينا نغير جو وياكم
سفرة سعيدة اختنا قطرالندى
اني من الينوي،شيكاغو، وهل ولاية عششششششق يمي، احبها بكل فصولها ،صيف شتى خريف وربيع،كلشي احب بيها، ازدحامها وبناياتها وكلشي حرفيا.
رحله ممتعه ان شاء الله هذا الضعيف ليشرحلكم الأجواء كلش حلوه والموسيقئ تجنن والله ياقطر ماعدنه راحه من نشوفج تنطينه طاقه ايجابيه ربي ينطيج صحه وعافيه ويحفظكم من كل مكرو متابعتكم من العراق واسط احبكم هواي ♥️♥️
الدعاء الى عراقنا الحبيب بردًا وسلامًا على شبابنا في المحافظات وبغداد خاصة حتى أولانا متواجدين بالبيت لآن الوضع تعبان جدا اه آه ياعراقي المضلومين
اللهم أحفظ العراق وأهله
امين يارب
افضل سفرة العائلة وحدها بدون اصدقاء اي كان مستواهم الثقافي اوالمادي .يعني قرارك برأسك باالنسبة للسكن باالفندق وزيارة الاماكن والتنقل بين الأسواق والكثير من الأمور.عن تجربة احجيلكم سفرة سعيدة غاليتي.
حبيبتي قطر الندى والله انك تدخلي القلب الله يسعدك وموضوع السفر مع الاصدقاء عجبني انكم متفاهمين مع اصدقاءكم انكم ما تزعلوا من بعض وكل واحد ما يتقيد بالثاني كلام جميل جدا فعلا
حبيبتي ابشرج الاوضاع تحسنت ورجعت الى طبيعتها ورجعت الحياة تتنفس لايظل بالج الشعب العراقي قوي ويحب الحياة
برداً وسلاماً ياعراق
امين بس شكو؟؟
@@KataralnadaMansoor صارت مظاهرات وناس هوايه انقتلو الوضع مو تمام عدنه
رحله سعيدة حبيبتي ولو الاوضاع حاليا بالعراق لاتبشر بالخير دعواتكم ربي يحفظ العراق واهله
سفره سعيده ... تعرف صديقك حقيقي بسفر والمواقف اذا كانت عائلتين متفاهمين شيء جميل .. عن نفسي ما كان لم اوفق مع أصدقاء
قطورة بالعافيه مليون عافية وسفرة سعيدة دعواتكم النا..تعبنا واتأذينا هواية..يارب بردا وسلاما على هذا البلد 😭اختج ام محمد من النجف
هاااي شبيج كافي ستحو يعني ناس تريد ترفه عن نفسه تغير جو شويه كل ما ادخل على فيديو الكه واحد لو و حدة تبجون بل تعليقات كافي بطلو 😂
#قطر الندى راقية دوووم ورائعة بكل محتوياتها وفديواتها هي شاطره والرب يحميها ويحفض عائلتها
من اشد متابعينها
لها الاحترام والمحبة والتقدير
استاذ ذو الفقار الواسطي
والله جتي السفرة بوقتها لان ضايجين وبدا حظر التجوال عدنا بالعراق 😭 كلش حلوة مدينه شيكاغو … ان شالله نزورها….الله يرحم شهداء اليوم
برداًوسلاماًعراقنا الحبيب
الحلو المعلق بالرحله دمه خفيف بالرغم من جسمه ثقيل
الله يحفظكم ويديم سعادتكم
ويحفظ عراقنا الحبيب ويبعد كل شر
طبعا انتم ناس مثقفه وراقيه ومتحضره فلكم السلام
صرت احب مشيكن لان تقيمين بيهه 🤗🤗🤗🤗
اليوم ٢٣ قتيل و ٥٠٠ مصاب يارب الطف بالعراق 😔🤲
اكثر شي جذبني هو الاجواء الضبابيه ياااي كلش احب هيج اجواء وحبيت البوت والمي سفره سعيده قطوره
ممكن السبوع الجاي تروحون مدينة اللعاب
متابعتك من العراق ♥️🇮🇶
حبيبتي. اهلا بيكم بشيكاغو..للعلم..مدينتنا كلش حلوه..وطلعت.ثاني مدينه بل العالم..بعد نوزيلاندا..لا تقارنينا..بكندا..احنا الاحلا..وشكرا.
قطوره ، ابد محبيتها ل شيكاغو ، لانه منكدر نخلي السياره الا بالباركات والساعه ب 20$ اقل شي
ابداع مدينة شيكاغو 🎡🎠🎢🎪💈
كلشي حلو بهذي السفرة الاجواء تجنن ماشاءالله سفرة سعيدة انشاءالله هذا على التمن اسمه زركش
سفرة سعيده ام مارك وبالعافيه عليكم ادعوا للعراق تمر هاي الازمه على خير والله حاطين ايدنه على قلبنه اللهم بردا وسلام على العراق ويحفظ اهله من كل مكروه
احلي مدينة شيكاغو ❤️❤️🔥
هذا اسمه( زرشك) موجود عند كل العطارين او اهل البهارات وطريقته مثل الكشمش ينغسل ويتنكع شويه وراها ينحمس بدهن حر وينرش عليه شويه شكر اثناء الحمس
من ارقى المطاعم الايرانيه اني اروح شيكاكو حتى اكل هناك واكل يم مطعم كبابي هم طيب هوايا وسفره سعيده حبايب
يبدو ان هذة الليلة ستكون صعبة على العراقيين
برداً وسلاماً
طبعا لسفر مع الاصدقاء شي كلش حلو اذا كان صديق حقيقي ومثل ميكول لصديق تعرفة وقت لسفر
بالضبط صح
احلى سفرة وية الاصدقاء وعمري كل اسافر وية الاصدقاء والمعارف وما ارجع ضايجة ابدا اتونس كلش
قطر الندى وبل الصدى اسم كتاب في علم النحو لابن هشام الانصاري وهو من الكتب القيمة في هذا المجال ..
وكذلك هذه القناة من القنوات المتميزة والمفيد ه فشكرا لكم 🌹
الف عافيه بس اتوقع الشي الاحمر الي بتمن اسمه زرش يصير شويه بي حموضه
رحلة جدا جميلة استمتعنا معكم رغم بعد المسافة. ومرة قلتي ما عندنا متابعين من الجزاير هاي انا متابعاتك من بداياتك وتحياتي الكم جميعا وشكرا على فيديوهاتك الشيقة ♥♥♥♥♥🇩🇿
بردا وسلاما اهلنه.... الله يرفع القمه عن الشعب العراقي لمادري شوكت يرتاح شوكت يعيش مثل العالم... ينضر بحالنه ويخلصنه من كل ظالم وكل من دمر البلاد وهجر العباد.... تخلص ان شاء الله 🙏
الرحلة مع مجموعة تكون احلى بس اهم شي تكون العوائل متفقة
الحبيبات الحمر يلي بالتمن هي حب رمان مجفف يستعمله الايرانيين مع التمن مثل ما العراقيين يخلون الكشمش
عاشت ايدكم سفره سعيده اني اكثر شي احبه ،اتعرف على اماكن جديده والتعاون الي بينكم حيل احبه ربي يحفظكم لبعض
سفره سعیده وشکرا لکم شفته شیکاغو عندی اقاربی فیها ...حلو السفر مع الاصدقاء بهذه الطريقه
حلو انو خليتونه نشوف ولاية شيكاغو ياريت كول فترة زورون غير ولايات
حبيبتي تدللين احنا بهذا الصيف راويناكم وسكانكس شيكاغو كنتاكي و اوهايو🫶😍
ياااامررررحباا
باع الضباب يربي شلون حلو ويه العمارات
تشبه السفر في River Thames and London eye
احب السفر مع الصدقاء
فديوهاتج ولا يهمل منها اتمنى لج كل التوفيق والتألق الداءم
اعلق قبل ما اشوف الفديو
شايفين كمية الحب
فددددوه وفداوي
@@KataralnadaMansoor حبيبتي 😚
قناتك مفيدة وممتعة وتعلمنا منها الكثير واصلي عزيزتي
قطر الندى دعواتكم للعراق
هسه احنا بحالة خطر
🇮🇶🇮🇶
شكو يمعودين شو التعليقات كلها هيج تحجي فهموني!
@@KataralnadaMansoor عدنا مضاهرات قويه بلخضراء
@@KataralnadaMansoor قطوره تابعي اخبار العراق تعب وكلش غله المسواك
بردآوسلامايارب
ادعيلنا قطر لاءن والله ماكو واهس انشوف الفيديو لاءن يمنه الجو محترك
الطلعه او السفره تصير اكثر متعه او ونسه اذا كانت مع الاصدقاء وخصوصا الاصدقاء الدمهم خفيف ومريحين بالطلعه كلش احب هيج طلعات والمدينه جميله جدا والبنايات روعه مبدعه قطر
المطعم اسمة بالعربي خبز الكباب نون يعني خبز
والاحمر أسمة زركش
زركش لو زر شك
احله فقره بل رحله الجوله بل بحر كلش حبيتهه
الرحله مع الاصدقاء اكيد متنسي وتبقه خالده بل ذاكره
نورتو يا احله عائله 😍
الي عجبني بلفيدو الجو يجنن غيم وضباب احب هيج اجواء قطوره كثيرينه فديواهات بيه مطر وغيم واجواء خارج االبيت لان احنه مفتقدين هلشي حتى بلشتاء ماكو مطر احس ننتعش 🥶😍😍
نورتي ياجوهرة اليوتيوب احلى وأروع شيء بالدنيا انو ترحون وي الأصدقاء متعه حقيقيه وذكريات لاتنسى
اخت قطر دعواتك للعراق والعراقيين الاوضاع جد سيئه بااغلب المحافضات العراقيه خاصه العاصمه بغداد
سفره سعيده الج وللعائله الله يحفظكم
فدوه شصاير ممكن احد يشرحلي ؟
@@KataralnadaMansoor اخت قطر اتباع سيد مقتدى صدر سدوا الخضراء مضاهرات قويه حاليا مواجهات بل اسلحه الثقيله وستشهدوا 8 واكثر من 200 جريح ولاعداد تتزايد
واعلان حضر تجوال شامل في كل محافضات العراقيه
@@KataralnadaMansoor واغلب المحافضات طلعت مضاهرات واغلاق طرق
@@KataralnadaMansoor مقتدى الصدر نسحب من العمليه السائبه اليوم الضهر وانصاره هاجو عل القصر الجمهوري وصارت فوضى عارمه والدوله انطت حضر ساعه ثلاثه اضهر والعالم بالشوارع جاي من الدوام وصلت العالم لليل يله وصلت لبيوتها الوضع الامني متوتر جدا والحضر تجوال بالعراق كله الى شعار اخر واكو امور سياسيه بين قوسين صاير امالخ والعالم هاجه عل الصمون والاكل وغاز ماكو وشكرا💚
@@KataralnadaMansoor ماكو شي تعودنا على المشاكل والمهم صار حضر (منع تجوال) يعني باجر اسوي دولمه او تشريب وعيش ياباشا والاهم مايگطعون النت حتى نشوف الفديو يوم الاربعاء
مدينة شيكاغو كلش،حلوه
بس،ميشكن احلى بهوايه 🤓✌
أكثر شي عجبني وفرحانه لآن أنتم مرتاحين يأرب العالمين دائما السعادة والفرح والسرور عليكم امين 🙏 احبكم
سفرة ممتعه قطورة كلش تونسنه وياكم صراحه حبيت كلشي بالسفره
سفره سعيده وتونسه معاكم السفر مع الاصدقاء جميل اذا كانو غير نحسين تحياتي ام طيبه بغداد
يجنن منظر المي راحه نفسيه وهدوء للاعصاب ❤❤❤
منورين وسفرة سعيدة ان شاء الله يانارا كوني بردا وسلاما على بلدنا العراق واهله وناسه ان شاء الله خلينا ندعو للعراق الله يفرجها الفرج الفرج الفرج 🙏🏻🙏🏻🙏🏻🙏🏻🙏🏻
أهلاً وسهلاً بيكم آني من شيكاكو حلوة كتير وجميلة جداًجداً أتمنى ألكم سفرة رائعة عزيزتي ياأحلى عائلة ربنا يحفظكم ويسعدكم دوم 💐😘💐😘💐😘💐
السفر مع الاصدقاء كلش حلو بس يكون اذا الصديق على مرامك مو بنص السفره يعكر وجهها هنا تكره حتى السفره
عندي أصدقاء كثر من شيكاغو من الهنود أصدقاء ممتعين تعرفت عليهم في كربلاء
سفرة سعيدة ❤️
قطر الندى السفر مع الاصدقاء على شيء مطلوب لكن متابعينك يقسم من هم يحبون يرون عائله قطر الندى وحدها.👍👍👍👍👍
قطوره دنمر احنه بوضع حيل صعب بردا وسلاما يارب على كل العراقيين والله تعبنه
عليكم بالعافية
اجمممل فقره بالفيديو هو وجودكم وضحكاتكم الي مينشبع منهه امووووت عليكم
كلشي حلو بللفديو...عجبني المطعم الايراني تصميمه حلو...والدليل السياحي بالقارب جان حباب وكوميدي...وطبعا تعليقات حضرتج وابو مارك الكوميديه
بطلنه كلشي منريد غير نعيش بهدوء وراحه لان عراق عيشته لاتطاق بعد تعبنه وشبانه خلص بالهم والخوف
قطر سويت مندي الدجاج اليوم الي على طريقتج بالتفصيل عدا البتيته ما خليتها والله اهلي حيل حبوه وتعجبوا بالطعم وماما كالت لازم تعيدي فكلت لازم اشكرج بلكت الله شوفين تعليقي اني كتبت الوصفة بالتفصيل بالدفتر اشوف الكتابه واسوي حبيبتي شكرا
بالعافیه علیكم آكل وسفره قطر احنه بلعراق اذا نطلع سفره لازم آلا تصیر بیه زعل حتی لو ویه اختي اقرب ناس الله وكیلج لازم لا احجي لا نضحك لا نلعب ولا نتشاقه بس یاخذون منه تنقودات بلعامیه دوم متوضایین كاعدین ننطضر صلاه حتی ارید اتشاقه ویه زوجي من طرف عینه تباوع علیه 😅
سفرة سعيدة وممتعة
حلوة الرحلة مع الاصدقاء واهم شي هي حدود وخصوصية مقبولة لكل عائلة بلا تعقيدات بعض الأحيان عائلة عدها بذخ
وقت ناس تريد ترتاح ناس تريد الطلعة ويصير حرج للاخرين الخصوصية تحل هالنقطة والاطفال متونسين ومنسجمين
هذا الأحمر بالرمز رمان مجفف موجود شمال العراق منورة حياتي احلى عائلة ربي يحفظكم ويبارك بيكم ويسعدكم أم ابراهيم من العراق تحديدا الموصل أموت عليچ وعلى الأولاد حيل احبهم الله يحفظهم امين يارب العالمين
طبعا حلو مجموعة من الناس يسافرون لمكان محدد سوة وجدا ممتع وخصوصا اذا كان التفكير والاعمار متقاربة بس يصير بعض التقيد خصوصا بمجتمعنة واكو بعض الناس يكونون جدا متقيدين وما ياخذون راحتهم
الله يحفظكم ويحفظ عاىلتكم
هلو قطورة نورتي انتِ وعائلتك
قطورة والله ضوجة الاوضاع بالعراق من سيء الى اسوء
شبي العراق شنو الموضوع شو هم بالتعليقات كاتبين عن الوضع السئ!!! ظل بالي
@@KataralnadaMansoor
تابعي الاخبار راح تعرفين وناس راحت بيها وحظر تجوال تأجيل الامتحانات الوزارية والله الي يستر .. بردا وسلاما
خلو هذا الدعاء يلف البلاداليوم
"اللهم اني استودعتك بلادي وأهلها،
كبارها وصغارها،
رجالها ونسائها ،
شبابها وبناتها،
أرضها وسماءها،
فأحفظها ربي من اﻷمراض واﻷوبئة
وأرفع البلاء،
يااااااارب ادفع عنا شر من وليتهم امرنا بحولك وقوتك فإنه لاحول لنا ولاقوة إلا بك..فالله خير حافظاًً وهو أرحم الراحمين،،
استغفرك ربي من ذنوبنا التي حجبت عنا رضاك ..إنا لله وإنا إليه راجعون
اللهم اني استودعك نفسي وأهلي واوﻻدي وأحبابي يارب استودعتك اياهم. اللهم آمين.
اللهم إني أستودعك ذريتي وذرية إخواني وأخواتي وذرية أقاربي وجيراني وجميع المسلمين والمسلمات من شر كل نفسٍ إنسٍ وجان ومن أهل الحرام والفسق والفجور ومن شر اﻷسواق والضياع والخطف ومن جميع اﻷمراض واﻹسقام اللهم إنا نستودعك أياهم من هموم ومصائب وكوارث الدنيا ومن شر الغرق والحديد والطريق والحريق يامن ﻻتضيع عنده الودائع اللهم آمين اللهم آمين اللهم آمين 🌼
ليحفظ الله لنا البلاد والعباد آمين يارب العالمين
سفره سعيده وممتعه ان شاء الله واحلى شي الجوله النهريه حسيت اني خلص شفتها لشيكاغو ماكو داعي اروح الها وهذا الاحمر الي ويه التمن اسمه زرشگ وهو عن گرانبيري مجفف حامض
هاي شنو هالمفاجأة ولو حرامات توقيتها ماجان مناسب بسبب الضباب والغيوم
بس المرة الجاية اقلها ننطيج لستة حلوة بالمكانات الي تروحيلها وتدللين
وحاولي المرة الجاية تجين بوقت يكون مشمس حتى تشوفين جمال البنايات
والحلو وصلتو لنون ولي هو بمتطقة كلش هوسة جنت ساكنة قريب هناك ولو مكملة لشارع ديفون والحجي ما يخلص
للعلم نون كباب صاحبه اتوفى جان صديقي تخبل شخصيته
وبالرجعة شفتج رجعتوا للجسر طبعا تكدرون تاخذون غير طريق بس اكيد من يم الجسر بالنهار حلو
والف الحمدلله على السلامة حرامات هاي جانت يايوم كلة مطر وغير ههههههه
سفره سعيده ومنورين يااجمل عائله ربي يحفظكم ويحفظ جميع العراقيين ودعائكم للعراق لان اوضاعه موزينه يارب استر علينا وعلى اولادنا
فيديو جميل وأجواء حلوة وعائلة راقية..اوقات ممتعة وسعيدة .. منورين الله يديم الفرح والسرور..قطر..دعواتكم للعراق الجريح .. لأن الأوضاع نحو الاسوء وحظر تجوال والله تعبنه وملينه.. لأن احنه في طريق مجهول مانعرف شراح يصير..بالرغم من ذلك نغير جو بفيدواتك الرائعة ومحتواه الجميل... تحياتي لااطيب عائلة
قريب علينا شيكاغو
اتمنا التقي بيكم
سفره سعيده ربي يحفظكم ويسعدكم يارب
هلو عيني قطر الندى السفره كله حلوه وجمال الرحله انتي وابو مارك لمحليه الله يديم الفرحه والسعاده عليكم دوم
رووعه السفره وناسه فول 👍
والله افرح من اتابعكم ...اليوم مالنة واهس الوضع مزعج وقتل ورصاص وموت ....الله يفرجهة علينة
ذكرتني بسفرتكم بالسفينه العملاقه
You should try:
Larsa's Restaurant on Dempster in Skokie.
Pita Inn on Dempster in Skokie.
Zad by Pita Inn on Dempster in Skokie.
Mr Falafel on California in Chicago.
Garden of Eden on California in Chicago.
Also, go to Devon Ave, you'll see many Assyrian/Middle Eastern and Indian markets and bakeries.
You'll love the Oriental Institute in Hyde Park where you'll see the special Assyrian gallery.
Too bad we've got thunderstorms coming so be careful, please.
بردا وسلامن علا العراق والله يرحم الشهيد اء العراق 😔😔😔
سفرة سعيدة احلى قطر وأحلى عائلة 🙏🏻ربي يحفظكم وين ما كنتو انشاءالله 🥰 انحبكم أحلى عائلة
سفره سعيده حبي...رآيي اي سفره يكون بيها اتفاق واحترام ارآء راح تصير حلوه ومريحه واكيد تنطبق ع كل اصداقاء واهل واقرباء
ونستينه قطوره اشكرج واحنه طالعه روحنه العراق مهجوم
برداً وسلاماً يارب
لايك
احب شيكاغو كلش مادري ليش هيه و ميامي و ميشكن 🥺🥺
😍😍😍
كلشي حلو منكم انسانه راقيه
هذا الاحمر اللي ويه التمن اسمه زرشك طعمه حامض وطيب دائما نستخدمه نسوي اكله ايرانيه اسمهه جلومرخ دجاج وتمن وزرشك وااو فد شي
اسمه زرشت الي هو حبات الرمان المجففه
والله عفية عليهم يأخذون فلوس على الطريق يراد نطبق هذا الشي بالعراق
باع الهيبه ربي يحفظكم ويخليكم وألف عافيه عليكم