خالد ال بريك & عبدالله ثايب - مع الذكريات اسج واغيب واطيل 2024 حصرياً
Вставка
- Опубліковано 9 вер 2024
- مع الذكريات اسج واغيب واطيل
يسريبي الهاجس و يغريني الليل
اليا قصر شوف العيون ودهشها
ليلن سماه اظلم وفالارض قنديل
هداوته مسرا الخيال انتعشها
كنه من الماضي يعيد التفاصيل
ثقل همومي و المواجع نبشها
اشتاق وامر الدير والمداهيل
ورسوم قبلي ماعرف من نقشها
لحق الزمن على زحول الرياجيل
اما ذبحها ذبح والا عرشها
مع الذكريات اسج و غيب و طيل
اليا دخلت بجوها قال عشها
اتعّب الافكار وجهدلها الحيل
انا مهندسها و سيد ورشها
ي راسي الشامخ لا يمكنك تميل
ودك تنوش السحب بيديك نشها
في عيني ابعد نظره ومتني يشيل
وقلبي عطى اللي ماتهمه طنشها
اجحد معانات الزمن والغرابيل
غير الله الاسرار محدن فتشها
ياراكب اللي لا انتهض وادرج الويل
عنها وراها النفس يحذف طفشها
قطعتبه دارن عقب سيلها سيل
قدام اهلها لاتسرح دبشها
بعد الفجر عند ابلجً مدرسة جيل
نفسه على ضيوفه كثيرن هششها
له منزلً ف مقلطه قلط الحيل
ومجالسه بغلا الزوالي فرشها
منصا لمن مل انتظار المقابيل
مكلته ظروف الليالي محشها
ياقف معه لويطلب الجدي وسهيل
هذا شلوي لجاء الصعايب بطشها
اليا قفلت دنياك تصبح تساهيل
قدمك فتح بيبانها مع درشها
مكاسبه جمايل و مجده اصيل
اسمه لحول فوق الاسماء برشها
محمد ولد عاضه بعيد المناويل
له طرقتن مغيره احدن طرشها
كفه سحاب ومد جوده هماليل
يحي العروق الميته من عطشها
جده يوردها لصاف المناهيل
اما سراها ليل والا غبشها
يوم المراجل دونها الرمح والخيل
وبنادقن فالقوم توزن نيشها
الياضرب روس الطغاه المداجيل
قلة عزاويها وضيع طيشها
غير الشجاعه يكرم ولاهو بخيل
وقت العسر كم من بيوتن نعشها
من عزوتن في كل ماقف حلاحيل
افعالهم تاريخ محدن همشها
ربعي مدلهة الخوي ريف الامحيل
اعزاز ماعاشو على غير مشها
ديارنا تنجب حرارن مشاكيل
خل الحرار اللي خفافً ريشها
كلمات :
عبدالله ثابت
اداء :
خالد ال بريك
تنفيذ :
اهتمام الدوسري
..
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : اهتمام الدوسري
______________________
للتواصل والاستفسارات :
الحسابات الرسمية لـ قناة اهتمام الدوسري .
SNAPCHAT : P.5BF
Whatsapp : 050 608 9787
#مع_الذكريات
#اسج_واغيب_واطيل
#خالد_ال_بريك
