散團釣到魚都分晒俾同船人，撞到條老青埋排又敲魚頭失敗

3/4/2024今日散團話去釣走籠紅魚，㸃知一到艇家食一下甩埋，冇流魚吾開口！轉去釣雞就啱晒不過成日要走鬼，撞到條幾斤重石斑扯到半水俾佢標返埋排，敲魚頭失敗！
由於我一份架生放糸澳頭一份放糸沙巴所以今日出釣就冇繩啱用！咁隨手拎咗一副6號絲，一副魚絲廠俾我試用嘅樣版4號碳絲，剛開始係用副4號絲釣雞魚，新繩冇拉過消除記憶搞到我成日炒粉！嬲嬲地將炒埋一碟嘅4號絲剪剩個釣組求其駁上副6號絲度照釣，㸃知第一條釣條烏絲仔之後第二條就大大力隊落去！我頂到佢起頭並且起到佢到半水，㸃知佢發惡搏命標返落去，頂吾住侷住要放繩！一放佢就落到底埋咗排，搞一大輪佢都吾出嚟！無奈之下使出多年冇用嘅敲魚頭大法，綁個重鉈沿主絲鬆落去敲佢個死人頭，以往鉈一到位敲到佢個頭就會馬上受驚標返出嚟！但今次敲咗多下都冇料到，最後魚鈎就敲到出嚟但魚以不在！我估計魚鈎細在敲到佢之前魚以甩咗！

[@Lsam0914]

點樣join散團? 想跟你出去玩啊

[@pangsir111]

我係參加船家嘅散團，可介紹船家俾你

[@timothytai9912]

有冇屯門我都想知道