أفضل انواع المراتب وأسعارها فى مصر \\الجزء الثانى \\ ونصيحة لكل عروسة قبل ما تشترى
Вставка
- Опубліковано 29 сер 2024
- يمكنم طلب المراتب من موقع سوق.كوم: goo.gl/yp69wV
أفضل انواع المراتب وأسعارها فى مصر ونصيحة لكل عروسة قبل ما تشترى
كلنا كستات بيوت أو كنا عرايس بتجهز للزواج نبحث عن افضل انواع المراتب لشرائها
واجود الخامات. وكمان نبحث فى المرتبة عند شرائها عن الراحة المطلوبة عند النوم وراحة الجسم والمراتب فى مصر او الموجودة فى السوق المصرى هل تقوم بهذا الغرض وهو توفير الراحة والاطمئنان عند النوم
ولا بد ان تكون امراتب التى نقوم بشرائها أمنه على العمود الفقرى وان تكون ايضاً أمنة على فقرات الرقبة حتى لا نصاب بأى احطار فى الظهر او الرقبة وهذة بعض المعلومات التى اتمنى ان تفيدكم عند شرائكم المراتب ... يا رب الفيديو يعجبكم .
حبايب قلبى لو عجبكم الفيديو متنسوش تدعمونى بلايك وسبسكرايب وشير للفيديو والقناة علشان الكل يستفيد.
أحـــــــــــــبـــــكم فـــــــــــــــى اللــــــــــــــــــــه
===============================
رابط فيديو #أنواع المراتب وأسعارها فى مصر:
=============================goo.gl/fXhLo5
💕للاْشتراك فى القناة # بيت العز :
====================goo.gl/UBDmZh
💕مــــــــدونة #بيت العـــــــــز:
====================goo.gl/TyZAtf
**************************************************************
💕 قـــــــــــــوائـم التشغــــــــــــــــــــــيل
===========================
💕تجهيزات رمضـــــان:
=============goo.gl/wC6frw
💕مشــــــــــــترياتى :
=============goo.gl/o6EMPq
💕مشــــــترياتى لبنتى:
=============goo.gl/SMmDRF
💕أكلات من مطبخى :
=============goo.gl/ptNMJc
💕جولاتى فى المــــول
=============goo.gl/1u2wvz
شكرا جزيلا احسنت الموضوع
الشكر لله 😘🌹👍 نورتيني يا ست الكل
وكل عام وانتم بخير 🐑🐏🌹
شكرا عالمجهود حبيبتى
تسلميلي.. يارب اكون عند حسن ظنكم
بس يا ريت تدعموني بلايك وشير بليز
اكيد وعلى تواصل حبيبتى
علي راسي يا قمر😘👍
الله يبارك ياستنا فعلا فيديو مفيد ورائع ولى أستفسار بسيط عند سيادتك لو مرتبة فور بد عرض 160 سم سمك 25 سم تكلفتها كام بالتقريب وجزاك الله كل الخير وشكرا
ربنا يعزك يا رب .. بحاول أفيدكم والله بأي معلومة عندي ..بس للأسف مش لاقية دعم وأغلب الكومنتات بتهاجمني .
يلااااااا الحمد لله على كل حال..
بالنسبة لتكلفة المرتبة تقريباً من 1200 وممكن توصل 1500 وبتفرق برضوا علي حسب المنطقة بتاعتك ..يا رب اكون قدرت أفيدك 👍
@@bayt-ale3z شكرا جزيلا ابنتى المحترمة
جزاك الله خيرا
نحن وإياكم 🌹👍 أهلا بكي في القناة يا قمر.
ميرسي علي المعلومات المفيده دي بس كونت عاوزه استفسر عن حاجه انا عاوزه اشتري مراتب مقاس 120يانسن وعرفت اني المضغوطه دي المرتبه الطبيه عاوزه اعرف الفرق بين المراتب السوست وفايبر وسفنج ومابين الوش صيفي ووش شتوي واشتريها ارتفاعها كام سنتي وانا هجيبها سوست متصله علشان عمليه اكتر لغرف الاطفال وميرسي مقدما علي الرد
بالنسبة للأطفال الارتفاع بيبدأ من ٢٢سم /٢٦سم ..أما بالنسبة للفرق ممكن ترجعي لباقي أجزاء الفيديو وانتي هتعرفي كل حاجه.. أما بالنسبة للوش الصيفي بيكون قطن اكثر والشتوي بيكون فيها فايبر اكتر علشان التدفئة.. يا رب اكون أفدتك يا قمر 👍🌹
تسلمى يارب ع الفيديو دة.. انا عندى غضروفين والدكتور قالى لازم تغيرى المرتبة.. ممكن ترشحيلى مرتبة كوبسة وقوليلى سعرها😍
قبل اي كلام الف سلامة عليكي ونورتيني يا ست الكل ....احسن مراتب في السوق هي بالترتيب
١- (يانسن) بكل انواعها بس انتي اكيد هتشتري الطبية
٢-(تاكي) برضوا بكل انواعها
٣- ( فوربد) برضوا بكل انواعها
@@bayt-ale3z ممكن اعرف. مراتب ناسا. كويسه ولا لا. وسعرها. كام. وشكرا
شكرآ علي كم المعلومات هي إنجلندر تبع شركة يانسن أرجوا اﻷفادة
هما تبع بعض🤔 بس دى شركة ودى شركة أو بمعني اصح أن التوكيل بتاعهم واحد👍👍يعني مثلاً ( العربي ) إسم لتوكيل كبير وضخم وبيضم تحت أسمة شركات كتيييييير جدا 👍👍 دى زى كداااا بالضبط🤲🤲يارب اكون قدرت اوصلك المعلومة يا قمر😘😍
+بيت العز 👍تسلميلي
@@bayt-ale3z طب انهى افضل فيهم
شكراً جدا لحضرتك انا كنت محتاره جدا لاني بجهز بنتي وماكنتش عارفه اجيب ايه شكراً لمجهودك وجزاكي الله خيرا
ربنا يخليكي يارب ... ... انشاء الله اكون قدرت انى افيدكم ولو بمعلومة بسيطة👍😘
جزاكي الله كل خير احلي للايك ليكي ايه رأيك في مراتب سيدار ضمان ١٠سنين ياريت تردي عليا ربنا يكرمك
تسلمى على الفيديو
كنت عايزة اسال عن مراتب الشركة المتحدة الالمانية
بصي يا ست الكل 🌹 المراتب دي ما هي إلا مسميات فقط مش بتفرق في حاجة غير في طريقة التصنيع فقط ...يعني كلة تقريباً مصري إنما المراتب المستوردة فعلاً بتكون غالية جداً ومش بتكون متوفرة في كل المحافظات.. يا رب اكون قدرت أفيدك 🌹👍
لو سمحتى حبيبتي أنا جبت نوع اسمة كمفورت سليب أية رأى حضرتك فيهالو سمحتى تفدينى
جميلة يا ست الكل بس زي ما بقول دايماً انكم تتأكدوا من المواصفات ..ومرتبة كمفورت بها صمامات تهوية جيدة\ شاسيه مراتب كمفورت ثلاثي الابعاد\ تتميز بكثافة عالية وتدوم لفترة طويلة\ ولها ضمان من خمسة لعشر سنوات\ توفر لكي دعمًا جيدًا للظهر...مبروك مقدماً يا قلبي .
ممكن حضرتك تنصحيني اجيب نوع ايه لسرير اطفال انا مجربه يانسن ومرتاحه معاها بس عوزه اعرف اجيب اي نوع يانسن لسراير الاطفال
أفضل نوع في يانسن انجلندر.. مرتبة جميلة ومواصفاتها هايلة ومبروك عليكي مقدما يا قمر 👍 بس خلي بالك من ارتفاع مراتب الاطفال ..أفضل ارتفاع ٢٢ و ٢٤
ليه الارتفاع قليل
طيب حضرتك بالنسبه للمرتبه الناشفه ممكن نجيبها ونركبلها طبقه تطرية بحيث استفيد بالنوعين وشكرا
اااااه ....ممكن طبعاً هي أصلاً المرتبة الناشفة بيكون معاها طبقة خفيفة للتطرية تحطيها وتشيليها براحتك وأسفة عالتأخير في الرد كان عندي مشكلة في النت.
من فضلك ممكن استبدال مرتب متر به مرتب متر وعشرون او تعدل متر الي متر وعشرون في المصانع أرجو آلرد
لو سمحتي ممكن اعرف مراتب ريتش هوم حلوه ولا فور بيد؟؟
بصي يا ست الكل خليكي مع فوربد .. أنا زي ما قلت في الفيديو أن أهم حاجة مواصفات المرتية لان في أنواع كتير نزلت السوق اليومين دول ومصانع كتير ..فاذا انتي مش متأكدة من النوع دا فخليكي مع البراندات المعروفة ..تاكي//يانسن//فوربد//سويت بد//فانتازيا//الدورا //هابيتات ..
هي دي افضل الانواع يا رب اكون قدرت افيدك 🙏👍🌹 وصدقيني السعر مش هيفرق كتير.
لوسمحتى ارتفاع المنفضله الطبيه يانسن كام تقريبا
أفضل إرتفاع يبدأ من ٢٧ لحد ٣٢
وبردوا يرجع لنوع السرير إذا مودرن او كلاسيك.
هي مرتبه best rest نوعها كويس ؟
واغلي من يانس
اي رءيك في مرتبه فانتازيا
ماركة كويسه....بس برضوا اهم حاجة عند شراء المرتبة المواصفات...تتأكدي من المواصفات واسألي علي الضمان وكل حاجة تخص المرتبة..مبروك مقدماً 👍👍
لو سمحتوا هو كل الانواع دى فى منها مضعوظ
فور بد افضل ولا انجلندر
فور بد حلوة .....بس انجلندر احلى..بس اكيد أغلي
ممكن اسال حضرتك عن نوعين مراتب مين افضل يانسن ميديبدك ولا انجلندر فيسكوبيدك لاني محتارة ولازم اقرر اشتري سريعا ياريت حضرتك تفيديني اشتري مين فيهم انا محتاجه النوع الاطري فيهم ويكون بردة جودته عاليه
حبيبتي نورتيني يا قمر 😘🌹 إنشاء الله مش هتحتاري .. الاثنين من احسن المراتب الطبية ومواصفاتهم واحدة ..بس الاحسن من ناحية الاطري
هي مرتبة ( فيسكوبيدك إنجلندر )
..روعة وممتازة قمه الرفاهيه هتلاقيها وانتي بتنامي على المرتبة وده لانها تحتوى على 8سم من ماده الميمورى فوم ودى ماده زى العجينه بتتشكل على وضعيه الجسم وبتقلل الضغط على الفقرات بشكل كبير جدا
كمان الفيسكوبيدك فيها سوست منفصله وده بيزود من رفاهيه النوم لان السوست المنفصله هى سوست تتشكل على وضعيه العمود الفقرى بالوزن الامثل له مما يجعل العمود الفقرى فى أفضل وضع طبى له أثناء النوم
غير طبعا الميزه اللى كلنا عارفنها عن السوست المنفصله وهى تقليل الاهتزار اثنا التقلب مما يجعل الشخص لا يشعر بحركه شريكه فى الفراش اثناء النوم يارب تكون قدرت أفيدك 🌹👍 متنسيش اللايك والشير يا ست الكل
بيت العز الف الف شكر لحضرتك تسلميلي يارب
حبيبتى ممكن تقوليلى سعر النوعين؟
Reko Eid المرتبتين قريبين في السعر بس الميديبدك اغلي حوالي ٢٥٠ جنيه وكمان فيه خصم عليهم هما حوالي ٥٦٧٠ وبعد الخصه حوالي ٤٧٥٠
بالضبط ..زي ما قالتلك Dodo Dodyالاثنين متقاربين جدا في السعر
وعموماً السعر برضوا مقدرش احدده زي ما قلت قبل كدا..لانة بيختلف من مكان لمكان👍😘🌹نورتوني يا قمرات
لو سمحتي تاكي ويانسن وهابيتات غاليين بالنسبه ليا حاليا
ممكن تقوليلي فوربد والدورا مين احسن
الاثنين مستوي واحد..وانتى وميزانيتك يا قمر
لوسمحتي اشتري المضغوطه ولا السوست
اهلا وسهلا بكى فالقناة...المضغوطة معظم اللي بيشتريها بيكون عندة مشاكل في العمود الفقري..لأنها بتكون طبية ولها مواصفات معينة وكمان سعرها غااالي شوية...أما السوست 👍👌 فبتكون مناسبة للجميع..بس انتى تختاري اذا كنتى عايزاها سوست منفصلة ولا متصلة.
ولو انتى ظروفك المادية مرتاحة اشتري السوست المنفصلة جميلة ...يا رب اكون قدرت أفيدك ...مبروك مقدماً 👌😘ويا ريت كمان تكوني شرفتييني باشتراك يا قمر 👍
@@bayt-ale3z شكرا ليكي كتير علي ردك وانتي زي العسل وفهمت منك كل تفصيل عن المراتب ام بسنت واكيد هشترك ولايك
تسلميلي يا قمر 👍 شرفتييني😘
لو سرير متر يفضل تكون سوست متصلة ولا منفصلة؟
موجود مرتبة إسمها تاكي ون
كويسة يافندم وضمنها ١٥سنة
امل الافادة مع جزيل الشكر والتقدير
اى مرتبه افضل تاكى ام فوربد ام يانسن
الماركات الثلاثة من افضل انواع المراتب طبعاً بس هي يانسن هي رقم ١
رقم ٢ تاكي........... رقم ٣ فور بد
ومبروك مقدماً.🙏يارب اكون قدرت أفيدك 🌹👍
لو سمحت لو طول السرير بالظبط 198سم .. ما هو طول المرتبة المناسب 195سم ولا 200سم؟؟
المفروض طول المرتبة يكون نفس طول السرير ..المشكلة إن طول المرتبة يكون اطول من السرير...الافضل 195سم
هات 200 سم
الفيديو مش بيفتح عندى حد يفيدنى ويقولى انسب حاجه للأطفال نوع ايه
الفيديو شغااال...
النوع المناسب هو السوست المتصلة...بس المهم بالنسبة للأطفال هو الارتفاع.....وانسب ارتفاع هو من 18 لحد22
لو سمحتى اعرف ازاى السوست منفصله ولا متصله
تاكي هوم من اسوء المراتب وعن تجربة شخصية حسبي الله ونعم الوكيل فيهم
انا قلت قبل كدا يا حبيبتي محدش يسترخص.. واهم حاجة تتأكدي منها المواصفات والضمان.. دائماً الغالي ثمنة فية. وارجعي وشوفي كلامي في الفيديوهات..الناس خلاص مبقاش عندها لا ملة ولا ضمير..يعوض عليكي ربنا.
لو سمحتي في نوع نزل جديد من المرلتب اسمه سوا في النساجون الشرقيون ايه رايك فيه ارجوا الرد
شكلها لسة جديده..نصيحة خليكي في المضمون...نورتيني يا قمر 🌹👍
شكرا لحضرتك ربنا يبارك في عمرك
اى رايك فى مراتب كومفورت
ممكن حد يفدنى اليانسن احسن و لا المأمون
اكيييد اليانسن عن تجربة وشهادة ناس كتير....نورتيني يا ست الكل 🌹
سعر مرتبة طبي مقاس ١٧٠×١٩٥ يانسن أو هابيتت
حضرتك محددتش اي نوع من يانسن بالضبط .
لأن كل نوع وكل ارتفاع وله سعر معين....
وعموماً الاسعار نبدأ من2500 جنية
نورتني يا فندم
طب افضل مرتبه بانسبه لعمر19 وزن متوسط
كل انواع المراتب السوست 👍 هتكون مناسبة
لسنك ووزنك
ياريت اختصار بالكلام
حااااااضر.. نورتيني 🌹
احلى بصمة لقناتك الجميلة 🌺 وربنا يعينا جميعا انا عندي تلات بنات 😔
ربنا يبارك لك فيهم🤲ويعينك عليهم😘💐 وبالتوفيق لنا كلنا
@@bayt-ale3z يارب ويفرح قلبك
هيا ناسا تبع يانسن واه رايك فيها
منفضلك يا حضرتك هوه اسعر انجندر وهابي تات كام لو سمحت
كل مقاس ولو سعر معين يا قمر 😘👍
مراتب كمفورت حلوه ولا لاء
نورتي القناة..اغلب الاسماء والانواع بتاعت المراتب بتكون جيدة..بس اهم من الاسم او النوع المواصفات بتاعت المرتبة نفسها..وانا اتكلمت كتير عنها في فيديوهاتي عالقناة ..ارجع لباقي اجزاء الفيديو وانتي هتعرف كل حاجة عن المراتب ..
انا هجيب المراتب وهشله عاوزه افضل نوع هبتات وله تاكي وانجلندار ممكن تفدني وجزكي الله كل خير
التلاتة دول هما احسن الانواع الموجودة في السوق..وكمان في يانسن..وانجلندر تبع يانسن برضوا...أنا من رأي خليكي مع يانسن أو انجلندر...بس سعرها غالي شوية...واهم حاجة تسألي على المواصفات يا قمر...ومبروك مقدماً يا عروسة 👍🌹
طب حضرتك المنفصله افضل ولا المتصله في اليانسن وصناعتها ايه لوسمحتي
لان رحت اشتري يانسن علي انها الماني لقيت مكتوب عليها صناعه مصريه بالانجليزي في محتاره منين الماني ومنين مصري فيديني بالله عليكي وفليلي السوتس ايه الافضل
المنفصلة افضل ..بس سعرها غالي 👍👍👌
بصي يا قلبي..زي ما قلت اهم حاجة في المرتبة المواصفات والضمان ..ممكن تكون الخامات الماني بس التقفيل مصري
انتي علشان تكوني متأكدة انها الماني اشتريها من التوكيل نفسة ...مش من اي حد بيبيع وخلاص ..ومبروك مقدماً يا ست الكل 😘🌹🧡
ازاى اختار بين انواع تاكى ؟
الاختيار في المراتب بيكون بمواصفات معينة
واهم المواصفات هى الارتفاع//الضمان//وبرضوا نعرف اذا كانت سوست منفصلة ولا متصلة..وبعد كدا نقدر نحدد احنا عايزين ايييه
ومبروك مقدماً يا ست الكل 😘🌹
@@bayt-ale3z تسلمى ربنا يكرمك...طيب اجيب منفصلة ولا متصلة
طيب لو سمحتي اعرف ازاي انها سوست منفصلة او متصلة
انتي بتشتري علي هذا الأساس يا قلبي..و كمان مراتب السوست المنفصلة بتكون ارتفاعاتها محدودة ..بمعني مش هتلاقي منها غير ارتفاع واحد أو اثنين بالكتير أنا السوست المتصلة بتكون ارتفاعاتها كتير تبدأ من ٢٢ لحد ٣٢يا رب اكون قدرت أفيدك 🌹👍
ممكن ترتيب الجوده في الانواع دي
فور بيد يانسن. الدورا سيرا ؟
يانسن /الدورا/ فور بيد/ سيرا
بس بصراحة وبأمانة اول مرة اسمع عن سيرا
يعني معرفش مدى الجودة بتاعتها ..👍يا رب اكون قدرت أفيدك..
بيت العز يعني الدورا افضل من فور بيد
اه طبعاً يا قمر..هي فور بيد حلوة مش وحشة👍 ومناسبة لكل الطبقات ......بس الدورا تبع يانسن والجودة بتاعة يانسن أكيد احسن من فور بيد
لو سمحتي عاوزة نوع يكون متوسط السعر بكام
افضل نوع متوسط السعر هو ( فور بد ) ودا موجود في السوق وعند اي فرع من فروع الشركة👍🌹
ايه أفضل نوع للأطفال
نورتينى يا ست الكل
افضل نوع للاطفال هو السوست المتصلة...بس المهم بالنسبة للأطفال هو الارتفاع.....وانسب ارتفاع هو من 18 لحد22
لو سمحتي هو في مرتبه مقاسهاا 110*195
أهلا بيكى يا ست الكل 😘 المقاس دا موجود منة نوع أسمة كتاركت من يانسن وسعرها تقريباً 1950 بس ممكن تكون زادت شوية مع ارتفاع الأسعار..وفي ماركات تانية كتير..بس هو دا اللي انا فاكراه بصراحة..
دى بتنطلب من المصنع اى مصنع بيعمله والتوحيد والنور بعمله من السيرا التركى
لو سمحتي اسعار مراتب كمفورت هومتكس مصر 170 × 2
بصراحة بعد الاسعار ما رفعت 🤔 معرفش وصلت لكام
ممكن اعرف ماركه مرتبه كمفورت نفسها كويسه ولا لا بالنسبه لسراير اطفال؟؟؟
ونوع السوست ايه بتاعها؟؟؟؟؟
كويسة ..لأن الأطفال أوزانهم بتكون خفيفة والسوست المنفصلة هتكون احسن بالنسبة لهم.👍🌹
إنتي ساعات بتقولي المتصله احسن والمنفصله بالنسبه للاطفال
يانسن وانجلندر افضل المراتب
ممكن اشتري هابيتات من فين
لهم فروع فى كل المحافظات يا قمر 🌹👍
العبور امام كارفور
شكراً لكي يا ست الكل 🌹😘
لو سمحتي هي مراتب نانسن ملهاش علاقه بمراتب تاكي يعني ده مصنع وده مصنع خلاف السعر انا عايزه اجيب حاجه كويسه وتكون مريحه لظهر ممكن تفديني حضرتك
حبيبتى نورتيني يا قمر 😘 طبعاً يانسن ماركة وتاكي ماركة تانية .... والاثنين حلوين ..بس من رأي الشخصي ورأي الناس يانسن احلي لأنها فيها مميزات اكتر واحدث من تاكي وكمان مواصفاتها حلوة 👌 واتفرجي علي باقي الفيديوهات اللي انا عملتها عن المراتب وانتي تعرفي ايه النوع المناسب لكي يا ست الكل 😘👍 يا رب اكون قدرت افيدك
من فضلك هابتات دريم فى منها مقاس 120
أولا أهلا وسهلا بيكي🌹🙏 نورتي القناة
ثانياً في مقاس 120*190 //وفي مقاس
120*195 // وفي مقاس120*200 والسعر
يتراوح من 1600لحد 1700وممكن تكون زادت شويه مع ارتفاع الأسعار.....يا رب اكون أفدتك 🌹👍
مرتبه یانسن 160فی200بکام لو سمحت
سعرها في السوق بيتراوح مابين ٣٨٠٠ لحد٤٠٠٠ وبرضوا بيفرق فى النوع زي ما قلت في الفيديو اذا كانت متصلة أو منفصلة 👍🌹شرفتيني يا قمر 😘