الانترنت الفضائي يغزو سوق الاتصالات فى مصر
Вставка
- Опубліковано 25 вер 2022
- حلقات مقترحة
سرقة الأمطار
• سرقة الأمطار
إيران تنقذ روسيا
• ايران تنقذ روسيا من ال...
أخطر سرقة فى التاريخ
• السطو المسلح الذى عجزت...
حذف تطبيق تيك توك
• حذف تطبيق تيك توك
هاكرز مصر
• هاكرز مصر
الأيام اللى فاتت زادت شكاوى الناس من خدمات الانترنت فى مصر وخصوصا الباقات الغير محدودة لأنها فى الحقيقة محدودة.. يعنى تدفع تمن باقه المفروضة انها ملهاش سقف.. لكن تفاجئ بانقطاع الخدمة ولما تتصل بالشركة تقولك للأسف يا فندم الباقة خلصت.. ازاى يا جماعه دى باقة غير محدودة.. يعنى ملهاش سقف.. فيقولك لأ محدودة..
وفجأة يظهر اخونا ايلون ماسك بمشروعه العملاق ستار لينك.. واللى المفروض هيوفر خدمة انترنت غير محدود لكوكب الأرض بالكامل.. وكلمة كوكب الأرض بالكامل دى مش مبالغة.. لأ هو فعلا هيوفر الانترنت لكوكب الأرض بالكامل.. يعنى لو عايش فى الصحراء هيوفرلك انترنت.. لو عايش فى المحيط هيوفر لك انترنت.. لو عايش فى قلب الجبل هيوفر لك انترنت.. ومش بس مجرد انترنت.. ده انترنت بسرعة خيالية.. بتبدأ من 50 ميجا لـ 500 ميجا فى الثانية الواحدة.. خد بالك السرعة عندنا فى مصر يوم ما بتكون عالية بتوصل مثلا لـ 30 ميجا فى الثانية فى الداونلود و3 ميجا فى الأبلود.. ده طبعا لو الشركة اللى حضرتك متعاقد معاها وفرت السرعات دى.. واللى غالبا مش بتتوفر.. أما فى ستار لينك السرعة بتبدأ من 50 ميجا فى الثانية.. يعنى أقل سرعة عندهم 50 ميجا فى الثانية.. وده بفضل ربنا طبعا.. ومن بعده الأقمار الصناعية الخاصة بشركة ستار لينك.. واللى بيستهدف ايلون ماسك انه يزود عددهم لـ 42 ألف قمر صناعى.. وده عدد كبير جدا من الأقمار الصناعية لدرجة ان الإدارة الوطنية للملاحة الجوية والفضاء حذرت من العدد الكبير للأقمار الصناعية دى وقالت انه ممكن يزود من حوادث اصطدام الأقمار الصناعية فى الفضاء.. لكن الموضوع ده ميهمكش اوى كمستخدم.. اللى يهمك هنا هو ان خدمات انترنت ستار لينك.. مش بتحتاج أبراج ولا أسلاك ولا يقولك معلش اصل الخدمة قطعت بسبب المطر.. ولا الضغط على الخدمة ولا أصل الخدمة قطعت بسبب أعمال الصيانة.. ولا رستر الراوتر وشغله من جديد ولا الكلام الفارغ ده.. كل اللى حضرتك محتاجه طبق زى طبق الدش كده.. بتعلقة على سطوح بيتكم أو فى الجنينه أو البلكونة.. الطبق ده منه للسما زيه زى طبق الدش بالظبط.. علشان يلقط الإشارة من الأقمار الصناعية بتاعة ايلون ماسك.. ومع الطبق الشركة بتسلمك برده راوتر صغير علشان يوزع لك الانترنت فى البيت كله.. حضرتك تقولى برده راوتر وهترجع الخدمة تقطع ويقولولى رستر الراوتر وشغله من جديد؟.. أقولك طبعا لأ.. ولأ لسببين.. الأولى ان الخدمة لما بتقطع عندنا هنا غالبا مش بتكون بسبب الراوتر أصلا.. ده مجرد رد من موظفين خدمة العملاء فى الشركات علشان ينهوا المكالمة.. أم السبب التانى فهو ان خدمة ستار لينك زى ما قولتلك متصلة بالقمر الصناعى مباشرة.. يعنى مفيش أسلاك تحت الأرض ولا أبراج ممكن تعطل ولا حتى محتاجه صيانة من وقت للتانى..
وبالتالى فكرة انقطاع خدمة ستار لينك عن حضرتك منعدمة تماما.. بدليل ان الجيش الاوكرانى بمجرد ما الحرب بدأت وروسيا دمرت البنية التحتية فى أوكرانيا.. وبالتالى اتقطعت خدمات الانترنت.. على طول جريوا على ايلون ماسك علشان يوفرلهم خدمة الانترنت الفضائى ويقدروا يستمروا فى حربهم ضد الغزو الروسي.. وفعلا.. طلع ايلون ماسك بتغريده على تويتر وقال لأوكرانيا.. غالى والطلب رخيص.. ومفيش كام ساعة وكان مشغلهم خدمة الانترنت الفضائي اللى روسيا لحد دلوقتى مش عارفة تقطعها ولا تقربلها..
حضرتك تقولى حلو الكلام ده.. مصر فين بقى من الانترنت الفضائي ؟.. هيشتغل فى مصر يعنى ولا احنا هنفضل فى ديل شعوب العالم؟.. وايه علاقة ايلون ماسك بايران.. وهل خدمة الانترنت الفضائي دى مجانيه ولا هندفع لها فلوس؟.. وهل فعلا مشروع الانترنت الفضائي ده خطر على الأمن القومى لأى بلد فى العالم زى ما بنسمع؟.. أقولك الله ينور عليك.. هى دى الأسئلة المهمة؟.. تعالا نجاوب..
مبدئيا كده سيدى المواطن الانترنت الفضائي مش ببلاش.. ده اشتراكه الشهرى لوحده بيبدأ من 100 دولار.. يعنى علشان تشترك فى خدمة الانترنت الفضائي لازم تدفع 100 دولار فى الشهر.. و100 دولار دى غير 500 دولار تانيين تمن الطبق والراوتر.. اللى كلمتك عنهم من شويه.. يعنى بسم الله الرحمن الرحيم كده 600 دولار علشان بس تلقط نت.. حضرتك تقولى معقول الأسعار دى؟.. أقولك الأسعار اللى قولتها لحضرتك دى للناس الغلابة.. اللى بيستخدموا سرعة نت 50 ميجا فى الثانية.. لأن ايلون ماسك أعلن عن باقه ثانية اسمها ستار لينك بريميوم.. ودى السرعة بتوصل فيها لـ 500 ميجا فى الثانية.. حضرتك متخيل السرعة عامله ازاى؟.. 500 ميجا فى الثانية.. انت هنا باقتك لما بتخلص بينزلك السرعة لـ 256 كيلو بايت فى الثانية.. يعنى أقل من ميجا واحده.. انما باقة البريميوم دى بتوصل لـ 500 ميجا فى الثانية الواحده.. طيب بكام الباقة دى بقى على كده؟..
الباقة دى سيدى المواطن وامسك نفسك علشان متتخضش.. بـ 2500 دولار تمن الطبق والراوتر.. ده غير 500 دولار قيمة الاشتراك الشهرى.. يعنى 3 الاف دولار.. يعنى بالمصرى 60 ألف جنيه.. 60 ألف جنيه علشان تلقط نت من الفضاء..
من المصادر
on.wsj.com/3BL5XIS
bit.ly/3xONoCq
bit.ly/3BOw3Ls
bit.ly/3dDkmz8
bit.ly/3C4GETA
bit.ly/2Wh43hn
bit.ly/3DOfUbp
bit.ly/3faeuxr
bit.ly/3UB6iGU
bit.ly/3DP57xy
#المواطن_سعيد #الانترنت_الفضائي
تفتكر شركات الاتصالات فى مصر هتقدر تنافس ايلون ماسك وستار لينك ؟
مستحيل 😂
اللهم صل وسلم وبارك على سيدنا محمد وعلى آله واصحابه وأزواجه وأمته بعدد خلقك ورضا نفسك وزنة عرشك ومداد كلماتك وسبحان ملكوتك العظيم وكما تحب وترضي ❤️❤️
فيديو غير منطقي الصراحة المرادي
حاسس في استخفاف بالعقول
احلام الياقظه
اليوتيوبر المصريين الاحسن في الشرق الأوسط
اتفق
صح انا من لبنان وما بتابع غير المصرين
ده حقيقي
غلطان صديقي
شرف لينا والله يا جدعان على راسنا والله
احلى مافيك انك تبدا بدون مقدمات موسيقى ولا تطلب الاشتراك واثق من محتواك ومميز 👍👍👍
والله انت ياستاذ احمد والأخ الاستاذ هيثم سليمان مفروض كل محتوياتكم مفترض تعرض في كل القنوات العربية كا مادة أساسية شكرا جزيلا
والله انت بتفهم عشان بتتابع أ هيثم سليمان مع أ احمد سعيد ♥️ارشحلك قناه summary كمان
المفروض دول يبقوا مكان موسي و اديب و لميس و بكري و الديهي
وضيف عليهم الاستاذ محمد فؤاد /التلاته لازم يكون لهم برامج علي التلفزيون
ياعم اقعد ساكت
بلا قناة بلا زفت
هو آخره علي اليوتيوب
والله صح لسانك أ/أحمد سعيد وأ/هيثم سليمان ومعاهم أ /محمد مصطفى فؤاد واردم ياراجل على موسى وبكري ولميس وغيرهم بلا قرف بس ياريت والله يحصل
فخر شباب مصر أستاذ احمد والاستاذ هيثم سليمان ومعاهم أشرف إبراهيم ( المخبر الاقتصادي) قمر اليوتيوب . مستغربه جدا ازاي لسه عدد المشتركين قليل . شكرا جزيلا حلقه رائعه كالعاده
عشان مفيش وراك وصدور او فضايح
ضيف عليهم محمد عاصم
يا استاذ احمد انا النت بيعلق وانا بتفرج عالحلقة😂😂😂
علشان كده هاجمنا شركات الاتصالات فى الحلقة 😅❤
@@Ahmed_Said من الواضح ان الحلقة موجهة لمهاجمة ايلون ماسك ومشروع ستار لينك اثر من انتقاد شركات الاتصال الانتهازية يلي بتمص دم الشعب ليل نهار
@@abd_alhak فين المهاجمة علي ايلون بس معلش 😂
@@Ahmed_Said احلي حاجة ان مصر هتنافس ايلون ماسك فعلاً كلام ساذج والله و انت لا هاجمت شركة اتصالات ولا شي حتي ما كتبت الهشتاق في عنوان الحلقة قال طيبة 1
هههههه سلملي علي طيبة قلبك 🤣
أخويا. وانا كمان😂😂
عيوب الجسم قد يسترها متر قماش وعيوب العقل يكشفها اول نقاش. يعني مش مهم ايش يلبس المهم انه مع عقل يوزن بلاد تحيه طيبه لك ي مواطن السعيد من شاب يمني
بحييك جداً على طريقة الإلقاء و ع البساطة والجمال اللي فيها وربنا بجد يوفقك
بتوفرلنا قدر كبير من المعلومات اللي هنتعب جداً لو حابين نعرفها وبتوفرهالنا في وقت أقل من الوقت اللي ممكن نجيبها فيه وبطريقة سلسة وبسيطة
بجد ربنا يوفقك
ايوة القمصان الشتويه الجديدة😂🔥👏
القمر الصناعي المصري هيوفر نت للعمال اللي شغالين في مناطق صعب يتوصلها نت زي الصحاري مثلا ومش هيبقي متوفر لاي مواطن عادي والسرعه مش هتنافس ايلون ماسك ومش هتيجي جمب ايلون ماسك حاجه اصلا اللي هو اي حاجه يمشوا بيهم نفسهم في الصحراء والأماكن اللي صعب يتوصلها نت وكل الدعم يابن بلدي ومجهودك يحترم الصراحه
يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ۚ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَىٰ مِنكُم مِّنْ أَحَدٍ أَبَدًا وَلَٰكِنَّ اللَّهَ يُزَكِّي مَن يَشَاءُ ۗ وَاللَّهُ سَمِيعٌ عَلِيمٌ
مدمن حلقات المواطن سعيد الافضل دائما 🇲🇦🇲🇦🇲🇦🇲🇦
حقيقي من أفضل صانعي المحتوى على اليوتيوب في مصر ♥️
أود أن أشكرك حقا ،كمية المعلومات التي تعلمتها من فيديوهاتك رهيبة ، طريقة إلقاء فريدة من نوعها ،
بارك الله فيك، 😊🇩🇿
اسعد الشرعي فضحكم انتم جزائرين يا ابو 5مليون شهيد وفرنسا عندهم متحف جماجم جزائرين الي حد الآن
اول لايك ف حب المواطن سعيد والله
انت بدافع ع الحكومة بشكل واضح
انا مختلف معاك في دول زي العراق و سوريا و بلاد حالها مش كويس ربنا معاهم بس عندهم نت غير محدود فمتقولي ان مصر مش عارفة تعمل نت غير محدود
لا ما عندنا انترنت غير محدود في 🇸🇾
يا فندم الانترنت خدمة مش سلعة الانترنت مش زي الكهرباء و الغاز
الانترنت ممكن يكون لا نهائي من غير اي ضغط على البنية التحتية
وربنا انت برنس ياعم👌احلا لايك ليك👍اخبار جامده والقاءك ليها اجمد
تحيا جمهورية مصر العربية 🇪🇬❤❤❤❤❤❤
واحلى تحيه لشخصك المحترم يا استاذ احمد 🌹🌹🌹
اخيراااااااااا سمعتنا
تعديل بسيط
من قبل ايلون ماسك ومعظم دول العالم حتي الفقيرة فيها نت غير محدود و اخيرا معلومة استهلاك النت من الكابلات دة والسعة والكلام دة غلط مفيش حاجة اسمها مصر ليها سعة تحميل مفيش مبرر للباقات غير الجشع والنصب
بسم الله ماشاء الله
مبروووك على حضرتنا بواحد زي حضرتك حقيقي توصيل المعلومة الاكبر لحد العقل الاصغر ودي حاجة زي السهل الممتنع كدة مش بتتوفر الا للموهوبين فقط والهبة دي من عند الله سبحانه وتعالى ربنا يبارك لك فيها يارب
بالتوفيق ونتمنى لحضرتك النجاح والوصول للمليونية بحول الله وقوته
رباه ذنبي كهذا الليل يُثقلني
من لي سواكَ يُواري ليلَ زلّاتي
أَصْحَابُ الْجَنَّةِ يَوْمَئِذٍ خَيْرٌ مُّسْتَقَرًّا وَأَحْسَنُ مَقِيلًا
استمر.. مشاء الله.. متابعينك من بلدك الثاني الإمارات 🌹
طب لما سرعة الإنترنت مكانتش كويسه في البداية في شركة ستارلنك برغم وجود 3000 قمر صناعي
امال مصر عندها قمر صناعي واحد وهيشغل انترنت لينا وللدول المجاورة كمان طب إزاي ؟؟؟
انت عندك كابلات انترنت بتمر بمصر وكدولة بتاخد عليها فلوس المشكلة في البنية التحتية للانترنت في مصر القمر الصناعي بيستخدم لاغراض انترنت عسكرية
فعلا الكلام صح وبآزن الله القادم افضل بالتوفيق يا محترم
ممتاز استاذ احمد تحليل رائع دائما متميز
احسن شخصيه ف الكووون 🔥❤️
مفيش حاجة اسمها سعة محددة لمصر من الانترنت وفعلا الانترنت في مصر غالي جدا بالمقرنة بالبلاد التانية كل ده لانك محتكر السوق ده لصالح شركة واحدة
👏👏👏
هو العجز هنا مش في الضغط - العجز في عدم الرغبة في التطوير بشكل جاد - الهند عاملة نت غير محدود وهي عندها مليارات البشر
احسنت ياخي اعمالك طيبه استمر في الطرح
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ
ياريت تزود حلقاتك في الاسبوع لأن اسلوبك حلو جدا
برافو عليك فعلا النت فى مصر ممتاز
لدرجه انى مش عارف اتفرج على الفيديو كامل بقاله ساعه ونص ساعه بيحمل فى حلقه ومش عارف الكومنت اصلا هيوصل ولا لا
خليك احسن فى قصص الجواسيس والحرب العالمية يابو حميد
كالعادة مبدع و متألق
ماشاء الله عليك يا استاد احمد حضرتك افضل واحد بتشرح بطريقه سهل جدا
استاذى والله وانا بشوف الحلقه بتاعه حضرتك الانترنت فصل اكتر من ١٠ مرات بالرغم ان الباقه ١٤٠ جيجا ياريت يشغلوا الانترنت الفضائى بسرعه احسن من استغلال الشركات
ما تقلقش اله الماسك مش هيدخل مصر وبالنسبه لطيبه واحد اللي هم فرحانين به ده ان وصل يعني للمستخدمين في المنازل اوعدك ان احنا هنشوف اسود ايام حياتنا تحت شعار صنع في مصر
@@SAAD55
مشكلتكم انكم فاكرين ان مصر دولة اصلا ، احب اقلك ان مصر مجرد مستعمره امريكيه وايلون ماسك بينفذ مشروع امريكي يعني يقدر يدخلو غصب عن بلحه
@@SAAD55 عندك حق للاسف
بجد باحب المحتوى اللي انت بتقدمه فشخ وانت من الناس المحترمين الي الواحد بيحب يشوفه او يسمع ويا ريت تكثر الحلقات اللي بعيد عن السياسه زي حلقات تحيا كاريوكا
ددد
أحسن محتوى من أحسن يوتيوبر. ربنا يبارك فيك. حلقه هادفه جدا.
ياريت كل المثقفين مصر مثلك والأستاذ هيثم سليمان هكذا يكون الإعلام
#انترنت_غير_محدود_في_مصر
انا جاي من المستقبل و بقولك لسا مفيش انترنت غير محدود
والله خير مافعل الاخ صاحب الاختراع العظيم..وربنا يرحمنا من الشركات التى تسرقنا عينى عينك شكرا للعم ايلى ماسك
هو اختراع عظيم فعلا
لكن كل بياناتك هتكون في ايد ايلون ماسك
وتحت تصرفه
ايت اختراع عظيم عندنا سرعه النت بالجوال يصل 600 وبا اشتراك 35 دولار لا محدود مكالمات وغيرها وبالنسبه للمنازل 200 بأقل من 100 دولار المشكله عندكم بمصر بشركات الاتصالات
الافضل فى مصر والشرق الأوسط ، ربنا يبارك فيك ويوفقك ويحفظك.وتحيا مصر
شكراً لك ايها المواطن الفاضل
يا رب النت يتحسن شويه علشان الواحد بيعاني في الفتره الموجود فيها في مصر من النت البطيء
شكرا لحضرتك وشكرا استاذه سالي
مش بطيء للدرجة ف مصر
مش لدرجة المعاناه
في اكتر من عامل بيتسبب في ضعف سرعة الإنترنت
اولا الكابلات الواصله من البوكس للراوتر لازم تكون جيده ولا يوجد بها قطع وجودة الوصلات الداخله على الراوتر
ثانيا الراوتر نفسه وهل هو حديث ولا قديم
ثالثا الكابينه نفسها .. هي فايبر ولا قديمه نحاس
ورابعا الجهاز اللي بتشغل منه الإنترنت هل هو اصلا سريع ولا بطئ
يعني ما تجبش موبايل قديم وسرعة ضعيفة وعايزه يشغل فيديو عالي الجوده بسرعة
. حتى لو الانترنت سريع جدا بردو الفيديو في الحالة دي هيهنج ويقطع
@@user-kt1xz2vt2b بالنسبه لباقي الدول احنا فعلا بنعاني
الانترنت بطئ في مصر بلاش تبرير يا جماعة ، الاهم معالجة المشكلة من جذورها في دول مش بتستخدم 3g. دة خلاص ، احنا بنتطور بس لازم نعترف بالخلل
دخول ستارلينك للسوق المصرى مش هيكون مجرد منافسه ، هو هيقضى على المنافسه لانه ببساطه ملوش منافس ولا حتى قمر طيبه هيقدر يقدم نفس الخدمة .
مصاريف الطبق والراوتر صحيح كتير ولكن تدفع مره واحده ، وبالنسبه لسعر الاشتراك فبيتحدد فى كل دولة ع اساس معدل دخل الفرد فيها، هو غالى حاليا لان الموضوع جديد واى حاجة جديده بتكون غالية.
وشكرا ع المعلومات الى فى الفيديو
انشاء الله هيقدرو انا بفضل الله عندى ثقه فى بلدى اكتر مما تتخيل وشكرا لحضرتك معلومه مخلينى فرحان جدآ مصر قربت انشاء الله
انترنت من اختراعات أمريكا وليس مصر ههه
اللامركزية قادمة وبقوة . لن تستطيع الحكومات في أي دولة أن تفعل شيئا تجهاها
بصراحة يا سيد/ احمد انا مش مقتنع بإن مصر ممكن تدخل المنافسه في الوقت الحالي بسبب ان في دول تمتلك تكنولوجيا الفضاء والاتصالات الخاصه بها، اتمنى لبلدنا التفوق دايما.
شكرا لحضرتك على الحلقة. 💐
لازم ندخل الي ما يقدرش يسيطر علي بيته ( الي داخل والي خارج )ما يزعلش لما يخرب
هو ده فعلا الي امن وطني
تعديل بسيط مصر محكومه بسرعة نقل محدده وليست حجم داونلود معين من شركة نيترا (موزع الانترنت لمصر) بمعنى مصر ليها انها تدفع مثلا مبلغ 1000 جنيه مقابل اجمالي سرعة نقل 500 ميجا وسعة تحميل غير محدوده اللي بيحصل ان الشركات عشان تكسب اكتر زي ماحضرتك وضحت بدل مايتم توزيع ال500 ميجا على 70 مليون وطبعا الرقم اكبر من كده الصراحه بيتم تحجيم سعة استهلاك الفرد مع زيادة السرعه وبالتالي يقدر يوزع السرعه على اكتر من مستخدم في نفس الوقت عشان سعة التحميل هاتخلص في وقت اسرع عكس اللي كان بيحصل الاول سرعة نقل اقل سعة تحميل اكتر واتمنى خدمة الانترنت الفضائي فعلا تشتغل في الصيف الجاي او قبله حتى بس ماعتقدش بصراحه ان دا هايحصل لان اكبر شركه معروفه لتوفير الخدمه رافضه حتى انها ترجع الباقات الغير محدوده ودا اقل حق للإنسان دلوقتي زي الاكل والشرب
أفضل الأعمال الصلاة على محمد وآل محمد الطيبين الطاهرين وعجل الله فرجه ياكريم٠🌹🌹🌹
محتوى ممتاز جدا ومعلومات جديدة كتير اول مرة أعرفها ، ربنا يبارك فيك ويحفظك ويجعلك دايما ناشر للفائدة النافعة للناس
ازاي قمر صناعي واحد يغطي احتياج مصر والدول العربية من الانتر نت بينما مشروع ايلون ماسك هيكون فيه اكتر من 40000 قمر زي ما بتقول ؟
أهلا بحضرتك أ. مصطفى 🌷❤️
أقمار ستار لينك لازم تكون كتير لانها بتخدم ٧ قارات واكتر من ٨ مليار إنسان..
انما قمر طيبه ١ بيخدم ١٠٠ مليون مصرى عندهم اصلا خدمات انترنت ارضى بسرعات جيدة.. وبالتالى لو الخدمات الارضية الموجودة فعلا اتحسنت ووصلت لـ٣٠ ميجا ع الأقل مش هنحتاج اصلا للانترنت الفضائى.. خصوصا لما تقارن قيمة اشتراكه اللى بتبدأ من ٥٠ دولار وبتوصل لـ ٥٠٠ دولار ده غير الأدوات اللى بتوصل لـ٢٥٠٠ دولار مقارنة بالـ٢٠٠ جنيه اللى حضرتك بتدفعهم هنا فى مصر.. هى دى المنافسة اللى بتتكلم عنها..
معنى كلامك ان قمر طيبة ١ ملوش لزمه وغير كافي وفي الاخر هنفضل تحت رحمة وي مع امل انهم يمنو علينا بتسحين الجوده ... عكس كل اللي انت قولته في الفيديو
@@Ahmed_Said
ايوه يعني احنا هننافس في خدمة الانتر نت عمتا مش في خدمة الانترنت الفضائي بالاضافة لان حضرتك اتكلمت عن ان مصر بتبحث تقديم الخدمة دي لدول افريقية وعربية تانيه يعني حوالي 4 اضعاف الرقم ده على الاقل وكان عنوان المنافسه اصلا في الانترنت الفضائي مش في تطوير خدمة الانترنت الارضي عادي زي اي دوله بتطور في بنيتها التحتيه عادي جدا
وبنفس الحسب تجد ان عدد الاقمار الصناعية لمشروع ستار لينك بالتناسب مع عدد البشر على الكوكب لو افترضنا ان كل الكوكب يستخدم الانترنت ويستخدم الخدمه دي الي هو مش هيحصل طبعا هتلاقي ان هناك قمر صناعي لكل 200 الف مستخدم رقم بعيد جدا عن ال 100 مليون مواطن مصري الي المفروض القمر الصناعي بتاعنا يوفرلهم الخدمة دي بشكل تنافسي مع مشروع زي ده
في نفس الحسبة هتلاقي ان 100 مليون مواطن بيمثلو 1.25% من تعداد الكوكب زي ما حضرتك قولت بمعنى انهم محتاجين 500 قمر صناعي يوفلهم الخدمه وطبعا الرقم ده مش بالضبط لاننا هنحتاج ناخد في الاعتبار الكثافة السكانية وتوزيع الاقمار بشكل مناسب في الفضاء بس انا بتكلم من منظور معيار الارقام الي حضرتك حطيته من نحية تعداد كوكب الارض وتعداد الشعب المصري
ثواني بس قبل ما اكمل الفيديو معلش عشان الكلام ده ضايقني ..... ال 500 ميجا دول انا بدفع فيهم ما يعادل 300 جنيه في روسيا عادي جداً .... مش هكلمك علي ليتوانيا مثلاً و اللي النت فيها ارخص كمان و اسرع
.
انا عارف انك بتتكلم علي النت الفضائي بس احنا بنمسح الداتا عادي جداً و لما نحتاجها ننزلها هنا في روسيا بسبب ان النت محترم فعلاً
.
تعديل 1 :
انا متكلمتش عن ان هنا الباقة غير محدودة عشان نسيت ان مش ده الطبيعي في مصر ..... في اي مكان في العالم تقريباً النت غير محدود
.
ربنا يكرم و نشوف فعلاً الانترنت الفضائي باذن الله قريب في مصر
يعم دة بيطبل للدولة يقلك مش هيعرفو يعملوها محدودة شوية خولات ماسكين البلد
النت الغير محدود بديهي في كل دول العالم فعلا ، بس عندنا هوا الي معجزة بسبب الجشع
ده عيب من عيوب احتكار الاتصالات من الحكومة المصرية
يا فندم أي دولة بتقدم باقات غير محدودة ، في الاصل هي محدودة والسعة تكون ١٠٠٠ جيجابايت بس مش بيتم الإعلان عن ذلك في اغلب الشركات. شركة وي عندهم باقة سعتها ١٠٠٠ جيجابايت وبسرعة تصل إلى ٢٠٠ ميجابت. بس طبعا غالية. بتمنى يكون فيه باقات غير محدودة (سعتها ١٠٠٠ جيجابايت) بالسرعات العادية بدل من الشحن مرتان أو ثلاثة في الشهر، وبرده يكون سرعة رفع البيانات ربع سرعة التنزيل مش ١/١٠.
الكلام دا غلط ، انا شفت ناس استهلكت 4 تيرا في الشهر ، يعني 4 الاف جيجا في شهر واحد ، وبعض شركات في بعش مناطق العالم بيعملو استخدام عادل بحيث انو بيديك جيجات معينة في اليوم ولو انت خلصتهم يقللك السرعه بشكل حلو مش زي السرعه الضحكيه الي في مصر ، وطبعا بيقلل السرعه وبيشوف هل انتا موزع وصلات خارجيه مثلا ولا دا استهلاكك لوحدك الطبيعي ، وطبعا مش كل دول العالم بتعمل كدا ، الدول الي بتعمل كدا هيا الدول الي النت غالي عندها شويه
انا كاتب أغلبهم مش كلهم، و حضرتك مش كل الشركات برده بتعمل موضوع السرعة لما الباقة تنتهي. AT&T في امريكا بتقطع الخدمة خالص لحين موعد التجديد. في الشركات الاخري الي حضرتك بتقول عليها عندما تنتهي الباقة طبيعي تكون سرعة جيده مثلا ١٠ ميجابت او اقل عشان انت بتكون على سرعة عالية في الاصل مثلاً اقل سرعة ٢٠٠ ميجابت وطالع. وسعتها تقدر تشتري جيجابايت زيادةلو عايز السرعة ترجع تاني. إلي حضرتك بتقول علهم دول زي المانيا، النمسا، السويد، فنلندا و الدنمارك. حجات معدودة مش الاغلبية، اصلا معندهمش عدد السكان العندنا. وكمان وجهت نظري فالموضوع ده، ان الأجهزة المستخدمة في الشبكات بتبقي غالية جداً ومفيش واحد حتي يصنعها في البلد حتي لو شركة متعددة الجنسيات ألخ.. وكمان في الصعيد البنية التحتية متهالكة وبدأت الدولة الشغل عليه عشان وزارة الاتصالات شغالة علي مشروع مركز بيانات في مصر لأستقطاب شركات الFANG بس بعد تطوير البنية التحتية. كمان حضرتك لو قارنت بين اسعار اي دولة ومصر ... فيه فرق مين يستطيع دفعه عشان ياخد السرعات و الباقات الغير محدوده. كان لازم يصلحوا البنية التحتية الاول ثم استقطاب الشركات ثم تعديل الباقات للمواطنين عشان تكون الحكومه استفادت من فلوس الشركات ديه وتدعم سعر الباقات. ديه وجهت نظري والله اعلم.
الحمدلله المواطن سعيد غير القميص 😂😂😂😂
شكرا على مجهودات حضرتك
عاااش بجد موضوع مهم
أحسنت في اختيار الموضوع و أسلوب السرد....
أنت مبدع أيها المواطن سعيد.
تحياتي
عاوزين حلقات اكتر لو سمحت ❤️👍
مصر ام الدنيا تحية لكم من اليمن 🇾🇪
قل لا إله إلا الله محمد رسول الله صلى الله عليه وسلم
اول اعجاب وتعليق♥️
ثبت ياعم سعيد
جزاك الله خيرا أستاذ سعيد
شكرا على كل المعلومات القيمة
تحيا مصر 🇪🇬تحيا مصر 🇪🇬تحيا مصر 🇪🇬
اللهم صل وسلم وبارك على محمد وال محمد وصحبه اجمعين
الحكومه مش هتوافق بحجة الامن القومي علشان السبوبه متفلتش من اديهم
شكرا جزيلا لحضرتك
بحب كل محتوياتك
شكرا يااستاذ احمد موسي بردوا التطبيل اسلوب حياة
رائع كالعاده يامواطن
بارك الله فيك أستاذنا المحترم
يارب يكون كلامك صح و يتوفر في مصر انترنت بسرعة عالية و بلا حدود
Welssaid
Welldone
Keep on ya 3alami
للاسف مستحيل مصر تدخل ستارلينك عشان سبوبه الباقات الاضافيه هنفضل فديل العالم على طول
يا استاذ. سعيد عندى فكرة مهمة جداً قد تساعد على حل مشاكل كتير في الاقتصاد يا ريت تلقى اهتمام ....
الفكرة هى انشاء صفحة على الفيس بوك ومواقع التواصل الاجتماعي مخصصة لأفكار الشباب فى حل اقتصاد اقتصاد الدولة والله عندنا عقول جبارة واكيد هنلاقى حلول الدولة تدرسها وتنفز أفضلها يمكن الحال يتغير رجاء الاهتمام وشكرا 👍
حلقه جميله وبها بصيص من الامل
اذا كانت الاقمار الصناعيه المصريه تصنيع غربى، يبقي اكيد البيانات والاتصالات هتتسرق برضو بطريقه او بأخرى
هي حاليا مسروقة بس في ناس بتمثل
مبروك علينا انت باسلوبك الراقي
انت راجل محترم وشرحك وافي وجميل والتفاصيل مشوقة ، واسلوبك اكثر من رائع بجد انا بحبك في الله .
من افضل القنوات اللي بتابعها وبحرص ديما علي مشاهدتها.
ارجوا فقط انك تركز علي الاحداث اللي بتحصل دلوقتي وتغطيها زي مثلا حرب روسيا واوكرانيا ومشاكل منطقه البلقان والصين وتايوان بشكل مفصل اكتر او احداث النهايه وياسلام لو بدات سلسلة عن الماسونيه بشكل عميق
حالنا يحزن بين الدول المجاورة
بحب روقانك فى الشرح
لا آله إلا أنت سبحانك إني كنت من الظالمين
اخيرا تكلمت عن الموضوع
الدولة بتحلب المواطن هي دي الاجابة لاي سؤال
اللهم صل وسلم وبارك على سيدنا محمد صلى الله عليه وسلم
ماشاء الله عليك الله اكبر اللهم بارك 🙏🙏🙏
الله اكبر والعزة لله الواحد القهار
شكرا ليك
60 الف جنية من سنة
دلوقت بقا في 2024 بقت ب 150 الف جنية ويمكن زادت
بجد اجمل قناه تابعتها علي اليوتيوب
بجد تستاهل المليون 🥰🥰🥰🥰
أخيرا غيرت القميص 😂😂😂
حلقة اكتر من رائعة
ده عمره ما يحصل في مصر
ولا شركات الاتصالات هاتسمح أنه يدخل مصر
انت مش يوتيوبر انت بروفيسور جامعي والله يابو حميد
حلقة مهمة للمستقبل و حلقة عظيمة
معلش ف غلطه ف الدقيقه 4 ,,, السرعه 265 kilobyte ,,,
اسمها 265 Kilobits
السرعه ب ال bit مش ب ال byte ..... ربنا يوفقك ويكرمك يارب
اشكر سيادتك على معلوماتك القيمه العاليه أكثر الله من امثالك من العقلاء الذين يدركون أن العقل زينه والحمد لله