Grow Mushrooms at Home in Just 7 Days!
Вставка
- Опубліковано 10 жов 2024
- How mushrooms are grown and processed| Growing mushrooms at home| မှိုစိုက်နည်း| ကောက်ရိုးမှို
မင်္ဂလာပါဗျ။ GP မှိုစိုက်နည်းအမျိုးမျိုးနှင့် မှိုရောင်းဝယ်ရေးမှကြိုဆိုပါတယ်။ မှိုစိုက်နည်းသိချင်သော်လည်းကောင်း၊ မှိုမျိုးထုပ် မှာယူချင်သော်လည်းကောင်း ၀၉ ၉၇၃ ၃၁၀ ၇၇၃ ကို ဆက်သွယ်လို့ရပါတယ်ဗျ။ ကျွန်တော်ရဲ့ Channel ကို အားပေးတဲ့အတွက် ကျေးဇူးတင်ပါတယ်ဗျ။ အောက်က link ပေးထားတဲ့ Telegram Channel လေးကိုလည်း မှိုစိုက်နည်း အမျိုးမျိုးကို Update တင်ပေးဦးမှာဖြစ်လို့ Subscribe လုပ်ထားလို့ရပါတယ်နော်။
t.me/martinand...
/ @innovativekids777
www.facebook.c....
/ martinyetunli. .
ဂျပ်စက္ကူနှင့် နွားချေး (သို့မဟုတ်)၊ ဂျပ်စက္ကူနှင့် ဗေဒါအသုံးပြုပြီး ကောက်ရိုးမှို ကျင်းဖြင့် စိုက်ပျိုးခြင်း
လိုအပ်သောပစ္စည်းများ
ဂျပ်စက္ကူ (၁၀)ပိဿာ
မှိုမျိုး (၄)ထုပ်
မှိုအားဆေး (၄)ထုပ်
ခြပေါသောနေရာများအတွက် ခြဆေး (၁) ထုပ်
ပလတ်စတစ် (၈)ကိုက် (ပလတ်စတစ် အနံ ၈-ပေ)
နွားချေး ၁၀-၁၃တင်းခန့် (နွားချေးအစား ဗေဒါ သုံးနိုင်ပါသည်။ ဗေဒါအစိုရော အခြောက်ပါ သုံးနိုင်သည်။ အခြောက်သုံးပါက ၅-မိနစ်ခန့် ရေစိမ်သုံးပါ။)
(ဆောင်းရာသီတွင် ကြက်ချေး/ငုံးချေးကို အောက်ဆုံးမှ ၁၂ပြည်မှ ၁ တင်းခန့် မဖြစ်မနေ ထည့်ရပါမည်။)
ကြိုတင်ပြင်ဆင်ခြင်း
မှိုစိုက်ပျိုးမည့်နေရာကို အလျား (၁၂)ပေ၊ အနံ (၃)ပေခွဲ နေရာသတ်မှတ် ပါ။ သတ်မှတ်နေရာ တွင် ၆လက်မခန့် မြေကျင်းပတ်တူးပါ။
တူး၍ရသော မြေခဲများကို ကျင်းနှုတ်ခမ်းသား၌ ကန်သင်းဘောင် ပြုလုပ်ပေးပါ။
စိုက်ကာနီး၌ ဂျပ်စက္ကူများကို (၃၀)မိနစ်မှ ၁နာရီကြာအောင် ရေစိမ်ပါ။ ရေမနူးလွယ်သော ဂျပ်စက္ကူများကို တစ်ညအိပ်ထိ ရေစိမ်နိုင်သည်။
ရေစိမ်ပြီးသော ဂျပ်စက္ကူများကို လက်ဝါးသာသာလောက် ဆုတ်ဖြဲထားပါ။
မှိုမျိုးကို အခဲမကျန်အောင် ခြေမွထားပြီး ဆန်ဖွဲနု နို့ဆီဘူးတစ်ဘူးနှင့် ရောနှယ်ပါ။ (ဗေဒါနှင့်စိုက်ပါက ဗေဒါအစို/ အခြောက်ကို တစ်ထွာတစ်မိုက် စင်းထားပါ။)
စိုက်ပျိုးခြင်း
ခြပေါသောနေရာ၌ ပြင်ဆင်ထားသော ကျင်းအတွင်း ခြသတ်ဆေး ဟင်းစားဇွန်း (၂)ဇွန်းခန့်၊ အထုပ်သေးတစ်ထုပ်ကို နေရာအနှံ့ ပါးပါးဖြူးပါ။ ၎င်းအပေါ်မှ နွားချေး (၇-၁၀)တင်းခန့်ကို နေရာအနှံ့ ဖြန့်ခင်းပါ။
ကျင်းနှုတ်ခမ်းမှ တစ်ထွာတစ်မိုက်ခန့်ခွာပြီး (ရေစိမ်ဆုတ်ဖြဲထားသော) ဂျပ်စက္ကူ များကို နေရာအနှံ့ ခင်းပါ။
ခြေမွပြီးသော မှိုမျိုး (၅)ထုပ်ကို ဂျပ်စက္ကူပေါ်နှင့် ဘေးဘက် နွားချေး မျက်နှာပြင်ပေါ် နေရာအနှံ့ ကြဲချပါ။
ပြီးနောက် ဂျပ်စက္ကူများ၊ မှိုမျိုးများ မမြင်ရအောင် ကျန်နွားချေး ဖုံးပါ။
ရေ ၄ ဂါလံဝင်ပုံးနှင့် ၅-ပုံးမှ ၁၂ ပုံးခန့် မှိုပုံမျက်နှာပြင်ပေါ် နေရာအနှံ့ ဖြန်းပါ။ ပူပြင်းသောနွေရာသီ၌ ရေများလေ ပိုကောင်းလေဖြစ်သည်။
မှိုအားဆေး (၁)ထုပ်ကို ရေ ဆယ်ဝင်ပုံးနှင့် တစ်ပုံးဖျော်၍ မှိုပုံ မျက်နှာ ပြင် နေရာအနှံ့ ဖြန်းပါ။ ပူသောရာသီတွင် မှိုပုံ ဘေးဘက်ကျင်းတူး၍ ရေပြည့်အောင် ဖြည့်ပါ။
မြေပြင်မှ ခေါင်အမြင့် ၁-တောင် (၁-ပေခွဲ)ခန့် ထားပြီး မှိုပုံပေါ်မှ ခေါင်တန်း (သို့) ပေါင်းမိုးကိုင်းလုပ်ပြီး ၎င်းပေါ်မှ အိမ်ခေါင်မိုးကဲ့သို့ ပလတ် စတစ် အလုံအုပ်ပါ။ ပလတ်စတစ် အလုံအုပ်ရာတွင် မှိုပုံ ဘေးဘက် ခြုံမိ အောင် အုပ်ရမည်။
မှိုပုံ ပလတ်စတစ်အနားများကို မြေခဲ (သို့) သဲနှင့် လုံခြုံအောင် ဖိပေး ထားပါ။ ပလတ်စတစ်ပေါ်မှ ကောက်ရိုး၊ သက်ကယ်၊ ဓနိ တစ်မျိုးမျိုး ပြန်အုပ် ပေးပါ။
လုံးဝ နေရိပ်တွင် စိုက်ပါက ပလတ်စတစ်ချည်းသာ အုပ်နိုင်သည်။ သစ်ပင်ရိပ် စိုက်သူများ နေရောင်အနည်းငယ် ထိုးတတ်သဖြင့် ကောက်ရိုး၊ သက်ကယ်၊ ဓနိ ပါးပါး ပြန်အုပ်သင့်ပါသည်။
ပြုစုခြင်း
(၄)ရက်မြောက်၊ (၅)ရက်မြောက်နေ့တွင် မှိုပုံကိုဖွင့်ပြီး မှိုအားဆေး (၁)ထုပ်ကို ရေ၄ ဂါလံဝင်ပုံးနှင့် (၁)ပုံးဖျော်၍ ဖြန်းပါ။ မှိုပုံ ရေခြောက်ပါက ရေ ပို၍လောင်းနိုင်သည်။ မှိုပုံ ဘေးဖက်ကျင်းအတွင်း ရေပြည့်အောင် ဖြည့်ပါ။
ပလတ်စတစ် ပြန်အုပ်ရာ၌ တစ်ပုံလုံးလုံအောင် မအုပ်ရပါ။ ရာသီလိုက်၍ မှိုဘောင်ထိပ်နှစ်ဖက်နှင့် ဘေးနှစ်ဖက်တို့တွင် လေပေါက်တစ်ပေါက်စီ ဖောက် ထားပေးရမည်။
လေပေါက်ပေးပုံမှာ ပလတ်စတစ်အောက်ခြေကို အနည်းငယ်လိပ် ခေါက်ပြီး ၈- လက်မ ပတ်လည် ၉-လက်မ ပတ်လည်ခန့်ရှိသော စမူဆာပုံ အပေါက် (တြိဂံပုံအပေါက်) ဖွင့်ထားရမည်။
စတင်စိုက်သည့်ရက်မှ ၇-၈ရက်ခန့်တွင် မှိုပုံမျက်နှာပြင် တစ်ပြင်လုံး သေးငယ်သော မှိုသန္ဓေလေးများ ဆန်ကွဲစေ့သဏ္ဌာန် မြင်ရပြီးနောက် နောက်ထပ် ၄ - ၅ ရက်မြောက်သောနေ့၌ ဆွတ်ခူးနိုင်သော မှိုငုံကြီးများအဆင့်သို့ ရောက်ပါသည်။
ပထမအကြိမ်ဆွတ်ခူးခြင်း (၃)ရက်မှ (၅)ရက်ခန့်ခူးပြီး မှိုဥများကုန်သွား၍ ဆန်ကွဲစေ့ သဏ္ဌာန် မှိုသန္ဓေလေးများသာ ကျန်တတ်ပါသည်။ ထိုအခါ ၎င်းမှိုသန္ဓေလေးများ ကြီးအောင် မစောင့်တော့ဘဲ (ရေ ခြောက်လျှင်) ရေဖြန်း ကရားနှင့်၄ ဂါလံဝင်ပုံး ၁-ပုံးမှ ၂-ပုံးထိ ဖြန်းနိုင် ပါသည်။ ရေခြောက်ပါက ရေပိုဖြန်းနိုင်ပါသည်။ နောက် ၂-၃ ရက်ခန့်အကြာတွင် ဒုတိယ အကြိမ် မှိုအသစ် ထပ်ထွက်ပါသည်။
ဒုတိယအကြိမ် မှိုများခူး၍ကုန်ပါက မှိုပုံရေခြောက်လျှင် ရေဖြန်းပါ။ တတိယ အကြိမ် မှို ထပ်ထွက်ပါသည်။
စတင်စိုက်သည့်ရက်မှ (၁)လအတွင်း (၅-၁၀)ပိဿာခန့်အထိ ထွက်ရှိ နိုင်ပါသည်။ မှိုပုံသက်တမ်း (၁)လကျော်ပါက မှိုများ ထွက်နိုင်မှု မရှိတော့ဘဲ ထွက်ပါက လည်း အနည်းငယ်သာ ရရှိတတ်သည်။
(နွားချေးအစား ဗေဒါ သုံးနိုင်ပါသည်။ ဗေဒါ အစိုရော အခြောက်ပါသုံး နိုင်သည်။ အခြောက်သုံးပါက ၅ မိနစ်ခန့် ရေစိမ်သုံးပါ။ ဗေဒါကို တစ်ထွာတစ် မိုက် စင်းပြီး နွားချေးသုံးသည့်နေရာတိုင်း အစားထိုးထည့်နိုင်သည်။ ဗေဒါ စိုက်နည်းတွင် အပေါ်ဆုံးမှ နွားချေးတစ်တင်းခန့် ပါးပါးဖြူးပေး ရမည်။)
ကျေးဇူးပါအကို ခုလိုပညာမျှဝေတာ
ကြိုဆိုပါတယ်ဗျ။
အကိုကျေးဇူးပါ မရှင်းတာရှိရင်မေးလိုရအောင် Viberဖုန်နံပါတ်လေပေးပါလား
09 973 310 774 ကိုဆက်သွယ်လို့ရပါတယ်ဗျ။
တချို့ကပြောလို့စဉ်းနဲ့ဆိုက်တာကတခါပဲရတယ်ပြောလို့စဉ်းနဲဆိုဘယ်လောက်ပြန်ဆိုက်လိုရလည်းဘယ်နှခါလောက့်စဉ်းကိုပြန်သုံးလိုရလည်း
တစ်လတစ်ခါ စိုက်လို့ ရပါတယ်ဗျ။ မစိုက်ခင် ပိုးသတ်ဆေး ဖြန်းပေရမယ်ဗျ။
Pls speak English
Yes, I will upload again with English Captions. If you need more, you can contact me by Viber or whatsapp +959 973 310774. Thanks for watching.
@@graceupongraceorganicfarm thanks a lot my friend do you have a messenger thru messenger my friend
Pls send me if you have a new upload my friend
မှိုစိုက်ခင်းဘာကြောင့်ဖျက်ဆီးတက်လဲဆိုတာကိုပါတင်ပေးလို့ရမလားသိချင်လို့ပါကူညီပါ
ဟုတ်ကဲ့ပါဗျ။