Г.Мэнд-Ооёо "Он цагийн хүрд" шүлгээс

Нарны гэрэл сарны туяагаар зам нэхэж
Навчилж цэцэглэж, хагдарч хуучрах жам хэлхэж
Юм бүхэн таны тулд найрсан оршихын учир
Юу санаснаа амжиж бүтээ гэж он цаг нисэн ирнэм.
Өгөх насаа тээж, өнгөрч элснийг буцааж аваад
Өглөг хишиг эдлүүлж хүртээснээ эргүүлж шалаад
Эдүгээ хэний үйлс үнэн болоод үлэмжийн тустайг
Эрин зуунуудад дамжуулан гэрчлэхээр он цаг нисч одном.
Он цаг нисэн нисэн ирнэм.
Он цаг нисэн нисэн одном.