“လမ်းပန်းဆက်သွယ်ရေးကလည်း မကောင်းတော့ ပြန်လည်ထူထောင်ဖို့ မလွယ်ဘူး”

6 Oct 2024 By Chun Nrein / MPA
ရခိုင်ပြည်နယ် မင်းပြားမြို့နယ် ဖုံသာချောင်းတွင် ပြီးခဲ့သည့် စက်တင်ဘာလအတွင်း ရေကြီးမှုကြောင့် ချောင်းတစ်လျှောက်ရှိ ရွာပေါင်း ၁၃ ရွာကျော်မှ အိမ်ခြေပေါင်း ၂၀၀‌ ကျော် ရေနှင့် မျောပါခဲ့ကြောင်း သိရသည်။
ရေကြီးနစ်မြှုပ်မှုဒဏ်ခံခဲ့ရသော မင်းပြားမြို့နယ် ဖုံသာချောင်းဒေသတွင် ရေစီးဆင်းမှုဟာ လက်ရှိချိန်ထိ ပြင်းထန်လျက်ရှိပြီး သွားလာရေးလည်း လွန်စွာခက်ခဲနေကာ အလှူရှင်ရောက်ရှိမှုလည်း နည်းပါးကြောင်း သိရသည်။
လက်ရှိတွင် ယင်းဒေသခံများအနေဖြင့် ယားနာရောဂါများ၊ ဝမ်းပျက်ဝမ်းလျောရောဂါများ၊ သွေးတိုးရောဂါများ၊ ဖျားနာရောဂါများ၊ ငှက်ဖျားရောဂါများနှင့် အခြားရောဂါများဖြစ်ပွားနေကာ ဆေးဝါးလိုအပ်ချက်လည်း ရှိသလို အမိုးအကာအောက်ရောက်ရှိရန်လည်း လိုအပ်နေကြောင်းသိရသည်။
ယင်းအခြေအနေများနှင့် ပတ်သက်ပြီး မင်းပြားမြို့နယ် ဖုံသာချောင်းသို့ သွားရောက်ကူညီခဲ့သော ရက္ခိုင်ပြည်ကျောင်းသားသမဂ္ဂမှ ဒုဥက္ကဌ ကိုမြတ်လင်းထွန်းနှင့် MPAမှ ဆက်သွယ်မေးမြန်းထားသည်။