មាគ៌ា​ឆ្ពោះ​ទៅ​កាន់​ភោគ​សម្បត្តិ​ ដោយ Benjamin Franklin | THI CHANTHORN

🙏ជំរាបសួរនិងសួស្ដី​ប្រិយមិត្ត​ សូមស្វាគមន៍​ចំពោះការចូលមកទស្សនាវីដេអូនៅក្នុងUA-cam channel របស់យើងខ្ញុំ! យើងខ្ញុំ​ពិតជាមានសេចក្តីរីករាយយ៉ាងខ្លាំងចំពោះការគាំទ្រនេះ!
____________________________________________________________________________________________
សូមចុច👉#Subscribe#THICHANTHORN
✍អត្ថបទនេះដកស្រង់ពី The HR Daily តាមរយៈ(Google)
✍អានចែករំលែកដោយ Admin ធី ចាន់ថន
👉នេះជាការចែករំលែកចំណេះដឹងល្អៗសម្រាប់លោកអ្នក!📖🎓🙏
---------------------------------------------------------------------
👉មាគ៌ា​ឆ្ពោះ​ទៅ​កាន់​ភោគ​សម្បត្តិ​ ដោយ Benjamin Franklin | THI CHANTHORN
---------------------------------------------------------------------
មាគ៌ា​ឆ្ពោះ​ទៅ​កាន់​ភោគ​សម្បត្តិ​ ដោយ Benjamin Franklin
យោងតាមសៀវភៅ​ The Way to Wealth ដោយ Benjamin Franklin បានលើកឡើង៤ចំណុច ដែលជាមាគ៍៏ាឆ្ពោះទៅកាន់ភោគទ្រព្យ។
១. សេចក្តី​ឧស្សាហ៍​ព្យាយាម ជា​គ្រឹះ​នៃ​ការ​ពូន​ផ្តុំ​ទ្រព្យ​សម្បត្តិ​
សេចក្តី​ខ្ជិល​ច្រអូស​ គឺ​ជា​សត្រូវ​បំផ្លាញ​ជីវិត​មនុស្ស​ ប្រៀប​បាន​ដូច​នឹង​ច្រេះ​ដែល​ស៊ី​ដែក​បន្តិច​ម្តង​ៗ​រហូត​រលាយ​គ្មាន​សល់​ដោយ​មិន​ដឹង​ខ្លួន​។ បុគ្គល​ដែល​ប្រាថ្នា​ទ្រព្យសម្បត្តិ​និង​ជោគ​ជ័យ​ក្នុង​ឆាក​ជីវិត​ ត្រូវ​តែ​ជម្នះ​ឲ្យ​បាន​នូវ​សេចក្តី​ខ្ជិល​ច្រអូស​ ត្បិត​សេចក្តី​ខ្ជិល​ច្រអូស​ធ្វើ​ឲ្យ​​កិច្ច​ការទាំង​ពួង​ប្រែ​ជា​លំបាក​។ ពេល​វេលា​គ្រប់​នាទី​សុទ្ធ​តែ​មាន​តម្លៃ​ក្នុង​ជីវិត​ ដូច្នេះ​គេ​មិន​គួរ​ខ្ជះ​ខ្ជាយ​ពេល​វេលា​ចោល​ដោយ​ឥត​ប្រយោជន៍​ឡើយ។
២. ប្រុង​ប្រយ័ត្ន​
ព្រម​ជាមួយ​គ្នា​នឹង​សេចក្តី​ឧស្សា​ហ៍​ព្យាយាម​ យើង​ត្រូវ​យក​ចិត្ត​ទុក​ដាក់​​ប្រុង​ប្រយ័ត្ន​មើល​ថែ​ទាំ​មុខ​របរ​របស់​យើង​ដោយ​ភ្នែក​របស់​យើង​ផ្ទាល់​ កុំ​ទុក​ចិត្ត​អ្នក​ដទៃ​ខ្លាំង​ពេក។ យើង​ត្រូវ​មើល​ថែ​ទាំ​ ហាង​របស់​យើង​ឲ្យ​បាន​ល្អ បន្ទាប់​មក​ហាង​របស់​យើង​នឹង​ថែ​ទាំ​ យើង​វិញ។ ភ្នែក​ទាំ​ងគូ​របស់​យើង​ ត្រូវ​តែ​រវាស​ជាង​ដៃ​ទៅ​ទៀត​។ ការ​ប្រគល់​ទំនុក​ចិត្ត​ឲ្យ​អ្នក​ដទៃ​ច្រើន​ពេក នាំ​ឲ្យ​វិនាស​ច្រើន​ប្រការ។ អ្នក​បម្រើ​ដែល​ល្អ​បំផុត​ក្នុង​លោក​នេះ គឺ​មាន​តែ​ខ្លួន​យើង​​បម្រើ​ខ្លួន​ឯង​​។
៣. សន្សំ​សំចៃ​
ដើម្បី​ឲ្យ​សេចក្តី​ព្យាយាម​របស់​យើង​ទទួល​បាន​ជោគ​ជ័យ​ យើង​មិន​ត្រឹម​តែ​ត្រូវ​ប្រុង​ប្រយ័ត្ន​ខ្ពស់​ចំពោះ​មុខ​របរ​​របស់​យើង​ទេ​ យើង​ត្រូវ​តែ​សន្សំ​សំ​ចៃ​បន្ថែម​ទៀត។ ជន​ដែល​ចង់​ក្លាយ​ជា​អ្នក​មាន​ ត្រូវ​គិត​ទាំង​ការ​រក​ប្រាក់​ និង​ការ​សន្សំ​ប្រាក់។​ គេ​ត្រូវ​យក​ចិត្ត​ទុក​ដាក់​សន្សំ​តាំង​ពី​រឿង​កំប៉ិច​កំប៉ុក​ឡើង​។ សូម​កុំ​ភ្លេច​ថា​ នាវា​ធំ​ៗ​អាច​នឹង​លិច​លង់​បាន​ដោយ​សារ​តែ​ការ​លេច​ធ្លាយ​រន្ធ​តូច​ៗ​។ ជន​ដែល​ចំណាយ​ប្រាក់​ទិញ​របស់​ដែល​មិន​ចាំ​បាច់ នឹង​ត្រូវ​លក់​របស់​ចាំ​បាច់​នៅ​ថ្ងៃ​ណាមួយ​ដើម្បី​ដូរ​យក​ប្រាក់​ជាក់​ជា​ពុំ​ខាន។ ប្រសិន​បើ​អ្នក​ចង់​ដឹង​ថា​ប្រាក់​មាន​តម្លៃ​កម្រិត​ណា ចូរ​សាក​ល្បង​ទៅ​ដើរ​ខ្ចី​គេ​មើល​ទៅ​ អ្នក​នឹង​ដឹង​មិន​ខាន។
៤. វិន័យ​ផ្ទាល់​ខ្លួន​
ក្បួន​ខាង​លើ​ទោះ​បី​ជា​ល្អ​យ៉ាង​ណា​ក៏​ដោយ ក៏​ឥត​ប្រយោជន៍​ដែរ ដរាប​ណា​គ្មាន​ការ​​តាំង​ចិត្ត​អនុវត្ត​ន៍​តាម​ពិត​ប្រាកដ​​។ គេ​អាច​ប្រាប់​ផ្លូវ​ឲ្យ​ដើរ​បាន ប៉ុន្តែ​យើង​ខ្លួន​ឯង​ជា​អ្នក​ដើរ។​
ខ្ញុំសង្ឃឹមថាមាគ៌ា​ឆ្ពោះ​ទៅ​កាន់​ភោគ​សម្បត្តិ​ ដោយ Benjamin Franklin​នេះនឹងបានជាប្រយោជន៍ដល់លោកអ្នកទស្សនាឬអ្នកស្តាប់គ្រប់គ្នាជាក់ជាមិនខាន!
សូមអរគុណប្រិយមិត្តដែលបានតាមដានទស្សនាវីដេអូតាំងពីដើមរហូតដល់ចប់ យើងនឹងជួបគ្នានូវវីដេអូក្រោយៗទៀត សូមអរគុណ!
_______________________________________
ប្រភព៖ The HR Daily តាមរយៈ(Google)
_______________________________________
🙏Thank you so much watching and supporting my UA-cam channel! Please Subscribe and hit the bell to see new in my UA-cam channel! Have a good day!

[@CoiCoi168]

បងមានផុសក្នុងគ្រុប TELEGRAM អត់?

[@ThiChanthorn_1988]

បាទអត់ទេប្អូន