Պարույր Սևակ «ՄՈՐ ՁԵՌՔԵՐԸ» Կարդում է Պարույր Սևակ Paruyr Sevak «Mor Dzerqery»

ՄՈՐ ՁԵՌՔԵՐԸ
Այս ձեռքերը՝ մո՜ր ձեռքերը,
Հինավուրց ու նո՜ր ձեռքերը...
Ինչե՜ր ասես, որ չեն արել այս ձեռքերը...
Պսակվելիս ո՜նց են պարել այս ձեռքերը՝
Ի՜նչ նազանքով,
Երազանքո՜վ:
Ինչե՜ր ասես, որ չեն արել այս ձեռքերը...
Լույսը մինչև լույս չեն մարել այս ձեռքերը,
Առաջնեկն է երբ որ ծնվել,
Նրա արդար կաթով սնվել:
Ինչե՜ր ասես, որ չեն արել այս ձեռքերը...
Զրկանք կրել, հոգս են տարել այս ձեռքերը
Ծով լռությա՜մբ,
Համբերությա՜մբ:
Ինչե՜ր ասես, որ չեն արել այս ձեռքերը...
Երկինք պարզված սյուն են դառել այս ձեռքերը,
Որ չփլվի իր տան սյունը՝
Որդին կռվից դառնա տունը:
Ինչե՜ր ասես, որ չեն արել այս ձեռքերը՝
Մինչև տատի ձեռք են դառել այս ձեռքերը,
Այս ձեռքերը՝ ուժը հատած,
Բայց թոռան հետ նոր ուժ գտած...
Քար են շրջել, սար են շարժել այս ձեռքերը...
Ինչե՜ր, ինչե՜ր, ինչե՜ր չարժեն այս ձեռքերը՝
Նո՜ւրբ ձեռքերը,
Սո՜ւրբ ձեռքերը:
...Եկեք այսօր մենք համբուրենք որդիաբար
Մեզ աշխարհում ծնած-սնած,
Մեզ աշխարհում շահած-պահած,
Մեզնից երբեք չկշտացած,
Փոշի սրբող - լվացք անող,
Անվերջ դատող - անվերջ բանող
Ա՛յս ձեռքերը,
Թող որ ճաքած ու կոշտացած,
Բայց մեզ համար մետաքսի պես
Խա՜ս ձեռքերը...

[@smbatdanielyan7991]

Bolor jamanakneri lavaguyn banastexce, ankrkneli PARUYR SEVAKE.❤❤❤❤❤ Banastexc vori stexcagorcutyunnere aranc huzvelu ches karox kardal.🌹🌹🌹🌹🌹🌷🌷🌷🌷

[@GayaneSimonyan-lz1iy]

Vax Պայուր Սևակ❤

[@EmiliChiloyan]

Թող որ բոլոր որդիները գնահատեն մոր ձեռքերը

[@XachaturGevorgyan-m2k]

Ճիշտ ես

[@sweetgirl7002]

😢😢😢❤🎉

[@susannakazaryan2417]

Մեր մեծն Սեւակն, տեսնես մեր ժողովուրդը նորից կունենա այսպիսի հանճար?

[@user-is9pj1ig5k]

❤

[@Сурен-л9з]

Երբ օգնել են կանգնել, մոր ձեռքերը:

[@user-tq2hx1vc2o]

На фоне мелодия из КТОР М@ ЕРКИНК (((( А МЕЛОДИЯ ДО МУРАШЕК (((ЕСЛИ КТО СМОТРЕЛ ДАННЫЙ ШЕДЕВР ,МЕНЯ ПОЙМУТ СРАЗУ.

[@DavitAsryan-h3e]

Մորից բացի աշխարհի վրա թանգ մարդ չկա

[@taguhivural115]

👏💖🇦🇲🙏

[@UToT_Taya_87]

🇦🇲👍

[@MariannaBarsegyan-e9n]

❤😢😊🎉