شيلة اليا زعلنا نقلب الدنيا دمار - واليا رضينا صارت الدنيا مطر | اداء جفران بن هضبان 2021

‎لايك للفيديو + إشترك معنا
subscribe + Like
‎فعل الجرس 🛎
‎ليصلك كل جديد✔️
الهاجس اللي يشتعل نار وعمار
والراس يقدح بالحميا والسطر
سحبت مسباحي وفكيت الزرار
اسايس افكاري على نار الجمر
سريت لين الليل بان من النهار
من العشاء لين اذان آذان الفجر
والله يابن هندي م نطري الاعتذار
بعض المواقف مايجوز ابها العذر
ابشر لك بشعرٍ مثل قدح الشرار
وان غبت عن ميعادها ماني بدر
يامرحبا باللي لفوا من كل دار
يامرحبا والله يحيي من حضر
واهلاً هلا ترحيبةٍ فيها وقار
ترحيبةً تنصى رفيعين القدر
في محفل اللي من طويلين العمار
سلطان ابن هندي راع الوجه الاغر
الابلج اللي حاكر الطيب احتكار
بالفعل الابيض والجناب المشمخر
نجمٍ تعلا من مدار اليا مدار
والصيت كلن يعرفه بدو وحضر
امتيه الوضح الغوالي فالديار
من وين ماطاح الحيا شد السفر
راسٍ من الطنخة ماغير يشب نار
مقر ساس الجود مابيته ممر
فالمجلس اللي مثل قصر المستشار
مدهل ضيوفٍ تدهله صبح وعصر
ايقلط ضيوفه على راس الفقار
وإيطلع المحتاج من طور الفقر
ماعاد خلا مع هل الناقة حوار
سلطة على القعدان لو غلي السعر
نطل الذبايح في صحونه باختصار
مثل الاضاحي في منى يوم النحر
ياليت ديوان الملك يصدر قرار
ويعينه قاضي لحاجات البشر
والله يبارك للعديم من الحرار
متعب عسى الله يسعده طول العمر
من الحفارى اللي لهم زود اعتبار
روس الدهاة اهل المهابة والظفر
خوالي ونعمين لا جاء الافتخار
الخال يفخر والبناخي يفتخر
اي والله افخر والردي يقعد يسار
من لا افتخر في عزوته قاصر شبر
حنا هل الطالة ليا قر القرار
الاد مشيب مجدنا ماينحصر
حنا حمول الخيل مسرجة المهار
لادارت الهيجاء يجي فينا دجر
حنا بني مشيب لامن الملح ثار
انجري الهايب على دوس الخطر
بالسيف والا بالبلاجيك القصار
اللي مضاربها الجماجم والنحر
انقول بالفرسان لا ثار الغبار
وانبرك الشيخان فالصمد الحمر
واليا اعتزت عذرى وطشت بالخمار
انخلي الدنيا جحيمٍ يستعر
من عزوة عتيبة هل الاسما الكبار
عتيبة الهيلا بعيدين النظر
نقلط على الطالات والاولى جهار
على النقا ماعندنا بوق وغدر
مانلتفت يم التوافه والصغار
نفرك خشوم اللي من الكبر تهدر
اليا زعلنا نقلب الدنيا دمار
واليا رضينا صارت الدنيا مطر
لطامة العايل ليا زاد العيار
ذباحة الحايل ليا شان الدهر