اسباب الغضب النرجسي وازاي تتعاملي معاه ؟ .... كوثر سند
Вставка
- Опубліковано 5 кві 2021
- الغضب النرجسي
عشان تعرفي تتعاملي مع الغضب النرجسي لازم تعرفي ايه اللي بيدور في عقل النرجسي ساعة الغضب دة ، النرجسي بيكون في حالة الغضب دة لسبب من اتنين : اما بيستعبط وعامل مسرحية عشان يخوفك ، او انه غضبان جدا بسبب احساسه انك اهنتيه او اقتناعه انك انتي غلطانة باي شكل ، وعادة مش بتكوني غلطانة لكن هو عقله المريض بيلوي له الكلام وبيفسر له التصرفات بشكل غلط ، وممكن تكوني انتي احبطتيه بانك قلتي لا على حاجة غلط عايزك تعمليها او اعترضتي على تصرف غلط او نصحتيه باي حاجة في طريقة تعامله مع الاولاد ودة هو بيعتبره انتقاد وانتي عارفة هو عدوه الانتقاد ، اثناء الغضب الحقيقي اللي مش مسرحية بيكون النرجسي في حالة عصبية خطيرة جدا ومبيكونش سامع ولا شايف اي حاجة غير نار غضبه يعني انتي مهما قلتي ومهما حاولتي تدافعي عن نفسك هو مش سامعك ومش عايز يسمعك اصلا لانه شايف انك انتي اللي وصلتيه للحالة دي وفي قرارة نفسه بيكون كاره نفسه عشان هو مضطر يفضل معاكي عشان احتياجه لكي طبعا عشان الوقود (المشكلة مش فيكي طبعا الكلام دة لو انتي او اي حد في العالم مرتبط بيه ) كمان انتي لو حبيتي تتكلمي عشان تثبتي له انك صح وهو اللي غلط او هو فاهم غلط فدة بيكون كأنك بتحطي البنزين على النار يعني بتزودي غضبه اضعاف مضاعفة ليه لانك بتقولي ان نصف الاله دة بيغلط انتي اكيد اتجننتي وجاية كمان تقولي الكلام دة ساعة ماهو غضبان يعني انتي بتجننيه بزيادة جدا جدا ، هو اصلا شايف انك غلط ومش مفروض تكوني صح وهو غلط لان انتي مفروض تكوني اقل منه وهو الاعلى منك يبقى ازاي تبقي صح وهو غلط هو مخه مش بيشتغل بالطريقة دي عقله مش بيفهم غير انه هو الاعلى اللي مش بيغلط وانتي الاقل اللي كلك عيوب واخطاء ، فانتي كل ماحتحاولي تناقشيه او تثبتي له انه غلطان وانك معملتيش حاجة او ايا كان سياق الحديث كل ما انتي بتؤججي غضبه وتزوديه ،وممكن توصليه انه يكون خطر عليكي او على عفشك او اثاث بيتك لو هو من النوع العنيف جسديا ، يعني باختصار النرجسي في حالة الغضب النرجسي محدش حيعرف يفهمه انه غلط او محدش حيعرف يهديه
طيب المفروض تعملي ايه ؟ اذا كان الغضب النرجسي رايح في سكة العنف الجسدي ، يعني بيضرب ويكسر فمفروض تأمني الاطفال ويستحسن تخرجيهم برة الشقة وديهم عند جيرانك وتطلبي النجدة فورا ، اوعي تسيبيه يضربك وخصوصا لو اول مرة لانك لو عديتيها حتبقى عادة لازم تبلغي عنه ومتقوليش جوزي وابو اولادي وبتحبيه والكلام الفاضي دة لا الزوج يعني امان يعني يحميكي من الاذى يعني ياخدك في حضنه يطبطب عليكي لما تكوني خايفة مش هو اللي يخوفك ، الزوج يعني مودة ورحمة وتواضع وحنية مش كبر وكره واذى ، فوقي لنفسك اللي يمد ايده عليكي ويرعبك دة ميستاهلش يكون زوج اصلا لا لكي ولا لغيرك دة مكانه في السجن اللي بيضرب ويؤذي مكانه مش في وسط البشر مكانه في حتة تانية ، فوقي لنفسك ومتسمحيش لحد يؤذيكي عشان ربنا حيحاسبك على نفسك وعلى اولادك .
تيودور بيقول ماتحاوليش تهدي النرجسي لانه مش شايفك ولا سامعك وان الحاجة الوحيدة اللي ممكن تهديه هي انك تختفي من ادامه طبعا دة اللي بيضرب برضه .
اما لو كان الغضب عبارة عن زعيق واهانات فبرضه احسن حل انك تخرجي من المكان او تمشي من ادامه وطبعا بعض الناس حتقول حيزيد غضبه وييجي وراكي ويقولك انتي ازاي تسيبيني وتمشي وانا بتكلم وطبعا هو عايزك تسمعي كل الاهانات اللي بيوجها لك فانتي مفروض تردي بمنتهى الهدوء لما تكون بتتكلم حسمعك لكن انت مش بتتكلم ولازم يكون عندك ثبات انفعالي وتكوني واثقة من نفسك يعني لازم تكوني تعافيتي من تعلقك بيه ومن صدمتك فيه ورجعتي لطبيعتك تاني ، اما لو انتي لسة لم تتعافي (اسمعي سلسلة التشافي ) او لسة بتخافي او لسة متعلقة بيه او حتى خايفة يمد ايده يبقى في الحالة دي انتي مضطرة تفضلي في المكان لكن مترديش ولا حرف عليه وخليكي هادية ومتخليش اتهاماته تثير اعصابك انتي عارفة من جواكي انه كداب وانه عارف انها اتهامات باطلة وعارف انه بيقول اي كلام ولما بيهدى وييجي يصالحك يستعبط طبعا ويقول لك انا كنت متعصب ومبعرفش انا بقول ايه ، ايوة هو متعصب بس عارف بيقول ايه وبعضهم حتى اللي بيضرب بيكون واعي جدا للي بيعمله وبعضهم يضرب في اماكن لو علمت عمرك ماتقدري توريها لحد عشان تثبتي عليه انه ضربك ولا تقدري تعملي بيها تقرير في مستشفى وبيكون بيضرب بحيث يوجع وميكسرش وهم بيقولوا كدة لزوجاتهم لما يهدوا بيقولوا انهم عارفين كويس هم بيضربوا فين وازاي واظن ان دة بيكون في حالة الغضب المصطنع اللي معمول للتخويف وللوقود النرجسي ، تيودور بيقول لك ابدا ماتدخليش معاه في الاهانات وتردي الكلمة بكلمة لان دة بيزود غضبه من ناحية وطبعا بيديه وقود من ناحية تانية يعني بيستغلك اسوأ استغلال فلازم تحكمي اعصابك وتمسكي لسانك وبعد مايهدي وييجي يصالج حتعرفي تردي عن نفسك بكلمات لاذعة لكن بدون غلط منك وهو حيسمع لك ساعتها لانه عايز يحصل على لذة الصلح فحيضطر يسمع لك . المهم انك اثناء الغضب توقفي اي كلام لان الغضب احيان كتيرة بيكون الغرض منه الاستفزاز زي وماقلنا في الحلقة اللي فاتت لو لقاكي ماستجبتيش للاستفزاز حيوقفه ويوفر طاقته ويدور على تكتيك تاني . ولما يخلص الغضب متحاوليش تروحي تصالحيه لان مش انتي اللي غلطانة ومتحسيش بالذنب لان انتي فعلا مش مذنبة ومعندكيش مشكلة والمشكلة فيه هو.
اكونت الفيس بوك
profile.php?...
جروب ادرس عدوك النرجسي
/ kawthersanad11 - Фільми й анімація
النرجسي اثناء الغضب يسترسل في الكلام والصراخ ولا يتوقف لفترة طويلة وبعد ان يهدأ لا يعتذر ويتكلم وكأن شيئاً لم يحصل
صح كلامك لم يعتذر حتة لو قطعتي عنة الوقود
مخلوق غريب هههههه
سبحان الله قلبنا مليان وهو كأن لم يحدث شيئ ويطلب العلافة عادي ليس له قلب حقا
صحيح كلامك ويجي يقول لي انت مالك زعلانة ههههه
مصاص للطاقه
ولا فيه امان ولا سند ولا مودة انما استغلال واستعباد واستغفال
انا كنت بقول هذه يدي ف يدك لن انام حتى ترضى ...زي ما امرنا الرسول صلى الله عليه وسلم واهلينا علمونا بس طلعو بيترجموها ضعف 😄😄😄😄👍💐💐💐
وانا كنت بقوله انا مش هشتكيك إلا لله لغاية مالقيته بيشوه صورتى قدام اهلى فقولتلهم على عمايله
انضربنا و مارس علينا العنف اللفظي والاقتصادي وتشويه سمعة وقلب الحقائق وسلط علينا القردود الطائرة حسبي الله ونعم الوكيل فيهم
جواكى حنان و خوف علينا رهييييب والله انك أحن علينا من أهالينا اللى مافهموش الجحيم اللى احنا عايشين فيه وظلمونا وغلطونا وحمولنا هموم فوق همومنا ولقينا نفسنا لوحدنا فى الدنيا دى ماحدش فاهمنا ولا حاسس بينا ولا احنا عارفين نشرح لحد اللى احنا فيه لانه ما يتشرحش ولا بيتصدق بعد دة كله أخيرا لقينا حضرتك فاهمانا وبتقولى كل اللى احنا مش بنقدر نقوله او نعبر عنه كلامك فعلا بيطبطب على قلوبنا جزاكى الله كل خير الدنيا والأخرة ومتعك بالصحة وطوله العمر وباركلك فى أولادك وحياتك يااااارب
الله يصبركم ويعوضكم خير
@@user-yd1yw3zn7d اللهم آمين حبيبتى ولكى بالمثل
فعلا والله كلامك بالصميم حببتي
دا حقيقي.اخيرا لقيت حد فاهم وحاسس باللي جواياوبيحوله لكلمات وكمان بيقولي الحلول..ربنا يجازيكي كل خير يا دكتوره كوثرسند ويباركلك..بحبك اوي
بحبك يا دكتوره اوي..اد ايه حضرتك فاهمه الوضع ومتميزه فاسلوبك وبتبسطي المعلومه.ربنا يجازيكي كل خيروينفعنا بعلمك
فعلا عمل الغضب وانا قاطعتة أكثر من عشرين يوم ولم اتاسف ابدا زى زمان اشكرك جدا لان الفضل لله ولكى حضرتك علمتنى احسن من امى التي ولدتنى
بس ميرجعشلكيش لما تعملي صمت عقابي انا بقا مانعني من الخروج اعمل ايه
عمره ما صالحني ولا طيب خاطرى والله وبيخاصمنى بالشهور
حبيبتى حبى نفسك لازم تثقى فى نفسك وفى ايدك تلاعبى على الحبال لأنه شخص ضعيف ومعندوش رجوله😂
Ana caman samt b chhoor
وأنا كمان بيعمل معايا نفس الشيء بشهرين ما بيكلمني 😳
والله مين سمع انازيك
انا بقيت اكبر دماغي وبقول الباب يفوت جمل وبقي احسن وقت وهو بره
ياريت تنزلي فيديو عن كيف احاسبه بعد الغضب النرجسي او الصمت العقابي بالذات لو طول الصمت شهور 😢😢😢
.. أعوذ بالله من الشيطان الرجيم...النرجسي شيطان الانس... اعزك الله كم انت رائعة في شرحك و وصفك للنرجسي...الحمد الله أنا الآن في مرحلة التعافي و الشافي...بعد 25سنة في علاقة سامة.....شكرا ..شكرا ....🌹🌹🌹💖💖💖
ربنا يوفقك ويثبتك
قد يكون تسليط النرجسي على المؤمن او المؤمنه ابتلاء لرفع الدرجات ومع ذلك لابد من اتخاذ موقف
هذا اكثر تسال عندي، واحيانا اقول لنفسي اني حتحاسب لاني ما حميتش نفسي من هذا العذاب ،و اني استسلمت من غير اي مقاومة و النتيجة ان بعد العمر دا ميش عارفة اعمل ايه .
البلاء هو ان تصبر على انسان تقي وليس تصبر على اذى شيطان، اذا كان زوجك لا يصلي ولا يصوم ويشرب خمر وانتي صابره معه فانتي شريكة معه في الاثم.
هو بيكون كله غل و حسد لناس معينه و بيقعد يمثل قدامهم انه بيحبهم و بعد كده بيطلع غله و امراضه النفسية علي بنات الناس
اللهم انتقم من اهله قبله لانهم يعلمون جيدا انه غير صالح لزواج او ابوه
شيطان الانس القوي جدااااا والمخيف جدااا النرجسى القاسي
ايوه بيكون عارف يوجع ازاي زي تقطيع الشعر والجرجره منه بس في مره ضربني بالقلم علي وشي واتفاجئ أنه في الوان الطيف تحت عيني مع أنه مجاش حنب عيني وكان بيتعمد يقطع شعري اللي كان بيمدحه وفي الخطوبه كان يقولي عايزه دايما كده زي الخطوبه ناعم ومفرود وعمره ما عطاني اعالج شعري يارب جبلي حقي منه وعوضني بأنسان يحبني ويحترمني
تستاهلي توصلي للقمه بفضل الله انتي من احباب الله لانك بتسعدي لضحيا كانوا للموت
الي يعجبني في قناتك رغم انه ممكن فيه قنوات سبقتك في الحديث عن النرجسي انك تختصري بدون مقدمات وماتكررين الكلام والاجمل انك كاتبه محتوى الفيديو تحته الي مو حابه تسمع وتمل من الاطاله تقرأ المكتوب والي مشغوله بعمل وحابه تسمع تسمع استمرررررري
كان فين ده وكنت عميا وانضربت بالخرطوم والمكنسه ادام ولادي كان فين ده كنت حوشت ع الاقل انا بحمد ربنا اني ربيت ولادي لحد مكبرو والحمد لله اني لسه محتفظه بشكلي واهتمامي بنغسي لله امري وانتظر لحظه مشوف نهايته
طب اقولك ايه ولا اشكرك ازاي
ياريت في ايدي حاجة غير الدعاء ليكي
احييتي عقلنا والأمل
جزاك الله خيرا
انتي الملاك اللي ربنا بعته لينا يطبطب علينا من اللي بنشوفه
شكرا لمجهود حضرتك وكتر خيرك علي اخلاصك وانفعالك😘😘😘
صرت اخاف على نفسي اخاف من الجلطه والله العظيم تعديت عمر ال ٤٠ وانا تحت هذا الغضب وتزوجت نرجسي انفصلت ورجعت عند امي النرجسيه ادعولي بالله عليكم
كفيتى ووفيتى والله عانيت مثل هذا والله انت حنينة كثيرا كانك معانا الف شكر على كل نصايح ولا الاروع امتثلت بها جزاك الله كل خير متابعتك من الجزائر:,,🇩🇿
بارك الله فيكي وجزاك الله الف خير على هذه الفيديوهات الرائعة
مش بيصالح.... عمره ما صالحني... صمت عقاااابي مستمر.
حسبنا الله و نعم الوكيييل
طب دنتي ارتحتي
انتي محظوظه
من اجمل و اقوى الفديوات عن النرجسي جزاك الله كل خير
الله يعطيك الصحه وطولة العمر علي طاعته ورضاه ويكتب الاجر. ❤️❤️❤️❤️🤲🤲🤲👍👍
يارتني عرفتك من زمان ،، بس الحمدالله ألي يطمني إن النتايج إلي توصلتلها صحيحة وقراري في الهروب صح 🌸
بحبك و بحس انك أمى الى بطبطب عليا و بتقوينى فى نفس الوقت ❣
الله يجزيك الخير يارررب ...💚🌷
كل إنسان له حدود يجب احترامها حتى لو طفل النرجسي لايحترمها وقد يكون مثل ماذكرت الدكتوره الفاضله عنيف او يرتكب الكبائر او حشاش تنتهي العلاقه نهائيا لا عوده إلى العلاقه ابدا
من اجمل الفيديوهات إللى سمعتهالك و.يا ريت عرفت كل ده من زمان لأنى كل ده عيشاه و يا الف حسرة على العمر إللى راح هباء
الله يجزاك خير ويجعلها بميزان حسناتك ع كثر ماشفت مقاطع فيديو عن النرجسي ماحد قال نفس كلامك من ناحية التفصيل بكيفية التعامل معه .. كر استفدت من علمك واعطيتيني طاقه قويه بالتغيير للافضل حتى صار وجهك كذا 😄😄😄 من كثر مااني سعيده باللي سمعته لان فعلا كنت محتاره جدا جدا بكيفية التعامل معه .. الله يسعد قلبك ويجبر بخاطرك ويعطيك حتى يرضيك 💜💜💜💜💜💜💜
حببتي شكرا ليكي على مجهودك
بارك الله فيكي 🌹🌹🌹🌹
لا خليه يضرب . هنا الكف .. الكف بس ب ٥٠ الف ريال وسجن ٣ شهور . يتأدب مع السجن
لو عندنا هذا القانون كنا صرنا مليونيرات
@@hatemazap4683
كل النقود لاتعوض الإنسان عن آدميته المهدره وكرامته
التي يمسها مخلوق قذر مجرد من الإنسانيه وضع هذا المبلغ لتأديب الجاني وعقابه وليس لكي تفرح المعتدى عليها بنقود تذهب كما جاءت
ده في بلد عربي????
@@fadwajapan79 في السعوديه . قوانيين صارمه . بلاغ على المعتدى عليه ويتم جره الى المخفر ومقاضاته . ومن طرق الباب يسمع الجواب
صدقت اخي النقود لاتعوض جرح الكرامه والإنسانيه . انما وضعت لتأديب المعتوهين والمرضى حتى يفكر الف مره قبل ان يمد يده .
كل سنه وانت طيبه و بالف خير وصحه يا اطيب قلب ربنا يبارك فى حضرتك ويحفظك ويوفقك ويسعد أيامك كلها اللهم آمين يارب العالمين
احبك في الله سيدتي الفاضلة. ضحية نرجسي من المغرب
كلامك بكيني ربي يجزيك خير الدنيا والاخره
شكرا،جزاك الله خيرا
ربنا يباركلك كل اللي بتقوليه مظبوط ميه فالميه
كلامك صح جدا وحقبفي وياريت كنت سمعتة من زمان ربنا يجازيكي خير ويعنا علي مصيبتنا ومنة لله وانا لله وانااليه راجعون ولا حول ولأ قوة الا بالاه وربنا يصبرنا ويحسن خاتمتنا
جزاك الله كل خير
راااااائعة ربنا يبارك في حضرتك
جزاك الله خير
صوت زوجي عالى جدا لدرجة ان الجيران تتضايق منه ويقولون انه مش طبيعي ايه الحل
ربنا يبارك لنا فيكى
انا فتحت هذا الفيديو عشان أقدر أخليه ييغضب و ما يقدرش يتحكم في أعصابه أفنيت سنين معه بالعلاقة و كان يقصد يخليني ازعل و كمان كان يخليني انا اتأسف علي غضبي بس حان الوقت ليرد دينه.... رخ اتركه بس بدي اتلاعب به بمدة سنة كاملة و بعدين و اطلع و احط تفاصيل كل اللي عملتة به بهذه السنة عشان يعيش مع هذا الكره تجاههي طول حياته......
شاطره
مستنين النتائج 🤣🤣
@@sajedaibrahem3867 العملية مستمرة ههههه
@@fatuma5607 كان الله في عونك ههههههه
@@sajedaibrahem3867 تسلمي
حسبنا الله ونعم الوكيل فيهم ويحفظك يا احلى دكتوره على مساعدتك لينا والله احنا كل يوم با امس الحاجه لكلماتك الثمينه
الله يباركلك مشيت على كل خطواتك واتعافيت وحياتى مشيت صح الحمد لله لما تابعتك اكتشفت ان. ٣٠ سنة كنت كنت بتصرف خطا وده الى دمرنى ٣٠ سنة انقذتينى انى اعيش اليومين الى فاضلينى مدمرة نفسيا
جزاك الله خيرا
ربنا يبارك فيك يا رب
كلامك شفاء مثل العسل
شكرا على كل شيئ.
جزاك الله الف خير لانك تنورينا وتفهمينا كيفية التعامل مع الشخصية المريضة
حسبنا الله ونعم الوكيل في كل ظالم لايخاف عقاب الله
سر جمالك وتميزك يااستاذة كوتر هو طيبة قلبك وحنيتك وتفاعلك معانا واحساسك بينا فعلا ده حتي اهالينا لما بنحكي لهم بيغلطونا ويقول لنا اختياركم واتحملوا مسئوليتكم ربنا يزيدك من علمه ومن فضله ويحبب الناس فيكي اكتر واكتر وقناتك توصل المليون مشاهد
يا اه يا ربي لك الحمد الله يالطيف يارب تبعدنا عنهم جزاك خيرا استاذة كوثر ربي يسعدك ياليت تعملي حقلة للخلاص منه
بارك الله فيك
والله كل لى قولتيه صحيح
نورت يا غاليه
ربنا يكرمك ياماما كوثر
بالعكس انفعالك وضح الصورة اكثر لان احاسيسك وصلتنا ووصلت الرسالة
فعلا عند حضرتك حق حاول وماسمحتش ليه وماقدرش يعملها معايا تاني بس كان بيقطع هدوم ليا ويكسرلي حجات دهب وكنت بسمع من بره انه بيضرب اللي تحت ايده في الشغل واخدت قرار الانفصال لما بدا يتجه في موضوع الضرب للاولاد والحمد لله ربنا خلصني منه كنت عايزه اطلب من حضرتك حلقات للاطفال للتشافي علشان ينسو اللي شافوه
محتاجة أتواصل مع حضرتك يادكتور انا زوجة لشخص نرجسى وتعبانة جدا وولادى كمان إدمروا نفسيا بسببه محتاجة أتكلم مع حضرتك وشكرا
هل هي قناة ضد النرجسي ام ضد الرجل..
انت نسوية متأسلمة تساهمين في تشتيت الأسر.
برافو واصلي في التحريض.. و في التفريق
انا عملي صمت عقابي وبعدها غضب دخلت الغرفة وغلقت الباب اجى يدق باب الغرفة لحد ما فتحت دخل اخذ أوراقه وطردني من البيت لميت شنطتي وخرجت لكن اتصلت على جارتي هي وزوجها اجو اخذوني لان الوقت كان بالليل وفضحت أفعاله أمامهم صار يكذب وينفي ويرمي كل شي عليه واني انا السبب وانا مقصرة وكله كذب وافتراء وظلم ثم طلقني بالتلفون كلمات فقط بالتلفون وبدون حقوق والآن لا أعرف ماذا أفعل وكيف اتصرف
شكرا شكرا لييييييكي.
الله يبارك فيكي
حسبنا الله ونعم الوكيل لاحول ولا قوة الا بالله العلي العظيم
فعلا أحسنتي كل ده بيحصل معايا 😭😭😭😭😭👍👍👍👍👍
وبيصدق خياله المريض وبيمثل قدام اولاده اني انا الل باحرق ف دمه وان قلبه تعبان وبيخلي اولاده يتعاطفوا معه وبيستخدم الحيله دي علشان مافيش حد يغلطه مع انه باين غضبه عل اتفه الاسباب قدامهم وفعلا بيضرب بطريقه لا تعلم فعلا بيضرب ولدرجه عضني جامد ف جنبي تخيلي وبسببه ضغطؤ دايما عالي ووصلت للغسيل الكلي ومع ذلك لايراعي صحتي ابدا ربنا ياخده ولا يراعي عشره السنين ولا كلام الناس ولا حساب ومنظر اولاده قدام الناس ولو الناس سالت وقلت الاسباب التافهه مش بيصدقوا كدا لانه قدامهم انسان مثالي وكمان ممكن يغضب بسبب انه لم ياكل قطعه لحمه مثلا تخيلوا يعني لو اكلت ابنه وهو اخد قطعه صغيره حد يتخيل كدا
متخيله....وبعمل هيك
فعلا طرد ولده عشان اكل
انا بشكرك يا دكتورة على الطرح الموضوع بالذات لان انا تعبانة منو وحياة اخلص منو وإطلاق بس مقدرش وانا حاسة اني ضعيفة كرهت نفسي وكرهت ومش عارفة اعمل ايه
كنت بعامل ربنا فيه
لاكن الحمد لله أنا اتشفيت منه
جزاك الله خيرا عظيم..ماهو الكلام اللاذع الي اقوله له بعد الغضب
مرسي💝💐
دكتورة للاسف الدكاترة العرب محد تطرق للطفل الذهبي وعلاقته باحد والديه النرجسيين انا طفلة ذهبية لاب نرجسي وكانت امي موجودة كنت اشوفه الملاك لكن بعد وفاة والدتي قهرا وكمدا منه واجهت الحقيقة المرة انتي ابنة لاب نرجسي رغم اني لازلت احبه مااحكي لك الشعور المتناقض اللي احسه اتمنى تسوين فيديو للطفل الذهبي وطبعا احنا نعرف كل عايلة في مثلث نرجسي وطفل ذهبي وكبش الفداء وطريقة معالجتهم لاني مو فاهمة مشاعري وصدمتي ولا قادره ابقى معاه بسبب انقلابه علي ولا قادره اتركه لانه محتاجني مع اخواني 💔
حسبنا الله ونعم الوكيل
جزاكي الله عنا كل خير فهمتينا ازاي نتعامل مع الشخصيات الزباله دي
حسبي الله ونعم الوكيل بكل انسان اذاني في حياتي قهرني ونزل دمعتي يا عساه في صحته وعافيته يا عساها تنزل متقطعه تقطيع يارب يارب يارب يا عسى حوبتي ما تعداك يا اللي في بالي
فعلا والله نفس الشعور اللي جوايا
ارجوك حابين موضوع عن تعاسة النرجسي
هو دائما تاعس ودائما انت السبب
كيف انتقم منه ضرب واهان وهددني يقتل كيف اقهر الشيطان
صح جدا
جزاكي الله الف خير استاذة هل الغضب النرجسي يحدث لا إرادي ام يشعر بنفسه
انا لما بسكت أثناء الغضب بيفتكر أن ده ضعف مني علي عكس ما برود عليه بسبات وحكمه ومن غير خوف بيسكت وبيخاف
جزاكى الله عنا خيرا بجد ربنا بعتك لينا نجده هوا مبيضربش بس بيعمل فيا حاجات اصعب أنه بيحاول يكره ولادى فيا بيخلى ابنى الكبير يستفزنى ولما اخاصمه علشان يتعدل معايا يقله سيبك منها
طب انا جوزى ناصح جداااا وذكى اوى لدرجة مش بيضرب ولا يغلط وفعلا حاول اول الجواز يضربني ووقفته عند حده بس يعصبني لدرجة انى انا اللى ممكن أقول كلام يتحسب علىّ غلط
بالظبط نفس الوضع لدرجة اهلى دايما كانو شايفىنى ظالمه
@@user-pd8mi6gn4x ايوة ظالمة وعاوزة اشوه صورته وخلاص لدرجة اخويا خاصمني ٣شهور عشانه
صحيح لحد ما كل الي حولين الاخت دي واولادها يقولوا ان الام هي الي صوتها عالي وبتغلط
thank you
السلام عليكم ورحمه الله وبركاته من فضلك ممكن تنزلينا حلقات التشافى بالترتيب لانى ماعرفت أجلها كلها وجزاكم الله خيرا الجزاء وبارك الله فيكم
التشافي يكون بانك ما يهمك رضاه ولا سعادته ولا مصلحته ولا صحته وتفرحين الى سافر وتاخر ولا تغارين ابدا ولا تشتاقين مع نفور منه ولا تزعلين من الاول الى سوا لك صمت عقابي بالعكس تفرحين بالصمت 😁
ua-cam.com/play/PLE5VH6LZXw62Wsib2DwVA6dIOmTnL5cHL.html دي السلسلة مرتبة ومرقمة
كلامك صح مءة في المءة
لسه خايفه
المواجهه صعبه جدا
غير الشتيمه القذره والالفاظ القبيحه بتشويه السمعه وقد مرضت صحيا ونفسيا وصحتي ضعفت جداا
روعه
ربنا يزيدك علم يا دكتوره كان حضرتك عايشه معانا فعلا حتى فى الضرب بيكون مكان خفى بس من ساعه مره مسكت له درج خوفته به مقررهاش بس مسكها ليه يقول انتى كنتى هتضربينى فعلا هما جبناء
ياريت تعملي فديو عن مشاعر النرجسي وهل في انواع تحمل مشاعر وفي انواع لا
النرجسي لا يحمل مشاعر ماعدا الغضب والكراهية والحسد، هو لا يشعر بالسعادة والرضا كبقية البشر العادية. همه الوحيد وطول حياته الإساءة الإساءة الى ان يلقى الله.
لا حول ولا قوة الا بالله
الاخطر من الزوج الاخت النرجسيه اللى بتبعدك عن والدتك ياريت تعمليلنا فيديو نتعامل معاهم ازاى
شكرا جزيلا لك على الرد هل ممكن أن أتصل بك مباشرة إذا سمحتى وجزاك الله خيرا الجزاء وبارك الله فيك
صحيح انا كل مرة اهرب من المكان يقول انت بلا احترام كيف بتعطي ضهرك وبتروحي وانا بتكلم
انا من صغري من تلاتين سنة اكتشفت الصفات النرجسية دي في ابويا الله يهديه، كنت عارفة انه تصرفاته مش طبيعية و جواه في شي مش عادي بيحاول يخفيه، كبرت و وعيت و اكتشفت قبل خمسة سنين من المواقع و الفيدوهات الأجنبية انه جوزي فيه نفس صفات ابويا دي و عرفت و فهمت ايه يعني نرجسي خفي. الحمدلله الوطن العربي بدأو يفوقو و يوعوا لاجيال كاملة من نوعية الشخصيات المريضة دي، ربنا يزيدنا علم و نور و يفتح عينينا على تربية اولادنا تربية سلمية عشان يكونوا اسوياء اقوياء معتدلين نفسيا.
يا ريتني اسمعتك من زمان
فعلا انا بعد الجواز ب ٣ شهور مد ايدة عليا ومن غير سبب يادي لذلك وجم اخلي ياخدوني انا رفضت علشان الموضوع ميكبرش وكانت النتيجة اهانة لدرجة ضرب ادي اني عملت عملية في المخ والحمد لله ربنا عافيني وعاملت محضر وحفاظا علي اولادي وبيتي مفعلتش المحضر لكت انا من حوالي ٣ شهور فقط اكتشفت انة نرجسي لاني كنت مشغولة في تربية اولادي وتعلمهم وجوازهم وسفرهم ومشاغل الحياة بس انا حمد ربنا انة ابتلاني فية مش في اولادي وادعوا لي ربنا يعطيني الصبر منط يارب علي ما بلاني
فعلا كلامك كلو صح وتقريبا كدا انا غلطه غلطه عمرى انى وجهه وقولتله انك مريض
بس معرفش انه نرجسى🤣🤣🤣وراح اتجوز وحده تانيه وقاعد يعمل لاف بومب معاها بس واللهى انا أتعلمت منك طريقه التعامل معه واللهى لسوى على نار هاديه لحد ما ارجع اموالى منه 🤣