Yaad | New Song | Bolan | Singer Mir Ahmed Baloch | Lyricist Bashir Zeb Baloch

یاد ئس ای استا وخت انا شاوہ
بر نی خڑکا نے قصہ ئس پاوہ
قصہ زیبائی ناز و ہٹکل نا
قصہ ءِ مہر عشق حسن و ہکل نا
قصہ صد رنگی نازبو سینا
قصہ تنیا و پاک و روح سینا
قصہ دھرتی نا مار و زیبا نا
قصہ باغی آ ہر ئسے ساہ نا
قصہ ٹی دا تو سمو بولانے
داٹی تو بولان سملے پانے
اینو آن چندی سال مالو نا
قصہ ء دا تو مست و سمو نا
مون کرے دے ئس مست بولان کن
زیبلا تینا سمو جانان کن
نیمہ ئس نن نا جھمری اسک
منزل آ تینا مست سر مسک
پند ئنا کش آن دم دروک ئس توس
شم تے بولان نا مست گنوک ئس توس
اسکہ اندا ساعت گروک تما
تس گروشک ئس مس رژن ہر کنڈا
سملی بالاد آ نظر تما
است توکل نا خن جغر تما
دن خنا مونی سملے تینا
زیبلا بولان زیبُلے تینا
برز بالاد و خنک اناری آ
دنکہ گڈ آکو گٹ تلاری آ
دنکہ زیبا و آھو ئس دشتٹ
پیہنو دنکہ گوگو ئس دشتٹ
دنکہ تولوکو قلعہ ٹی پھل ئس
روح ئنا دنکہ شیشہ ٹی پھل ئس
دنکہ زیبا غا خلق ئنا طوبے
دنکہ چکل تا زی ئنا طوبے
ایکہ ھیروف ئس زور و چھکنگ ئس
گیسو تے سمل نا سریفنگ اس
وخت ئنا شنزہ ٹی چُڑوکا جان
بش کریکہ خاخر ہشوکا جان
نود گہاری آ چہرہ ساہ کش آ
بزگری ابروک دیدہ ساہ کش آ
سارو نا برفی آ کلک آک تا
یخوئی آ اے دوک نازرک آ
است پر مہر آ اُچ کمانی آ
جوڑک زرغونی ارغوانی آ
مستی سمل نا جلوہ ناز آتیٹ
یعنی بولان نا سر و ساز آتیٹ
تیز مس شنزہ دید اواری نا
حسن ئنا عشقی آ کچاری نا
منظرے وختس دا خنا توکل
گنگ ہبکہ سن مس صفا توکل
زلزلک پنار استٹی اونا
لرزہ ئس تما جان ہٹی اونا
بیخودی اٹ او گام کرے مستی
جان ء بے سیک آ او درے مستی
خمب کرے مہرٹ سرمئی مش تئے
نرم ساہ آن زیب پمبئی مش تئے
دے امو ئس اینو نا دے ئسکان
ہوش انا تینا توکلی مست آن
چاک آ زنچخ تو سد و سار آن اینگ
عقل ئنا کوچہ خلق و شار آن اینگ
مست بیخود گوئی کریساٹے
جل تیٹی بولان نا وہساٹے
بس اسٹ آ ورد زیبلا بولان
زیبلا بولان سملی جانان
سملی جان نیکے ای قربان
نیکے ای قربان زیبلا بولان
(بشیر زیب)
یاد
توار : استاد میر احمد بلوچ
شاعری : بشیر زیب
Yaad
New Song
Singer : Mir Ahmed Baloch
Lyricist : Bashir Zeb
Mir Ahmed Baloch New Songs
Mir Ahmed New Songs 2024
Mir Ahmed Baloch New Songs 2024
Ustad Meer Ahmad Baloch 2024 Songs
Tawaar Balochistan
Mir Ahmed Baloch
Meer Ahmad Baloch
Mir Ahmed New Songs
استاد میر احمد بلوچ
میر احمد بلوچ
توار بلوچستان
Bolan
Qisa
Balochistan
#bolan #newsong #mirahmedbaloch #balochistan

[@13Balochistan]

Comrade rahshon bashir jn ❤

[@user-ee4ly6re7y]

❤❤❤❤❤❤❤❤❤❤

[@geobrahvio]

قربان استاد نا آواز کن❤❤

[@ayanyt3528]

Uff song qurban ❤🥀

[@baluch127]

😢❤

[@azizghalib8024]

Ustad g

[@13Balochistan]

Ustad❤

[@NasirKhan-mv8ot]

😭😭😭 ندر

[@zadiiibaloch]

❤

[@balochbaloch4398]

❤

[@wadiiesajidbalochistan9046]

❤