လောင်ထန်တလန် ရွာ၊ ချင်းပြည်နယ် မှ AG church အသင်းသူ/သား များကို ရွာ မှ မောင်းထုတ်ခြင်း။ 😭😭

လောင်ထန်တလန် ရွာ၊ ချင်းပြည်နယ် မှ AG church အသင်းသူ/သား များကို ရွာ မှ မောင်းထုတ်ခြင်း။
လက်ရှိ နှာရိန်းမြို့ မှာ ရှိတဲ့ AG အသင်းတော်
(၂) ပါးမှ ကြည့်ရှု ကျွေးမွေး နေစရာများပေးခြင်းဖြင့် ကူညီထားပါတယ်။ သူတို့ ကိုယ်တိုင် အကူအညီတောင်းတာ မဟုတ်ပေမဲ့ တစ်ခုခုနဲ့ (အစားအသောက်) ကူညီပေးနိုင်ရင် အရမ်းကို သူတို့အတွက် အထောက်အကူဖြစ်မှာပါ။ credit
Aug(19):Matupi Peng,Lawngthangtlang Khua ah AG Kohran an duhlo ruangah an khua Ihsin an dawisuak
Lawngthangtlang AG pawlpi kinawhkhiatna tangthu.
Lawngthangtlang AG pawlpi makai nihte kiangah thu neite lai piakna.12-8-2024
Tu zan panin na inn uh leh nahuan na lo uh ka man uh hi.
13-8-24 ni-in,19-8-24
nidong hun kong pia uh hi.
Ohchohziimu.
A tangthu tom:
Lawngthangtlang pen Matupi gam a om Lautu minan hi uh a,inn 74 bang pha uh hi.
A khua uhah pawlpi thum om a,RC pawlpi innkhat leh MEC(Mara Evangelical) inn 10 kiim leh a dang pen Baptist ahi uh hi.
MEC(Mara) pawlpi a din zawh kum 40 bang phata hi.Gam a buai ciangin gam makai a sem Mara leh Lautu kikal ah kilem lohna neu nono om hi.
Lautu tavuan neite lam panin MEC pawlpi pan paikhia un cihthu om loin,amau vaihawmna tawh Lautu gamsunga om MEC pawlpi omna Hriangpi khua leh Leikang khua a,a member te-uh MEC pan Baptist pawlpi ah tai uh hi.Ahi zongin Lawngthangtlang khua pen Lautu lam thu neite in,pawlpi dangah pai-un cihna thu omlo ahih manin damdam in paipai uh a,kum thum kiim bang MEC(mara) pawlpi ah om uhhi.
Tua ciangin pawlkhat lung hi mawh uh ahih manin bang pawlpi ah om nuam pen i hiam?ci-in vote la-uh a,AG pawlpi ah a lut nuam mee in a zawh khit 26-7-2024 ni-in Khua upate in Baptist pawlpi ah kigawm dingin zawn uh a,ahi zongin ut lo uh hi.A tam zaw lungkimna bangin Hnaring AG section ah pawlpi hihna a ki-apna uh tawh ki zui-in 1-3-2924 ni in,AG section sunga nasem Pastor te leh pawlpi upa tampi kihel in,MEC pawlpi pen a vekpi un AG pawlpi ah lut uh hi.
Tu laitak pawlpi thak a,lutna laidal leh letsongte pen tu-a MEC lamah a zuan kik nuam makai lui pa in,sawt veipi a ki peipei khit ciangin MEC ah lutkik dingin zawn a,kuamah ut lo uhhi.Tua panin AG hi keng ci-in paikhia hi.
A maikal nipi ni-in biakinn ah kikhawm a,pulpit tungah tu hi.A zingsang ciangin sanginn ah meeting sam in,RC pawlpi ahih kei leh Baptist lut ding cihthu vaihawm a,kuamah ut lo uhhi.
Tuni in khuasung upate heh uh a,kiko ngawp uh hih tuak hi.
Tua ni zan 12:00 in,na inn uh leh na biakna uh ka teng uh hi,ci-in upa pa tungah gen uhhi.16-4-2024 ni in biakinn pen hausapa leh Lautu makaite in tawh kalh uh ahih manin kha thum sung inn ah kikhawm uhhi.A buaina uh pen section upate in kilemna a om theih nadingin Lautu gamsung Ulian thu neite khempeuh tungah a gen uh hangin kuamah in kin ngaihsut pak lo uhhi.
Hun sawtvei khat khit ciangin kilem ding vai section nasemte tungah gen uh a, Pastor Peng Ting pen a khua ah pai in,kikhawm nuam ka hih manun hehpihna tawh biakinn tawh hong honsak un,ci-in hausapa kiangah a nget leh biakinn kong honsak nuam loin inn khat ah kikhawm uhhi.
A zingsang ciangin Saya Peng Ting pen
10:00 am ma-in khuasung pan na paikhiat kei leh CDF in hong man ding hi ci-in hausapa in lai pia a,a makaipa uh Pu De Ling kiangah zong na inn uhah kikhawm nawn kei un ci-in a gen hi.
A tawpna ah:
10-8-2024 in Section sung nasemte leh khua tuamtuam pawlpi upate in kimuhkhopna nei dingin vaihawm in pai uh a,a paite khempeuh innsungah lutsak loin nih bek lutsak uh hi.
Nong pai na-uh a hang gen un,ci-uh a,mi khatbek thugen khuan pia uhhi.Thugen pa in bangbang a gen zongin tu zan in,a vante uh ciahpih un cih bekin dawng uhhi.
14-8-2024 ni in Hnaring leh Leikang pawlpite in Motor 4 leh Cycle 20 tawh a khua ah pai in giak uhhi.Tua ni zan in zong MEC lam upate in zan kim laitakin phong uh a,MEC ah nong lut uh leh khua makaite in hong kithei siam ding hi ci-uh hi.Kuamah in thusia in dawng lo uh a,a zingsang ciangin Hnaring khua ah ciahkik uhhi.
Thu lakna:Lai Lungrawn.
Zolai tawh:CL Dalsen
#matupi #AG #AGpawlpi