SIRDARYO TUMANI ANTIKORRUPSIYA 18 05 2024

Korrupsiyadan xoli tizimga aylantirish choralari
Sirdaryo viloyati soliq tizimida korrupsiyaga yo‘l qo‘ymaslik, soliq xizmati xodimlarining kasb odobi, soliq nazorati tadbirlarini o‘tkazishda xolislik tamoyiliga rioya etilishi lozimligi borasida muntazam profilaktik tadbirlar o‘tkazilmoqda.
Uchrashuvlarda soliq xodimi jinoiy qilmishlar va boshqa huquqbuzarliklar sodir etmasligi, zimmasiga yuklatilgan vazifani halol va vijdonan bajarishi shartligi eslatilmoqda.
Huquqni muhofaza qiluvchi organ vakillari ishtirokida Sirdaryo tumanida viloyat soliq boshqarmasi Shaxsiy xavfsizlik bo‘limi xodimlari tomonidan korrupsiya va boshqa turdagi huquqbuzarliklarning oldini olishga qaratilgan targ‘ibot tadbirlari davom ettirildi.
Dastlab tuman soliq inspeksiyasida shaxsiy tarkib o'rtasida uchrashuv bo'lib o'tdi. Shundan so'ng tumandagi savdo markazlari va bozorlarga borilgan holda “Ishonch telefonlari”, antikorrupsiya murojaat botlari haqida targ‘ibot materiallari tarqatildi.