Përfundon stërvitja “Përpjekja e Përbashkët 2024” në Bizë

Ministri i Mbrojtjes Niko Peleshi, shoqëruar edhe nga Shefi i Shtabit të Përgjithshëm të Forcave të Armatosura, Gjeneralmajor Arben Kingji përshëndetën përfundimin me sukses të stërvitjes më të madhe kombëtare të Forcave të Armatosura “Përpjekja e Përbashkët 2024”.
Në prani të gjeneralëve, komandantëve, ushtarëve, nënoficerëve e oficerëve pjesëmarrës, Ministri Peleshi deklaroi se kjo stërvitje ka rëndësi të madhe për vendin tonë, pasi shërben edhe si një test real i planeve kombëtare në mbështetje të planeve rajonale të NATO-s. “Kjo stërvitje vuri në provë kapacitetet tona reaguese në rast të aktivizimit të Artikullit 5 të NATO-s, atë të mbrojtjes kolektive, gatishmërinë e forcave, aftësitë dislokuese, komandim-kontrollin, sigurimin e pikave të debarkimit detar dhe ajror, sigurimin e infrastrukturës kritike, si dhe zhvillimin e operacioneve mbrojtëse dhe mësymëse të trupave të deklaruara për t’u dislokuar jashtë vendit", u shpreh Ministri Peleshi.
Referuar mjedist të sotëm të sigurisë, Ministri Peleshi vuri në dukje faktin se në përmbushje të angazhimeve kombëtare dhe atyre të deklaruara në NATO, vendi ynë ka ndërmarrë një sërë procesesh të rëndësishme për zhvillimin e Forcave të Armatosura, për të qenë sa më moderne, profesioniste, dhe të afta për të përmbushur misionin kushtetues dhe tërësisht të ndërveprueshme me vendet e Aleancës.
"Ne jemi të vendosur për të konsoliduar dimensionin operacional dhe taktik, duke vendosur theksin te transformimi i pandërprerë i forcave dhe kapaciteteve ushtarake. Modernizimi i FA me pajisje moderne, sisteme të mbrojtjes kundër-ajrore dhe kundër-tanke, të vëzhgimit dhe monitorimit të hapësirës ajrore dhe detare, krahas projekteve për përmirësimin e infrastrukturës ushtarake, e bëjnë vendin tonë një aset të rëndësishëm të Aleancës, në mbështetjen e operacioneve në kuadër të shkurajimit dhe mbrojtjes kolektive", theksoi në fjalën e Ministri i Mbrojtjes.
Ministri foli edhe për vendimin e fundit të qeverisë për rritjen e pagave për të gjithë efektivët e Forvave të Armatosura. "Përfitoj nga rasti për të rikonfirmuar mbështetjen e qeverisë në drejtim të Forcave të Armatosura, nëpërmjet pagave të reja të miratuara së fundmi. Kjo rritje filloi në vitin 2022 dhe aktualisht shkon në 40%, është një premtim i mbajtur dhe angazhim i kryeministrit që pagat e Forcave të Armatosura të rriten çdo vit deri sa të arrijmë nivelin mesatar të vendeve të Aleancës", theksoi ministri Peleshi.
Stërvitja “Përpjekja e Përbashkët 2024” që u zhvillua në Bizë, sinkronizoi aftësitë ndërvepruese të niveleve komanduese e drejtuese si dhe ekzekutimin e veprimeve luftarake të trupave në terren. Në këtë stërvitje u angazhuan rreth 2000 trupa, qindra mjete tokësore, anije të Forcës Detare, helikopterë të Forcës Ajrore, si dhe për herë të parë dronët “Bayraktar TB2”.
This is the official Channel of the Ministry of Defence of Republic of Albania
Subscribe:
www.youtube.co...
Abonohu: goo.gl/XBoLwB
For more visit: www.mod.gov.al
Subscribe to "Ministria e Mbrojtjes" on UA-cam Channel
Shows HERE:
www.youtube.co...
For more content from click HERE:
www.mod.gov.al
Like Ministria e Mbrojtjes on Facebook HERE:
bit.ly/2S3JxwI
Follow Mbrojtja on Instagram HERE:
bit.ly/3cJ8wNB
Follow Ministria e Mbrojtjes on Twitter HERE:
bit.ly/3eI4GGt
Subscribe:
www.youtube.co...
#MinistryOfDefence #Albania

[@fierifieri945]

Kush ish qellimi i stervitjes ?!
Apo parkimi i makinave ne natyre 🤣🤣🤣.
Lat nam me keto çeta talebanesh mo ejjjj .

[@NandiCollector]

As me talebanet nuk krahasohemi dot se ata kane armatimet moderne qe amerikanet lane pas (tanke, blinda, etj.), ndersa neve na kane falur ca makina, arme te lehta dhe na thone lozni me to here pas here. Jemi turpi i NATOs.

[@olsiontoska9520]

Edhe talebanet jane me mire se ne se kane nje ushtri te rregullt dhe te disiplinuar dhe te forte kane 3 vjet qe po udheheqin Afghanistanin qe kur u larguan Amerikanet dhe kane nje ushtri aktive prej rreth 150000 trupash nje force moderne ajrore qe e trashegoi nga shteti kukull pro amerikanet qe ra kur u terhoqen amerkanet por edhe kane riparuar me shume se 4mije mjete ushtarake tokesore si makina ushtarake blinda autoblinda dhe tanke dhe po forcohen dita dites talebanet dhe si shtet Afghanistanin por edhe ushtrine e tyre ata jane ushtri moderne si ato te natos tashi me 150000 trupa aktive kurse Shqiperia vetem 2500 ushtare aktive ka