ازاي اقيس الاملاح في المياه ؟ ايه هو ال TDS و ال Conductivity ؟وازاي احول ال conductivity الى TDS ؟

ايه هو ال TDS و ال Conductivity وازاي احول ال conductivity الى TDS ؟
_______________________________________________
انهارده هنتكلم عن اهم تحليل في تحاليل المياه وهو تحليل ال TDS وال Conductivity
ايه هو ال TDS؟
TDS او Total dissolved solid هو مجموع الاملاح الموجوده في المياه ( يعني لو جمعنا املاح الصوديوم على الكالسيوم على الماغنسيوم على البوتاسيوم على الكلورايد على البيكربونات على الكبريتات على كل الاملاح الموجوده في المياه بتطلع مجموعهم هو قيمه ال TDS
يعني لو قيمه ال TDS عاليه ده مؤشر ان قيم كل الاملاح دي عاليه
ال TDS بتقاس بوحده PPM او part per milions او جزء من المليون بمعنى مثلا لو عندنا مياه بلديه املاحها 200 PPM معنى كده ان كل مليون لتر مياه فيهم 200 جرام ملح
منظمه الصحه العالميه حددت قيمه المياه الجيده للشرب قيمتها اقل من 500 مجم لتر والصالحه للشرب حتى 1000 مجم /لتر
منظمه الصحه العالميه حددت بان (الاملاح تحت ال 300 ) هي مياه ممتازه للشرب واملاح من (300 الى 600 ) هي مياه جيده واملاح من (600 الى 900 ) هي مياه غير جيده للشرب واعلى من 1200 غير ضالحه للشرب
ممكن نقيس ال TDS بقلم قياس TDS متوافر في الاسواق وسعره رخيص جدا
كل نوع مياه له رينج TDS مختلف
على سبيل المثال
مياه الشرب من 0:1000 ppm
مياه الابار من 1000 حتى 10000 ppm
Salty water من 10000 لحد 20000
مياه البحر من 20000 حتى 55000 ppm
دلوقتي عرفنا قياس ال TDS ليه مهم وليه هو اهم تحليل في المياه
في بعض الاحيان وبعض التطبيقات الدقيقه بيتم قياس الاملاح عن طريق conductivity او التوصيليه الكهربيه
زي ما احنا عارفين ان الاملاح في المياه بتتكون من شقين ( شق انيوني شحنته سالبه وشق كاتيوني شحنته موجبه )
زي ما احنا عارفين المياه الخاليه من الاملاح هي مياه عازله للكهرباء ولا تنقل التيار الكهربي اما المياه التى تحتوي على املاح (ايونات) تنقل الكهرباء عن طريق الايونات بديل الالكترون
يعني كل ما تكون نسبه الاملاح في المياه عاليه كل ما قدرتها على توصيل الكهرباء اصبحت اعلى
لذلك بنقدر نقيس قيمه الاملاح عن طريق قياس التوصيليه الكهربيه اللى هي مقلوب المقاومه وتقاس بوحده ميكروسيمنز
ازاي نقدر نحسب ال TDS من خلال ال conductivity
TDS = k * conductivity
ايه هو ال K هو Kofficient number
ال K بتختلف من نوع مياه ورينج الى اخر
مثلا
المياه من 0:300 بيكون الK قيمته 0.5
المياه من 300 لحد 4000 ال K قيمته 0.55
المياه من 4000 لحد 20000 ال K قيمته 0.67
المياه من 20000 لحد 60000 ال K قيمته 0.7
المياه من 60000 لحد 85000 ال K قيمته 0.75
ويعتبر معظم اجهزه قياس ال TDS تقيس في الاساس قيمه التوصيليه الكهربيه او conductivity وبعدين بتعوض في قيمهه ال K طبقا لرينج قراءه قلم ال TDS

[@doctormath]

عاش ياهندسة
ممكن بعد إذن حضرتك نسبة الأملاح ppm في الكود السعودي

[@philipzog]

طيب مية غسيل الكلية قدي الناقلية وقدي القساوة .

[@user-vb3vp7ws3b]

ممتاز

[@mfam1433]

السلام عليكم
جزاك الله خير
سؤالي يا طويل العمر
حينما اقوم بعمل اختبار لعدة عينات للماء بنفس جهاز التي دي اس
هل تنظيف الجهاز يتم بنفس العينة او من خلال ماء يكون صفر مواد صلبة ذائبة؟

[@user-jh3qe1ic5s]

تنضيف يكون بماء مقطر

[@ayachimerwan3341]

يوجد خزان الماء لتوصيل ملفات الدوار لمحرك لابد من إضافة أملاح له فهل يمكن معرفة قيمة الملح المضاف بناء على قيمة ال TDS?

[@user-cj8be3og1i]

هل تحويل قبمه الconductivity الي TDS موحده في قياس الموصلية للماء او التربة