黃子華疫情停工躺平生活貼地追睇《IT狗》讚陳湛文有發哥影子（

因為第5波疫情，防疫措施收緊下戲院關閉，大家有望初四重開，新年有得睇賀歲片，今年其中一套，就係子華神率領嘅賀歲片《 飯戲攻心》。黃子華稱今次角色係一個突破，亦因為咁，佢先應導演陳詠燊之邀接拍。
疫情打亂陣腳，亦令好多演藝工作剎停，子華被問趁空檔有乜搞作，佢話︰「躺平！同埋躺平(平價)，若有任何工作，會好平咁去接嚟做。」
近日佢躺住煲劇，而且相當貼，追睇《IT狗》，「梗係啦，咁家傳戶曉。」子華說。
咁啱，呢套賀歲片嘅對手，就係近日憑《IT狗》人氣升嘅「Billy」陳湛文！之前出街一集，神還原電影《英雄本色》經典場口，陳湛文扮「Mark哥」周潤發，獲網民大讚既搞笑又捉到神髓，身旁嘅子華神亦有留意︰「佢有些少當年周潤發嘅影子，所以佢一嚟到，呢把聲咁熟識嘅，哎呀，真人仲靚仔！」
至於陳湛文，被問近日有冇留意討論區，獲網民讚靚仔，可能有生以嚟首次聽到呢個形容，一時間唔知點答，dead air之際，明明話陳湛文有發哥影子嘅子華神改稱︰「佢之前話個樣似我㗎。」
#娛壹
-------------------------------------
即刻跟住Follow 晒我哋Channel：
FB： as1hk.ent...
IG： / as1.entertainment
YT： / @as1.entertainment