01. O serán en Toutón: Pasado e presente da festa tradicional [Axudádeme a cantar]

A tocadora tradicional Lucinda Barcia Garrido “do Peseto” e súa filla Montse Alvariño cóntannos neste vídeo a súa iniciativa de revitalización do Serán dos Namorados en Toutón (Mondariz, Pontevedra), motivada polas primeiras recollidas nesta pequena localidade en 1996. Dende a cociña e xardín dunha casa da vila onde os seráns formaban parte fundamental da vida social da comunidade, estas informantes mostran algúns cantos e toques típicos da zona, transmitidos de xeración en xeración. Cantan acompañadas coa pandeireta e co leghón -unha ferramenta agrícola transformada en instrumento musical -, e comparten as súas lembranzas como participantes nas festas de tempos pasados, cortadas pola desaprobación institucional e polos cambiantes modos de socializarse. Porén, en Toutón, estas tradicións non se deixaron morrer, como nos explican estas dúas mulleres, que transmiten a alegría de crear a un evento anual que recupera o espírito desta práctica histórica - bailar, tocar, e pasalo ben, en boa compañía.
Web
consellodacultu...