هاليلة العباس بوادي| الرادود باسم الكربلائي
Вставка
- Опубліковано 15 вер 2024
- شعر الاديب جابر الكاظمي
أداء الرادود باسم الكربلائي
#إصدار_بعد_ما_أشوفك _
1427ه - 2006م
.......
هـالـلـيـلة العباس بوادي وإنت بوادي يا علي
راد يـودعـك مـثـل وداعك ويا الهادي يا علي
نـفـس الحالة وما تتغير - مرسومة بدمك يا حيدر
يـا هـالـوافد على الباري رعاك الما تشوفه العين
ذكـرت فـقد النبي لمن قرب موتك يا بو السبطين
حـضـرت لـلهادي ودعته بدمع ما فارق الخدين
نـفـس هـالـحالة عالعباس يا حيدر رسمها البين
شـيـعـت الهادي وبعيونك ينزف دمعك يا علي
والـيـوم الـعـبـاس وليدك راد يشيعك يا علي
هـاي الـمأساة إلتتكرر - مرسومة بدمك يا حيدر
دفـنـت جـثـة رسـول الله وتارك رايته عندك
ونـفـس هـالـراية يا كرار ذخرتها للقمر بعدك
يـا لـيـث إلما يهاب الموت عجيبة تسكن بلحدك
وهـذا شـبـلـك الـعباس دليله تسجر لفقدك
يـعـايـن عـالطبرة ويتمثل موجة دمك يا علي
وبـقـلـب الـعـباس إنجمعن همه وهمك يا علي
نـار الأحزان إلتتسجر - مرسومة بدمك يا حيدر
قـعـد يـتـمـثل الطبرة بدمع من طبرتك ينبع
بـعد ما يدري بارض الطف بعمد ينصاب يا الأنزع
بـلايـا جـفوف يا حيدر شبلك يهوى بالمصرع
وصـواب الـعـمـد بـالراس من طبرتك يتفرع
جـسـم العباس على الشاطي يظل متوسد يا علي
وبـطـبـرة راسك هالموقف ظل متجسد يا علي
ومـصاب الجثة إلتتوذر - مرسومة بدمك يا حيدر
يـودعـك شـبلك العباس وتسلمه الراية وتعوفه
يـا ريـتـك يا علي للطف تجي وللموقف تشوفه
مـثـل حـمـلاتـك بصفين يذل الجيش وصفوفه
وفـي ولـلـرايـة يا كرار يضحي بدمه وجفوفه
مـحـرابـك يتحول للطف ويصبح مصرع يا علي
دمـه ودمـك مـا يـخـتلفن نفس المنبع يا علي
ودموم إلتجري من المنحر - مرسومة بدمك يا حيدر
بـعـد مـوقف حزن شفته رسمته بشهقة الأنفاس
قـعد يمك حسين ينوح على الدم إلجرى من الراس
نـفـس هـالـدمعة يجريها يم جسم القمر عباس
يـقـله إنكسر ظهري عليك وبيه تشمتت هالناس
زيـنـب هـاي الليلة تودعك وإنت الغالي يا علي
لـكـن بـالـطف ما يخلوها تودع الوالي يا علي
حـالـة أطفالك والخدر - مرسومة بدمك يا حيدر
من اقوى واجمل القصايد تعدد الطبقات والمقامات الصوتيه كلمات + لحن = ابداع لا ينوصف 💔💔
عظم الله اجورنا و اجوركم يا أستاذ الكريم السيد جابر الكاظمي و الحاج باسم الكربلاءي ،هادي الكاظمي.
ابداع لا يوصف
السلام عليك يا ابا عبدالله الحسين
الله يوفقكم واني راح انشرهن بالتيك لزيادة القصائد وعدم الحذف ان شاء الله التوفيق ويحفظك الله ❤❤
رحم الله والديك
إذا متوفرة عندكم اصدارات مجالس كاملة مثل "هذا الغريب" على قناتكم في التليقرام يا ليت ترفعونهم بالخصوص مجالس مسجد الموسوي
موفقين
موفق بحق سيد الشهداء
شنو من قصائد 😢
الله 😢
منو يحذف القناة
الشاعر جابر الكاظمي يگول الشركة تحذف قصائده و بصفحة الرادود يوسف العاملي ع الفيس و تحديدا فديو كل گطرة دم بشرياني بعدما حذفوا مقطعه من اليوتيوب كاتب بالتعليقات أنه الموضوع ما عاد سر حسين ملكي هو اللي يحذف
و تواصل ويه شركة بيات ديجيتال اللبنانية حتى يفهم منهم و جوابهم :
احنا عبد مأمور و مدير أعمال ملا باسم هو اللي يگول احذفوا .....
و هذه القناة اعتقد نفس الشي الشركة تحذفها بسبب الحقوق ..
إذا هذا الكلام صحيح كارثة ...
زين و حقوق الشاعر ؟؟؟
نعوف الرادود و الشاعر
مصيبة الإمام الحسين صارت حقوق شركات و مشاهدات ؟؟
الامام الصادق عليه السلام :
من باع طين قبر الحسين فكأنما يبيع لحم الحسين و يشتريه .
و لو هي التربة تنباع اصلا ...
نسأل الله السلامة و حسن الخاتمة ،
و أن يصلح الحال .
الله يوفقكم واني راح انشرهن بالتيك لزيادة القصائد وعدم الحذف ان شاء الله التوفيق ويحفظك الله ❤❤