Lmhdi bn Mbark awinn dari luSiyyt رايس المهدي بن مبارك - اوينّ داري لوصييّت
Вставка
- Опубліковано 20 вер 2024
- رايس المهدي بن مبارك - اوينّ داري لوصييّت
ⵔⴰⵢⵙ ⵍⵎⵀⴷⵉ ⴱⵏ ⵎⴱⴰⵔⴽ - ⴰⵡⵉ ⵏⵏ ⴷⴰⵔⵉ ⵍⵓⵚⵉⵢⵢⵜ
ⴰⵡⵉⵏⵏ ⴷⴰⵔⵉ ⵍⵓⵚⵉⵢⵢⵜ ⴰ ⵢⴰ ⵉⵔⴰⵏ ⴰⵎⵎⵓⴷⴷⵓ
ⴳⴰⵔ ⴰⵙⵎⵓⵏ ⵓⵔ ⵉⵍⵉⵇ ⵀⴰⵏⵏ ⵍⵖⴷⵔⵜ ⵜⵍⵍⴰ ⴳⵉⵙⵏ
ⴰⵡⵉⵏⵏ ⴷⴰⵔ ⵍⵓⵚⵉⵢⵢⵜ ⴰ ⵢⴰ ⵉⵔⴰⵏ ⴰⵎⵎⵓⴷⴷⵓ
ⵎⵇⵇⴰⵔ ⴽⵓⵍⵍⵓ ⴼⵍⵍⴰⵙ ⵜⵎⴷⵉⵜ ⵖⴰⵢⵏⵏⴰ ⴷⴰⵔⴽ
ⵉⵍⵍⴰⵏ ⵖ ⵍⵎⴰⵍ ⵎⵇⵇⴰⵔ ⴼⵍⵍⴰⵙⵏ ⵜⵓⵙⵉⵜ ⵍⵄⴷⴰⵡⵜ
ⴰⵙⵙ ⴰⵏⵏ ⵔⴰⴽⴽ ⵉⴼⵍ ⵣⵓⵏ ⵀⵍⵍⵉ ⵉⵎⵓⵏ ⴷ ⵎⵏⵉⴳ ⵉⵅⴼ
ⴰⵜⵜ ⵓⵔ ⵜⴰⵎⵏⵜ ⵉⵖ ⴰ ⵉⵜⵜⵎⵙⵙⴰⵇ ⵎⵍⵉⵏ ⴰⴽ ⵍⵀⵉⵏ
ⵍⵖⵔⴹ ⵏⵙ ⴰ ⴳⴳⵉⴽ ⵉⴹⴼⵓⵔ ⴰ ⵉⵍⵍⵉⵖ ⴰⴽ ⵉⴱⴰⵢⵏ
ⵡⴰ ⵢⴰ ⵉⴼⵍ ⵡⴰⵍⵍⵉ ⴷⴷⴰ ⵉⵎⵓⵏ ⵉⵍⵀⵓ ⵖ ⵍⵄⵉⴱ ⵏⵙ
ⵉⵜⵜⵓ ⵍⵅⵉⵔ ⵉⵜⵜⵓ ⴽⵓⵍⵛⵉ ⵎⴰ ⵉⵛⵔⴽ ⵏⵜⵜⴰ ⴷⵉⵡⵏ
ⵉⵏⵏⴰ ⵖ ⴽⵉⵏⵏ ⵥⵔⴰⵏ ⵢⴰⵏⴼ ⴰⴷ ⴷⵉⵡⵏ ⵓⵔ ⵎⵎⴰⴳⴳⴰⵔⵏ
ⵡⴰⵏⵏⴰⵜ ⴳⵉⴽ ⵉⵙⴰⵇⵙⴰⵏ ⵉⵏⵏⴰⵙ ⵖⴰⵢⴰⵏⵏ ⴰⵊⵊⵉⵜⵏ
ⵏⵜⵜⴰ ⵓⵍⴰ ⵍⵅⴱⴰⵔ ⵏⵙ ⵓⵔ ⵉⵙⵡⵉ ⵜⴰⵎⵓⵣⵓⵏⵜ
ⴰ ⵄⴰⵡⵏ ⴰ ⵕⴱⴱⵉ ⵢⴰⵏ ⵎⵓ ⴳⴳⵓⵜⵏ ⵉⵎⵃⵙⴰⴷⵏ ⵏⵙ
ⵉⵖ ⵉⴷⵔⵓⵙ ⵍⵎⴰⵍ ⵏⵙ ⵏⵖ ⵉⵅⵡⴰ ⵡⴰⴼⵓⴷ ⵏⵙ
ⴰ ⴼⵍⵏⵜ ⴰⵢⵜ ⵎⴰⵙ ⵍⴰⵃⴱⴰⴱ ⵏⵙ ⴽⵓⵍⵍⵓ ⴽⵯⵔⵀⴰⵏⵜ
ⴰ ⵉⵍⵍⵉⵖ ⴷⴰⵔⵙⵏ ⵉⵍⵍⴰ ⵍⵎⴰⵍ ⵍⴰⵃⴱⴰⴱ ⵏⵙⵏ ⴳⴳⵓⵜⵏ
ⵖⴰⵙⵙⴰ ⴰⵖⵜⵏ ⵉⴼⴼⵓⵖ ⵍⵎⴰⵍ ⴽⵓⵍⵍⵓ ⴱⵏⴰⴷⵎ ⴽⵯⵔⵀⴰⵏⵜ
ⵡⴰⵍⵍⵉ ⵉⴳⴰⵏ ⴳⵯⵎⴰⴽ ⵓⵔ ⴳⵉⴽ ⵉⴹⴼⵓⵔ ⵍⵖⵔⴹ ⵏⵙ
ⵓⵔⴰ ⵉⵙⵉⴳⴳⵉⵍ ⴰⴷ ⴰⵡⵏ ⵉⴽⴽⵉⵙ ⵖⴰⵢⵏⵏⴰ ⴷⴰⵔⴽ
ⵎⵔⴰ ⵉⵙ ⵓⴼⴰⵏ ⴰⴷ ⴰⴽ ⵙⵓⵍ ⵉⴽⴼ ⴰⵢⵏⵏⴰ ⴷⴰⵔⴽ
ⵎⵇⵇⴰⵔ ⴷⴷ ⴰⵡⴰⵍ ⵉⴼⵓⵍⴽⵉⵏ ⵉⵖⵜ ⵉⵏⵏⴰ ⵇⴰⴷⴷⴰⵏⴽ
ⴰ ⵄⴰⵡⵏ ⴰ ⵕⴱⴱⵉ ⵢⴰ ⵓⵔ ⵉⵅⴰⵍⴹⵏ ⴳⴰⵔ ⵉⴷⴰⵎⵎⵏ
ⵉⵖ ⴰⵙⵏ ⵉⴽⵛⵎ ⴰⴼⵓⵙ ⵎⴰ ⵔⴰⵜⵜⵏ ⵉⴼⵓⴽⴽⵓ ⴳⵉⵙⵏ
ⵎⵏⴷⵓ ⵏ ⵕⴱⴱⵉ ⴷ ⵏⵏⵉⵢⵢⵜ ⵉⵖ ⵉⵚⴼⴰ ⵍⵇⵍⴱ ⵏⵙ
ⵉⵡⴰ ⴰⵛⴽⵓ ⵏⵜⵜⴰⵏ ⴰⵖ ⵜⵍⵍⴰ ⵍⵄⵏⴷⴰ ⵡⴰⵀⵡⴰ ⵏⴽ
ⴰ ⵡⴰⵍⵍⵉ ⵉⵜⵜⵏⴰⴽⴰⵔⵏ ⵍⵅⵉⵔ ⵏ ⵍⵃⴱⴰⴱ ⵏⵙ
ⴰⵙⵙ ⴰⵏⵏ ⴳⵉⴽ ⵉⵔⴰ ⵜⵉⵏⵙ ⴰⵔ ⵉⵜⵜⴳⴰⵍⵍⴰ ⵙ ⵉⴹⴰⵔⵔⵏ
ⵓⵍⴰ ⵉⴼⴰⵙⵙⵏ ⴷ ⵉⵥⵔⵉ ⵢⵓⵜ ⴰⴷⵔⴰⵔ ⵙⴳⵉⴷⴷⵉⵏⵜ
ⵉⴳ ⵍⵃⵔⵉⵔ ⵉⵖ ⴰⴽ ⵉⵣⵡⵓⵔ ⴰⵔ ⴰⴽ ⵜⵜⴱⵏⴷⴰⵇⵇⵏ
ⴰⵔ ⴰⵡⵏ ⵉⵜⵜⵉⵏⵉ ⵣⵓⴷ ⴽⵉⵢⵢⵉ ⵓⵔ ⵉⵍⵍⵉ ⴹⴹⵉⴷⴷ ⵏⴽ
ⵎⴰⵛⵛ ⵉⵖ ⵢⵓⴼⴰ ⵎⴰⵖ ⴰⴽⵯⵏ ⵉⴽⴽⴰⵜ ⴰⵃ ⴰ ⵄⵏⴷⴰⵏⴽ
ⴰ ⵡⴰⵍⵍⵉ ⵉⵜⵜⴼⴰⵚⴰⵔⵏ ⵏⵏⵉⵢⵢⵜ ⵏⵙ ⵉ ⵍⵄⴷⵓ ⵏⵙ
ⵓⵔ ⵉⵙⵙⵏ ⴰⵎⵖⴷⴰⵔ ⵉⵙ ⴱⴷⴷⴰ ⵉⴳⴰⵡⵔ ⵊⵏⴱ ⵏⵙ
ⴰ ⵙⵉⴷⵉ ⵕⴱⴱⵉ ⵎⴰ ⵉⵙⵎⵓⵏⵏ ⴰⵢⵜ ⵏⵏⵉⵢⵜ ⴷ ⵉⵎⵖⴷⴰⵔⵏ
ⵡⴰⵍⵍⵉ ⵖ ⵜⵍⵍⵉⵜ ⴰ ⵏⵏⵉⵢⵢⵜ ⴰⵔ ⵎⵙⴽⵉⵏ ⵙⴱⵓⵀⴰⵍⵏ
ⵉⴼⵉⵢⵢⴹ ⴼⵍⵍⴰⵙ ⵕⴱⴱⵉ ⵍⵅⵉⵔ ⵉⴷ ⵡⴰⵛⵛ ⵃⵙⴰⴷⵏⵜ
ⵡⴰⵍⴰⵢⵏⵏⵉ ⴰⵎⵃⵙⴰⴷ ⵏⴽⴽⵉ ⵓⴼⵉⵖ ⴹⴹⵉⴹⴹ ⵏⵙ
ⴰ ⵖⴰⵔ ⴰⵜⵜ ⵉ ⵜⵏⵅⵅⵍⵜ ⵜⴰⵊⵊⵉⵜⵜ ⵉ ⵣⵣⵎⴰⵏ ⵉⵇⵇⴰⴷⴷⴰⵜⵏ
ⵉⵔⴰ ⴳⴳⵉⵙⵏ ⵉⴽⴽⵉⵙ ⵉⵅⵙⴰⵏ ⵉⵎⵍ ⴰⵙ ⵍⵃⴰⴹⴹ ⵏⵙ
ⵉⵖⴰⵡⵙⵏ ⵡⴰⵍ ⵜⵉⴽⵏⵉ ⴰⵔ ⵜⵏ ⵙⵎⴳⵉⴷⴷⵉⵢⵢⵏ
ⴰ ⵜⵉⵖⵣⵉ ⵏ ⵣⵎⴰⵏ ⵏⵜⵜⴰⵜ ⴰ ⵉⴳⴰⵏ ⴹⴹⵉⴹⴹ ⵏⵙ
ⴰ ⵜⵉⵖⵣⵉ ⵏ ⵣⵎⴰⵏ ⴰ ⵉⵅⵍⴰⵏ ⴰⴷⵔⴰⵔ ⵙⴳⵉⴷⴷⵉⵏⵜ
ⴰ ⵜⵉⵖⵣⵉ ⴰⵢⵢⴰⴷⴷⵓⵏ ⵍⵃⴷⵉⴷ ⴰⵔ ⴽⵉⵖ ⴰⵜⵜⴰⴷⴷⵓⵎⵏ
ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ : ⵎⵓⵃⵎⴰⴷ ⵓⵡⴰⴷⵉ
24.06.2024 (2974)
رايس المهدي بن مبارك - اوينّ داري لوصييّت
اوينّ داري لوصييّت ايا ئران امّودّو
كًار اسمون ؤر ئليق هانّ لغدرت تلاّ كًيسن
مقّار كولّو فلاّس تمديت غاينّا دارك
ئلاّن غ لمال مقّار فلاّسن توسيت لعداوت
اسّ انّ راكّ ئفل زون هلّي ئمون د منيكً ئخف
اتّ ؤر تامنت ئغ ايتّمسّاق ملين اك لهين
لغرض نس اكًّيك ئضفور ايلّيغ اك ئباين
وايا ئفل والّي دّا ئمون ئلهو غ لعيب نس
ئتّو لخير ئتّو كولشي ما ئشرك نتّا ديون
ئنّاغ كينّ زران يانف ادّيون ؤر مّاكًّارن
وانّات كًيك ئساقسان ئنّاس غايانّ اجّيتن
نتّا ؤلا لخبار نس ؤر ئسوي تاموزونت
اعاون اربّي يان مو كًّوتن ئمحسادن نس
ئغ ئدروس لمال نس نغ ئخوا وافود نس
افلنت ايت ماس لاحباب نس كولّو كُرهانت
ايلّيغ دارسن ئلاّ لمال لاحباب نسن كًّوتن
غاسّا اغت ئفوغ لمال كولّو بنادم كُرهانت
والّي ئكًان كًوماك ؤر كًيك ئضفور لغرض نس
ؤر ايسيكًّيل اد اون ئكّيس غاينّا دارك
مرا ئس ؤفان اد اك سول ئكف اينّا دارس
مقّار دّ اوال ئفولكين ئغت ئنّا قّادّانك
اعاون اربّي يا ؤر ئخالضن كًار ئدامّن
ئغ اسن ئكشم افوس ماراتّن ئفوكّو كًيسن
مندو ن ربّي د نّيّت ئغ ئصفا لقلب نس
ئواشكو نتّان اغ تلاّ لعندا واهوا نك
اوالّي ئتّناكارن لخير ن لحباب نس
اسّ انّ كًيك ئرا تينس ار ئتّكًالاّ س ئضارّن
ؤلا ئفاسّن د ئزري يوت ادرار سكًيدّينت
ئكً لحرير ئغ اك ئزوور ار اك تّبنداقّن
ار اون ئتّيني زود كيّي ؤر ئلّي ضّيدّ نك
ماشّ ئغ يوفا ماغ اكُن ئكّات اح اعندانك
اوالّي ئتّفاصارن نّيّت نس ئي لعدو نس
ؤر ئسّن امغدار ئس بدّا ئكًاور جّنب نس
اسيدي ربّي مائسمونّ ايت نّيت د ئمغدارن
والّي غ تلّيت انّيت ار مسكين سبوهالن
ئفيّض فلاّس ربّي لخير ئد واشّ حسادنت
والاينّي امحساد نكّين ؤفيغ ضّيدّ نس
اغار اتّ ئي تنخّلت تاجّيتّ ئي زّمان ئقّادّات
ئرا كًّيس ئكّيس ئخسان ئملاس لحاضّ نس
ئغاوسن والا تيكني ارتن سمكًيدّييّن
اتيغزي ن زّمان نتّات ايكًان ضّيدّ نس
اتيغزي ن زّمان ايخلان ادرار سكًيدّينت
اتيغزي ايّادّون لحديد ار كيغ اتّادّومن
يورا ئواليون ئسكيديت : محمد وادي
24.06.2024 (2974)
#amarg_amazigh #tachlhit_music #tifinagh_alphabet_song
#taskla_tamazight #littérature_amazigh #chants_amazigh #souss #sud_marocain #smazgh_awal #mdi_awal #amarg #amazigh #belaid #anachad #demsiri #wahrouch #amentag #bizmawn #talbensirte #tabaamrante
