تحليل مصر - أوغندا... و المباراه اللي قبلها و اللي قبل اللي قبلها و المباراه الجايه و اللي بعدها

لا لا لا مش عاوز حد يزعل أو يتضايق خالص من الشكل و التشكيل و الطريقه و الخطه و الملل و الشلل لأن ناس كتير شايفه أن مش من حقنا نتخنق و نحمد ربنا و نبوس إيدينا شعر و دقن إننا كسبنا أوغندا بالعافيه بعد ما خسرنا منها من كام يوم
بالله عليكم بالمنظر ده حنروح كأس العالم نعمل إيه نضحّك الناس علينا لو حنوصل و حنلعب بالشكل ده و العقليه دي و الأسلوب ده يبقى شكراً مش عاوزين نوصل و ربنا يكفينا شر الفضايح

[@offside8409]

ما تنسوش لو الحلقه عجبتكم لايك و شير و سيب تعليقك في كومنت أما لو ما عجبتكوش فالوضع مختلف تماماً سيب رأيك في تعليق و برضه لايك و شير 😂😂😂😂😂

[@mohsenelzmalkawy5821]

صدقت القول يا دكتور
مافيش كلام بعد الي انتا قولته

[@offside8409]

mohsen elzmalkawy تسلم يا غالي 🙏

[@mabdelwahab7189]

كلامك مظبوط والله يا دكتور

[@offside8409]

m abd Elwahab لقد ورمنا 😂😂

[@عمرخالد-ذ6ط]

نزل علي طول متسحبش علي القناة

[@ashrafaboali7972]

انا عايزه يكمل التصفيات ويمشي ونجيب حسام حسن بس لازم الانتقاد يخف شوية لان احنا بنحقق نتيجة بأداء زي الزفت بس اهو احسن من السنين السودة الي فاتت كانت لا اداء ولا نتيجة. بس مع حسام حسن ان شاء الله هيبقي اداء ونتيجة. قولوايا رب

[@amrgamal9531]

كان لازم يمشى بعد كاس الامم..واى حد يدرب هيبقى احسن منه

[@ahmed3bdo579]

راي اننا نخليه يكمل لحد م نصعد كاس عالم و يغور و نجيب مكانه حسام

[@ashrafaboali7972]

Ahmed 3bdo ده الي انا عايز اقوله بالظبط

[@ahmed3bdo579]

Ashraf Abo Ali ده اللى لازم يحصل
غير كده يبقى تهريج

[@الشاملةللجميع]

والله انتا برنس انا قولت لو جابو اى واحد ملوش فيها هيعمل زية دفاع وباصى لصلاح دا حرام يكمل

[@ismailsherzad6096]

داحنا بقينا نخاف منفزش ضد منتخبات زي اوغندا ومالي والكنغو دل قرف احنا عندنا جيل مصري ونشاط كروي رهيب ونقدر نحقق كتيير

[@offside8409]

IsmaiL sherzad لقد هرمنا 😂😂

[@odahimaable]

لو سمجت لازم الصوت و الصورة يتجسنوا عن كده و شكرا, و ياريت الحلقة تبقي أطول

[@offside8409]

Mahmoud Elsayed من 👀

[@waelfaroukshahin]

انت روحت فين يا كبير بقالك فترة مختفى

[@offside8409]

Wael Farouk ما هو الكوره كانت في اجازه بس وحشتوني و الله

[@الشاملةللجميع]

والله انا ببقا سعيد جداااااا وانا بسمعك بس ليا سؤال الننى مشفنهوش غير مع كوبر مش ممكن يكون هوا الى محجمة عاوز رئي فنى بعيد عن الحب والكره انا بتابع ملخصات الننى مع الارسنال وشايف اداءة جيد غير المنتخب

[@ahmedadly7887]

وحشتنا

[@offside8409]

ahmed adly و انتوا اكتر و الله 🙏

[@khaledzamzam9703]

والله انا شايف ان دي افضل طريقة نلعب بيها في كاس العالم.
التقفيل الدفاعي وسرقة هدف ب 3 نقاط .. وان كانت مش عاجباك عشان هيبة مصر امام الفرق الصغيرة فاحنا في كاس العالم هنلاعب فرق كبيرة .. ابسط ياعم. ومش بعيد نوصل نهائي كاس عالم ونخسره بسبب انه فقري في النهائيات بس ..
وان كان علي الشكل العام للفريق فاحب اقولك ان ايطاليا اخدت كاس العالم 4 مرات بنفس التكتيك الدفاعي دة. والارجنتين وصلت نهائي كاس عالم 2014 برضه بنفس الشكل دة .. حتى طريقة لعبي في البلاي ستيشن بتعتمد علي نفس التكتيك الدفاعي وخطف هدف او اتنين.. وكل مرة باخد بيها البطولة.
انتو بس اللي انتقاديين زيادة عن اللزوم وبتبصوا للاداء وسايبين النتايج.. الله يرحم ايام ماكنا بنتغل من طوب الارض.

[@offside8409]

khaled zamzam وجهات نظر كلها تحترم

[@khaledzamzam9703]

حبيبي ..

[@belo6034]

ليه الجوده مش حلوه

[@safymourad5073]

قولتلك دا مش تحليل
دا تعليقك علي الماتش فقط

[@offside8409]

M A.H يعني قلته قبل كده؟ طيب متشكر جداً

[@محمدالسنافيري-ف8س]

انا زعلان من حضرتك
اولا يا دكنور الاتفاق على الوصول لكأس العالم و افريفيا و لم يكن اتفاق على الاداء
ثانيا كون تتعادل مع نيجريا هناك و تخرج كورة فليس عيبا
ثالثا كون الاول بثلاث فوز يمتدح كونه فوزا و لا يقال علشان غانا كانت وحشة لان الاول حصل بفوز مباشر منه
رابعا حضرتك كان عندك افضل الاجيال و لم تصل لكأس العالم
خامسا منذ متى و مصر بنلعب كورة حلوة
سادسا فين الدورى الذى يخرج لعيبة و الدورى ملوش لازمة اصلا
الصراحة انا زعلان من حضرتك فى الحلقة دى

[@offside8409]

محمد السنافيري وجهة نظرك تحترم حتى لو أختلفنا 👍

[@eslamellamey5977]

ماتقدرش تعمل فيديو قبل ماتش الزمالك تقولنا توقعك لشكل الزمالك بالاعيبه الجديده ونيبوشا
والتشكيلات الافضل للزمالك
دا ف حاله لا قدر الله مرتضى سكت ونيبوشا كمل يعنى ودى حاجه جديده علينا

[@offside8409]

eslam ellamey 😂😂😂ده نيبوشا نفسه لسه ما يعرفش التشكيل المناسب

[@eslamellamey5977]

Offside أوفسايد
ياعم تخيل 😂😂😂
قصدى توقع
احنا زمالكويه والطبيعى اننا عكس اى منطق😂😂😂

[@animeshorts2070]

احنا كسبنا بالدعاء المصريين لاعيبه تعبانه

[@offside8409]

Bm 25626 👍👍👍

[@omaryjm5796]

اسمنا منتخب صلاح مفش منتخب مصر

[@ms6853]

انتو جايين على كوبر أوى ..هو جابك من الحضيض ووصلك النهائيا الافريقية بعد ما كنتش ادر تصعد اصلا..ومتصدر تصفيات كأس العالم ...أما الاداء الوحش فاحنا ياما لعبنا بأداء اكثر من رائع (جيل ابوتريكة مثلا) وماولناش كاس عالم بالأداء ...

[@ابتسمتضحكلكالدنيا-ن5س]

من اول متش مع المنتخب وعرفت انو مدرب فاشل.

[@mohamedzidan6166]

انا كنت عايزك تتعمق فى الفنيات و الخزعبلات و كدة يعنى

[@offside8409]

Mohamed Zidan محتاج ميكرسكوب جراحي عشان تطلع أي كلام تكتيكي لعم الحاج كوبر