ما هى حالات الإعفاء المؤقت من أداء الخدمه العسكريه؟

[@user-lk7kh9yw1r]

انا والدي عنده حوالي ٦٢ سنه وانا اكبر الابناء والعائل الرئيسي مع ابي للمنزل .هل ليا الاعفاء بشكل مؤقت؟
وهل ممكن تكون نهائي لو والدي وصل لسن ٦٥
،مع العلم اخي الاصغر مني والوحيد في ٣ ثانوي.

[@MohamedMahmoud696-g2m]

ابويا معدي ال60 سنة واخي الكبير متزوج هل كدا في امل اخد اعفا؟

[@HazemEmad-ld6lr]

لوسمحت أنا عندي ولد وحيد وأبو كان متزوج من زوجه تانيه وعنده والد بس الزوجة الثانية متطلقه وأبوه عدا ٦٠ابني أبني موقفه ايه من التجنيد الولد أتاني اخد إعفاء

[@MohamedAbdo-p5k]

حضرتك انا والدي متوفي من 9 سنين وانا عندي 26 سنه وانا الكبير بس اخويا لسه مخلص تعليم السنه دي اقدم ولا اعمل ايه وهل يجوز ليا كبير عيله

[@karimabdallah8791]

العائل الوحيد للام الأرملة وسنها متجاوز ال ٦٠ اخدت إعفاء مؤقت ٣ سنين هل بعد انتهاء المدة بتجدد ٣ تاني ولا اي الموقف

[@osamarashad_8344]

اه هتتجدد ان شاء الله لمدة ٣ سنين كمان وبعد كده ياخد إعفاء نهائي طالما الظروف هي هي.

[@user-dl7ql7ib8y]

لوسمحت انا عندي كسر دائم في الدراع الشمال ومتحاج عمليه هل كدا اخد إعفاء ول لا

[@osamarashad_8344]

رديت عليك

[@ebrahimebrahim4064]

لو انا واخويا هنقدم ف نفس الدفعه وانا الكبير وابويا معدي الستين هل لازم ابقا كبير عيله ولا عادي ندخل مع بعض

[@osamarashad_8344]

لو قدمت عادي من غير ما تقول حاجه هتدخل اعتقد.
المعلومة للأسف مش اكيده عندي فالأحسن تنزل مكتب التجنيد عندك في القسم تسأل احسن وربنا يراضيك.

[@ahmedmohamed-fw8sz]

لو سمحت بالنسبة للعائل لوالدته وهي متزوجه وزوجها غير قادر على الكسب اذاي يكون غير ابويا مثلا طيب لو هي علي ذمة أبويا ؟؟

[@osamarashad_8344]

ازاى هتكون على ذمه أبوك وهى متزوجه؟!
اشرح اكتر

[@user-bk5lg9nm6e]

لو سمحت دلوقتي انا امي متوفيه واخويا الكبير متوفي وابويا عده سن المعاش وكبير في سن واخويا مغترب بره وانا دلوقتي المسئول عن البيت

[@osamarashad_8344]

أخوك مغترب فين؟

[@user-nk9iw1ud7k]

طاب امي مطلقة ومعي خوات اتمو سن التجنيد اطلع وانا الكبير

[@fahmytube9115]

لو سمحت انا عندى اخ واحد فقط صغير ٣ سنين وعندو اعاقه عاجز غير قادر على المشي هل كدا انا اخد تأجيل ولو ليا تأجيل ممكن اعرف الاوراق المطلوبة
وجذاك الله كل خير 🌹

[@osamarashad_8344]

والدتك ووالدتك عمرهم كام؟

[@omaraly146]

السلام عليكم
لو حاله ابن وحيد لاب متوفي وله اخ من الاب اصغر منه بسنتين
اي موقفه من التجنيد

[@osamarashad_8344]

لو أمه مش متزوجه وهو عايش معاها لوحده يعمل ورق وهياخد إعفاء

[@mohamedyoussif3464]

لو سمحت انا ٢٢ سنة وابويا عنده ٦٠ سنة واخويا الصغير ١٢ سنة بس ابويا مسافر برا وقادر على الكسب يعني ، هل كدا اقدر اخد اعفاء مؤقت ولا لا
وشكرا مقدما❤

[@osamarashad_8344]

ua-cam.com/video/4UMXaKhLBUY/v-deo.html
اسمع الڤيديو ده لحد الآخر هتفهم.
ولو مفهمتش بعده أكتب وانا هفيدك

[@ahmedgalal3346]

او سمحت انا اكبر واحد فى اخواتى وابويا فوق الستين وعندى 2 اخوات اولاد واحد فى اعدادى والتانى لسه فى تانيه صيدله وقدامه 5 سنين لحد ما يخلص
كدا ليا تاجيل ولا لا لحد ما يخلص
كدا ليا تاجيل

[@osamarashad_8344]

هتدخل عادى

[@omarhussien6972]

لو سمحت انا والدي متوفي واخويا الكبير مسافر بره مع العلم اخويا ادي الخدمة العسكرية وانا عندي ٢٢ سنه
وليا جدتي وامي واختي الصغيره وانا اللي بصرف علي البيت هل استطيع اخد اعفاء مؤقت ؟؟

[@osamarashad_8344]

قدم كل الأوراق اللى بتثبت سفر أخوك ووفاة والدك ومعاهم قيد عائلى عشان يبين ان انتو ولدين فقط وان شاء الله خير
ممكن يعملو حساب لظروف سفر أخوك ووالدتك وتاخد إعفاء مؤقت
متنساش تعمل subscribe (اشتراك) للقناه

[@ahmedalmala-fx7qg]

يارب حضرتك تكون بخير
حاليا انا واخويا هنتخرج من الكلية في نفس السنة بس هو اكبر مني في السن بسنتين ووالدي متوفي في الحالة دي مين هياخد اعفاء مؤقت ومين هيدخل

[@osamarashad_8344]

المفترض تدخل انت الأول واخوك ياخد تأجيل

[@IslamicsPeace]

لو سمحت عايز استفسر علي حاجه انا عندي مرض جلدي منتشر علي ظهري خاصة من فوق عن الواح الظهر و كتف مغير لون جلدي و عندي وحمات كبيره بدرجة متوسطة على دراعي اليمين و الشمال لسه طلعنلي من سنة او سنتين و عندي برضو زي وحمات حمرا شوية عند المنطقه الحساسه واحد علي الرجل اليمين و التانيه علي الشمال و عندي اكزيما على مشط رجلي بدرجه متوسطه و علامات جلديه برضه عند الرقبة و تحت الابط الايسر لسه طلعينلي من كام شهر .. هل ممكن الحاجات دي تديني إعفاء سواء دائم او مؤقت و لا مافيش اي تأثير و شكرا

[@osamarashad_8344]

مقدرش ااكد عليك انك هتاخد إعفاء لانى مش دكتور وحالتك مش قدامى لكن أحب اطمنك ان اكتر حالات بتاخد إعفاء في الجيش هى الجلديه فاستبشر خير.

[@IslamicsPeace]

@@osamarashad_8344 طب معليش هتعبك تاني اعتبرني اخوك الصغير لو انا عايز اكشف جلديه بره الكشف الطبي اكشف حكومي و لا عسكري انهي واحد اضمن الي ممكن يعترفو بيه هناك و يزق معايا و يديني إعفاء

[@hemaelkasas634]

لو سمحت كنت بغسل كيلي ودلوقتي مبقتش بغسل وعندي الغده الدرقيه مدي الحياة

[@osamarashad_8344]

لو خدت ما يثبت انك كنت بتغسل كلى هتاخد اعفاء

[@user-ej2is4gk9c]

لو سمحت أنا قدمت قيد عائلى علشان اخد تأجيل أنا ابويا ٦٢ سنه وانا اكبر واحد. فى اخواتى كلهم لسه بيتعلموا كده ليا تأجيل ولا لا مع العلم أنا معايا ٢ اخوات بس من ابويا بس

[@osamarashad_8344]

الأصل انك تاخد تأجيل ٣ سنين لكن فى حالات دلوقتى بتدخل وتخلص منها عشان كده كده هتدخل لما اخوك يخلص تعليم فبيختار انه يخلص من السنه دى خصوصا لو مؤهل عالى
نصيحتى انك تخلص من السنه دى خصوصا لو مؤهل عالى عشان كده كده هتدخل فاخلص منها عشان تشوف حياتك

[@user-yr2tc7st7k]

لو سمحت كان عندي استفسار لو واحد اجه معاد الجيش بتاعو وهوا ابوه متوفي وعندو اخين اكبر منوا بس هما مش عايشن معه هوا وا اموا مبيكلموش بعض وعايش هوا وا اموا بس ده يا خد تاجيل

[@osamarashad_8344]

لو اثبت للجيش من خلال اوراق انه العائل الوحيد للأم وانه عايش معاها لوحده بدون إخوته وان اخواته متجوزين وقاعدين بعيد عن امه هياخد إعفاء مؤقت
لو اثبت زواج اخواته من خلال قسيمه الزواج الخاصه بهم وكمان اثبت انهم عايشين فى محل أقامه مختلف عن محل إقامة والدته هياخد إعفاء مؤقت
الإعفاء المؤقت ده بيكون لمدة ثلاث سنوات وبيتم التجديد بعدها لمدة ثلاث سنوات لحين ما يبلغ الثلاثين عام فيأخد إعفاء نهائى طالما ظلت الأحوال كما هى وظل هو العائل الوحيد للأم

[@alibediwy2858]

والدي متوفي و عمري ٢٩ و عندي شهادة الاعفاء المؤقت مكتوب فيها لحين انتهاء اخويا من دراسته او وصولي ٢٩ عام ايهما اقرب
اخويا ما زال يدرس و لسا قدامه سنه ونصف هل اقدر اقدم على تجديد الشهاده ؟

[@osamarashad_8344]

للأسف لا
متقدرش تروح التجنيد إلا بحلول أقرب الأجلين

[@youssefselim9579]

لو سمحت لو انا خريج ثانوي و عندي اخت بتدرس في الجامعه و اخويا عنده ١٣ سنة و ابويا عنده ٦٠ و طلع للمعاش هل ليا جيش؟

[@osamarashad_8344]

يعنى إيه خريج ثانوى!
يعنى هتكمل دراسه ولا هتعمل ايه؟
كده كده وجود أخوك هيدخلك الجيش

[@youssefselim9579]

@@osamarashad_8344 حضرتك متأكد ؟ كذه حد قالي هاخد اعفاء مؤقت عشان انا العائل في الأسرة و اخواتي صغيرين

[@mohamedhssan1502]

انا بعول اختي من امي المتوفيه ووالدي متزوج من واحده اخري ومعاه اولاد منها وبيعولهم في احتمال اخد اعفاء المؤقت

[@osamarashad_8344]

الأصل أنك هتدخل عادى لكن قدم برضو الأوراق اللى تثبت كلامك لعل وعسى

[@ziadhanafy4457]

طب انا ولدي 67 سنة وغير قادر علي الكسب وانا متخرج بس ليا اخوان ولاد اكبر مني بس كل واحد متجوز ويعول اسرة ومحل السكن مختلف... هل احصل علي اعفاء مؤقت من التجنيد لاني كده انا العائل علي والدي ام لا؟!

[@osamarashad_8344]

تستحق إعفاء مؤقت
انزل يوم التجنيد واحكيلهم حالتك وشوف محتاجين ورق إيه وسلمه!

[@user-su6pw2su3k]

انا اكبر اخواتي و اخويا الي تحتي لسه بيدرس في المعهد و قدامه سنتين بس هو مصاب اتعور في رجلييه و ركب شرايح و مسامير
فلو انا عملت كبير عائلة هتديني سنتين بس لغاية مهو يخلص
ولا هتديني اعفاء علطول لانه مصاب

[@osamarashad_8344]

لا مش هتاخد إعفاء
حالتك مش من ضمن حالات الإعفاء لا المؤقت ولا الدائم إلا إذا كان والدك متوفى او مطلق الوالده ففى الحاله دى هتاخد إعفاء مؤقت لمدة ثلاث سنوات لحين ما اخوك يخلص تعليم وبعد كده هتدخل

[@user-su6pw2su3k]

@@osamarashad_8344 انا يا استاذ اسامة والدي عدي الستين سنة .

[@hak5622]

يا استاذنا عندى استفسار
واحد صاحبى عنده ٢١ سنه عايز تاجيل من التجنيد
كان بيدرس طب فى السودان ورجع مصر ومش عارف يجيب اثبات قيد من هناك
وحاليا عايز يطلع باسبور عشان يسافر يدرس فى ايطاليا بس موقف التجنيد مانعه
يعمل ايه ؟
+ انا اقترحت عليه يقدم تعليم مفتوح عندنا فى القاهره هو كل الى عايزه تاجيل من التجنيد بس ، حضرتك عندك معلومات عن التعليم المفتوح برضوا ؟

[@osamarashad_8344]

لازم عشان يخرج بره يأجل التجنيد و ده مش هيتم فى حالته إلا لو جاب إثبات قيد من جامعه فى إيطاليا
اما عن التعليم المفتوح فحاليا مش مسموح التقديم له لأنه كمان سنه او سنتين و هيلغى على ما يخلص الدفعات اللى شغاله و بالتالى حاليا مفيش تقديم عشان النظام ده اثبت فشله فهيلغوه بس لما يخرجو الدفعات اللى دخلت
عايز يتعلم فى إيطاليا لازم يجيب اى إثبات قيد من هناك عشان يعرف يأجل التجنيد
اما لو قيد فى اى جامعه خاصه او معهد هنا فى مصر و تم تأجيل تجنيده فهو برضو مش هيلاقى سبب للخروج و لا هيعرف يجيب إقامه هناك إلا لو قيد فى أى جامعه و بالتالى هنرجع لنفس النقطه و هو انه لازم يراسل أى جامعه و يدفع و يجيب إثبات قيد عشان يعرف يأجل و بالتالى يقدر يخرج من مصر
بس كده

[@MohamedKhaled-sy1gd]

السلام عليكم لو انا ولد على ٣ بنات وانا اكبر واحد فيهم وليا اخوات من ام تانيه ٣ ولاد وبنت بس ولدى مطلق الام التانيه ف موقفى من الجيش هيكون ايه وهل هيفرق اذا كانو متعلمين او مش متعلمين

[@osamarashad_8344]

هتدخل عادى
تعليم الاخوه لا يؤثر على موقفك من التجنيد

[@MohamedKhaled-sy1gd]

@@osamarashad_8344 طيب هو ينفع اعمل كبير عيله لان انا الابن الوحيد لامى ع ٣ بنات

[@Houseofbooks-HB]

متزوج من اوكرانيا ومقيم في مصر ده اعفاء؟

[@osamarashad_8344]

هتدخل عادى
بس برضو حاول معاهم وقولهم كده لعل وعسى يكون فى خير

[@user-he9rp6pe3k]

لو سمحت انا واحيد الام بس عندي اخوات من اولاد من ابويا ف موقفي من التجنيد اية مع العلم انا ابويا معدي 80سنة

[@osamarashad_8344]

هل امك على ذمة والدك؟

[@user-he9rp6pe3k]

@@osamarashad_8344 ايوة

[@user-he9rp6pe3k]

@@osamarashad_8344 ايوة علي زمتة

[@user-xi1ht1mk2u]

انا معايا اعفاء مؤقت لأني الابن الوحيد وعندي اخت بنت صغيره ووالدي لم يصل لل ٦٠ هل اقدر اسافر ك هجره

[@osamarashad_8344]

لا كهجره مش هينفع لان معنى الهجره تغيير الإقامه والبلد مش هتخلى حد يغير إقامته وفى احتمال انه يدخل الجيش
لكن ممكن تسافر عادى بدون قصد الهجره حتى لو مش ناوى ترجع

[@user-xi1ht1mk2u]

طيب اعمل ايه لما اجي اسافر اطلع اذن السفر ب سياحه واسافر

[@mpmpmpmp2886]

لو سمحت انا ولدي عندة ٦٣ سنة وعندي اخ اكبر مني واخت اخويا متجوز وفاتح بيت ومعاه عيال وانا الي بصرف ع البيت هل في الحاله دي ينفع اعمل العائيل الوحيد للبيت ام لا

[@mpmpmpmp2886]

انا العائل الوحيد لابويا وامي واختي غير متزوجة واخويا الكبير متجوز ومعاه عيال وساكن بعيد عنا هل ينفع اخد اعفاء مؤقت ام لا

[@mpmpmpmp2886]

@Osama Rashad _ أسامه رشاد

[@osamarashad_8344]

اه هتاخد إعفاء مؤقت ان شاء الله
قدم ما يثبت انك العائل الوحيد لابوك وانه مش شغال وكمان قدم شهادة زواج اخوك وقيد عائلى واسأل هناك لو فى أوراق تانى وان شاء الله إعفاء مؤقت

[@tonyashraf3951]

لو سمحت عشان هاقدم الايام الجايه بعد اذنك انا والدى متوفى واخويا الى اصغر منى عندو 20سنه ولسه بيتعلم ف تانيه كليه فاضلو سنتين ويخلص حضرتك ده فيها تاجيل ولا ممكن اقدم وادخل

[@osamarashad_8344]

المفروض لك تأجيل
بس لو حابب تدخل من غير ما تأجل عشان تخلص منه لانك كده كده هتدخل ممكن تدخل عادى
أقصد يعنى محدش هيأجلك غير لو أنت طلبت

[@tonyashraf3951]

@@osamarashad_8344 معلش ي قندم انا اسف بس حضرتك متاكد ان ينفع اطلب منهم عدم التاجيل عشان رايح الايام الجايه ومش عارف اى الى اعمله عشان مخدش تاجيل

[@osamarashad_8344]

@@tonyashraf3951 أنت متطلبش حاجه
أنت قدم ورقك عادى وهما هيدخلوك من غير ما يسألوك عن اى حاجه
ومع افتراض أن ده محصلش وهتاخد تأجيل إجبارى فأنت كده كده مفيش حاجه تقدر تعملها

[@tonyashraf3951]

@@osamarashad_8344 تمام ااقدم عادى بشهاده وفاه والدى أن انا والدى متوفى وشهاده ميلاد اخويا والقيد العائلى ولا ااقدم من غير شهاده الوفاه والكلام ده

[@osamarashad_8344]

@@tonyashraf3951 خد شهادة الوفاه معاك عشان لو مش هتعرف تقدم من غيرها محدش يرجعك بالورق تانى لكن متقدمهاش غير لو طلبوها منك طالما عايز تدخل وتخلص

[@emanahmed6863]

اللي مولود ملخ ولاده وعنده قصر في اليد اليمني دا إعفاء

[@osamarashad_8344]

على حسب تأثير الملخ على الأعصاب فياريت وهو رايح التجنيد ياخد اى اشعه متعلقه بيه بتثب الملخ عشان يحولوه الحلميه
بس فى الغالب ان شاء الله إعفاء

[@Amrsayed98]

السلام عليكم دلوقتي انا والدي متوفي وعندي اختين من نفس الام وعندي اخوات ولاد وبنات من ام تانيه بس كلهم متجوزين ومش ساكنين جنبنا وانا حاليا في تانيه كليه وجايلي شغل محتاج فيه شهادة الجيش انا كده لو روحت قدمت هاخد اعفاء نهائي ولا مؤقت ولو مؤقت هل في حالة وفاة الام يبقي كده الحاله اتغيرت ولازم اروح التجنيد ولا لو والدتي اتجوزت بس ساعتها اروح

[@osamarashad_8344]

لك الحق فى إعفاء مؤقت وفقا لنصوص القانون لكن المشكله كلها هل هيعتبروك عائل ام لا؟ على اعتبار أنك لسه فى بتدرس
التطبيق بتاعها بيختلف للأسف

[@Amrsayed98]

@@osamarashad_8344 مهو انا محتاج الاعفاء علشان جايلي شغل ومطلوبه مني فا هل كده اقدر اخد اعفاء ولا لا

[@user-dz1dh7ly9x]

لوسمحت انا لسه مخلص ثانوي واخي سنه تانيه دبلوم وابي 65 سنه

[@osamarashad_8344]

انت هتدخل الجامعه يعنى؟ ولا هتقدم للجيش على طول؟

[@user-dz1dh7ly9x]

جيش

[@ebrahimebrahim4064]

لو انا واخويا هنقدم ف نفس الدفعه وانا الكبير وابويا معدي الستين هل لازم ابقا كبير عيله ولا عادي ندخل مع بعض

[@osamarashad_8344]

رديت عليك

[@hussainadel5952]

سلام عليكم انا والدي عدى الستين و هو غير قادر على الكسب و عندي منه اخ كبير متزوج ، ووالدتي مطلقه منه و عندي اختين بس ممكن اعرف ايه موقفي

[@osamarashad_8344]

للأسف هتدخل عادي