Che pueblo porâ, de Mauricio Cardozo Ocampo

Te invito a visitar / valorandolamusicaparag...
CHE PUEBLO PÕRÃ
Ajúnte rohechami mombyry asyetégui
heta rohechaga'u nde che pueblomi;
tamoasâími nde rokáre che py'aitégui
che purahéi kunu'ũ ryakuã pacholi.
Bandada korochire péina che moirũma
aponderami haguã ne marangutu.
Akóinte hyakuã porã mayma nde yvoty mitãkuñaita
ha itekove ne mitã rusu che pueblo porã.
Vy'águinte che rasẽ ahenduvove ne campana pu
Ha péina pype hekoviapaite ko techaga'u.
Péina Arasaty, hovái Costa Hũ ha Paso Paré,
péina Rincon'i, Cerro Tatu Kua
ha Isla Pa'ũ che vy'ahague.
Oime Cordillera yvága rovái ñu hovy porã
pépe opurahéi ku Salto Cristal
ko che purahéipe tamoherakuã.
Tapurahéi Takuary, cuna del Centauro,
hovái oime Minas Kue mandu'aiteha
upépe oikova'ekue-ku cañón "Cristiano"
heta ñane defende pe guerra aja.
Oime avei Entre Ríos ysyry pa'ũme.
Kurukáu ha Ytaypa chupe ombojegua.
Ha pe pueblo rembe'ýpe ikoni koni ku Paso Sabrá
omboguepaitéva ku mbyry'ái ysyry porã.
Vy'águinte che rasẽ ahenduvove ne campana pu
Ha peína pype hekoviapaite ko techaga'u.
Sapy'ánte che ko'ẽ opa che pytu, pueblo Ybycuí,
mba'éichatamo upe nde nde pohéi apytu'umi.
Letra y música: Mauricio Cardozo Ocampo