بدأنا تنظيفات العيد🧹🧺مشترياتى لعيد الاضحى🥳🐑كله جديد❌جديد🎀
Вставка
- Опубліковано 30 вер 2024
- بدأنا تنظيفات العيد🧹🧺مشترياتى لعيد الاضحى🥳🐑كله جديد❌جديد🎀
#تنظيفات_العيد
#مشتريات_العيد
#الاء_عامر_كيتشن
➖➖➖➖➖➖➖➖➖➖➖➖➖➖➖➖
لينك قناة اليوتيوب
/ alaaamerkitchen
لينك صفحتى على الفيس بوك
/ alaaamerkitchen
لينك حسابى الشخصى على الانستجرام
/ alaaamerkitchen
➖➖➖➖➖➖➖➖➖➖➖➖➖➖➖➖
بلاش ياحبيبتي تحرقي المورته لأن لون السمنه بيغير انا بعملها وإيدي فيها تقليب مستمر عشان متلزقش وبسخن الحله قبل وضع القشطه علي النار
بترمي المرته ليه 🥺🥺🥺
😢😢😢
لولو حبيبتي دعواتك لنا بالفرج القريب العاجل اتابعك من غزة💔💔💔
سلام عليكم مدام الاء
انا اميرة اسكندرانيه من الرمل ومقيمه فالرياض من ٢٤ سنه ومن سنه ٢٠١٩ مانزلتش اسكندريه غصب عنى ...شوفت قناتك بالصدفه بجد قناه رائعة ربنا يكرمك ويجبرك ويرزقك ويباركلك فاولادك وزوجك وفرزقك ان شاءالله وكل سنه انتى واسرتك ومتابعينك بالف خير ...شكرا لمجهودك ومعلوماتك وترتيب ونضافتك ❤
دايمان بسمع فيديوتك عمرى ما فوت فيديو بحس أنك صحبتى وبتعلم منك كتير
معلومات مهمة ومفيدة فى المطبخ 😍
-------------
🥣 لو الحله سخنت على النار ما تحطيش السمنه او الزيت على طول هيتحرقوا حطى البصل الى هتستعمليه هياخد الحراره وبعدين حطى الماده الدهنيه
🥣 اى حاجه على النار عاوزين تزودوها ميه لازم الميه تكون سخنه جدا
🥣 قبل ماتحطوا الكاكاو للكيك انخليه علشان مايعملش تكتلات
🥣 لو بتعملى الكيك بالسمنه اضربى السمنه مع السكر وبعدين ضيفى بيضه بيضه
🥣 لو بتعملى الكيك بالزيت اضربى السكر مع البيض الاول وبعدين ضيفى الزيت
🥣 وانتى بتطبخى او بتعملى رز استخدمى سمنه على زيت
🥣 الخولنجان بيطرى انسجة اللحوم بكل انواعها استخدميه فى التتبيله بيسرع السوا جدا وبيساعد على امتصاص التتبيله
( ملحوظة الخلونجان نوع من انواع النباتات مشابه نبات الجنزبيل )
🥣 ورق الزهر من عند العطار اطحنوه واستخدموه فى التتبيلات تحفه
🥣 كتير من المطاعم بتتبل المشويات بخليط من الخولنجان وورق الزهر والزعتر والروز مارى
🥣 محلول النقع بنحط لمون ماينفعش خل
🥣 الخل بيخلى الفراخ تشد بيفرتك الفراخ لكن بتشد
🥣 استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش وفى تنضيف الممبار كمان بلاش خل حطوا ملح وليمون وقشر الليمون
🥣 الخل ممكن نضيفه للكبده للبطاطس معلقه منه على الكيك وفى الشاورمه
اظن كده انتهت اسطورة الخل
🥣 انا بستعمله كمان فى التنضيف وفى القضاء على النمل وبحط شويه على البريل
🥣 اعملى ازازه بخاخ حطى فيها بريل على شوية خل وكملى شوية ميه هيوفر جدا فى البريل او النوع الى بتستعمليه
🥣 قبل ماتحطى اللبن فى الحله على النار حطى معلقتين ميه لا يمكن يلزق ابدا
🥣 اللحمه الضانى لو هتشويها التتبيل قبل الشوى على طول
لو هتسلقيها ضيفى نص معلقة خل بتساعد على سواها بسرعه وكمان بتضيع الطعم شويه والريحه للناس الى مش بتحب ريحتها
🥣 لو خزنتى الكرنب ورق بعد ماتحشيه اسقيه بشوربه ساقعه علشان مايجلدش
🥣 ورق اللورا بيساعد على تفتيح لون انسجة الفراخ وانتى بتسلقيها
🥣 لو عندك توم ناشف وفصوصه صغيره انقعيه فى شوية ميه وبعدين قشريه هيبقى سهل
🥣 لو بتقطعى خضره او اى حاجه خضرا ورقيه حطى على لوح التقطيع رشة ملح علشان ما تتطايرش منك
🥣 فى اكلات ماينفعش نغطى الحله واحنا بنسويها زى العدس والبصاره والويكه والرز بلبن والمهلبيه والمربات
🥣 فى اكلات ماينفعش نغطى الحله بعد مانسويها مش واحنا بنسويها بس زى الملوخيه والسبانخ ده وهما لسه سخنين طبعا.
♦️ملحوظة
( الخلونجان نوع من انواع النباتات مشابه لنبات الجنزبيل )
لو عجبتك النصايح دي نوروني وشرفوني ف قناتي بالاشتراك حبايب قلبي واخواتي 😍😍😍
تسلم ايدك ،بالنسبة للقشطة ممكن تستخدمي مضرب البيض يساعدك على فصل المية من الماده الدهنية ،وبتساعد ان السمنة تتعمل بوقت ااقل بكتيير من ٤ساعات وبتكون المورتا ااقل بكتييير من الكمية اللي طلعتيها ،
الجردل الي دة ياالاء الي بتمسحي بيه مش حلو زي الشرشوبه الدوارة ابداااا انا جربته بحس ان مش بمسح خالص دة بس بينفع للحيطان فقط انما الارض مينفعش للتنظيف،،الشرشوبه انضف وتحسسك بنضافه عند دة بكايير
سبحان الله هي اراء الشرشوبه دي بحسها بتليط ده انضف منها كتير 😅😊
ربنا يباركلك في حاجتك
وانا كمان بكره الشرشوبة الموب افضل وانضف بكتير@@sahooora4028
ما فيش إجماع على الجردل ولاحتى الشرشوبه سبحان الله .
افضل من الشرشوبة بيشيل كل ذرة تراب
الشرشوبة دى وحشة اوى
انا متبعاكي مش بفوت فديو معجبه جدا بكلامك باكلاتك وجربت حاجات كتير منهم
ياريت تقولنا مشتريات لاولادك عشان الاجازه وبيضيعو وقت في حاجات مفيده خصوصا ان ابني اد ابنك ربنا يبارك فيهم
🌻شوية خلطات
لتلميع و نظافة مطبخك هتفيدك وغير مكلفة 💯👌✨
🌻علشان تشيلى الاستيكر من على البوتجاز أفضل حاجة الباور ولو مش متوفر عندك ميه سخنة من الكاتيل وصبيها على مكان الاستيكر من فوق هيطلع معاكى بسهولة او ممكن كمان مكواة او أستشوار
🌻البوتاجاز بعد كل طبخ امسحيه بسفنجه وصابون ولمعيه بفوطه او قماشه قطن يوميا اعتبريه زي المواعين عمرك ما هتحتاجي لمنظفات وهدة حين عشان تغسلي التراكمات والدهون ابداً
🌻الكركاديه المغلي حطي اي براد او كنكه استانلس او المنيوم اسودت وسيبيها تغلى معاه وسيبيها ساعه فيه وبعدين اغسليه عادي جدااا هتلاقيه بيبرق✨✨
🌻لو عايزة صابون المواعين بتاعك بالقوة الرباعية يعنى نضافة وتوفير وكمان لمعان وتطهير تعالى اقولك تجربتى الشخصية في زيادة صابون المواعين لأ وإيه بيوفرلى وكمان بيلمع وينضف ويعقم كله في وقت واحد انا هقولك بعمله أزاى هتجيبى زجاجة بريل فاضية وتحطى تلتها بالظبط اى سائل مواعين بتستخدميه انا عن نفسي بجيب الجركن الكبير وبيقعد عندى شهرين واكتر بس اتبعى الخطوات بالظبط هتجيبى الزجاجة الفاضية وتحطى تلتها صابون مواعين عليهم معلقتين كبار كربوناتو وربع كوب خل هيحصل تفاعل سبيه لغاية لما يهدأ وبعدين كملى الزجاجة ميه سخنة ورجيها هيبقى معاكى صابون مواعين مركز جدا وبينضف ويعقم بفعل الخل والكربوناتو
🌻جهزي جركن الصابون السائل فاضي وهاتى المكونات اللى هقولك عليها وحطى فيه كوب سائل مواعين اى نوع بتستخدميه وبعدين ربع كوب كلوركس ألوان ونصف كوب خل وكملى الجركن ميه مغلية ضرورى الميه تكون مغلية ورجيه واقولك يا ستى ده هينفعك فى ايه هينفعك جدا في تصنيف البوتجاز وكمان تنضيف السيراميك ومسح الارضيات وكمان غسيل الانتريه والسجاد على الناشف رهيب
🌻لازم يكون عندك بخاخة فيها خليط من الخل والميه للتنضيف والتعقيم في أخر يومك لمعى بيها بوتجازك قبل ما تنامى وكمان الرخامة والحنفيات وحاجات كتيره ممتازة
🌻المطبخ لازم يكون فيه فوطتين تلاتة على الأقل واحده تمسحى فيها ايدك وواحدة تمسحى بيها اى حاجة تبهدل البوتجاز والتالتة علشان تلمعى بيها الرخامة او اى حاجة تانى
🌻الشفاط شوية كربوناتو على شوية خل وميه سخنة وسبيه يتنقع اقل حاجة ربع ساعة وبعدين ادعكيه بصابون مواعين هينضف ويبقى فل
ونصيحة اعمليله تنضيف على الأقل مرة في الأسبوع عمر ما الدهون هتتراكم عليه وبشوية صابون مواعين هيبقى فلة
🌻المطبخ الخشب اعمليله خلطة عبارة عن معلقتين كبار صابون سائل على ربع كوب خل وفي بخاخة رجيهم كويس ولمعى بيهم وبعدين فوطة ناشفة وامسحى علشان ميسبش ترسبات اما المطبخ الالوميتال ربع كوب بريل على نصف كوب خل على عصير ليمون وحبة ميه ولمعى بيهم وبعدين فوطة مبلولة ومعصورة ونشفى هيبقى فلة شمعة منورة
🌻علشان سواد فواصل السيراميك بعمل خلطة مفعولها ولا السحر ولا تقولى كلور ولا فلاش ولا الحاجات اللى بتتعب الصدر انا بجيب كميات متساوية من كوب كربوناتو وكوب ملح ليمون وكوب خل وكوب مسحوق غسيل واربعة لتر ميه سخنة هيحصل تفاعل وهو المطلوب إثباته هتاخدى من الخلطة دى وتحطيها على الفواصل وتسببها ربع ساعة ولازم الأرضية تكون ناشفة علشان مفعول الخلطة يتفاعل كويس وبعدين هتجيبى فرشاة حمام وادعكى الفواصل واتفرجى على النتيجة وادعيلي
لو عجبتك النصايح دي اتمني تنوريني وتشتركي ف قناتي المتواضعه حبيبه قلبي واختي
الله أكبر الله أكبر الله أكبر لا إله إلا الله الله اكبر الله اكبر ولله الحمد ❤
حبيبتي ضيفي قليل من الملح حسب الرغبه علي المرته بعد تصفيه السمنه وهي جميله جدا في الاكل والساندوتشات
لاف من قبل ما اتفرج
وعليكم السلام ورحمة الله وبركاته ❤❤❤
الحله صغيره هتفور منك
الاء حببتى كل سنه وانتى طيبه وبخير ممكن تفدينى ياالاء فى سرير دورين خصوصا لما ولاد تكبر هل هو عملى خصوصا ان الاوضه صغيره عندى وعندى بنت وولد
ألف مبروك عليكى المشتريات الجديدة ربنا يبارك لك فيها ويسعدك دنيا واخره وكل عام وانتم بخير
ممكن تقولي نقدم ايه في عيد الاضحى للضيوف يعنى
أنا بحبك جدا وبتعلم من حضرتك كتير من اني كبيرة عنك وعندي ولدين شباب ونفسي جدا تتكلمي عن الزراعه علشان أنا بحب ازرع وديما مش بتنجح معيا
السلام عليكم ورحمة الله وبركاته
آلاء حبيبتي ربنا يكرمك انا بحبك في الله
ممكن اعرف الاولاد عندك بيستغلوا وقت
الفراغ اذاي خاصتا الولد مغلبني ع طول
الفون وبحاول اقلل من وقت استخدام
الفون بس وقت الفراغ كبير برغم بينزل
سباحه ع فكره أولادي في سن اولادك
ربنا يحفظهم لينا جميعا
ياريت فيديو تكلمينا فيه ع افضل
طرق وافكار لاستغلال وقت فراغ
الصبيان والبنات
الله ينور بالامانه حاجات فتحي محمود ممتازه ربنا يهنيكي بيه تاكلي فيه الحلو كله وكل سنه وانتي طيبه❤❤❤❤
االسمنه اغمقت منك شويه يالولو
بحبك قوي يا آلاء وحساكي من سني انا هبة من المنوفية ❤❤
ايه اسم الجروب اللي جايبه منه الشمعدان
احلي لايك ربنا يوفقك يا حبيبتي كل عيد والجميع بخير
الحلة صغيرة يا آلاء 😅😅
المكنسه ماشاء الله حلوه اوى انا جبت واحده زيها بعد ماشوفت الريفيو بتاعك
الاء ممكن تحطى لينك جروب بتاع شمعدان
ممكن حبيبتى اعرف مكنسة بوش كويسة معاكى ولا ايه
ممكن حبيبتى اعرف مكنسة بوش كويسة معاكى ولا ايه
ممكن حبيبتى اعرف مكنسة بوش كويسة معاكى ولا ايه
ممكن اسم جروب الحاجات وارد السعودية
كل المشتريات تحفة جدا ماشاء الله تتهنى بيهم يارب❤❤❤❤❤❤❤❤❤❤❤❤
بسم الله ماشاء الله تبارك الرحمن.. الفيديو من أوله حماسي وتشجيعي اللهم صل ع النبي 😍🔥💪🏻
مشتريات جميله جدا تتهني بيها يا رب وكل سنه وانتي طيبه وبخير ❤❤
فعلا انا كنت جيباه وبداء يتكسر
ماشاء الله الف مبروك عليك تتهني بيه يارب❤
وانت طيب يا حبيبى ربنا يخليكوا لماما وبابا
انا بعملها كده السمنه بتبقى تحفه بس بتاخد وقت طويل
أحلي روتين ومشتريات بالتوفيق دايما👍💯
Nice sharing full watch video of the mashallah yummy
بلاش ترمي المرتة .... انا بستعملها في المعجنات بدل المادة الدهنية و لا زيت و لا زبده ... حطيها في عجينة البيتزا مثلا ... بتطلع تحفة و ريحتها تحفة
انا قلبي وجعني لما سمعت الاء بتقول انا برمي المورته😂
وكمان على مش ال جبنه روعه
@@hananahmed1657لأنها بجد مش صحيه دكاتره كتير قالو كده
الله يرحم والديكي ،بترميىالمورتة😂😂😂😂
حبيبت قلبي المبهجه ❤❤❤❤❤❤❤
مبروك عليكي جميل اوي شيك
اول لايك❤
الاء لوسمحتي هتبدأي فطام امتي او خلع حفاض محتاجين نصايح.... السجادة جميلة اوي ماشاءالله وطقم الاطباق بردو مبروك عليكي
لو سمحت هي ايه فايده الماء في المكنسه ونوعها ايه
Bosch
تانك المياة بديل لكيس الاتربة التقليدى
بيتجمع فيه كل الاتربة وبيكون سهل تنظيفه بالمياة وممكن تشفطى مياة او اى سوائل من على الأرض
ومعاها أدوات لغسيل بقع السجاد والكنب والمفروشات
الاطباق التركي أغلبها كدا بتتكسر من الجنب وتتخدش وبيبقى شكلها غريب
ربنا يفتح عليك و يبارك في عمرك ورزقك والله أنا متحمسة ليوم تغيير لون الرخامة حتفرق معاك كثير في التصوير و جو المطبخ
تمسحين بالعكس غلط تمسحين وتمشين على اللي مسحتيه ان شاءالله فهمتيني
ممكن الجروب اللي حضرتك جايبه منه الشمعدان والبونبينيره
مترميش المورته خديها في المحشي بيبقى خطير
كل سنه وانتي طيبه وعيد سعيد عليكي وعلي كل اسرتك يارب وبجد فيديوهاتك مريحه ومنظمه ربنا يباركلك ويزيدك من فضله ❤❤❤
روتين حلو يسلمو دياتك بدنا روتين ليلة العيد
مبروك عليكي يا حبيبتي تتهني بيهم وربنا يجعلك دايما في الزيادة وكل سنة وانتى طيبة وبخير وصحه وسعاده
اللهم صل وسلم على سيدنا محمد وعلى آله وصحبه أجمعين تتهني دايما يا جميل بحبك في الله بالتوفيق وكل عام وانتم بخير بمناسبة قرب عيد الأضحى المبارك اعاده الله علينا وعليكم بالخير واليمن والبركات اللهم انصر المستضعفين في الارض
مبروك حبيبتي بكام طقم البورسلان
ماتفهمينيش غلط يا آلاء بس بجد بستغرب كتير يوتيوبرز مش انتى بس بلاقيهم بيجيبوا أطباق وحلل وأجهزة وحاجات أساسية عشان مش عندهم منها مش بهدف التجديد 😅 ازاى ده احنا مصريين والأم المصرية الأصيلة بتجوز بنتها بكذا طقم حلل واطباق 😂
انا عن نفسى اتجوزت بطقمين فقط
واحد صينى كبير للنيش 😅 والتانى استعمال ..
الاستعمال ده عندى زى ما هو بس موديله قديم ومش بحبه لان ماما كانت بتجهزنا من واحنا صغيرين.....فشيلاه بعد ما استخدمته كذا سنة
والحلل نفس الكلام .. طقم استانلس وطقم تيفال وطاسات والرفايع الفردية
وده لأننا من اسكندرية واغلب جهاز البنات عندنا كده مش بأعداد كبيرة
لكن الاعداد والتنوع الكبير ده اعتقد فى الريف اكتر من المدن
اما اليوتيوبر بيهتموا بشراء الأطقم ليه؟... لان لو اتكسر من الطقم أعداد كتير مش هنعرف نصور كل صنف فى طبق مختلف عن التانى
@@AlaaAmerKitchen اه فاهماكى .. ربنا يوسع عليكى يارب عقبال ما تجهزى بناتك يارب😍🤍 فعلا احنا فى دمياط ومدن الدلتا عموما الأهالي بتجيب كميات رغم انى معملتش كده الحمد لله🙏
امين يارب العالمين واياكى يارب حبيبتى ❤️❤️❤️❤️
بعد اذنك افضل نوع للقلايه الهواءيه وتكون كبيره
❤❤❤
كل عام وانتم بخير وطيبين يا ألا ء
❤❤❤❤❤❤
ما شاء الله مشتريات جميلة تتهني بيها
وعيد اضحي سعيد
ام اسيا
معلش يا الاء هو لو سيحت السمنة ومستنتش عليها زى ما قولتى بس بحفظها فالتلاجة مش برا هل كده ممكن تفسد
مبروك عليكى حاجات جميلة وعيد سعيد علينا وعليكم❤
ياالاء حطى على القشطه كوب ميه وانتى بتسيحيها علشان مش تلزق فى القاع وممكن لوعندك تيفال بتكون احسن
مشتريات الهنا ياقلبي كلها حاجات حلوة كل عام وانتي بخير❤❤
ممكن نوع المكنسه بتاعتك وعمليه ولا
آلاء معلش ممكن تقوليلي توكيل بوش في العجمي أو اي حد بيبيع تبع بوش المكنسة الكهرباء بتاعتي عاوزة اجيب مشط جبت من عند الكاشف بس مش زي بتاعها
السلام عليكم ممكن احملكوا امانه تدعوا لزوجي بسداد الدين لان احنا في كرب عظيم ربنا يفك الكرب ويسد الدين اللهم امين ادعولي بالله عليكوا كتير
اللهم اقضي الدين عن المدنيين ربنا يرزقك من واسع فضله وكرمه وجوده يارب العالمين
اللهم فكك كربك ويزيل همك يارب
اللهم آمين يارب العالمين
ربنا يسدد ماعليكم يارب ويفك كربكم وجميع المسلمين
كل سنه وانتي طيبه وبخير يا رب ❤❤
المكنسه ماركتها ايه يا الاء
الصحن المشروخ لا يجوز الاكل فيه ❤
عندك حق طبعا حبيبتى❤️❤️
@@AlaaAmerKitchen هوا مش تنظير والله بس انا شوفت المعلومه دي في فيديو بعد بتاعك علاطول ف افتكرتك وقولت اقولك علشان يبقا عندك علم♥️
انا بحبك موت يا الاء❤ونفسى نتكلم على الخاص
حبيبتي يا لولو مبسوطه ان شوفتك ربنا يبارك فيكي وفي حياتك يارب العالمين ❤
بكام يالولو الطقم ده هو موجود في رنين فقط
ماشاء الله تبارك الرحمن تسلم ايديكي
فوطه المطبخ منين
حلوة أوى مشاية المطبخ ما شاء الله 😍
الف مبروك يا حبيبتي
ما شاء الله تسلم ايدك حببتي
انا مامت اواب كل سنة وانتى طيبة يا الاء
ممكن الجروب
تسلم ايدك
تعيشي وتجيبي❤
شقتك نضيفه مش مستدعبه مكنسه على البلاط خلى المكنسة للسجاد واكنسى عادى بالمقشه خسارة الكهربا
عشان آلاء عندها حساسية من الأتربة
❤❤❤
كنت بحوش القشطه واحولها سمنه بس ماكنتش ليها طعم ولا ريحة الذبده اللي بسيحها كانت بتبقى ضعيفه اووي مش عارفه ليه
ممكن يكون اللبن مش دسم كفايه
❤❤❤
لو سمحت يا الاء قولي لي نوع الجردل بتاعك ضروري عشان محتاج اجيب واحد زيه او ترشحي لي نوع ثاني
Hero kitchen
ده اسمه حبيبتى وفى نوع زيه اسمه الخلود وممتاز برده
@@AlaaAmerKitchen بكام الجردل بتاعك
بلاش تسيحي في حله استالس احسن حاجه انها تتسيح في حله تيفال عمره متحرق من قاع الحله
اللهم فك دينه ودين كل مديون يارب بحق هذه الأيام المفترجة بدن اي فضائح يارب العالمين
يارب يارب يارب
اللهم امين يارب العالمين
اللهم امين يارب العالمين ربنا يفرج كربك ويزيل همك يارب العالمين
ممكن أقولك رأي ومش تزعلي مني السجاجيد محتاجه تغيير موضتهم قدمت جدا والستاير برضه لازم الوان هاديه تنقل المكان لحته تانيه خالص وكل عام وانتم بخير وصحه وسلامه يارب العالمين 🙏 🙏 🙏