كيف يعمل المحرك و اهمية الكلج
Вставка
- Опубліковано 11 лют 2025
- رابط صفحة ال Instagram {ميكانيك الدراجات}
/ iraqi_motor_c
رابط مجموعتنا على ال facebook { كن فنيا بعقلك }
www.facebook.c...
رابط صفحة القناة على الfacebook { ميكانيك الدراجات }
www.facebook.c...
--------------------------------------------------------------------
ملاحظة / هنا بعض الاسئلة و قد تكون بعض الاجوبة ليست تامة او بها خطأ .
⇝⇝⇝⇝⇜⇜⇜⇜
نبدأ بعون الله تعالى
1- كيف اعرف الدراجة تحتاج تجفيت ( كايمة ) او لا ( اي و يكمن العطل في السلندر او يسمى البوشة و البستن )
ج / تعرف ذالك عن طريق الفحص و ذالك بوضع رجلك على الهندر و أنزاله ببطئ اذا لاحظت أنه ينزل بسرعة دون مقاومة فالمحرك عاطل يحتاج تجفيت وايضا تستطيع فعل ذالك من جهة مروحة التبريد تقوم بتدويرها فأذا لم تجد مقاومة فالدراجة تحتاج تجفيت و في القناة فيديو توضيحي .
2- صوت في الأطار الخلفي ( العجلة الخلفية ) للدراجة .
ج / لها عدة أسباب منها :
1_ مكان أتصال الأطار الخلفي بالمحرك المسمى بلأكسل يوضع فيه زيت يسمى سي أو يل ممكن لا يوجد زيت فضيفلهة هذا الدهن راح يفيد في تخفيض الصوت و في القناة فيديوهات توضيحية .
2_ ممكن بسبب البولبرنكات الموجودة في نفس المكان ممكن تالفات يعني ( خلص عمرهن الافتراضي ) لذالك هن يطلعن أصوات و ايضا في القناة فيديو توضيحي .
3- كيف اجعل الاشاراة تشتغل رباعي .
ج /من خلال ربط اسلاك الاشارة معا و ربط مفتاح بينهما لغرض التحويل بين الأشارة الرباعية و الوضع العادي و في القناة فيديو توضيحي .
4- الدراجة تشتغل اذا كانت باردة و بعد ان ترتفع حرارة المحرك تنطفئ او بالعكس .
ج /عمل ثلاث امور ان شاء الله راح تفيدك :
1_ اذا كان البلك { بوجي و هو المسؤول عن اعطاء الشرارة للمحرك كي يحدث الاحتراق } قديم قم بتبديله و ضع جديد اصلي و حتى لو كان جديد لكن ليس اصلي قم بتبديله بآخر اصلي .
2_ اتأكد من وصول الدهن للمحرك و ذالك عن طريق تنظيف مضخة الدهن موجود فيديو في القناة عن هذا الامر .
3_ اخلط للدراجة دهن مع البانزين بكميات قليلة بمقدار 5 cc كما موجود في سرنج زرق الابر الطبية تضيفه مع كل تفويلة بالتمام للبنزين و ترج الدراجة ليمتزج .
5- دراجة أوتوماتيك سرعتها ممتازة لكن عزمها ضعيف اي عند صعود تل او جسر لا تقوى على الصعود .
ج / بالنسبة للعزم فهذا شيء طبيعي لأنة الدراجات ذوات المحرك الأوتوماتيكي هكذا يكون عزمهن ضعيف و قد يكون لديك خلل في الكلج الخاص بالاطار الخلفي به فحمات احتكاكية ممكن تالفات أما الدراجات ذوات المحرك الذي أنت تعطية النمرة ( الكير العادي ) فيكون عزمهن قوي وأقوى ما يكون في النمرة ألأولى ( التبديلة الأولى )
يبقى السؤال هل الدراجات الأوتوماتيك مصممة لصعود التلال المنحدرة جدا الجواب لا
لذالك تجد نوع خاص من الدراجات تسمى جبلية ذات محرك أنت تعطية تبديلات الگير ( محرك الكير العادي ) .
6- اذا كان البلك راخي هل يؤثر .
ج / نعم يأثر على الضغط اربطه جيدا لكن ليس بقوة عالية شد معقول .
7- الكلجات ( الخرز ) يأتي عددهن 6 او اكثر هل يمكن تقليص عددهن الى 3 مع التوزيع بشكل متناسق .
ج/ العملية كلها تعتمد على قوة الطرد المركزي فعند تقليل الخرز الى ثلاث أو أربع تزداد سرعة نهوض الدراجة في اول تحرك لها اي سرعة اقلاع عالية .
لكن أيضا تعتمد على المحرك وقوته قد تنجح و قد لا تنجح و في القناة فيديو توضيحي عن زيادة السرعة .
8-الدراجة الجديدة مثلا سرعتها 60 تمشي 50 و تقفل السرعة لماذا .
ج / الدراجات الجدد يجي بيهن قفال سرعة
على الكلجات الامامية زيل القفال و تزيد السرعة لكن انت افتح الكلجات اذا وجدت قفال
خليي أفضل ألك حتى لا يتعب المحرك و خليك حدك اذا تريد سرعة 50 لا تزيد أفضل للمحرك و في القناة فيديو توضيحي .
9- هل السلندر( البوشة ) التجاري جيد ام لا .
ج / يعني نوعا ما جيد لكن شهرين او اكثر او اقل و لازم تبدلة لأن يتلف ،
يوجد أفضل الي هو يسمونة مكصوص رايمر يعني سلندر اصلي مستخرجينة من دراجة و مصلحينة بطريقة القص لكن غالي ممكن يكلفك فقط القص بحدود 15 دولار ، أما التجاري ممكن تحصلة ب 10 دولار او اقل ،
بينما المقصوص او مال تفصيخ اصلي تحصلة كامل ب 35 او 40 دولار .
10- السلف فترات يعمل و فترات لا يعمل .
ج/ نظفه جيدا و رجع شد السلف و جرب
و اذا ما يشتغل فممكن فيوز تالف عندك
او المحول الخاص بالسلف يسمونة كتف
او ممكن من الباتري تالف او يفقد شحن .
11- الهندر لا يعمل حاشر ما ينزل و الدراجة لا تعمل .
ج/ يوجد سببان لهاذا أحدهما سهل و الاخر صعب ،
1_ قد يكون السبب تكسر مسننات الهندر من الداخل وهذا سهل فقط قم بفك مكان الهندر بالكامل و جد القطع التالفة و استبدلها ، أذا لم يكن هنالك مشكلة بألهندر أذن ،
2_ عطل داخل المحرك يعني ( تجفيت ) للمحرك
و في القناة شرح للتجفيت و كيف تعرف الدراجة تحتاج تجفيت .
12- الأطار الخلفي لا يتحرك مع ان الدراجة تشتغل وكأنه ملتسق او كابح فرامل .
ج / الاكسل الخلفي يعني مكان ارتباط الأطار بالمحرك هذا المكان به جهتان جهة خارجية و التي بها الأطار
و جهة داخلية و التي بها الكلج يكون في جهة الهندر المهم هذا المكان الاكسل يحتوي في الداخل على بوربرنكات و مسننات تجد هناك العطل ممكن تكسر البوربرنك ،
يجب فتح الكلج في جهة الهندر و من ثم فتح الغطاء الذي وراءه ثم تصلح حسب العطل الموجود او يوجد الخلل في الفحمات التي في داخل الأطار المسؤولة عن الفرملة متكسرة و مسببة انحشار في هذه الحالة تفك الأطار و ترى اذا كانت هناك مشكلة في القناة فيديو توضيحي .
#ميكانيك_الدراجات #ميكانيك
من الجزائر شكرا
هذا النظام سيستعملونه في السيارات عالية الأداء داخل علبة السيارة
كل الهلا اخي
اتشرفت بيك .
انتة وردة
بس اترجاك كثر المحتوى مالتك لان ماجاي تشنر هاليان كلش قليل
أحسنت روعة . وفقك الله لكل خير
أتمنا من جميع المصلحين يشرحون مثلك
تحية طيبة اخوك غيث الكاظمي
شكرا جزيلا اخي غيث
و اهلا وسهلا بيك .
فديو محترم عاشت ايدك ربي يزيدك علم ومعرفة وينور قلبك
عاشت ايدك شرح واضح جدا ومبسط ..شكرا لك.
مشكور على هاي المعلومات واصل ابداعك يا بطل
كلش راقي اقسم بالله
نورت اخويه احسنت يا مبدع وينك شو ماكو خيرك
فوق عملك عجبني ايمانك بالله سبحانه وتعالى
ياهلا بيك وين هل غيبه
شكرا يامبدع
بارك الله فيك ياأخي
سؤال /اذا مفتوح القبق ومبدل القايش هل اله تأثيرات على المحرك ؟ وتعتبر مفتوحة لو لا؟وشكرا
لاطبعا ماله علاقه المحرك
أحسنت بارك الله فيك وجزاك الله خير
احسنت نزلنه على نوعية البطح
خويه نصيحه عيف تصليح الدراجات لا تورط الناس لن القايش العكده مالته مو تمام ما تارس ب الكلج الخلفي انتهبه عليه وهذا غلط ياثر على الشلعه وثاني شي لزم تصفر المرايه مال الكلج ام المروحه لزم تصفر علمود القايش يصعد راحته
شكرا لنصيحتك اخي راح اخذها بعين الاعتبار ،
اما بالنسبه للتصفير فهاذا مو موضوع الفيديو .
انتة احسن من عندة مثلا
جا ما تنشر وتعلم العالم لو بس بطل كيبورد
حبيبي ليش تتهجم هذا اسمه انتقاد شدخل بطل الكيبورد @@mrtmplate1229
عاشت ايدك يا ذهب
انت معلم
استمر يامبدع
شكرا
فيديو رائع
اخوية عندي دراجة دولفين
تمشي وحده
بدلت كابريتر نفس الشي
شسوي حته ترجع طبيعي بروح ابيك
اخوي هاي الحالة بس الصبح لو بكل وقت .
مشتاقين شنو هاي الغيبه الطويله
تشتاقلك العافيه اخوي
كل وقتي بالشغل فقليل وقتي للقناة .
@@Iraqi-1-Man بالتوفيق ان شاء الله اخوي بس سوأل بلازحمه محلك وين بالضبط
السلام عليكم كيف الحال نورت ياورد الكلج هم اله علاقة بالشلعة
نعم اله علاقه .
رحمه على والديك نزل شرح شلون نربط الضفيره لدراجات ال 60
احسنت حبيبي
تسلم وردة🌹
الله يوفقك .
عاشت ايدك
استمررر
السلام عليكم
خويه وين احصل محرك ساسوكي 100 و اكو اله تحوير لغير محرك
اعتذر ما اعرف وين يبيعون لازم تسئل المصلحين ممكن تحصل
و التحوير اتوقع الاكزز يرهم .
السلام عليكم بارك الله فيك موفق
عندي صوت احتكاك عند الاقلاع هل يكون من الكلج الخلفي مع غطاءه
وين هاي الغيبه
اشكرك اخوي اخوي
كل وقتي بالشغل فقليل وقتي للقناة .
ماهي اهم الكلج في سكوتر
السلام عليكم ممكن تسويلنه فيديو شلون نشغل المحرك مال ال ستوته و البطه
يعني ذا ريد نشتري محرك ونعرفه شغال لو لا
احسنت
جميل
سؤال
عندي فراشه 140
بس داحسها. مخنوكه ومو سريعه
اهلا اخي
تبدل قايش و تفحص الكلجات
و تنظف الكابريتر .
خويه عندي دراجه فراشه فضائي انكطع القايش وبدلته ومن ادوس هندر التاير يفتر ويه دوسهت الهندر
عدي فراشه تشتغل بس ماتمشي الزنجيل راخي شنوو سبب زنجيل انطه بروحه لو القايشات مال كلجات
اما مشكلة بالكلجات او القايش تالف .
مبدعععع
حبي حجم القايش شكد اذا ماكو زحمه عليك رحم الله والديك
تسلم وردة اريد منك حل شنو سبب صوت الاكسل
الاغلب بسبب تلف جزئي في البولبرنك .
استاذي راجز سلف عطل تثلم وماتشتغل سلف الة بل هندر شديت جديد ونفس الشي ممكن رد
اني لهسه مالكيت واحد يفهمني شلون ازيد سرعه الدراجه الجوندا
نورت
مرحبا اخي
سلام عليكم اخي اريد مغنطه ودشلي مال 200 عدكم بل معرض أصليه بيش
في الوقت الحالي فقط دشلي سلف
اما المغنط فان شاء الله على الوجبه الجديده من ينفتح السوق .
السلام عليكم اخي عندي دراجة 60 ساسوكي تقفل علئ 40 ماطلع 60
عزيزي افحص الكلجات و القايش و بالقناة فيديو عن الموضوع .
@@Iraqi-1-Man ممكن رابط الفديو الله يحفظك.ويطول عمرك يارب
@@عّلُيّالُفُرًيّجَيّ-ح9و تفضل
ua-cam.com/video/JTpjsOakdQc/v-deo.html
@@Iraqi-1-Man حبي هذا الفديو علئ فيت بوم مو كلجات
@@عّلُيّالُفُرًيّجَيّ-ح9و عذرا اخوي صار خطأ
تفضل ua-cam.com/video/oNtBVYoYsHA/v-deo.html
سلام عليكم خويه رحمه الوالديك ممكن ترد عليه عندي ادرس قديم من اديرله دهن وره تلاث اسابيع ما الكه بيه استكان بس ما مأثر على سرعته
اخي عندك تبخير قوي بالمحرك
او رنكات البستن تالفه فبهاي الحاله راح تلاحظ دخان ازرق او ابيض من الكزوز
غالبا تحتاج تجفيت .
شكرا يا غالي
سلام عليكم خويه عندي دراجه ياماهي هندر يضري بوش
غيرت القبق مالت هندر هم يضرب بوش وين العصل بل كلج هو شنو ارجو رد
خويه عندي الدراجه من امشي بيه طبيعي بس من اطس واتيه البانزين تطفه ولو اتعبك وياي
احسنت حبيبي لكن عنوان الفديو يجب ان تغيره الى كيفية عمل الكير بوكس للدراجة وليس عمل المحرك .. احبك في الله
السلام عليكم
عندي دراجة ياماها ٦٠ الإطار الخلفي محجر ويحمة رخيت البريك نفس الشي هسة التأير جاي يچلب وما يمشي ممكن اعرف شنو السبب
سلام عليكم اخي ممكن طلب ....عندي دراجه ١٤٠ وبدلت الجوين المتصل بين المحرك والكابريتر .....من اشغل دراجه الاحظ ظهور هواء من اسفل الجوين علما انه مخلي واشر جوين ....سؤالي هل هذا الهواء يأثر على محرك الدراجه ...........ارجو الرد
استمر
عند بس من واكف يمشي ويريد ينطفي ياماها حجم ٦٠ ارجوك اشنو السباب وشكرا
السلام عليكم عندي دراجتي بدلنه الدشالي الخلفي كامت دراجه خامده ماتمشي ماسبب ارجو الرد
مكن ترد عليه عندي سؤال اريدج جواب
استمر الله يوفقك بس ممكن عندي طلب
فتحت الكير بوكس نضفه وشديته نفس ماجن
وره ما شديته كام يشتغل بالعكس يعني انطيه اليكدام الستوته ترجع وره و من ابدل وره تمشي اليكدام ممكن حل شباب لا تقصرون
اهلا وسهلا اخي
نعم انت رابط احد المسننات عكسيا
افتح الكير و اقلب المسننات خصوصا مسننا التحويل .
ماهو دور الكلج الامامي
الكلج الى علاقه بطفيه دراجه اذا لزمت ابريك دراجه ادرس صيني
اخويه ممكن مساعدتک
الدراجه تذب دهن ف رحت للفيتر گلي صوچ الچبنه وبعد ما بدلت چبنه وره ساعتين ذبت دهن من نفس المكان بس تذب قليل
وحالياً الدراجه ما تمشي وقبل چانت بيها شلعه كلش حلوه بس هسه الشلعه راحت والتاير الخلفي يوگف .. علماً نوع الدراجه كلاسک 60 ارجو الرد 🥺🤍
اكلك خويه لازم القايش ينزل كلش بالكلج الخلفي
لا هو ينزل لحد ما يقفل .
شباب عندي مشكلة الدراجة من ادير سلف التاير يفتر ويه الديره وإذا الدراجة طافيه اجي افر التاير الكاه قافل ما يفتر
السلام عليكم يامبدع
اريد اعرف طريقة تصفير العقل مال هوندا ليدي .. نوزل
عندي الضوه مال الحساس يشكل
ومن يضل مشتغل الضوه متشتغل الدراجة ... احاول اطفي السويج وافتح سويج حتى ينطفي
بلا زحمة رحمه لوالديك
كلك ريد تعلم تصلحات المطور البزو ن
سلام علكم عندي دراجه 140 صارت بيها فصله منكيفها بس اهد سكليتر اريد اوكف تعطس وتضرب جيلات شنو لسبب وشنو حلها هاي وحده وثاني شي ضليت امشي بيها جم يوم كيفت بل فصله بس فجاتا عله صوت لدراجه لكيت لبوشه صاير بيها زرف بصف فتحت لكزوز اريد اعرف انزرفت بسبب لفصله ياريت اجاوبني اعذرني عل سوال لطويل
حبيبي بيش الكا
ما اعرف ليش بطلت تنزل مقاطع المهم كون سالم
اشتاقينالك اشو ماكو ليش
تشتاقلك العافيه اخوي
كل وقتي بالشغل فقليل وقتي للقناة .
@@Iraqi-1-Man ربي يرزقك ويحفظك 🌹
القايش عندك داخل فالكلتش الخلفي هذا غير طبيعي
ليش القايش يفتر هاف
تهمج
استاذي ممكن رقمك
نورت