Sobanukirwa byinshi ku kibazo cya "Stress"

#INZUYIBITABO
Stress ubusanzwe ni iki?
Muri iki gihe ni kenshi wumva umuntu avuze ngo: “uriya muntu antera stress”cg ngo “urashaka kunyongerera stress” ariko se stress ni iki?
Stress ni ikintu cyose gikabura (stimulate) umubiri kikaba cyahindura imikorere isanzwe yaba mu mitekerereze (mental) cg imikorere (physical). Nkuko bigaragara hari ibintu byinshi cyane mu buzima bishobora gutera stress. Kuko bigaragara ko ifite imbaraga zikomeye mu guhindura imikorere isanzwe, ni ngombwa kumenya icyo ikora ku mubiri, ku bwonko ndetse n’uko witwara mu buzima bwawe.
Ubwoko bwa stress.
Stress zose ntago zingana; hari izoroheje, ziba ako kanya zigahita zishira, nko kuba wari ugiye kugongwa n’imodoka cg ikindi kinyabiziga, mu gihe izindi ziba zikomeye; nko kubura uwo ukunda.
Ibitera stress bishobora guturuka hanze, nko kubura amafranga cg se gukora akazi utishimiye. Mu gihe ibindi bishobora guturuka muri wowe, nk’ibyo utekereza, ibyo wizera cg se ibyo wibuka.
Bitandukanye n’ibyo benshi bashobora kwibwira, stress zose siko ari mbi! Kwibaruka umwana, gutangira ikintu gishya; nk’akazi, cg kubona umukunzi byose bitera stress ariko nziza! Kimwe no kubura akazi, gushwana, cg se gutandukana n’uwo ukunda nabyo bitera stress ariko mbi!
Igitangaje ni uko, aho stress yava hose; yaba ari nziza cg mbi, umubiri wawe byose ubifata kimwe.
Bigenda bite mu mubiri iyo ugize stress?
Mu gihe ufite stress ubwonko bwawe, butangira ikizwi nka fight-or-flight response; ibi ni ukuvuga ko bwitegura ibintu 2, guhangana cg se guhunga icyo kintu. Ibi byose nta ruhare na ruto ubigiramo; bikorwa n’igice cy’ubwonko udashobora gucunga cg gutegeka. Muri icyo gihe haba ibintu byinshi bitandukanye; Ubwonko butangira gusohora imisemburo itandukanye nka adrenaline na cortisol. Bihita bituma umutima uteragura vuba, umuvuduko w’amaraso ukazamuka, ugakanura cyane, imikaya ikikanya ndetse igogorwa rikagenda gahoro.
Ibi byose bikorwa hagamijwe kugutegura guhangana cg se guhunga icyo ari cyo cyose ubwonko bwabonye ko kidasanzwe.
Akenshi ibi byose bifite akamaro kanini kuko bikorwa hagamijwe kugufasha kwitwararika no kwirinda igishobora kwangiza ubuzima. Urugero; nko kuba ugiye kugongwa ukaba wahita usimbuka, kuba imbwa igiye kukurya, cg se ikindi cyibi kigiye kukubaho.
Stress iba mbi ryari?
Ikibazo gikomeye gitangira kuza iyo ibaye ubuzima bwawe, ukayihoramo. Muri make ugahora witeguye guhangana cg guhunga. Iki gikorwa gisaba kandi kigatwara imbaraga nyinshi, umubiri n’ubwonko, birananirwa ukageraho ugacika intege.
Iyo bibaye igihe kirekire, bituma habaho imihindagurikire ku turandaryi (neurons) n’urwungano rw’ubwirinzi bw’umubiri, bishobora gutera indwara nyinshi zikomeye nka:
Umuvuduko ukabije w’amaraso (hypertension)
Indwara z’umutima
Ubugumba
Ibibazo byo gusinzira nabi
Kwiyongera ibiro cyane
Kwiyongera cyane kw’indwara ya asima
Diyabete
Gusaza imburagihe
Kubabara mu ngingo
Guhorana uburibwe bikomeye
Umutwe udakira
Kumva udatuje
Kwiheba no kwigunga cyane
Kwiyongera ibyago byo kurwara kanseri
Ibitera stress iyo bihoraho; nko kubura cg gushaka cyane amafranga, akazi, cg ibindi bibazo mu rugo, iyo biherekejwe no kwigunga cg kuba udatuje byongera ibyago byo kwibasirwa cyane n’indwara yo guhagarara k’umutima (heart attack)
Urugero ruri hejuru mu maraso rw’umusemburo cortisol, rwongera ibyago byo kwibasirwa n’indwara z’umutima, kubura ibitotsi no kurwaragurika cyane.
Uburyo bwagufasha ni ukumenya hakiri kare ibigutera stress ukabyirinda. Ariko se wamenya gute ko ibibazo ufite ari stress iri kubitera? Reba bimwe mu bimenyetso byayo, nuramuka ubibonye uzamenye neza ko ariyo ikwibasiye
Ibimenyetso bya stress.
Umutwe udakira, kuribwa umugongo, no kubabara imikaya
Guhorana umunaniro
Kubura ibitotsi
Guhorana uturwara; nk’ibicurane, grippe, inkorora, …
Uburibwe n’ibindi bibazo mu gifu
Kutagira ubushake bwo gukora imibonano mpuzabitsina
Kurakara cg guhorana umunabi
Kumva wihebye cg udatuje muri wowe
Gutakaza ubushake bwo kugira icyo ukora
Kwibagirwa cyane no kutagira ikigushishikaza
Kugira ubwoba
Kwanga abantu, gushwana, kumva udashaka kujya aho abandi bari ndetse no kumva ntacyo ushaka gukora
Guhorana ibibazo mu mibanire yawe n’abandi
Gutangira gukoresha ibiyobyabwenge, kunywa inzoga cyane, itabi, ndetse n’ikawa, yewe no kurya isukari cyane.
Niba ubona byinshi muri ibi bimenyetso, bifate nk’ubutumwa umubiri wawe uri kuguha, ko hari ibyo ukwiye guhindura mu guhangana nayo.
Stress ni indwara nk’izindi kandi iza mu za mbere zitera izindi nyinshi. Inkuru nziza ni uko ushobora kuyirwanya ubwawe mu gihe utabishoboye hari inzobere ndetse n’abaganga bashobora kugufasha.
Subscribe to my UA-cam Channel:
/ @dashdashtv
IG: / dashim250
Facebook: / dushimimana.dashim.9

[@vavaloveonlinetv204]

Ngwabagore bashoboye kwihanganira stresse ntavyo narinzi bwabundi ndintwari pe🙌🙌🙌🙌

[@lenardndayishimiye1665]

Urakoze cyane 🙏🙏 bwana dashim nkwifurije iryicamunsi cyiza

[@dusabedivin9007]

Thank you so much

[@girihirweboniface9451]

Thxs you Father wibihe byose🙏

[@godaible8936]

Mbega urwo mfuye😣😣😣😣 Mbega stress mfite Ngewe yarandenze bro , kd be blessed rek nirwaneho ndumva yarandenze😯

[@niyonshuticlement855]

E mn nange yarandenze kbs nsigaye nibagirwa kubi nonese umuntu yakwiwara ate?

[@ndorerarutwitsicomedy5112]

Cyakoz ibyo uvuga nukuri 🙏🙏

[@oredennse3488]

Uvuzukuri

[@dusabemariyajacqueline5312]

Amabara aza mu maso y , umukara aterwa n, iki?

[@mugaberobert3290]

Aterwa nizuba cg stress cg gutwita

[@dusabemariyajacqueline5312]

@@mugaberobert3290 Ubwo se bikizwa n,iki?

[@jeanbosconkurunziza3893]

Dashim thank you so much indeed please. Truly you are very important person for many People Rwandan and Burundian

[@MUKIRE250]

Good

[@twizerepaul1668]

Thank you so much