It-Triq tas-Salib b'riflessjonijiet fuq kull stazzjoni (Via Sagra)
Вставка
- Опубліковано 16 вер 2024
- Għat-test sħiħ u għas-Sors, mur: l-ewkaristijau...
L-Ewwel Stazzjon: Meta Sidna Ġesù kien ikkundannat għall-mewt bla ħtija
Nadurawk Ġesu’ u nberkuk, għax b’salibek u l-mewt tiegħek, Inti fdejtna.
Għażiż Ġesu’, innoċenti u bla ebda tebgħa! Il-ħbieb li kellek, ħallewk taffaċċja waħdek il-qrati tal-hekk imsejħa kapijiet reliġjużi u pagani ta’ dak iż-żmien! Kemm gideb qalgħu kontra tiegħek! Kemm qerq! Tir wieħed biss kellhom, ix-xewqa li jikkundannawk għall-mewt kiefra kif fil-fatt ġara!
Ħarġuk barra quddiem il-poplu li nġabar, mimli ġrieħi u dlonk bdew jgħajjtu li jridu jeħilsu lil Barabba (kriminal) u lilek isallbuk!
Min jaf x’ħassejt Int u tisma’ l-kliem: “Sallbu! Sallbu!” Kliem li ħareġ minn fomm poplu li madwaru għaddejt tfejjaq u tgħallem. Minkejja li Pilatu ma sabekx ħati, hu farfar mir-responsabbilta’ u ħasel idejh!
Missierna, Sliema u Glorja.
Imbierka l-Passjoni u l-mewt ta’ Sidna Ġesu’. Mulejja ħenn għalina u l-maħfra ta’ dnubietna agħtina.
It-Tieni Stazzjon: Meta Sidna Ġesù ppreżentawlu s-salib u aċċettah
Nadurawk Ġesu’ u nberkuk, għax b’salibek u l-mewt tiegħek, Inti fdejtna.
Aċċettajt li b’imħabba ġġor salib li mhux tiegħek! Jiena bilkemm naċċetta li nġġorr is-slaleb tiegħi, aħseb u ara ta’ ħaddieħor!
B’ġismek diġa’ miġruħ b’feriti miftuħa jnixxu d-dmija, Int ilqajt is-salib fuq spallejk! Folol ta’ nies rassewk u bħal donnu kulħadd ried jgħidlek tiegħu! U biex tgħid, ftit jiem biss qabel, stqarrew li Int Sultan u firxulek il-palm fil-qima tagħhom! Filli jfittxuk bil-gzuz biex tfejqilhom il-morda u filli għaddej fit-triq umiljat bil-għuda li kienet tfisser li kien ħaqqek mewt ta’ kriminali!
U int sofrejt kollox għalija! Ridt teħlisni mill-kundanna li jġib fuqi d-dnub! Ridt teħlisni mill-Qarrieq li jridni nispiċċa l-infern bħalu u ddaħħalni fis-Saltna tiegħek bħala iben/bint il-Missier u werriet/a flimkien miegħek. Kien għalhekk li ġarrejt dan is-salib biex jien, li jien midneb/midinba nibqa’ nġorr is-slaleb tiegħi b’imħabba għalik bla ma naqta’ qalbi, għax naf li l-fidwa diġa’ seħħet bik.
Missierna, Sliema u Glorja.
Imbierka l-Passjoni u l-mewt ta’ Sidna Ġesu’. Mulejja ħenn għalina u l-maħfra ta’ dnubietna agħtina.
It-Tielet Stazzjon: Meta Sidna Ġesù waqa’ għall-ewwel darba
Nadurawk Ġesu’ u nberkuk, għax b’salibek u l-mewt tiegħek, Inti fdejtna.
Min mar jiġri jilqgħek u jgħinnek tqum? Min impurtah mill-ġrieħi miftuħa li komplew idemmaw mat-tisbita li ħadt? Minn tħassrek waqt li qed jara s-salib jagħfas bil-piż tiegħu fuqek waqt li spiċċajt wiċċek fl-art tmiss mal-ġebel u t-trab?
Minflok m’urewk ħniena, aktar qabdu fik u bis-swat riedu jfittxu jarawk tqum u tissokta fit-triq li minnha rieduk tgħaddi! Iva, il-bniedem li Alla mhux fiċ-ċentru tal-ħajja tiegħu jasal iwettaq atti ta’ vjolenza u jikkawża tbatijiet kbar fuq ħaddieħor kif turina l-Istorja. Imma kien propju għalhekk li int dħalt fl-Istorja tagħna l-bnedmin biex tkun tista’ taħfer il-waqgħat tagħna meta aħna nindmu u nirċievu s-Sagrament tal-Qrar. Kien għalhekk li batejt tant moħqrija biex tagħti valur lit-tbatija tagħna b’mod speċjali ikkawżata minn ħutna l-bnedmin.
Missierna, Sliema u Glorja.
Imbierka l-Passjoni u l-mewt ta’ Sidna Ġesu’. Mulejja ħenn għalina u l-maħfra ta’ dnubietna agħtina.
Ir-Raba’ Stazzjon: Meta Sidna Ġesù ltaqa’ ma’ ommu Marija Santissma
Nadurawk Ġesu’ u nberkuk, għax b’salibek u l-mewt tiegħek, Inti fdejtna.
Ommok! Dik li ma marritx tistaħba bil-biża’ li jaqbdu lilha wkoll u jagħtuha l-istess trattament. Dik li l-iva tagħha għar-rieda t’Alla kienet sal-aħħar. Hemm hi, tiġri lejk biex turik li m’Intix waħdek f’din il-mixja doloruża. Min jaf kemm xtaqet li tbati minn flokok!
Imma l-faraġ ma damx wisq għax żgur li ma ħallewhiex tkellmek fit-tul. Povra qlub ta’ Ġesu’ u Marija, mil-liema martirju kellkom tgħaddu imma fi ħsibijietkom ma nibtet l-ebda forma ta’ kundanna lejna l-midinbin. Anzi, minflok Intom offrejtu l-uġigħ tagħhom għall-istess għan - is-salvazzjoni tal-erwieħ. Għalhekk tassew hua xieraq li lil Marija nsejħulha l-Ko-redentriċi għax kienet hi li għarfet li Inti ridtha tgħaqqad it-tbatijiet tagħha ma’ tiegħek.
Ma’ Marija, jien ukoll nixtieq nipparteċipa fil-ħidma tas-salvazzjoni tiegħi stess u ta’ ħuti l-bnedmin billi noffri talb u sagrifiċċji lill-Missier f’għaqda miegħek Ġesu’.
Missierna, Sliema u Glorja.
Imbierka l-Passjoni u l-mewt ta’ Sidna Ġesu’. Mulejja ħenn għalina u l-maħfra ta’ dnubietna agħtina.
Il-Ħames Stazzjon: Meta Sidna Ġesu’ ġie mgħejjun minn Xmun iċ-Ċirinew
Nadurawk Ġesu’ u nberkuk, għax b’salibek u l-mewt tiegħek, Inti fdejtna.
Għażiż Ġesu’, mhux għax tħassruk jew iddeċidew li jħennu għalik, imma għax rieduk ħaj u f’sessiek ħalli tbati l-kruċifissjoni u tmut fuq is-salib! Kien għalhekk li qabdu liċ-Ċirinew biex jerfgħalek is-salib! X’intenzjoni krudili kienet din!
Fl-istess ħin, bl-intenzjoni li nnaqqaslek it-tbatija, jien ukoll bħaċ-Ċirinew nixtieq inġorrlok...
AMEN , THANKS ALMIGHTY GOD BLESS US ALL 🙏 ❤️
Grazzi hafna ta din il via sagra niehu gost naghmila mieghek God bless you 💓 ❤
Amen
Tassew sabiħa din il Via Sagra!! Fiha sentimenti ta fidi. tama u mħabba tassew sbieħ!! Grazzi mill qalb lil kull min ħadem biex tippreżentawlna dal video. Il Mulej iberikkom!!
Grazzi hafna ghal din it-talba tal Via Sagra sabieha immens dejjem tbikkini Il Mulej ibirkek
Grazzi hafna ghal din it.talba tal Via Sagra sabieha immens dejjem tbikkini il Mullen ibirkek
Grazzi hafna ghal din it-talba tal Via Sagra sabieha immens bikkitni. il mulej ibirkek
Grazzi ta din it-talba tal Via sagra sabieha wisq Il mule ibirkek
Grazzi ta din il via Sagra sabieha wisq bikkitni togobni hafna. il Mulej iberikkom