* ఈనెల 24న బొబ్బూరి గ్రౌండ్స్ లో ఆర్యవైశ్య కార్తిక వన సమారాధన*

ఈనెల 24న బొబ్బూరి గ్రౌండ్స్ లో ఆర్యవైశ్య కార్తిక వన సమారాధన*
కార్తీక మాసం సందర్భంగా ఆర్యవైశ్య ఆత్మీయ సమ్మేళనం ఈనెల 24వ తేదీన భవానిపురంలోని బొబ్బూరి గ్రౌండ్లో నిర్వహిస్తున్నట్లు కార్యక్రమం నిర్వాహకులు వీవీకే. నరసింహారావు తెలిపారు. శుక్రవారం బొబ్బూరి గ్రౌండ్స్ లో ఏర్పాటు చేసిన మీడియా సమావేశంలో ఆయన మాట్లాడుతూ శ్రీ వాసవి ఫౌండేషన్, విజయవాడ అర్బన్ జిల్లా ఆర్యవైశ్య సంఘం, విజయవాడ అర్బన్ జిల్లా మహిళా విభాగ్, ప్రపంచ ఆర్యవైశ్య మహాసభ ,విజయవాడ ఛాంబర్ ఆఫ్ కామర్స్ అండ్ ఇండస్ట్రీస్ సంయుక్త ఆధ్వర్యంలో ఈ కార్యక్రమం నిర్వహిస్తున్నట్లు వివరించారు. ఆర్యవైశ్య ఆత్మీయ సమ్మేళనంలో భాగంగా శ్రీరమా సహిత సత్యనారాయణ స్వామి వారి వ్రతము లో సుమారు 2000 మంది దంపతులు పాల్గొనడం జరుగుతుందన్నారు. శృంగేరి మఠం వారసులు తెనాలి వాస్తవ్యులు బాలస్వామి వాసవి వైభవం పై ప్రవచనాలు జరుగునని ఈ సందర్భంగా ఆయన తెలిపారు, తాళ్లపాలెం శైవ క్షేత్రం పీఠాధిపతి శివ స్వామి ప్రవచనాలు ఉంటాయన్నారు, ఈ ఆత్మీయ సమ్మేళనంలో సుమారు పదివేల మంది ఆర్యవైశ్యులు పాల్గొంటారని అన్నారు. ఆర్యవైశ్య ఆత్మీయ సమ్మేళనంలో పలువురు ఆర్యవైశ్య ప్రముఖులు పాల్గొంటారని వివరించారు. ఈ సమావేశంలో ఆర్యవైశ్య ప్రముఖులు నూకల నాగేశ్వరరావు, జూలూరి వెంకటేశ్వరరావు, జూలూరి నాగేశ్వరరావు, నంబూరు ప్రదీప్ కుమార్ , సింహాద్రి గోపి, వి. అయ్యప్ప, కేఎల్వి సతీష్ , తదితర ఆర్యవైశ్య ప్రముఖులు పాల్గొన్నారు.