Working online, everything to know | ايه هي كل الحاجات اللي ممكن تشتغلها اونلاين
Вставка
- Опубліковано 9 жов 2024
- ايه هي كل الحاجات اللي ممكن تشتغلها اونلاين
٣حاجات رئيسية
١- بيع خدمات
٢- بيع منتجات
٣- جذب الاهتمام attentions
١- بيع الخدمات
دا اسهل حاجه عشان دا بيعتمد علي حاجتين اولهم ان يكون عندك مهاره الناس محتاجاها و تانيهم انك تلاقي الناس اللي محتاجه المهاره دي
المهارات دي زي البرمجه مثلا، و لو انت مش عارف تبرمج ازاي فانا عايز اقولك ان في ماءات اذا مكنش الاف الفيديوهات علي اليوتيوب اللي بتعلم البرمجه و كمان ممكن بعد كده تروح مواقع زي فايفر و اب وركس و خمسات و هتلاقي ناس كتير عايزه الخدمات دي
في كمان حاجات تانيه كتير زي الكودينج و الجرافيك ديزاين و تصميم المواقع و تصميم اللوجوهات و كمان الداتا انتري و المساعده الشخصيه و الترجمه و الفيديو ايديتنج و لو معندكش ولا مهاره من دول فبرضه انت معندكش حجه عشان انت فعلا ممكن تعلم نفسك زي مقولنا اي حاجه من دول
طيب دلوقتي انت اتعلمت او بالفعل عندك مهاره معينه يبقي هنا ندخل علي الخطوه التانيه و هي انك تلاقي ناس عايزين المهاره دي زي مقولنا قبل كده المواقع اللي ممكن تشتغل عليها زي اب ورك و فايفر و خمسات و دي مواقع هتلاقي عليه خدمات مطلوبه كتير جداً
هيبقي دائما الحاجه الصعبه اللي ي الاول هو انك الناس تثق في شغلك و دا هيجي بانك تعمل زي سامبل لشغلك عشان الناس تبدا تعرفك و ممكن كمان في الاول تطلب فلوس قليله و بعد ما تتعرف و يبقي عندك ريفيوز تبدا تعلي شويه شويه
طيب تاني حاجه قدامك هي انك تشتغل اونلاين في بيع المنتجات
هنا بقي قدامنا سكتين
١- ان احنا نبيع منتجات الغير
٢- و ان احنا نبيع منتجاتنا
اولا بيع منتجات الغير
و دا ممكن بطريقتين
أ- الدروب شيبنج
و دا بيبقي عن طريق ان انا عندي موقع اوصفحه بعرض عليها صور للبضاعة و لما حد بيطلبها انا بشتريها من موقع تاني و ببعتهاله علي عنوانه و بصراحه الموضوع دا انا مش برشحه اوي الا لو فعلا انت بتحب التجاره اللي بالطريقه دي.
ب- الافيليت ماركتينج
هو انك بتاخد عموله من مواقع زي امازون او سوق او جوميا لما حد بيشتري منتج عن طريق اللنك بتاعك…..
يا سلام بقي لو عندك موقع او صفحه علي الفيس بوك عليها ناس كتير و بيثقوا في رأيك و انت بتحط ريفيو عن حاجه معينه و اللينك الافيليت بتاعك و الناس بتشتري من اللينك دا، هنا هتقدر تعمل فلوس كويسه من التسويق بالعموله
ثانيا بيع منتجك انت
هنا بقي المنتج بتاعك و انت اللي هتقدر تتحكم في كل حاجه فيه زي سعره مثلاً
طيب منتجك دا ممكن يكون ايه؟ ممكن يكون حاجه من تلاته
١- منتج حقيقي انت اللي بتصنعه و بتسوقه و بتنقله و كل تفاصيله و دا فعلا موضوع برده انا برشحه للناس اللي فعلا بتصنع حاجه او تقدر تتواصل مع مصنع في الصين مثلا يصنعوها حاجه
٢- بيع خدمات معينه علي مواقع نظير اشتراك شهري او انك تعمل ابليكيشين و تبيعه او تخلي الناس تشترك فيه و برده عشان نكمل المعلومه الموضوع دا يعتبر مستوي متقدم شويه و في تفاصيل كتير
٣- بيع معلومات مفيده زي ان انت مثلا يبقي عندك حاجه بتعرف تدرسها او كورس الناس محتاجها و انت تقدر تجهز له اونلاين كورس و تبيعه
و علي فكره انت حتي لو مبتدا بس بتعرف تشرح كويس انت تقدر تشرح لمبتدءين تانين متخفش
طيب هنا بقي ندخل علي رقم تلاته و هو جذب الانتباه
اهم حاجه في كل اللي احنا قولناه قبل كده هو الناس اللي بتثق فيك و هنا بقي نيجي لان يبقي عندك المدونه بتاعتك سواء كانت موقع او قناه علي اليوتيوب ممكن مثلا صفحه علي الفيسبوك بتكتب فيها او بتصور فيديو علي اليوتيوب بتشرح فيه خبراتك في مجال معين و الناس بتقدر تشوف المعلومات دي و بتقد تجذب انتباههم و مع الوقت و واستمرارك في تقديم حاجات قيمه و مفيده هيبقي عندك ناس و جمهور مهتمين باللي انت بتقوله و ساعتها اكيد قناتك او مدونتك هتنجح
بس كده
شكل حضرتك إنسان محترم جدا
ويارب بالتوفيق دايما
شكرا جزيلًا
ممكن اسم البرنامج اللى حضرتك عملت بيه خلفيه الفيديو لو سمحت
Luma fusion on iPad and iPhone
ممكن بس اسماء المواقع الـ محتاجة ترجمه
وطريقة سحب الفلوس
خمسات
Fivers
Freelance
Upworks
ابدأ بالكتابة ازاي؟
Upworks
Freelance
Fivers
خمسات
مستقل