100th Birthday of Löpon Tenzin Namdak Rinpoche, Sang by Sonam Topden བརྒྱ་སྟོན་ལ་ཕུལ་བའི་མཆོད་དབྱངས།

བརྒྱ་སྟོན་ལ་ཕུལ་བའི་མཆོད་དབྱངས།
་་་་་་་་་་་་་ཚིག་རླུང་གྲོགས།
་་་་་་གཞས་པ་བསོད་ནམས་སྟོབས་ལྡན།
་་་་་་་་དབྱངས་བསོད་ནམས་སྟོབས་ལྡན།
ཞྭ་དཀར་རིང་ལུགས་འཛིན་པའི་ཡབ་ཆེན།།
ཚེ་ལོ་བརྒྱ་ཡི་རྒྱལ་མཚན་འཛིན་པའི།
ཚེ་ཡི་རིག་འཛིན་ཆེན་པོ་དངོས་བྱོན།།
རྒྱལ་བ་སྨན་རི་ཚང་གི་ཡོངས་འཛིན།།
སྐུ་ཚེ་ཧྲིལ་པོར་རྒྱལ་བསྟན་དོན་དུ།།
གཅེས་པའི་ཚེ་སྲོག་ཕངས་མེད་མཛད་ནས།།
རྒྱལ་གཤེན་བསྟན་པ་བླ་རུ་འདེགས་པའི།།
གསང་གསུམ་བོན་གྱི་མཛོད་འཛིན་ཆེན་མོ།།
ཁྱེད་བཞུགས་པས། ཞྭ་དཀར་ཚོ། དབུ་འཕང་མཐོ།
བླ་མ་ལགས། དགུང་གི་ཉི་མ། ཁྱེད་བཀའ་དྲིན་ཆེ།
ཞབས་ཀྱི་གོམ་པ་རེ་རེའི་རྗེས་ལ།།
གསེར་སྲང་སྟོང་ཕྲག་ལས་ཀྱང་ལྷག་པའི།།
རླབས་ཆེན་སྐུ་ཡི་མཛད་བཟང་རེ་རེ།།
གངས་རིའི་མདུན་རྒྱབ་ཀུན་ལ་བཞག་ཡོད།།
བོན་འབངས་ཡོངས་ཀྱི་དད་པའི་ལྷ་སྐལ།།
སྐྱབས་རྗེ་སྨྲ་དབང་ཡོངས་འཛིན་ཆེན་མོའི།།
དགུང་གྲངས་བརྒྱ་ཡི་བརྒྱ་སྟོན་ཚེས་སོང་།།
དད་ལྡན་ཀུན་ལ་དགའ་སྐྱིད་འཛོམས་སོང་།།
ཁྱེད་བཞུགས་པས། ཞྭ་དཀར་ཚོ། དབུ་འཕང་མཐོ།
བླ་མ་ལགས། དགུང་གི་ཉི་མ། ཁྱེད་བཀའ་དྲིན་ཆེ།