Chanda Piritha | Chandha Piritha | චන්ද පිරිත | චන්ද්‍ර පිරිත 🙏 සාදු ! 🙏 සාදු !! 🙏 සාදු !!!
Вставка
- Опубліковано 11 лют 2025
- ශ්‍රී සද්ධර්මය පිලිබදව සහ දේශකයාණන් වහන්සේ පිලිබදව අප්‍රමාණ වූ පැහැදීමකින් සහ භක්තිය පෙරදැරිව මනා සිහිනුවනින් ශ්‍රවනය කරන්න.
සාදු ! සාදු !! සාදු !!!
චන්ද පිරිත
1. ඒවං මේ සුතං. ඒකං සමයං භගවා සාවත්ථියං විහරති ජේතවනේ අනාථපිණ්ඩිකස්ස ආරාමේ. තේන ඛෝ පන සමයේන, චන්දිමා දේවපුත්තෝ රාහුනා අසුරින්දේන ගහිතෝ හෝති. අථ ඛෝ චන්දිමා දේවපුත්තෝ භගවන්තං අනුස්සරමානෝ, තායං වේලායං ඉමං ගාථාං අභාසි.
මා විසින් මෙසේ අසන ලදී. එක් සමයෙක භාග්‍යවතුන් වහන්සේ සැවැත්නුවර ජේතවන නම් වූ අනේ පිඬු මහසිටුහු ගේ ආරමයෙහි වඩ වසන සේක. එසමයෙහි වනාහි සඳ දෙව්පුත් තෙමේ රාහු අසුරේන්ද්‍රයා විසින් ගන්නා ලද්දේ වෙයි ඉක්බිති සඳ දෙව්පුත් තෙමේ එවෙලෙහි බුදුරජුන් සිහි කරමින් මේ ගාථාව කීය.
2. නමෝ තේ බුද්ධවීරත්ථු - විප්පමුත්තෝසි සබ්බධි
සම්බාධපටිපන්නෝස්මි - තස්ස මේ සරණං භවාති.
බුද්ධ වීරයන්වහන්ස, (ඔබ වහන්සේ) සියලු කල්හි කෙලෙසුන් කෙරෙන් විශේෂයෙන් මිදුණු සේක. එසේවූ ඔබ වහන්සේට නමස්කාර වේවා. මම සම්බාධයකට පැමිණියෙමි. ඒ මට පිළිසරණ වුවමැනව.
3. අථ ඛෝ භගවා චන්දිමං දේවපුත්තං ආරබ්භ
රාහුං අසුරින්දං ගාථාය අජ්ඣභාසි.
එකල්හි භාග්‍යවතුන් වහන්සේ, සඳ දෙව් පුතුන් අරභයා රාහු අසරිඳු හට ගාථාවකින් මෙසේ වදාළ සේක.
4. තථාගතං අරහන්තං චන්දිමා සරණං ගතෝ
රාහු චන්දං පමුඤ්චස්සු - බුද්ධා ලෝකානුකම්පකාති.
රාහු අසුරේන්ද්‍රයා සඳදෙව් පුත් තෙමේ අර්හත්වූ තථාගතයන් වහන්සේ
සරණ ගියේය. බුදුවරයෝ ලොවට අනුකම්පා කරන්නෝ ය. (එහෙයින්) සඳු අත්හැරවයි වදාළ සේක.
5. අථ ඛෝ රාහු අසුරින්දෝ චන්දිමං දේවපුත්තං
මුඤ්චිත්වා තරමානරූපෝ යේන වේපචිත්ති
අසුරින්දෝ තේනුපසඞ්කමි.
උපසඞ්කමිත්වා සංවිග්ගෝ ලෝම හට්ඨජාතෝ
ඒකමන්තං අට්ඨාසි.
ඒකමන්තං ඨිතං ඛෝ රාහු අසුරින්දං
වේපචිත්ති අසුරින්දෝ ගාථාය අජ්ජභාසි
ඉක්බිති රාහු අසුරේන්ද්‍ර තෙමේ සඳු දෙව්පුත් හැර වෙළෙවිවූයේ වේපවිත්ති අසුරේන්ද්‍රයා යම් තැනෙක්හිද, එතැන්හි එළඹියේ ය. එළඹ සංවේග ඇත්තේ ලොමුදැහැගත් සිරුරු ඇත්තේ එකත් පසෙක සිටියේ ය. එකත් පස්ව සිටියා වූ රාහු අසුරිඳු හට වේපචිත්ති නම් අසුරේන්ද්‍ර තෙම ගාථාවකින් මෙසේ කීයේ ය.
6. කින්නුසන්තරමානෝ ව - රාහු චන්දං පමුඤ්චසී
සංවිග්ගරූපෝ ආගම්ම - කින්නුභීතෝච තිට්ඨසීති
රාහු අසුරේන්ද්‍රය වෙලෙවි වූවකු මෙන් සඳු කුමක් පිණිස අත්හැරියෙහිද? කැළැඹුණු සිත් ඇත්තෙක්වැ අවුත් බියවූවකු මෙන් කුමක් හෙයින් සිටිනෙහි ද? යනුයි.
7. සත්තධා මේ එලේ මුද්ධා - ජීවන්තෝ න සුඛං ලභේ
බුද්ධගාථාභීගීතෝම්හි - නෝ චේ මුඤ්චෙය්‍ය චන්දිමන්ති
බුදුන් විසින් ගාථා දෙකකින් ගයන ලද්දක් ඇසුවෙමි. ඉදින් සදු නොහැරියේ නම් මගේ හිස සත්කඩක්ව පැළෙයි. ජීවත්වන්නේ ද, සැපයක් නො ලබයි.
නක්ඛත්ත යක්ඛ භූතානං පාපග්ගහ නිවාරණා
පරිත්තස්සානුභාවේන හන්තු තේසං උපද්දවේ
www.waharaka.c...
මෙම ධර්ම දානයෙන් රැස් කරගත්තා වූ අප්‍රමාණ පුණ්‍ය ගංගා කුසල ගංගා, දිව්‍ය බ්‍රහ්ම තැන් පටන් සියලුම සම්‍යක්දෘෂ්ටික දෙවි දේවතාවන් වහන්සේලාටත්, අනන්ත සසර පුරා අප හට පියාණන් වී, මෑණියන් වී, ගුරු දෙගුරුන් හා ඥාතීන් වී හෝ අල්ප මාත්‍රයකට හෝ අපට උදව් උපකාරයක් කළ යම් කෙනෙක් වේද, අප අතින් දැන්නුවත්ව හෝ නොදැනුවත්ව අවැඩක් අසාධාරණයක් වරදක් ප්‍රමාද දෝෂයක් වුණු සත්ත්වයෙක් වේද, ඒ සියල්ලන්ම සුඛිතත්වයෙන් සුඛිතත්වයට පත් වී අමා මහ නිවනින් සැනසීම පිණිස මේ පුණ්‍ය කුසල් අනුමෝදන් වේවා !!! අනුමෝදන් වෙත්වා !!!
සාදු ! සාදු !! සාදු !!!
