نغم مصري | إسطنبول

أغنية إسطنبول
غناء وألحان | شربيني
كلمات | فُؤاد حداد
توزيع | نغم مصري
بحلم انى فى اسطنبول بلعب طاوله مع السلطان بيبرق اعمل مش خايف و يحمرق اعمل مش شايف و الحظ محالف و مخالف لو هخسر ابقى انا مسطول لو هكسب ابقى انا غلطـــــــــــــــــان... بحلم انى فى اسطنبول بلعب طاوله مع السلطان كل ما ايده الزهر بتلمس احلام على انفاسى بتكبس انه بيضرب و انه بيحبس اشى بالعرض و اشى بالطول اشى فى الفاضى و فى المليــــــــــان........... قال و القاتل ديما ناكر و السارق تلاقيه مش فاكر كله ورق و فلوس و تذاكر بيفهمنى العالم قول و انا ساكت و الدنيا شيطــــــــان......... بحلم انى فى اسطنبول بلعب طاوله مع السلطان و عيونه بتتمهزا بيا و حواجبه ايضا لعبيه و ده قاعد فوق الدهبيه و بيستعبط مش معقول و بيضحك زى الانســــــــــــان....... بحلم انى فى اسطنبول بلعب طاوله مع السلطان فنان فقير على باب الله و الجيب مافهشى ولا سحتوت و العمر فايت بيقول اه و القطر فايت بيقول تووووووت صحتنى ليه يا شاويش دنا كنت سارح فى الملكوت لما بنام بحلم و بعيش و لما بفووق مابفقش بموووووووووت بحلم انى فى اسطنبول بلعب طاوله مع السلطان بيبرق اعمل مش خايف و يحمرق اعمل مش شايف و الحظ محالف و مخالف لو هخسر ابقى انا مسطول قال لو هكسب ابقى انا غلطـــــــــــــــــان..