MimarCast 20 | القاهرتان؟ عن الهوية والحداثة وعن الواقع والخيال

الجزء الثاني من لقاء د.مجيب الرحمن عامر يناقش فيه تاريخ إنشاء القاهرة الإسماعيلية في النصف الثاني من القرن ال١٩ وعلاقتها المرتبكة بالقاهرة القديمة.
رابط سلسلة مقالات "القاهرتان" ل.مجيب الرحمن عامر:
www.babmsr.com/author/mougibe...
مقال "القاهرتان... في نقد المفهوم" لمعاذ لافي:
rommanmag.com/view/posts/post...
0:00 مقدمة
0:45 مشكلة نوستالجيا المدينة الإسلامية
3:33 لماذا ”قاهرتان“؟
10:30 محاولات تطوير القاهرة القديمة وعمليات الهدم
11:30 دوافع تطوير القاهرة
20:20 كتابات الرحالة والمستشرقين عن القاهرة
21:30 القاهرة والخديوي في معرض ١٨٦٧ الدولي
29:20 نوستالجيا قاهرة إسماعيل
37:05 استراتيجية الصفحة البيضاء
42:05 الأفلام والروايات كأداه لفهم المدينة
54:15 نقد د.خالد فهمي لسردية القاهرتان

[@ahomar]

حوار شيق.. شكراً على هذا الطرح المميز للقاهرة والدعوة للاستزاده من المصادر الرئيسه ..
شكراً عماد،، شكراً جزيلاً مجيب.

[@toty9499]

الحلقات جميلة جدا و ياريت تكمل سلسلة على الهامش .انت حمستنا فى حلقتين و بعدين سبتها حقيقى فكرتها رائعة

[@mimarcast]

@@toty9499 إن شاء الله نستكملها قريبا. ألف شكر لتشجيعك.

[@Abduljabbarmo]

سعيد جدا بالبرنامج و حلقاته ، وفقك الله و زادك قبولا

[@mimarcast]

الله يبارك فيك

[@radwazaki943]

حلقة اكتر من رائعة 🎉

[@mimarcast]

الف شكر يا دكتورة.

[@anwarahmed7510]

عجبتني جدا الحلقة

[@hossamelyamani8096]

حلقه جميله ومجهود تشكر عليه
انا عندي تعليق واحد بس اني بحس انك بتتكلم اكتر من الضيف احيانا

[@mimarcast]

شكرا جزيلا يا حسام على تعليقك وأسلوبك المحترم.
أنا مهتم جدا بالfeedback من النوع ده، فهل ممكن تستفيض أكتر في شرح المشكلة؟
---------------
فيما يلي بعض الأسئلة اللي هيسعدني تبص عليها لو عندك وقت وترد على أيٍ منها:
١. ايه المشكلة في أنه يكون حوار رايح جاي (حتى لو ٥٠-٥٠)؟
بالذات أني مش مذيع، أنا باحث متخصص في نفس المجال. هل المشكلة أني مش قايل كدة؟ ولا فين المشكلة؟
٢.هل حسيت مداخلاتي مش مفيدة؟ أنا كان تصوري أني بسلط الضوء على نقط مهمة ومصادر و كتب ممكن تفيد المهتمين، وممكن اتجاه حديث الضيف يكون مش هيذكرها (زي موضوع الصحة العامة). هل محسيتش أن ده اللي بيحصل؟
٣. هل المشكلة من وجهة نظرك في توقيت مداخلاتي؟ ولا في مدتها؟ ولا في ايه بالضبط.
----------
سواء رديت أو لا، كل الشكر لك.

[@abdu8llah]

بارك الله فيك مهندس لكن الملاحظه انه المداخله تكون طويله جدا لدرجة ان الضيف يتنهد كثيرا ​@@mimarcast

[@mimarcast]

@@abdu8llah عندك حق. شكرا للفت انتباهي، وإن شاء الله أعالج الأمر بشكل أفضل في قادم الحلقات.
تحياتي.

[@wardazaki9770]

هو المذيع بيقول ان في مشكلة في التهوية في مصر الإسلامية اتمنى يقرأ أكثر في هذا الباب ومع شعور بدونية غريبة على الرغم ان الطهطاوي قال في كتابه ان بناء مصر افضل وكذلك قال ان أغلب اللي وجده هناك من علوم كانت موجودة في مصر لكنها اختفت بسبب تدهور الأوضاع في مصر وكذلك اختيار ادوات البناء وشكل البناء هو المناسب لمصر وجوها وعشان كده تم استخدامه في الجامعة الأمريكية ولو كانت مصر الاسلاميه غير حقيقية ففي ايران والهند والمغرب وتركيا كلهم فيهم نفس الطراز من غير تدخل ده لو حصل تدخل اصلا وطريقة تنظيم الشوارع في مصر الإسلامية له سبب وده ظاهر بردو في كتاب الطهطاوي لان تنظيم المدن الفرنسي او الامريكي المهتم فقط لتوسيع الشوارع للسيارات على رأي المعماري على شكل صينية بسبوسة وعدم الاهتمام برحلة الانسان مش السيارة
كما ان الضيف وتهكمه هو والمحاور على طراز المشربيات و وصف القاهره الإسلامية بالسرطان يدل على انحيازكم الواضح وفقدان وجهة نظركم لموضوعيتها

[@mimarcast]

١. ادعو حضرتك تقرأي أي مصدر تاريخي عن القاهرة في القرن التاسع عشر وتتعرفي على مشكلة الأوبئة اللي كان من أسبابها ضيق الشوارع وسوء التهوية، بالإضافة إلى البرك اللي ردمت فيما بعد. المشكلة دي مش خاصة بالقاهرة، ولكن أي كتاب عن تخطيط المدن في هذا القرن هيكون مدخل كويس لحضرتك لتتعرفي على الموضوع. أرشح لحضرتك الفصل الثالث من كتاب السعي للعدالة لخالد فهمي كبداية.
٢. مفيش شعور بالدونية ولا حاجة، فيه فهم تاريخي للظواهر، مش فهم طوبوي غير مدعوم تاريخيا زي اللي حضرتك بتعرضيه. لما حضرتك بتتكلمي على القاهرة القديمة، بتتكلمي عليها امتى بالضبط؟ ولا جودة التهوية في المدينة ظلت كما هي من وقت الفاطميين ليومنا هذا؟!!
٣. قرأت الطهطاوي ولم أقف على أنه قال أن البناء في مصر أفضل، فقط قرأت أنه قال أن مواد البناء في مصر أفضل، و الفرق كبير. ممكن تقوليلي قال كدة في أي صفحة ؟
٤. بما أن حضرتك قرأتي الطهطاوي، بم تفسرين انبهاره بنظافة البيوت في باريس وحسن انارتها -لو المباني والمدينة في مصر مفيهومش مشكلة؟! (انظري ص.١٢٣-١٢٤ طبعة هنداوي)
٥. الجامعة الأمريكية اللي حضرتك بتضربي بيها المثل دي مبنية بالكامل بالخرسانة (حتى الحوائط) و هي على الطراز الما بعد حداثي الأمريكي بامتياز اللي بيعزل الشكل عن سياقه التاريخي والانشائي. ازاي ممكن يكون ده نموذج لما تصفيه بالمدينة الإسلامية؟؟!
٦. هل تعرفي أحد استخدم مصطلح المدينة الإسلامية قبل المستشرقين؟ لو اه، مين؟ لو لا؟ لماذا تنطلقين من منطلق استشراقي؟
٧.الكلام عن توسيع الشوارع للسيارات بيبين خلط كبير عند حضرتك ما بين تخطيط المدن في القرن التاسع عشر و القرن العشرين. أنصح حضرتك بالقراءة عن الفرق بين تخطيط المدن في القرنين.
٨. ايران والهند والمغرب وتركيا فيهم نفس الطراز ازاي بس؟!! اسمه ايه الطراز ده؟ غالبا قصدك الطراز الاسلامي الما بعد حداثي بتاع القص واللزق.. زي الجامعة الأمريكية كدة
٩. تهكم الضيف على القاهرة القديمة لا يدل على انحياز لأن تهكمه على قاهرة الخديوي أضعاف.
١٠. الضيف لم يصف القاهرة القديمة لا بالإسلامية ولا بالسرطان! معنى كلامه أنه المدينة القديمة أصابها السرطان نتيجة الاهمال و التكدس المتراكم عبر العصور، مش أنها في حد ذاتها سرطان. الفرق كبير.
أتمنى قبل اتهامنا بالانحياز وعدم الموضوعية والتلميح بجهلنا بما نتكلم فيه أن تقرأي الحد الأدنى اللي يسمح بماقشة الموضوع، اللي هو في الحالة دي تخطيط المدن في القرن التاسع عشر، أو على الأقل التريث في السماع وعدم التعجل في اصدار الأحكام و القفز الى نتائج متعجلة مبنية على فهم الكلام على عكس مراد قائله.
أخيرا، حضرتك كنت نصحتيني بالقراءة أكتر في باب التهوية في المدينة الإسلامية، وأنا مرحب بذلك. أتمنى حضرتك ترشحيلي قراءات و كتب، ولك جزيل الشكر.