Ceˇ Maiˍ Laˇ Huˍ Iˉ Kaˆ Tuˍ Ve HKri‸ Yaˇ Awˬ Moˍ. ( Chiang Mai Lahu Baptist Church ) 7/02/2021 Ep.7

1 YOˇHANˬ LI‸ 3:11-18
Teˇ gʼaˇ leh teˇ gʼaˇ ha‸ da‸-o‸
11Ngaˬ hui teˇ gʼaˇ leh teˇ gʼaˇ gʼa ha‸ da‸ ve yoˬ teh‸ kʼoˆ taˍ ve tawˇ chi teˇ hkawˇ hta‸ awˬ hkuiˉ puiˍ htaˇ ka‸ nawˬ hui gʼa kaˇ taˍ peuˬ. 12Haiˬ ve awˬ shehˍ hpaˇ teˇ gʼaˇ hta‸ caˉ da‸ leh yawˇ ve awˬ nyi paˍ hta‸ tiˇ pehˍ shehˍ hpaˇ Kaˍiˉnaˆ hkʼe taˇ hpeh‸ piˇ. Yawˇ lehˬ, aˬ hto‸ ma te awˬ nyi paˍ hta‸ tiˇ pehˍ ve le teh‸ kʼoˆ kʼo, yawˇ te ve kanˉ teˇ hpaˍ haiˬ leh, awˬ nyi paˍ te ve kanˉ teˇ hpaˍ hteˇ ve cawˇ ve hta‸ pa taw yawˇ hta‸ tiˇ pehˍ ve yoˬ.
13Awˬ viˉ awˬ nyi teˇ hpaˍ-oˬ, miˬguiˬ yaˇ nawˬ hui hta‸ canˇ ve kʼo, taˇ anˇ. 14Ngaˬ hui lehˬ, suh ve teˇ ceuˬ awˬ hkʼaw lo tawˆ kʼai leh co ha te‸ ve teˇ ceuˬ awˬ hkʼaw lo lo‸-e peuˬ ve hta‸ ngaˬ hui hkʼaˬ hkʼe gʼa shiˍ le teh‸ kʼoˆ kʼo, awˬ viˉ awˬ nyi teˇ hpaˍ hta‸ ngaˬ hui ha‸ ve pa taw gʼa shiˍ ve yoˬ. Ha‸ pehnˇ ve maˇ cawˬ ve chaw teˇ gʼaˇ lehˬ, suh ve teˇ ceuˬ awˬ hkʼaw lo chehˇ taˍ sheˍ ve yoˬ. 15A shu yawˇ ve awˬ viˉ awˬ nyi hta‸ canˇ ve chaw teˇ gʼaˇ le le lehˬ, chaw hta‸ tiˇ pehˍ shehˍ hpaˇ hpeh‸ ve yoˬ. Chaw hta‸ tiˇ pehˍ shehˍ hpaˇ hkʼaˬ ve teˇ gʼaˇ maˇ kʼoˆ, yawˇ awˬ hkʼaw lo co ti‸ ha ti‸ maˇ cawˬ ve hta‸ nawˬ hui shiˍ ve yoˬ. 16Hkri‸ lehˬ ngaˬ hui awˬ pon yawˇ ve a sha‸ tanˇ piˇ ve hta‸ pa taw, ha‸ pehnˇ ve teˇ ceuˬ hta‸ ngaˬ hui shiˍ ve yoˬ. Ngaˬ hui htawˇ, awˬ viˉ awˬ nyi teˇ hpaˍ awˬ pon ngaˬ hui ve a sha‸ hta‸ tanˇ piˇ cawˇ ve yoˬ. 17Chaw hkʼaˬ ve teˇ gʼaˇ maˇ kʼoˆ, chi miˬguiˬ ve hpu shi mawˇ jeˬ cawˬ leh, yawˇ ve awˬ viˉ awˬ nyi haˍ gʼawˇ ve hta‸ gʼa mawˬ htawˇ, ha kʼaˉ ve teˇ ceuˬ yawˇ awˬ hkʼaw lo maˇ cawˬ ve kʼo, Gʼuiˬsha ve ha‸ pehnˇ ve teˇ ceuˬ yawˇ awˬ hkʼaw lo hkʼaˬ hkʼe te cawˬ hpeh‸ tuˬ le. 18Ha‸ ve yaˇ teˇ hpaˍ-oˬ, maw‸ kʼaw ceh ha‸ ve teˇ ceuˬ taˇ te. Ya‸ hkʼaˇ, kanˉ te ve leh hteˇ ve cawˇ ve awˬ hkʼaw lo ha‸-o‸.

[@pachpach6804]

ได้รับพระพรมากๆครับ
ขอพระเจ้าอวยพรครับ

[@fhhfgh8291]

Ha hpeh ve aw law aw gaw pi la leh bon ma kai la aw bon ui ja meh sa la ma o

[@phonphon-y2t]

S l eh baw ko ve na nyi tu ma lo ca leh ca gui la ce

[@วิชัยปอขุน-ฏ9พ]

รายการวิทยุติดตอนไห้พม่า

[@วิชัยปอขุน-ฏ9พ]

2936 mw da jw la