葉振棠首登紅館開個人騷 即使為告別騷亦覺圓夢

葉振棠首登紅館開個人騷 即使為告別騷亦覺圓夢
年屆80歲嘅棠哥葉振棠嚟緊6月就會喺紅館舉行告別演唱會，呢日記者會上，佢就搵嚟嘉賓夏紹聲，以及將會喺騷上大耍功夫嘅龐景峰亮相。棠哥喺台上仲預演「封咪」儀式，雖然係告別舞台，但係佢又無話唔太捨得，只係表示終於可以喺紅館舉行首個個人演唱會，已經係圓夢。
講到自己同葉麗儀過去十年都入過8次紙申請紅館開騷檔期，但一直都未能成功，而今次就覺得經已80歲，係時候要退落嚟，所以就用告別騷名義嚟申請，結果獲批。
要喺一個咁大嘅場地開騷，加上舊年開始身體頻頻出現狀況，由年頭確診新冠，之後頭部生蛇，但奈何答應咗演出嘅騷都要繼續做，而最嚴重嘅時期就係擔任「情牽煇黃經典演唱會2023」嘉賓，更因為身體太差而未能上台。棠哥表示而家身體經已比舊年好好多，相信有足夠體力開騷，不過佢嘅視力只剩一成，所以出騷時，唔可以依賴提詞機，要背熟成個騷近四十首歌嘅歌詞。
#葉振棠 #告別演唱會 #紅館 #圓夢 #確診新冠 #生蛇 #身體太差 #視力只剩一成 #提詞機 #背熟歌詞 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@bblee189]

祝葉生演唱會順利、成功

[@martinkwok7928]

如果唔係視力嚴重衰退，佢亦唔會宣佈收山;在下同時諗起胡繼修仲可唔可以到咗九十五歲上紅館演出?😮😮😮😮😮😮😮