مذاكرة؟ عبادة؟ رياضة؟ ... لازم هاتقع... تعمل إيه؟؟؟ - أسلوب OsLoop

من الآخر كده… لازم هاتقع … ولازم “تختار بنفسك” إنك ترجع تقف تاني بتحدي وعناد أقوى من الأول
تقدر تتعلم من الصفر تعمل فيديوهات كارتون أنيميشن زي فيديوهات قناة أسلوب بالظبط و تشترك في مجموعة الدروس المجانية من كورس تعلم صناعة فيديوهات كارتون أنيميشن وطرق الربح منها مثل قنوات أسلوب من الرابط التالي:
bit.ly/osloop-animation-lndpg
مجموعة الدروس المجانية مناسبة جدا لمن يريد إستكشاف تعلم صناعة فيديوهات كارتون أنيميشن قبل الإلتزام بكورس إحترافي كامل متخصص
أو تقدر تتعلم تشترك فورا في الكورس الإحترافي الكامل (سعر الكورس ٦٢٠ جنيه) عن طريق فودافون كاش بالإتصال أو واتس آب بالرقم التالي
01096799476
هي دي الطريييييقققققة الوحيدة للتقدم في الحياة في أي حاجة بتعملها مهما كانت
…. إستنى كده… أنا عارف إن إنت ماسمعتنيش كويس… لأنك كنت مركز في حاجة تانية… مش عارف إيه هي الحاجة التانية
بس حاسس إن ودناك الجميلة ما كانتش مركزة معايا
ودانك معاك… خلاص… ها… أقول؟
ماشي يا سيدي
الطريقة الوحيدة
الوحيدة
الوحيدة… للنجاح في الحياة… هي إنك كل ما تقع… تقف تاني وتنط أعلى من الأول
إنك ترجع أقوى
ودي بقى في كل حاجة في الحياة مهما كانت
في العبادة
و في الرياضة
و في الدايت والريجيم والتخسيس
و في المذاكرة
و في التركيز في الشغل
و في الحب والتعامل بين الزوجين
و في تنظيم وقتك وتنظيم حياتك
أي حاجة كويسة مهما كانت… هاتقع فيها وهاتوقفها… مهما كانت.
و مش إنت بس اللي هاتعمل كده
إحنا معاك … وكل الناس الناجحة والمتفوقة جدا جدا جدا في كل حاجة بيقعوا و بيحسوا إنهم فشلوا خلاص في أي حاجة كانوا عاوزين ينجحوا فيها
وده جزء من تجربة النجاح… ومستحيل حد ما يعديش فيها
بس إحنا بنغششك طريقة النجاح الوحيدة
هي… إنك كل ما تقع… ترجع تاني… وأقوى من الأول… بعناد وتحدي أكبر
ولما تقع كمان مرة… ترجع أعلى من كل المرات اللي فاتت
وخليني أقولك مثال… وشوية أرقام
والمثال ده تقدر تتطبقه على أي حاجة تانية في الحياة
تعالى مثلا نتخيل إن إنت عاوز تخس من ١٠٠ كيلو… وتوصل ل ٥٠ كيلو
مثلا يعني… مثلاا يا سيدي
هاتبدأ أول مرة… وتخس مثلا ٥ كيلو وتبقى ٩٥ كيلو في مدة شهر مثلا… وده إنت كنت متحمس فيه
بس الطبيعي أوي… إنك بعد شهر… هاتفقد الحماس وهاتفقد كل حاجة… وترجع تبقى مثلا ٩٩ كيلو مثلا
ده طبيعي
بس الناس العادية… مش عارفين إن ده هو جزء أساسي من الرحلة
ومفيش حد بينجح من غيره
مفتاح النهاردة بقى بيغششك إيه؟
Bounce back
إرجع تاني… ببداية جديدة… وأقوى من الأول
إبدا تاني رحلة إنك تخس من ٩٩ كيلو … والمرة دي تحدى نفسك وعاند نفسك لغاية لما توصل لأقصى حاجة عاوزها…
خلينا نقول مثلا إنك كنت شاطر وعرفت توصل ل ٩٠ كيلوا
جميل أوي… الطبيعي إيه؟
أيوة شاطر
إنك هاتقع تاني
وهاتزهق وهاتبطل
بس المرة دي… ممكن تتخن تاني ل ٩٣ كيلو مثلا
مفيش مشكلة
هاتعاند نفسك
وتتحدى نفسك
وتبدأ من جديد
وتبدأ مرة أقوى من كل مرة فاتت… وتفضل تحارب لغاية لما توصل ل ٨٥ كيلو
…
وطبعا إنت مش محتاج إني أقولك… إنك هاتهبط مرة رابعة
ويمكن تزيد في الوزن ٥ كيلوا تاني وترجع ٩٠ كيلوا
… لكن شوف… حتى بعد لما زدت في الوزن ورجعت ٩٠ كيلوا
إنت لسه أقوى من الأول بكتير
ولما تبدأ تاني… المرة دي ممكن توصل ل ٨٠ كيلوا
وممكن تكمل لغاية لما توصل ل ٧٠ كيلوا
المهم… تفضل ترجع تاني… وترجع أقوى وأفظع من الأول
أنا هاكون صريح معاك
أنا النهاردة… قولتلك بجد… سر من أسرار الحياة
يعرفه كل الرياضيين الناجحين
ويعرفه كل الطلبة المتفوقين
ويعرفه كل الناس الناجحة نجاح كبير أوي في شغلها
ويعرفه كل واحد حقق نجاحات استثنائية في حياتك
الأساسي …. إنك هاتقع في كل حاجة صح وكويسة بتعملها
وده… يا إما يكون حافز شديد يخليك تقوم وتقف وترجع أقوى من الأول بتحدي و إنتقام
يا إما حد يضحك عليك ويفهمك إن إنت مش هاتعرف توصل
معاك السر … وطبقه في كل حاجة في حياتك
يعني لو إنت لاقيت نفسك لمدة يومين تلاتة كده, منتظم أوي في المذاكرة وبدأت ترجع تلحق نفسك
طبيعي أوي إنك بعدهم يوم أو يومين أو حتى تلاتة تقع تاني وماتعرفش ولا تذاكر ولا تركز… ده بيحصل
الشطارة بقى… إنك ترجع بإنتقام تاني
وتذاكر ٤ أيام بنظام من الأول تاني… وبتركيز
وبعدهم متوقع جدا إنك تقع يوم أو يومين
ها؟
مفتاح النجاح بتاع النهاردة إيه؟
أيوة…
Bounce Back
إرجع تاني أعلى من الأول
إرجع بإنتقام بجد
إرجع بتحدي بجد
إرجع وحقق أرقام أعلى من أعلى أرقام حققتها قبل كده
وده في كل حاجة في الحياة
في العبادة… لما تبدأ تنتظم… مش بعيد تقع … بس إرجع تاني بإنتقام وتحدي أعلى من الأول
في الرياضة… أكيد هاتبدأ بحماس… وهاتنتظم… وأكيد هاتوقف وهاتهبط… إرجع تاني بإنتقام وأعلى من الأول
في الشغل بتاعك ونجاحك في الحياة
في المذاكرة
في تعلم أي مهارة جديدة
في تعلم أي لغة جديدة
ده سر من أسرار الحياة
لازم هاتقع…. بس إنت خلاص معاك السر
إنت… ترجع تاني بإنتقام وبتحدي وبعناد … أعلى من الأول
تمام كده؟
متفق معايا في الكلام ده؟
عرفنا في كومنت, هل جربت بنفسك الموضوع ده قبل كده, ولا لسه هاتبدأ تنفذه من دلوقتي حالا؟
مرة تانية
إكتب كل حلقات مفاتيح النجاح في كراسة أو نوتة, كل مفتاح في صفحة, وفيه الأفكار الأساسية بتاعته
وتبص عليهم مع بعض مرة كده كل يوم
و إستمتع بحياة جميلة بجد وإنت بتنجز وبتنجح و بتبني شخص جميل وحبوب ويتاااااااكل أكل
إوعى تكون منتظرني أقولك إضغط لايك
لاااااااااا
لاااااااااا
دا إنت تبقى زي الواد سبايك… اللي مش عارف يدوس لايك!

[@osloop]

من الآخر كده… لازم هاتقع … ولازم “تختار بنفسك” إنك ترجع تقف تاني بتحدي وعناد أقوى من الأول

[@morsimahmoud2139]

شعور جميل أوي لما تلاقي الفيديو جي في وقته 🙂

[@doniaashraf3696]

ااه فعلا انا جربت الموضوع ده في الصلاة كنت في الأول بصلي بطريقة مش منتظمة و بعدين حاولت حاولت كتير و الحمد لله دلوقتي انتظمت

[@dkswl]

0:28

[@moathahmed3410]

صراحه لكم الف شكر وكتب الله لكم الاجر

[@dr.alaayhya482]

عايزين فيديو ثانوية عامة ٢٠٢١ دفعة التابلت علشان المشاكل اللي إحنا فيها من أسئلة صعبة وصعوبة التركيز والنوم الكتير والتحفيز

[@hebakwt3915]

‏كل ما تعسر عليكم أمر قولوا هذا الدعاء، بيقين تام واستشعروا معنى كل كلمة منه:

[@salma987]

"طبيعي إنك تقع ؛ بس الأهم إنك تقوم أقوى من الأول " ♡♡♡ ☆ 💛🌿💚💕🌿✌💪💪

[@ashrqatashraf5411]

ياه فعلا انتو قناه جميله جدا ومفيده انا سني 13 سنه ونفسي اقعد مع حضرتك قوي فعلا كل ما اشوف فيديو من فيديوهاتك بحس اني بتشجع اني اعرف مكان حضرتك واقعد مع حضرتك حتي 5 دقائق لايك عشان يشوف الكومنت لعلا وعسي نتقابل فعلا

[@miroslim9952]

الفيديو جه فى وقته و الله أنا فى أولى ثانوى عام أنا اللهم لك الحمد ممتازة جدا بس بجد أنا متلغبطة أوى الفترة و حاسه أن مش عارفة أذاكر مش عارفة فى أى بجد ادعولى أنا الحمد لله بقيت بحاول التزم بالعبادة وقرأءة القرأن أدعولى كتير بالله عليكم و شكرا لقناة أسلوب❤️

[@user-lm4zu3ri6f]

يارب وفقني في الثانوية العامة أنا ومن قال اميين

[@user-tb1jg4kj8c]

أجر لي ولك ⁦♥️⁩

[@oliviahany6142]

احسن حاجه لما تبقى قاعد في امان الله واسلوب تنزل فيديو في وقته 🌺🌺

[@muhammadatef8830]

يا اسلوب ارجوك ارجوك ارجوك حلقة عن الرياضيات ارجوك انا مش عارف ازاى افهمها

[@user352_9]

الفيديو ده جه في وقته حرفيا يعني انا ليا كذا يوم بذاكر بانتظام بس ليا يومين مش قادره اذاكر حاسه اني طاقتي انتهت وإنشاء ارجع أقف تاني حقيقي القناه ديه تستاهل لايك وسبسكرايب😍💙💙💓😊😊

[@mohamedkohif745]

يااخي والله لديك اسلوب يريح القلب ويزيل الهم حتى لو مؤقتا... وبتساعدنا نعمل إلى المفروض نعمله

[@midhuh7566]

انا فقد كل حاجه اول حاجه كنت متحمسه في الدراسه واحفظ واجتهد وبعدين وقفت فجاه ومش عارفه اعمل ايه وانا قولت لنفسي أن انا لو مش طلعت من الاوائل هنتحر وبعدين من النهارده هيدا بقوه ✌️✌️✨✨ الفيديو جيه في وقته

[@shwetarshwetat9416]

فعلا انا جربت الموضوع ده في الصلاه والمزاكره ونجحت 👌👌👌👌

[@user-ni7tf3ii1z]

كُلَّما تعلّقتَ بِشخصٍ تعلُّقًا أذاقكَ اللهُ مُرَّ التَّعلق!

[@tokasoror5174]

فعلا جربته كتير اوي في المذاكراه وف العباده وفعلا فرق معايا اوي .